Jump to content

ᱠᱚᱞᱯᱚᱱᱟ ᱫᱚᱛᱛᱚ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱚᱞᱯᱚᱱᱟ ᱫᱚᱛᱛᱚ (কল্পনা দত্ত)
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ᱒᱗ ᱡᱩᱞᱟᱭ ᱑᱙᱑᱓(1913-07-27)
ᱥᱨᱤᱯᱩᱨ, ᱵᱳᱣᱟᱞᱠᱷᱟᱞᱤ ᱩᱯᱚᱡᱮᱞᱟ, ᱪᱚᱴᱴᱚᱜᱨᱟᱢ ᱦᱚᱱᱚᱛ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱽᱨᱤᱴᱤᱥ ᱵᱷᱟᱨᱚᱛ (ᱱᱤᱛ ᱵᱟᱝᱞᱟᱫᱮᱥ)
ᱜᱩᱨ᱘ ᱯᱷᱮᱵᱽᱨᱩᱣᱟᱨᱤ ᱑᱙᱙᱕ (᱘᱑ ᱵᱚᱭᱚᱥ)
ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱡᱟᱹᱛᱤᱭᱟᱹᱨᱤᱥᱤᱧᱚᱛᱤᱛᱟᱹ
ᱨᱟᱡᱽᱟᱹᱨᱤ ᱫᱚᱞᱤᱱᱰᱤᱭᱟᱱ ᱨᱤᱯᱟᱵᱽᱞᱤᱠ ᱟᱨᱢᱤ, ᱪᱚᱴᱴᱚᱜᱽᱨᱟᱢ ᱦᱟᱹᱴᱤᱧ
᱑᱙᱔᱐ ᱛᱟᱭᱚᱢ ᱠᱷᱚᱱ, ᱥᱤᱧᱚᱛᱤᱭᱟᱹ ᱠᱚᱢᱤᱭᱩᱱᱥ ᱯᱟᱨᱴᱤ
ᱠᱟᱹᱢᱤᱥᱤᱧᱚᱛᱤᱭᱟᱹ ᱯᱷᱩᱱᱩᱨᱜᱟᱹᱞ ᱟᱱᱫᱳᱞᱳᱱ ᱠᱟᱹᱢᱤᱭᱟᱹ, ᱦᱩᱞᱜᱟᱹᱨᱤᱭᱟᱹ

ᱠᱚᱞᱯᱚᱱᱟ ᱫᱚᱛᱛᱚ (᱒᱗ ᱡᱩᱞᱟᱭ ᱑᱙᱑᱓ - ᱘ ᱯᱷᱮᱵᱽᱣᱟᱨᱤ ᱑᱙᱙᱕) ᱫᱚ ᱥᱤᱧᱚᱛᱤᱭᱟᱹ ᱯᱷᱩᱱᱩᱨᱜᱟᱹᱞ ᱟᱱᱫᱳᱞᱳᱱ ᱨᱮᱱ ᱢᱤᱫ ᱧᱩᱛᱩᱢᱟᱱ ᱦᱚᱲ ᱠᱟᱱᱟᱭ ᱾ ᱑᱙᱓᱐ ᱥᱮᱨᱢᱟ ᱨᱮ ᱩᱱᱤ ᱫᱚ ᱥᱩᱨᱡᱚ ᱥᱮᱱ ᱟᱜ ᱟᱹᱭᱩᱨ ᱛᱮ ᱪᱚᱴᱴᱚᱜᱽᱨᱟᱢ ᱥᱮᱸᱜᱮᱞ ᱥᱟᱯᱟᱵ ᱞᱩᱴᱷ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ ᱾[᱑] ᱛᱟᱭᱚᱢ ᱛᱮ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱠᱚᱢᱤᱭᱩᱱᱥ ᱯᱟᱨᱴᱤ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱑᱙᱔᱓ ᱨᱮ ᱩᱱ ᱚᱠᱛᱚ ᱥᱤᱧᱚᱛᱤᱭᱟᱹ ᱠᱚᱢᱤᱭᱩᱱᱥ ᱯᱟᱨᱴᱤ ᱨᱮᱱ ᱢᱟᱬᱛᱮ ᱥᱩᱛᱨᱮᱛ ᱯᱩᱨᱚᱱ ᱪᱚᱸᱫᱽᱨᱚ ᱡᱳᱥᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱾[᱒]

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱽᱨᱤᱴᱤᱥ ᱵᱷᱟᱨᱚᱛ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ ᱨᱮᱭᱟᱜ ᱪᱚᱴᱴᱚᱜᱨᱟᱢ ᱦᱚᱱᱚᱛ ᱨᱮᱭᱟᱜ ᱥᱨᱤᱯᱩᱨ ᱟᱹᱛᱩ[᱓] ᱨᱮ ᱠᱚᱞᱯᱚᱱᱟ ᱫᱚᱛᱛᱚ (ᱫᱚᱛᱛᱚ ᱧᱩᱛᱩᱢ ᱛᱮᱦᱚᱸᱭ ᱵᱟᱲᱟᱭᱚᱜᱼᱟ) ᱫᱚᱸᱭ ᱡᱟᱱᱟᱢ ᱞᱮᱱᱟ (ᱥᱨᱤᱯᱩᱨ ᱫᱚ ᱱᱤᱛ ᱵᱟᱝᱞᱟᱫᱮᱥ ᱨᱮᱭᱟᱜ ᱵᱳᱣᱟᱞᱠᱷᱟᱞᱤ ᱩᱯᱚᱡᱮᱞᱟ ᱨᱮ ᱯᱟᱨᱟᱜ ᱠᱟᱱᱟ) ᱾ ᱟᱡ ᱵᱟᱵᱟ ᱵᱤᱱᱳᱫᱽ ᱵᱤᱦᱟᱨᱤ ᱫᱚᱛᱛᱚᱜᱩᱯᱛᱚ ᱫᱚ ᱢᱤᱫ ᱥᱚᱨᱠᱟᱨᱤ ᱠᱟᱹᱢᱤᱭᱟᱹ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱒᱙ ᱨᱮ ᱪᱚᱴᱴᱚᱜᱽᱨᱟᱢ ᱠᱷᱚᱱ ᱢᱮᱴᱨᱤᱠᱩᱞᱮᱥᱟᱱ ᱵᱤᱱᱤᱰ ᱯᱟᱥ ᱛᱟᱭᱚᱢ, ᱩᱱᱤ ᱫᱚ ᱠᱚᱞᱠᱟᱛᱟ ᱨᱮᱭᱟᱜ ᱵᱮᱛᱷᱩᱱ ᱠᱚᱞᱮᱡᱽ ᱨᱮ ᱥᱟᱬᱮᱥ ᱯᱟᱲᱦᱟᱣ ᱞᱟᱹᱜᱤᱫ ᱮ ᱪᱟᱞᱟᱣ ᱮᱱᱟ ᱾ ᱩᱥᱟᱹᱨᱟ ᱜᱮ, ᱩᱱᱤ ᱢᱤᱫ ᱟᱫᱷᱟ-ᱦᱩᱞᱜᱟᱹᱨᱤᱭᱟᱹ ᱜᱟᱶᱛᱟ ᱪᱷᱟᱛᱨᱤ ᱥᱚᱝᱜᱷ (ᱠᱩᱲᱤ ᱯᱟᱹᱴᱷᱩᱭᱟᱹ ᱠᱚᱣᱟᱜ ᱜᱟᱶᱛᱟ) ᱨᱮᱭ ᱥᱮᱞᱮᱫ ᱞᱮᱱᱟ, ᱡᱟᱦᱟᱸ ᱨᱮ ᱨᱟᱹᱥᱤᱭᱟᱹ ᱞᱮᱠᱟᱛᱮ ᱵᱤᱱᱟ ᱫᱟᱥ ᱟᱨ ᱯᱨᱤᱛᱤᱞᱚᱛᱟ ᱣᱟᱫ-ᱫᱮᱫᱟᱨ ᱛᱟᱹᱠᱤᱱ ᱦᱚᱸ ᱠᱤᱱ ᱛᱟᱦᱮᱸ ᱠᱟᱱᱟ ᱾[᱔]

