ᱟᱫᱤᱛᱭᱚ ᱠᱩᱢᱟᱨ ᱢᱟᱸᱰᱤ
| ᱟᱫᱤᱛᱭᱚ ᱠᱩᱢᱟᱨ ᱢᱟᱸᱰᱤ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱙ ᱡᱟᱱᱩᱣᱟᱨᱤ ᱑᱙᱗᱔ ᱟᱹᱛᱩ - ᱵᱩᱨᱩᱜᱷᱩᱴᱩ, ᱰ.ᱚ-ᱪᱟᱶᱴᱮᱨ, ᱯ.ᱚ - ᱥᱮᱨᱮᱝᱜᱟ, ᱦᱚᱱᱚᱛ - ᱵᱟᱸᱠᱩᱲᱟ, ᱯᱚᱪᱷᱤᱢ ᱵᱟᱝᱞᱟ, ᱯᱤᱱ - ᱗᱒᱒᱑᱕᱐ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱮᱴᱟᱜ ᱧᱩᱛᱩᱢ | ᱢᱟᱸᱰᱤ ᱠᱤᱥᱟᱹᱬ |
| ᱠᱟᱹᱢᱤ | ᱥᱤ.ᱟᱭ.ᱮᱥ.ᱮᱯᱷ ᱨᱮ ᱥᱟᱨᱵᱷᱤᱥ |
ᱟᱫᱤᱛᱭᱚ ᱠᱩᱢᱟᱨ ᱢᱟᱸᱰᱤ ᱫᱚ ᱢᱤᱫ ᱥᱟᱱᱛᱟᱲ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱒᱐᱑᱑ ᱥᱮᱨᱢᱟ ᱨᱮ ᱥᱟᱶᱦᱮᱫ ᱮᱠᱮᱰᱢᱤ ᱥᱤᱨᱯᱟᱹ ᱮ ᱦᱟᱢᱮᱴ ᱞᱮᱱᱟ ᱾ ᱩᱱᱤ ᱫᱚ ᱥᱮᱱᱴᱨᱟᱞ ᱤᱱᱰᱟᱥᱴᱨᱤᱭᱟᱞ ᱥᱤᱠᱤᱣᱨᱤᱴᱤ ᱯᱷᱳᱨᱥ ᱨᱮᱭ ᱠᱟᱹᱢᱤ ᱠᱟᱱᱟ ᱾[᱑]
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱫᱤᱛᱭᱚ ᱠᱩᱢᱟᱨ ᱢᱟᱸᱰᱤ ᱟᱜ ᱩᱢᱮᱨ ᱡᱚᱠᱷᱚᱱ ᱑᱒ ᱥᱮᱨᱢᱟ ᱩᱱ ᱡᱚᱠᱷᱮᱡ ᱵᱟᱸᱠᱩᱲᱟ ᱨᱮᱭᱟᱜ ᱵᱩᱨᱩᱜᱷᱩᱴᱩ ᱟᱹᱛᱩ ᱨᱮᱱ ᱦᱚᱲ ᱩᱱᱤ ᱟᱡ ᱵᱟᱵᱟ ᱛᱟᱹᱠᱤᱱ ᱠᱚ ᱵᱤᱴᱟᱹᱞ ᱞᱮᱫ ᱠᱤᱱᱟ ᱾ ᱪᱮᱫᱟᱜ ᱥᱮ ᱟᱡ ᱵᱟᱵᱟ ᱮᱴᱟᱜ ᱪᱟᱹᱥᱤ ᱴᱷᱮᱱ ᱠᱷᱚᱱ ᱵᱟᱨ ᱵᱤᱜᱷᱟᱹ ᱠᱷᱮᱛ ᱮ ᱠᱤᱨᱤᱧ ᱞᱮᱫᱟ ᱾[᱒] ᱚᱸᱰᱮᱱᱟᱜ ᱨᱟᱹᱭᱨᱤᱛ ᱞᱮᱠᱟᱛᱮ, ᱩᱱᱠᱩ ᱫᱚ ᱠᱷᱟᱹᱞᱤ ᱦᱟᱯᱲᱟᱢ ᱠᱚᱣᱟᱜ ᱡᱟᱭᱜᱟ ᱨᱮᱱ ᱢᱟᱹᱞᱤᱠ ᱠᱚ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱜᱷᱚᱴᱚᱱ ᱛᱟᱭᱚᱢ ᱩᱱᱠᱩ ᱫᱚ ᱟᱹᱰᱤ ᱮᱴᱠᱮᱴᱚᱬᱮ ᱨᱮᱠᱚ ᱧᱩᱨ ᱞᱮᱱᱟ ᱾ ᱩᱱᱠᱩ ᱫᱚ ᱟᱹᱛᱩ ᱨᱮᱱ ᱚᱠᱚᱭ ᱥᱟᱶ ᱦᱚᱸ ᱵᱟᱝᱠᱚ ᱨᱚᱲ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱱᱟ, ᱟᱹᱛᱩ ᱨᱮᱭᱟᱜ ᱠᱩᱸᱧ ᱦᱚᱸ ᱵᱟᱠᱚ ᱵᱮᱵᱷᱟᱨ ᱧᱟᱢᱮᱫ ᱠᱟᱱ ᱛᱟᱦᱮᱸᱱᱟ ᱟᱨ ᱟᱠᱚᱣᱟᱜ ᱡᱟᱭᱜᱟ ᱦᱚᱠᱚ ᱨᱮᱡ ᱞᱮᱫ ᱠᱚᱣᱟ ᱾ ᱢᱤᱫ ᱫᱤᱱ ᱟᱡ ᱵᱟᱵᱟ ᱚᱲᱟᱜ ᱠᱷᱚᱱᱮ ᱧᱤᱨ ᱮᱱᱟ ᱟᱨ ᱛᱤᱥ ᱦᱚᱸ ᱵᱟᱭ ᱨᱩᱣᱟᱹᱲ ᱦᱮᱡ ᱞᱮᱱᱟ ᱾ ᱟᱡᱟᱜ ᱠᱟᱛᱷᱟ ᱞᱮᱠᱟᱛᱮ, ᱱᱚᱣᱟ ᱜᱷᱚᱴᱚᱱ ᱠᱷᱚᱱ ᱮ ᱩᱱᱤ ᱚᱼᱚᱞ ᱨᱮᱭᱟᱜ ᱩᱫᱽᱜᱟᱹᱣ ᱮ ᱧᱟᱢ ᱞᱮᱫᱟ ᱾[᱒]
ᱢᱟᱸᱰᱤᱭᱟᱜ ᱯᱩᱭᱞᱩ ᱚᱱᱚᱬᱦᱮᱸ ᱟᱢ ᱫᱚ ᱚᱠᱷᱟᱞ ᱠᱟ ᱠᱟᱱᱟ ᱾[᱒] ᱒᱐᱑᱑ ᱨᱮ ᱩᱱᱤ ᱟᱡᱟᱜ ᱚᱱᱚᱬᱦᱮᱸ ᱵᱟᱧᱪᱟᱣ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱥᱟᱶᱦᱮᱫ ᱮᱠᱮᱰᱢᱤ ᱥᱤᱨᱯᱟᱹ ᱛᱮᱠᱚ ᱢᱟᱹᱱ ᱵᱮᱵᱷᱟᱨ ᱞᱮᱫᱮᱭᱟ ᱾[᱓] ᱒᱐᱒᱑ ᱨᱮᱭᱟᱜ ᱦᱤᱥᱟᱹᱵᱽ ᱛᱮ ᱩᱱᱤ ᱫᱚ ᱟᱡᱟᱜ ᱡᱤᱭᱚᱱᱤ ᱥᱟᱶᱛᱮ ᱑᱔ ᱜᱟᱴᱟᱱ ᱥᱟᱱᱛᱟᱲᱤ ᱯᱩᱛᱷᱤ ᱮ ᱪᱷᱟᱯᱟ ᱥᱚᱫᱚᱨ ᱟᱠᱟᱫᱟ ᱾[᱒]
ᱚᱱᱚᱞ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱤᱯᱤᱞ (ᱚᱱᱚᱬᱦᱮᱸ ᱑᱙᱙᱖),
- ᱵᱟᱧᱪᱟᱣᱚᱜ ᱰᱟᱦᱟᱨ (ᱚᱱᱚᱞ ᱑᱙᱙᱗),
