ᱟᱯᱷᱨᱤᱠᱟᱱ ᱤᱣᱱᱤᱭᱚᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱟᱯᱷᱨᱤᱠᱟᱱ ᱤᱭᱩᱱᱤᱭᱚᱱ ᱫᱚ ᱢᱤᱫ ᱤᱱᱴᱟᱨᱱᱮᱥᱱᱟᱞ ᱚᱨᱜᱟᱱᱟᱭᱡᱮᱥᱚᱱ ᱠᱟᱱᱟ, ᱚᱠᱟ ᱫᱚ ᱟᱯᱷᱨᱤᱠᱟ ᱨᱮᱱᱟᱜ ᱕᱕ ᱜᱚᱴᱮᱡ ᱫᱤᱥᱚᱢ ᱠᱚ ᱥᱮᱞᱮᱫ ᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱦᱮᱰᱠᱚᱣᱟᱨᱴᱟᱨ ᱫᱚ ᱤᱛᱷᱤᱭᱳᱯᱤᱭᱟ ᱨᱮᱱᱟᱜ ᱨᱟᱡᱽᱫᱷᱟᱹᱱᱤ ᱟᱫᱫᱤᱥ ᱟᱵᱟᱵᱟ ᱨᱮ ᱢᱮᱱᱟᱜᱼᱟ ᱾ ᱟᱯᱷᱨᱤᱠᱟ ᱥᱟᱵᱠᱚᱱᱴᱤᱱᱮᱱᱴ ᱨᱮᱱᱟᱜ ᱫᱤᱥᱚᱢ ᱠᱚ ᱛᱟᱞᱟ ᱨᱮ ᱜᱚᱲᱚ ᱜᱚᱯᱲᱚ ᱛᱤᱸᱜᱩᱭ ᱞᱟᱹᱜᱤᱫ ᱛᱮ ᱟᱯᱷᱨᱤᱠᱟ ᱤᱭᱩᱱᱤᱭᱚᱱ ᱫᱚ ᱵᱮᱱᱟᱣ ᱨᱟᱠᱟᱵ ᱟᱠᱟᱱᱟ ᱾ ᱒᱒-᱒᱕ ᱢᱮ ᱑᱙᱖᱓ ᱥᱟᱞ ᱨᱮ ᱟᱯᱷᱨᱤᱠᱟ ᱨᱮᱱ ᱓᱒ ᱫᱤᱥᱚᱢ ᱨᱮᱱ ᱢᱩᱠᱷᱤᱭᱟᱹ ᱠᱚ ᱤᱛᱷᱤᱣᱯᱤᱭᱟ ᱨᱮᱱᱟᱜ ᱨᱟᱡᱽᱫᱷᱟᱹᱱᱤ ᱟᱫᱫᱤᱥ ᱟᱵᱟᱵᱟ ᱨᱮ ᱠᱚ ᱥᱮᱢᱞᱮᱫ ᱞᱮᱱᱟ ᱾ ᱚᱱᱟ ᱥᱮᱢᱞᱮᱫ ᱨᱮ ᱥᱚᱱᱚᱫᱽ ᱟᱛᱟᱝ ᱢᱩᱫᱽ ᱛᱮ ᱒᱕ ᱢᱮ ᱑᱙᱖᱓ ᱥᱮᱨᱢᱟ ᱨᱮ Organisation of African Unity (OAU) ᱛᱤᱸᱜᱩ ᱮᱱᱟ ᱾ ᱒᱕ ᱢᱮ ᱢᱟᱹᱦᱤᱛ ᱫᱚ ᱟᱯᱷᱨᱤᱠᱟ ᱯᱷᱩᱨᱜᱟᱹᱞ ᱢᱟᱦᱟ ᱱᱮᱸᱰᱟᱭᱮᱱᱟ ᱾ ᱱᱚᱶᱟ ᱥᱚᱝᱥᱛᱷᱟ ᱨᱮᱱᱟᱜ ᱨᱮᱦᱮᱫ ᱠᱟᱛᱷᱟ ᱫᱚ – ᱟᱯᱷᱨᱤᱠᱟ ᱨᱮᱱᱟᱜ ᱫᱤᱥᱚᱢ ᱠᱚ ᱛᱟᱞᱟ ᱨᱮ ᱤᱭᱩᱱᱤᱴᱤ, ᱜᱚᱲᱚ ᱜᱚᱯᱚ ᱠᱮᱴᱮᱡ, ᱚᱸᱰᱮᱱᱟᱜ ᱮᱨᱤᱭᱟ ᱰᱮᱵᱷᱮᱞᱚᱯ, ᱟᱯᱷᱨᱤᱠᱟ ᱨᱮᱱᱟᱜ ᱫᱤᱥᱚᱢ ᱠᱚ ᱨᱮᱱᱟᱜ ᱥᱳᱵᱷᱮᱨᱮᱱᱴᱤ ᱟᱨ ᱯᱷᱩᱨᱜᱟᱹᱞ ᱫᱟᱨᱟᱢ ᱫᱚᱦᱚ ᱟᱨ ᱚᱱᱟ ᱥᱟᱶ ᱤᱱᱴᱟᱨᱱᱮᱥᱱᱟᱞ ᱜᱚᱲᱚ ᱦᱟᱛᱟᱣ ᱾ ᱒᱒ ᱯᱷᱮᱵᱨᱩᱣᱟᱨᱤ ᱑᱙᱘᱒ ᱯᱟᱹᱪᱷᱤᱢ ᱥᱟᱦᱟᱨᱟ ᱟᱯᱷᱨᱤᱠᱟᱱ ᱤᱭᱩᱱᱤᱭᱚᱱ ᱨᱮ ᱥᱮᱞᱮᱫ ᱮᱱ ᱛᱮ ᱵᱮᱱᱟᱣ ᱚᱠᱛᱮ ᱨᱮᱱ ᱢᱮᱢᱵᱟᱨ ᱢᱚᱨᱚᱠᱠᱳ ᱑᱒ ᱱᱚᱵᱷᱮᱢᱵᱚᱨ ᱑᱙᱘᱔ ᱟᱯᱷᱨᱤᱠᱟᱱ ᱤᱭᱩᱱᱤᱭᱚᱱ ᱠᱷᱚᱱ ᱮ ᱩᱰᱩᱜ ᱮᱱᱟ ᱾ ᱢᱚᱨᱚᱠᱠᱳ ᱫᱚ ᱯᱟᱹᱪᱷᱤᱢ ᱥᱟᱦᱟᱨᱟ ᱫᱚ ᱟᱠᱚᱣᱟᱜ ᱫᱟᱹᱠᱷᱤᱱ ᱯᱨᱚᱫᱮᱥ ᱢᱮᱱ ᱛᱮ ᱠᱚ ᱢᱮᱛᱟᱜᱼᱟ ᱾ ᱑᱙᱗᱕ ᱥᱮᱨᱢᱟ ᱨᱮ ᱢᱚᱨᱚᱠᱠᱳ ᱯᱟᱹᱪᱷᱤᱢ ᱥᱟᱦᱟᱨᱟ ᱫᱚ ᱟᱠᱚᱣᱟᱜ ᱫᱤᱥᱟᱹᱢ ᱥᱟᱶ ᱠᱚ ᱥᱮᱞᱮᱫ ᱠᱮᱫᱼᱟ ᱾ ᱙ ᱡᱩᱞᱟᱭ ᱒᱐᱐᱒ OAU ᱨᱮᱱᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮ African Union (AU) ᱦᱩᱭᱮᱱᱟ ᱾ ᱒᱕ ᱢᱮ ᱒᱐᱑᱓ ᱟᱯᱷᱨᱤᱠᱟᱱ ᱤᱭᱩᱱᱤᱭᱚᱱ ᱨᱮᱱᱟᱜ ᱕᱐ ᱥᱮᱨᱢᱟ ᱯᱩᱨᱟᱹᱣ ᱮᱱᱟ ᱾ ᱓᱓ ᱥᱮᱨᱢᱟ ᱛᱟᱭᱚᱱ ᱓᱐ ᱡᱟᱱᱩᱣᱟᱨᱤ ᱒᱐᱑᱗ ᱨᱮ ᱢᱚᱨᱚᱠᱠᱳ ᱫᱚ ᱟᱨ ᱦᱚᱸ ᱟᱯᱷᱨᱤᱠᱟᱱ ᱤᱭᱩᱱᱤᱭᱚᱱ ᱨᱮ ᱥᱮᱞᱮᱫ ᱨᱩᱣᱟᱹᱲ ᱮᱱᱟ ᱾ ᱚᱱᱟ ᱛᱮ ᱟᱯᱷᱨᱤᱠᱟᱱ ᱤᱭᱩᱱᱤᱭᱚᱱ ᱨᱮᱱ ᱧᱤᱛᱚᱜ ᱢᱮᱢᱵᱟᱨ ᱫᱚ ᱕᱕ ᱜᱚᱴᱮᱡ ᱦᱩᱭ ᱮᱱᱟ ᱾ ᱥᱮᱫᱟᱭ ᱨᱮᱱᱟᱜ ᱟᱯᱷᱨᱤᱠᱟᱱ ᱠᱟᱹᱣᱰᱤ ᱠᱚᱢᱤᱣᱱᱤᱴᱤ (African Economic Community) ᱟᱨ ᱚᱨᱜᱟᱱᱟᱭᱡᱮᱥᱚᱱ ᱚᱯᱷ ᱟᱯᱷᱨᱤᱠᱟᱱ ᱤᱭᱩᱱᱤᱴᱤ (Organisation of African Unity) ᱱᱚᱶᱟ ᱵᱟᱨᱮᱭᱟ ᱥᱚᱝᱥᱛᱷᱟ ᱢᱤᱫ ᱠᱟᱛᱮ ᱟᱯᱷᱨᱤᱠᱟᱱ ᱤᱭᱩᱱᱤᱭᱚᱱ ᱵᱮᱱᱟᱣ ᱟᱠᱟᱱᱟ ᱾

ᱟᱯᱷᱨᱤᱠᱟᱱ ᱤᱣᱱᱤᱭᱚᱱ

ᱢᱮᱢᱵᱟᱨ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱯᱷᱨᱤᱠᱟᱱ ᱤᱣᱱᱤᱭᱚᱱ ᱨᱮᱭᱟᱜ ᱕᱕ ᱜᱚᱴᱮᱡ ᱢᱮᱢᱵᱟᱨ ᱫᱤᱥᱟᱹᱢ ᱠᱚᱣᱟᱜ ᱧᱤᱛᱩᱢ–

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱴᱟᱜ ᱥᱚᱝᱜᱮᱛᱮᱱᱟᱜ ᱡᱟᱜᱟ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]