ᱠᱚᱞᱟᱢᱚᱱᱰᱚᱞᱚᱢ ᱠᱚᱞᱭᱟᱱᱤᱠᱩᱴᱴᱤ ᱟᱢᱢᱟ
ᱠᱚᱞᱟᱢᱚᱱᱰᱚᱞᱚᱢ ᱠᱚᱞᱭᱟᱱᱤᱠᱩᱴᱴᱤ ᱟᱢᱢᱟ (᱑᱙᱑᱕-᱑᱙᱙᱙) ᱫᱚ ᱫᱩᱠᱷᱤᱱ ᱥᱤᱧᱚᱛ ᱨᱮᱱᱟᱜ ᱠᱮᱨᱚᱲ ᱠᱷᱚᱱ ᱭᱩᱜᱟᱱᱛᱚᱨᱠᱟᱨᱤ ᱢᱳᱦᱤᱱᱤᱚᱴᱴᱚᱢ ᱱᱟᱪᱚᱱᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ [᱑]
ᱩᱱᱤ ᱫᱚ ᱯᱚᱱᱚᱛ ᱨᱮᱱᱟᱜ ᱢᱚᱞᱯᱩᱨᱚᱢ ᱦᱚᱱᱚᱛ ᱨᱮ ᱛᱷᱤᱨᱩᱱᱟᱣᱚᱭᱟ ᱨᱤᱱᱤᱡ ᱵᱚᱥᱠᱚᱫᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱢᱳᱦᱤᱱᱤᱚᱴᱴᱚᱢ ᱫᱚ ᱫᱩᱠᱯᱮᱨᱮᱡ ᱥᱩᱨ ᱱᱟᱞᱚᱴ ᱟᱫᱚᱜ ᱦᱟᱞᱟᱛ ᱠᱷᱚᱱ ᱢᱩᱠᱷᱤᱭᱟᱹ ᱛᱚᱦᱚᱨ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱟᱞ ᱮᱱᱮᱡ ᱟᱨ ᱦᱚᱸ ᱡᱤᱣᱤᱫ ᱨᱩᱣᱟᱹᱲ ᱨᱮ ᱟᱹᱰᱤ ᱢᱟᱨᱟᱝ ᱴᱷᱟᱶ ᱮ ᱟᱢᱮᱴ ᱟᱠᱟᱫ-ᱟ ᱾ ᱥᱟᱶᱛᱮ ᱩᱱᱤ ᱫᱚ ᱯᱷᱚᱨᱢᱟᱞ ᱥᱴᱨᱚᱠᱪᱚᱨ ᱟᱨ ᱮᱰᱚᱨᱢᱮᱸᱴ ᱦᱚᱸᱭ ᱮᱢ ᱟᱠᱟᱫ-ᱟ ᱾
ᱠᱚᱞᱭᱟᱱᱤᱠᱩᱴᱴᱤ ᱟᱢᱢᱟ ᱫᱚ ᱠᱮᱨᱚᱲ ᱠᱚᱞᱟᱢᱚᱱᱰᱚᱞᱚᱢ ᱨᱤᱱᱤᱡ ᱮᱛᱚᱦᱚᱵ ᱟᱪᱮᱛᱤᱭᱟᱹ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱵᱚᱸᱜᱟ ᱟᱠᱟᱱ ᱠᱚᱛᱷᱠᱚᱞᱤ ᱩᱥᱛᱟᱫᱽ ᱯᱚᱫᱽᱢᱚ ᱥᱨᱤ ᱠᱚᱞᱟᱢᱚᱱᱰᱚᱞᱚᱢ ᱠᱨᱩᱥᱱᱚᱱ ᱱᱟᱭᱚᱨ ᱥᱟᱶ ᱵᱟᱯᱞᱟ ᱥᱟᱹᱜᱟᱹᱭ ᱨᱮ ᱠᱤᱱ ᱡᱚᱲᱟᱣ ᱞᱮᱱᱟ ᱾[᱒]
ᱠᱚᱞᱭᱟᱱᱤᱠᱩᱴᱴᱤ ᱟᱢᱢᱟ ᱫᱚ ᱠᱮᱨᱚᱲ ᱨᱮᱱᱟᱜ ᱥᱮᱱᱮᱨᱮᱧ ᱜᱟᱭᱟᱱ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱟᱨ ᱛᱟᱞᱢᱟ ᱥᱮᱱᱮᱨᱮᱧ ᱜᱟᱭᱟᱱ ᱮᱠᱟᱰᱮᱢᱤ ᱥᱤᱨᱯᱷᱟᱹ, ᱵᱟᱱᱟᱨ ᱜᱮᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱑᱒ ᱢᱮ ᱑᱙᱙᱙ ᱨᱮ ᱛᱨᱤᱯᱩᱱᱤᱛᱷᱩᱨᱟ (ᱡᱟᱦᱟᱸᱨᱮ ᱡᱩᱜᱚᱞ ᱮ ᱵᱟᱥᱟ ᱞᱮᱱᱟ ) ᱨᱮ ᱘᱔ ᱵᱚᱭᱚᱥ ᱩᱢᱮᱨ ᱨᱮ ᱩᱱᱤᱭᱟᱜ ᱜᱩᱨ ᱫᱚ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤᱭᱤᱡ ᱦᱚᱯᱚᱱ ᱠᱚᱞᱥᱟᱞᱟ ᱵᱟᱵᱩ ᱫᱚ ᱥᱤᱱᱮᱢᱟ ᱟᱨ ᱧᱮᱱᱮᱞᱚᱢ ᱯᱟᱯᱟᱴᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱛᱤᱱ ᱡᱚᱦᱚᱜ ᱩᱱᱤᱭᱤᱡ ᱡᱟᱶᱟᱭ ᱥᱢᱤᱛᱷᱟ ᱨᱟᱡᱚᱱ ᱫᱚ ᱧᱩᱛᱩᱢᱟᱱ ᱢᱳᱦᱤᱱᱤᱚᱴᱴᱚᱢ ᱵᱟᱰᱚᱦᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱧᱩᱛᱩᱢᱟᱱ ᱚᱱᱟᱬᱦᱤᱭᱟᱹ ᱵᱚᱞᱞᱛᱷᱳᱞ ᱱᱟᱨᱟᱭᱚᱬ ᱢᱮᱱᱚᱱ ᱴᱷᱮᱱ ᱠᱷᱚᱱ ᱠᱟᱵᱽᱭᱚᱛᱨᱤ ᱥᱤᱨᱯᱷᱟᱹᱭ ᱟᱢᱮᱴ ᱞᱮᱫ-ᱟ ᱾[᱓]
ᱡᱤᱭᱚᱱ ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱚᱞᱟᱢᱚᱱᱰᱚᱞᱚᱢ ᱠᱚᱞᱭᱟᱱᱤᱠᱩᱴᱴᱤ ᱟᱢᱢᱟ ᱫᱚ ᱠᱮᱨᱚᱲ ᱯᱚᱱᱚᱛ ᱨᱮᱱᱟᱜ ᱢᱚᱞᱞᱚᱯᱩᱨᱚᱢ ᱦᱚᱱᱚᱛ ᱨᱮᱱᱟᱜ ᱛᱷᱤᱨᱩᱱᱟᱣᱟᱭᱟ ᱟᱹᱛᱩ ᱨᱤᱱᱤᱡ ᱵᱚᱥᱠᱚᱫᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱟᱡ ᱡᱟᱶᱟᱭ ᱫᱚ ᱵᱚᱸᱜᱟ ᱫᱤᱥᱚᱢ ᱟᱠᱟᱱ ᱠᱚᱛᱷᱠᱚᱞᱤ ᱩᱥᱛᱟᱫᱽ ᱯᱚᱫᱽᱢᱚ ᱥᱨᱤ ᱠᱚᱞᱟᱢᱚᱱᱰᱚᱞᱚᱢ ᱠᱨᱩᱥᱱᱚᱱ ᱱᱟᱭᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱠᱚᱞᱭᱟᱱ ᱢᱚᱱᱰᱚᱞᱚᱢ ᱠᱚᱞᱭᱟᱱ ᱠᱩᱴᱴᱤ ᱟᱢᱢᱟ ᱫᱚ ᱥᱤᱧᱚᱛᱤᱭᱟ ᱞᱟᱠᱪᱟᱨ ᱨᱮᱱᱟᱜ ᱢᱟᱞᱚᱴᱚᱜ ᱠᱟᱱ ᱥᱩᱨ ᱥᱩᱯᱩᱨ ᱚᱠᱛᱚ ᱨᱮ ᱢᱳᱦᱤᱱᱤᱚᱴᱴᱚᱢ ᱠᱞᱟᱥᱤᱛᱚᱞ ᱮᱱᱮᱡ ᱫᱚ ᱟᱨ ᱦᱚᱸᱭ ᱵᱟᱧᱪᱟᱣ ᱨᱩᱣᱟᱹᱲ ᱞᱮᱫ-ᱟ ᱟᱨ ᱚᱱᱟ ᱜᱚᱴᱟᱯᱟᱲᱟᱭ ᱪᱷᱟᱨᱟᱣ ᱞᱮᱫ-ᱟ ᱾ ᱩᱱᱤ ᱫᱚ ᱠᱮᱨᱚᱲ ᱢᱳᱱᱰᱚᱞᱚᱢ ᱨᱤᱱᱤᱡ ᱮᱛᱚᱦᱚᱵ ᱵᱮᱪ ᱨᱤᱱᱤᱡ ᱟᱪᱮᱛᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱢᱳᱦᱤᱱᱤᱚᱴᱴᱚᱢ ᱠᱞᱟᱥᱤᱠᱚᱞ ᱮᱱᱮᱡ ᱫᱚ ᱥᱩᱨ ᱥᱩᱯᱩᱨ ᱢᱟᱞᱚᱴᱚᱜ ᱠᱟᱱ ᱦᱚᱨ ᱨᱮ ᱛᱟᱦᱮᱸ ᱠᱟᱱᱟ ᱾ ᱠᱚᱞᱭᱟᱱᱤᱠᱩᱴᱴᱤ ᱟᱢᱢᱟ ᱞᱮᱠᱟᱛᱮ ᱢᱳᱦᱤᱱᱤᱚᱴᱴᱚᱢ ᱠᱞᱟᱥᱤᱠᱚᱞ ᱮᱱᱮᱡ ᱫᱚ ᱱᱟᱜᱟᱢᱮᱛ ᱟᱨ ᱮᱱᱮᱡ ᱥᱟᱧᱪᱟᱣ ᱫᱚᱦᱚᱭ ᱨᱮᱱᱟᱜ ᱢᱤᱫ ᱚᱞᱛᱚᱞᱟᱱ ᱠᱟᱱᱟ ᱾ ᱠᱚᱞᱭᱟᱱᱤᱠᱩᱴᱴᱤ ᱟᱢᱢᱟ ᱫᱚ ᱢᱳᱦᱤᱱᱤ ᱚᱴᱴᱚᱢ ᱮᱱᱮᱡ ᱨᱤᱱᱤᱡ ᱟᱭᱳᱣᱟᱜ ᱢᱟᱱᱚᱛ ᱠᱚ ᱮᱢᱟᱦᱟᱭᱟ ᱪᱮᱫᱟᱜ ᱥᱮ ᱠᱮᱨᱚᱲ ᱨᱮᱱᱟᱜ ᱱᱚᱶᱟ ᱮᱱᱮᱡ ᱛᱚᱦᱚᱨ ᱫᱚ ᱠᱞᱟᱥᱤᱠᱚᱞ ᱮᱱᱮᱡ ᱨᱮᱱᱟᱜ ᱢᱩᱬᱩᱛ ᱦᱚᱨᱟ ᱨᱮ ᱟᱹᱜᱩᱭ ᱞᱟᱹᱜᱤᱫ ᱠᱨᱮᱰᱤᱴ ᱫᱚ ᱱᱩᱭ ᱜᱮᱭ ᱧᱟᱢᱟ ᱾ ᱠᱚᱞᱭᱟᱱᱤ ᱟᱢᱢᱟ ᱫᱚ ᱢᱳᱦᱤᱱᱤ ᱚᱴᱴᱚᱢ ᱮᱱᱮᱡ ᱨᱮᱱᱟᱜ ᱛᱚᱦᱚᱨ ᱯᱟᱹᱪᱷᱞᱟᱹ ᱨᱮ ᱩᱠᱩ ᱟᱠᱟᱱ ᱢᱟᱨᱮ ᱩᱠᱩᱣᱟᱱ ᱠᱟᱛᱷᱟ ᱦᱚᱸᱭ ᱞᱟᱹᱭ ᱟᱠᱟᱫ-ᱟ ᱾ ᱩᱱᱤ ᱫᱚ ᱢᱳᱦᱤᱱᱤ ᱚᱴᱴᱚᱢ ᱮᱱᱮᱡ ᱛᱚᱦᱚᱨ ᱫᱚ ᱥᱚᱨᱚᱜᱽ ᱪᱚᱨᱚᱠᱤᱭᱟᱹ ᱟᱨ ᱛᱤᱨᱞᱟᱹ ᱦᱚᱛᱮᱛ ᱦᱩᱭᱩᱜ ᱠᱟᱱ ᱮᱱᱮᱡ ᱥᱟᱶ ᱮ ᱛᱩᱞᱟᱹᱡᱚᱠᱷᱟᱭᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Sinha, Biswajit (2007). South Indian theatre (in ᱟᱝᱜᱽᱨᱮᱡᱤ). Raj Publications. ISBN 9788186208540.
- ↑ Reporter, Staff; Reporter, Staff (2014-04-10). "Unsung legends who resurrected two dying arts of Kerala". The Hindu (in Indian English). ISSN 0971-751X. Retrieved 2018-06-17.
- ↑ "Mohini Attam – The Traditional Dance of Kerala!" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2018-06-18.