ᱟᱫᱤᱛᱭᱚ ᱠᱩᱢᱟᱨ ᱢᱟᱱᱰᱤ
| ᱟᱫᱤᱛᱭᱚ ᱠᱩᱢᱟᱨ ᱢᱟᱱᱰᱤ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱟᱱᱩᱣᱟᱨᱤ ᱑᱙, ᱑᱙᱗᱔ ᱟᱹᱛᱩ - ᱵᱟᱨᱩᱜᱷᱩᱴᱩ, ᱰ.ᱚ-ᱪᱳᱛᱟᱲ, ᱯ.ᱚ - ᱥᱟᱨᱮᱸᱜᱟ, ᱦᱚᱱᱚᱛ - ᱵᱟᱸᱠᱩᱲᱟ, ᱯᱚᱪᱷᱤᱢ ᱵᱟᱝᱞᱟ, ᱯᱤᱱ - ᱗᱒᱒᱑᱕᱐ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱮᱴᱟᱜ ᱧᱩᱛᱩᱢ | ᱢᱟᱱᱰᱤ ᱠᱤᱥᱟᱹᱬ |
| ᱠᱟᱹᱢᱤ | ᱥᱤ.ᱟᱭ.ᱮᱥ.ᱮᱯᱷ ᱨᱮ ᱥᱟᱨᱵᱷᱤᱥ |
| ᱟᱯᱟᱛ ᱮᱸᱜᱟᱛ |
|
ᱟᱫᱤᱛᱭᱚ ᱠᱩᱢᱟᱨ ᱢᱟᱱᱰᱤ ᱫᱚ ᱢᱤᱫ ᱥᱟᱱᱛᱟᱲ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱑᱑ ᱥᱮᱨᱢᱟ ᱨᱮ ᱥᱟᱶᱦᱮᱫ ᱮᱠᱮᱰᱢᱤ ᱥᱤᱨᱯᱟᱹ ᱮ ᱦᱟᱢᱮᱴ ᱞᱮᱫᱟ᱾ ᱩᱱᱤ ᱫᱚ ᱥᱮᱱᱴᱨᱟᱞ ᱤᱱᱰᱟᱥᱴᱨᱤᱭᱟᱞ ᱥᱤᱠᱤᱣᱨᱤᱴᱤ ᱯᱷᱳᱨᱥ (CISF) ᱨᱮᱭ ᱠᱟᱹᱢᱤ ᱠᱟᱱᱟ᱾[᱑]
ᱡᱟᱱᱟᱢ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱫᱤᱛᱭᱚ ᱠᱩᱢᱟᱨ ᱢᱟᱱᱰᱤ ᱟᱜ ᱡᱟᱱᱟᱢ ᱫᱚ ᱑᱙ ᱡᱟᱱᱩᱣᱟᱨᱤ ᱑᱙᱗᱔ ᱥᱟᱞ ᱨᱮ ᱦᱩᱭ ᱞᱮᱱᱟ᱾ ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱨᱟᱵᱚᱱ ᱢᱟᱱᱰᱤ ᱟᱨ ᱟᱭᱳ ᱫᱚ ᱢᱩᱠᱷᱤ᱾ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱑᱙᱘᱔ ᱥᱟᱞ ᱨᱮ ᱵᱟᱸᱫᱚᱨᱥᱳᱞ ᱵᱳᱨᱰ ᱯᱨᱟᱭᱢᱟᱨᱤ ᱥᱠᱩᱞ ᱠᱷᱚᱱ ᱮᱦᱚᱵ ᱞᱮᱱᱟ᱾ ᱑᱙᱙᱑ ᱥᱟᱞ ᱨᱮ ᱫᱷᱟᱱᱟᱲᱟ ᱵᱤᱠᱨᱚᱢᱯᱩᱨ ᱤᱭᱩᱱᱤᱭᱚᱱ ᱥᱭᱟᱢᱟᱯᱨᱚᱥᱟᱫᱽ ᱢᱮᱢᱳᱨᱤᱭᱟᱞ ᱦᱟᱭ ᱥᱠᱩᱞ ᱠᱷᱚᱱ ᱢᱮᱴᱨᱤᱠ ᱮ ᱯᱟᱥ ᱞᱮᱫᱟ ᱟᱨ ᱒᱐᱐᱑ ᱥᱟᱞ ᱨᱮ ᱵᱷᱤᱨᱤᱝᱜᱤ ᱴᱤ. ᱮᱱ. ᱤᱱᱥᱴᱤᱴᱤᱭᱩᱴ ᱠᱷᱚᱱ ᱦᱟᱭᱟᱨ ᱥᱮᱠᱮᱱᱰᱟᱨᱤ (HS) ᱮ ᱯᱟᱥ ᱞᱮᱫᱟ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱫᱤᱛᱭᱚ ᱠᱩᱢᱟᱨ ᱢᱟᱱᱰᱤ ᱟᱜ ᱩᱢᱮᱨ ᱡᱚᱠᱷᱚᱱ ᱑᱒ ᱥᱮᱨᱢᱟ ᱩᱱ ᱡᱚᱠᱷᱮᱡ ᱵᱟᱸᱠᱩᱲᱟ ᱨᱮᱭᱟᱜ ᱵᱟᱨᱩᱜᱷᱩᱴᱩ ᱟᱹᱛᱩ ᱨᱮᱱ ᱦᱚᱲ ᱩᱱᱤ ᱟᱡ ᱵᱟᱵᱟ ᱛᱟᱹᱠᱤᱱ ᱠᱚ ᱵᱤᱴᱟᱹᱞ ᱞᱮᱫ ᱠᱤᱱᱟ᱾ ᱪᱮᱫᱟᱜ ᱥᱮ ᱟᱡ ᱵᱟᱵᱟ ᱮᱴᱟᱜ ᱪᱟᱹᱥᱤ ᱴᱷᱮᱱ ᱠᱷᱚᱱ ᱵᱟᱨ ᱵᱤᱜᱷᱟᱹ ᱠᱷᱮᱛ ᱮ ᱠᱤᱨᱤᱧ ᱞᱮᱫᱟ᱾[᱒] ᱚᱸᱰᱮᱱᱟᱜ ᱨᱟᱹᱭᱨᱤᱛ ᱞᱮᱠᱟᱛᱮ, ᱩᱱᱠᱩ ᱫᱚ ᱠᱷᱟᱹᱞᱤ ᱦᱟᱯᱲᱟᱢ ᱠᱚᱣᱟᱜ ᱡᱟᱭᱜᱟ ᱨᱮᱱ ᱢᱟᱹᱞᱤᱠ ᱠᱚ ᱦᱩᱭ ᱫᱟᱲᱮᱭᱟᱜᱼᱟ᱾ ᱱᱚᱣᱟ ᱜᱷᱚᱴᱚᱱ ᱛᱟᱭᱚᱢ ᱩᱱᱠᱩ ᱫᱚ ᱟᱹᱰᱤ ᱮᱴᱠᱮᱴᱚᱬᱮ ᱨᱮᱠᱚ ᱧᱩᱨ ᱞᱮᱱᱟ᱾ ᱩᱱᱠᱩ ᱫᱚ ᱟᱹᱛᱩ ᱨᱮᱱ ᱚᱠᱚᱭ ᱥᱟᱶ ᱦᱚᱸ ᱵᱟᱝᱠᱚ ᱨᱚᱲ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱱᱟ, ᱟᱹᱛᱩ ᱨᱮᱭᱟᱜ ᱠᱩᱸᱧ ᱦᱚᱸ ᱵᱟᱠᱚ ᱵᱮᱵᱷᱟᱨ ᱧᱟᱢᱮᱫ ᱠᱟᱱ ᱛᱟᱦᱮᱸᱱᱟ ᱟᱨ ᱟᱠᱚᱣᱟᱜ ᱡᱟᱭᱜᱟ ᱦᱚᱠᱚ ᱨᱮᱡ ᱞᱮᱫ ᱠᱚᱣᱟ᱾ ᱢᱤᱫ ᱫᱤᱱ ᱟᱡ ᱵᱟᱵᱟ ᱚᱲᱟᱜ ᱠᱷᱚᱱᱮ ᱧᱤᱨ ᱮᱱᱟ ᱟᱨ ᱛᱤᱥ ᱦᱚᱸ ᱵᱟᱭ ᱨᱩᱣᱟᱹᱲ ᱦᱮᱡ ᱞᱮᱱᱟ᱾ ᱟᱡᱟᱜ ᱠᱟᱛᱷᱟ ᱞᱮᱠᱟᱛᱮ, ᱱᱚᱣᱟ ᱜᱷᱚᱴᱚᱱ ᱠᱷᱚᱱ ᱮ ᱩᱱᱤ ᱚᱼᱚᱞ ᱨᱮᱭᱟᱜ ᱩᱫᱽᱜᱟᱹᱣ ᱮ ᱧᱟᱢ ᱞᱮᱫᱟ᱾[᱒]
ᱥᱟᱶᱦᱮᱫ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱱᱰᱤᱭᱟᱜ ᱯᱩᱭᱞᱩ ᱚᱱᱚᱬᱦᱮᱸ ᱫᱚ "ᱟᱢ ᱫᱚ ᱚᱠᱚᱭ?" ᱠᱟᱱᱟ, ᱡᱟᱦᱟᱸ ᱫᱚ ᱑᱙᱙᱕ ᱥᱟᱞ ᱨᱮ 'ᱮᱵᱷᱮᱱ ᱥᱟᱠᱳᱣᱟ' ᱯᱟᱛᱷᱟᱢ ᱨᱮ ᱩᱪᱷᱟᱹᱱ ᱞᱮᱱᱟ᱾ ᱟᱡᱟᱜ ᱯᱩᱭᱞᱩ ᱠᱟᱹᱦᱱᱤ "ᱪᱷᱟᱯᱟᱰᱟᱣ" (ᱵᱤᱪᱷᱮᱫ) 'ᱪᱤᱴᱷᱤ ᱥᱟᱠᱟᱢ' ᱯᱟᱛᱷᱟᱢ ᱨᱮ ᱩᱪᱷᱟᱹᱱ ᱞᱮᱱᱟ᱾ ᱒᱐᱑᱑ ᱨᱮ ᱩᱱᱤ ᱟᱡᱟᱜ ᱚᱱᱚᱬᱦᱮᱸ ᱵᱟᱧᱪᱟᱣ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱥᱟᱶᱦᱮᱫ ᱮᱠᱮᱰᱢᱤ ᱥᱤᱨᱯᱟᱹ ᱛᱮᱠᱚ ᱢᱟᱹᱱ ᱵᱮᱵᱷᱟᱨ ᱞᱮᱫᱮᱭᱟ᱾[᱓] ᱒᱐᱒᱑ ᱨᱮᱭᱟᱜ ᱦᱤᱥᱟᱹᱵᱽ ᱛᱮ ᱩᱱᱤ ᱫᱚ ᱟᱡᱟᱜ ᱡᱤᱭᱚᱱᱤ ᱥᱟᱶᱛᱮ ᱑᱔ ᱜᱟᱴᱟᱱ ᱥᱟᱱᱛᱟᱲᱤ ᱯᱩᱛᱷᱤ ᱮ ᱪᱷᱟᱯᱟ ᱥᱚᱫᱚᱨ ᱟᱠᱟᱫᱟ᱾[᱒]
ᱚᱱᱚᱞ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱤᱯᱤᱞ (ᱚᱱᱚᱬᱦᱮᱸ ᱑᱙᱙᱖)
- ᱵᱟᱧᱪᱟᱣᱚᱜ ᱰᱟᱦᱟᱨ (ᱚᱱᱚᱞ ᱑᱙᱙᱗)
- ᱥᱚᱨᱮᱥ ᱥᱤᱨᱡᱚᱱᱨᱮ ᱡᱟᱱᱟᱢ ᱟᱭᱚ (ᱚᱱᱚᱞ ᱑᱙᱙᱙)
- ᱟᱹᱠᱤᱞ ᱟᱦᱞᱟ (ᱚᱱᱚᱬᱦᱮᱸ ᱒᱐᱐᱐)
- ᱦᱩᱫᱤᱥ (ᱚᱱᱚᱞ ᱒᱐᱐᱑)
- ᱟᱞᱮ ᱟᱛᱳᱨᱮ (ᱚᱱᱚᱬᱦᱮᱸ ᱒᱐᱐᱒)
- ᱢᱤᱫ ᱚᱱᱚᱬᱦᱤᱭᱟᱹ ᱡᱤᱭᱚᱱᱨᱮ (ᱱᱤᱡᱚᱨᱟᱜ ᱡᱤᱭᱚᱱᱤ ᱒᱐᱐᱒)
- ᱚᱠᱚᱭ ᱪᱮᱫ ᱠᱚ ᱢᱮᱱ ᱮᱫᱟ (᱒᱐᱐᱓)
- ᱢᱟᱹᱱᱢᱤ (ᱠᱷᱟᱴᱚ ᱠᱟᱹᱦᱱᱤ ᱒᱐᱐᱓)
- ᱥᱤᱯᱟᱹᱦᱤ (ᱚᱱᱚᱬᱦᱮᱸ ᱒᱐᱐᱓)
- ᱠᱷᱮᱨᱣᱟᱞ ᱥᱟᱶᱛᱟᱨᱮ ᱚᱱᱚᱞᱤᱭᱟᱹ ᱠᱚᱣᱟᱜ ᱡᱤᱭᱚᱱ ᱮᱱᱮᱢ (ᱡᱤᱭᱚᱱᱤ ᱒᱐᱐᱗)
- ᱵᱟᱧᱪᱟᱣ ᱞᱟᱹᱰᱷᱟᱹᱭ (ᱚᱱᱚᱬᱦᱮᱸ ᱒᱐᱐᱘)
- ᱢᱤᱫ ᱚᱱᱚᱬᱦᱤᱭᱟᱹ ᱡᱤᱭᱚᱱ (᱒᱐᱐᱙)
- ᱠᱷᱮᱨᱣᱟᱞ ᱥᱟᱶᱛᱟᱨᱮ ᱚᱱᱚᱞᱤᱭᱟᱹ ᱠᱚᱣᱟᱜ ᱡᱤᱭᱚᱱ ᱮᱱᱮᱢ ᱫᱚᱥᱟᱨ ᱦᱟᱹᱴᱤᱧ (ᱡᱤᱭᱚᱱᱤ ᱒᱐᱑᱐)
- ᱞᱩᱜᱷᱩᱵᱩᱨᱩ ᱜᱷᱟᱱᱴᱟᱵᱟᱨᱤ (ᱚᱱᱚᱬᱦᱮᱸ ᱒᱐᱑᱑)
- ᱯᱟᱦᱟᱲ ᱯᱟᱲ ᱦᱩᱞ ᱯᱷᱩᱞ (ᱦᱤᱱᱫᱤ ᱚᱱᱚᱬᱦᱮᱸ ᱒᱐᱑᱕)[᱔]
ᱥᱤᱨᱯᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- AISWA ᱯᱟᱦᱴᱟ ᱠᱷᱚᱱ "Poet of the year 2000" ᱥᱤᱨᱯᱟᱹ᱾
- ᱫᱩᱨᱜᱟᱯᱩᱨ ᱨᱮᱱᱟᱜ "ᱟᱠᱚᱨᱤ ᱜᱟᱶᱛᱟ" ᱯᱟᱦᱴᱟ ᱠᱷᱚᱱ ᱢᱟᱱᱚᱛ ᱥᱟᱠᱟᱢ᱾
- ᱥᱟᱶᱦᱮᱫ ᱮᱠᱮᱰᱢᱤ ᱥᱤᱨᱯᱟᱹ (᱒᱐᱑᱑)
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "CISF observes 43rd Raising Day". The Times of India. 11 March 2012. Retrieved 27 November 2019.
- 1 2 3 "Sahitya Akademi awardee is a CISF constable". The Indian Express. 24 February 2012. Retrieved 27 November 2019.
- ↑ "AKADEMI AWARDS (1955-2018)". Sahitya Akademi. Retrieved 20 November 2019.
- ↑ "पहाड़ पर हूल फूल". Bharatavani. Retrieved 18 January 2026.
{{cite web}}: Text "%20Pahar%20Par%20Hool%20Phool" ignored (help)