- ᱥᱚᱨᱮᱥ ᱥᱤᱨᱡᱚᱱᱨᱮ ᱡᱟᱱᱟᱢ ᱟᱭᱚ (ᱚᱱᱚᱞ ᱑᱙᱙᱙),
- ᱟᱹᱠᱤᱞ ᱟᱦᱞᱟ (ᱚᱱᱚᱬᱦᱮᱸ ᱒᱐᱐᱐),
- ᱦᱩᱫᱤᱥ (ᱚᱱᱚᱞ ᱒᱐᱐᱑),
- ᱟᱞᱮ ᱟᱛᱳᱨᱮ (ᱚᱱᱚᱬᱦᱮᱸ ᱒᱐᱐᱒),
- ᱢᱤᱫ ᱚᱱᱚᱬᱦᱤᱭᱟᱹ ᱡᱤᱭᱚᱱᱨᱮ (ᱱᱤᱡᱚᱨᱟᱜ ᱡᱤᱭᱚᱱᱤ ᱒᱐᱐᱒),
- ᱢᱟᱹᱱᱢᱤ (ᱠᱷᱟᱴᱚ ᱠᱟᱹᱦᱱᱤ ᱒᱐᱐᱓),
- ᱥᱤᱯᱟᱹᱦᱤ (ᱚᱱᱚᱬᱦᱮᱸ ᱒᱐᱐᱓),
- ᱠᱷᱮᱨᱣᱟᱞ ᱥᱟᱶᱛᱟᱨᱮ ᱚᱱᱚᱞᱤᱭᱟᱹ ᱠᱚᱣᱟᱜ ᱡᱤᱭᱚᱱ ᱮᱱᱮᱢ (ᱡᱤᱭᱚᱱᱤ ᱒᱐᱐᱗),
- ᱵᱟᱧᱪᱟᱣ ᱞᱟᱹᱰᱷᱟᱹᱭ (ᱚᱱᱚᱬᱦᱮᱸ ᱒᱐᱐᱘),
- ᱢᱤᱫ ᱚᱱᱚᱬᱦᱤᱭᱟᱹ ᱡᱤᱭᱚᱱ (᱒᱐᱐᱙),
- ᱠᱷᱮᱨᱣᱟᱞ ᱥᱟᱶᱛᱟᱨᱮ ᱚᱱᱚᱞᱤᱭᱟᱹ ᱠᱚᱣᱟᱜ ᱡᱤᱭᱚᱱ ᱮᱱᱮᱢ ᱫᱚᱥᱟᱨ ᱦᱟᱹᱴᱤᱧ (ᱡᱤᱭᱚᱱᱤ ᱒᱐᱑᱐)᱾
- ᱞᱩᱜᱷᱩᱵᱩᱨᱩ ᱜᱷᱟᱱᱴᱟᱵᱟᱨᱤ (ᱚᱱᱚᱬᱦᱮᱸ ᱒᱐᱑᱑)
ᱥᱟᱹᱠᱷᱟᱹᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "CISF observes 43rd Raising Day". The Times of India. 11 March 2012. Retrieved 27 November 2019.
- ↑ ᱒.᱐ ᱒.᱑ ᱒.᱒ ᱒.᱓ "Sahitya Akademi awardee is a CISF constable". The Indian Express. 24 February 2012. Retrieved 27 November 2019.
- ↑ "AKADEMI AWARDS (1955-2018)". Sahitya Akademi. Retrieved 20 November 2019.