ᱥᱚᱥᱚᱥᱛᱨᱚ ᱯᱷᱩᱱᱩᱨᱜᱟᱹᱞ ᱟᱱᱫᱳᱞᱳᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱚᱴᱴᱚᱜᱽᱨᱟᱢ ᱥᱮᱸᱜᱮᱞ ᱥᱟᱯᱟᱵ ᱞᱩᱴᱷ ᱫᱚ ᱑᱘ ᱮᱯᱨᱤᱞ ᱑᱙᱓᱐ ᱨᱮ ᱠᱚᱨᱟᱣ ᱦᱩᱭ ᱞᱮᱱᱟ ᱾ ᱠᱚᱞᱯᱚᱱᱟ ᱑᱙᱓᱑ ᱨᱮ ᱥᱩᱨᱡᱚ ᱥᱮᱱ ᱟᱜ ᱟᱹᱭᱩᱨ ᱛᱮ ᱥᱚᱥᱚᱥᱛᱨᱚ ᱡᱟᱸᱜᱮ ᱫᱟᱨᱟᱢ ᱜᱟᱶᱛᱟ "ᱤᱱᱰᱤᱭᱟᱱ ᱨᱤᱯᱟᱵᱽᱞᱤᱠ ᱟᱨᱢᱤ, ᱪᱚᱴᱴᱚᱜᱽᱨᱟᱢ ᱦᱟᱹᱴᱤᱧ" ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱥᱮᱯᱴᱮᱢᱵᱚᱨ ᱑᱙᱓᱑ ᱨᱮ ᱥᱩᱨᱡᱚ ᱥᱮᱱ ᱫᱚ ᱩᱱᱤ ᱯᱨᱤᱛᱤᱞᱚᱛᱟ ᱣᱟᱫ-ᱫᱮᱫᱟᱨ ᱥᱟᱶ ᱪᱚᱴᱴᱚᱜᱽᱨᱟᱢ ᱤᱣᱨᱳᱯᱤᱭᱟᱱ ᱠᱞᱟᱵᱽ ᱨᱮ ᱦᱟᱢᱞᱟ ᱨᱮᱭᱟᱜ ᱟᱹᱜᱤᱵᱷᱟᱨ ᱮ ᱮᱢᱟᱫᱮᱭᱟ ᱾ ᱢᱮᱱᱠᱷᱟᱱ ᱦᱟᱢᱞᱟ ᱨᱮᱭᱟᱜ ᱢᱤᱫ ᱮᱢᱦᱟᱸ ᱞᱟᱦᱟᱸ ᱚᱱᱟ ᱴᱚᱴᱷᱟ ᱨᱮᱭᱟᱜ ᱧᱮᱞ ᱵᱤᱰᱟᱹᱣ ᱚᱠᱛᱚ ᱨᱮ ᱩᱱᱤᱭ ᱜᱨᱮᱯᱛᱟᱨ ᱚᱪᱚᱭᱮᱱᱟ ᱾ ᱡᱟᱢᱤᱱ ᱨᱮ ᱟᱨᱟᱜ ᱠᱮᱫᱮ ᱛᱟᱭᱚᱢ ᱩᱱᱤ ᱫᱚᱸᱭ ᱩᱠᱩᱭᱮᱱᱟ ᱾ ᱑᱖ ᱯᱷᱮᱵᱽᱣᱟᱨᱤ ᱑᱙᱓᱓ ᱨᱮ ᱯᱩᱞᱤᱥ ᱜᱟᱭᱨᱟᱞᱟ ᱟᱹᱛᱩ ᱨᱮ ᱩᱱᱤᱭᱟᱜ ᱩᱠᱩ ᱴᱷᱟᱶ ᱨᱮ ᱥᱮᱸᱫᱽᱨᱟ ᱚᱵᱷᱤᱡᱟᱱ ᱠᱟᱛᱮ ᱥᱩᱨᱡᱚ ᱥᱮᱱ ᱠᱚ ᱜᱨᱮᱯᱛᱟᱨ ᱠᱮᱫᱮᱭᱟ ᱢᱮᱱᱠᱷᱟᱱ ᱠᱚᱞᱯᱚᱱᱟ ᱫᱚ ᱚᱸᱰᱮ ᱠᱷᱚᱱ ᱮ ᱫᱟᱹᱲ ᱠᱮᱫᱟ ᱾

ᱢᱩᱪᱟᱹᱫ ᱨᱮ ᱑᱙ ᱢᱮ ᱑᱙᱓᱓ ᱨᱮ ᱠᱚᱞᱯᱚᱱᱟ ᱠᱚ ᱮᱨᱮᱥᱴ ᱠᱮᱫᱮᱭᱟ ᱾ ᱪᱚᱴᱴᱚᱜᱽᱨᱟᱢ ᱥᱮᱸᱜᱮᱞ ᱥᱟᱯᱟᱵ ᱞᱩᱴᱷ ᱢᱟᱢᱞᱟ ᱨᱮ ᱩᱱᱤ ᱫᱚ ᱡᱟᱭᱡᱩᱜᱽ ᱡᱮᱦᱮᱞ ᱨᱮᱭᱟᱜ ᱥᱟᱡᱟ ᱠᱚ ᱟᱸᱡᱚᱢ ᱟᱫᱮ ᱛᱟᱦᱮᱸᱱᱟ ᱾

ᱛᱟᱭᱚᱢ ᱚᱠᱛᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱓᱙ ᱥᱮᱨᱢᱟ ᱨᱮ ᱢᱩᱠᱛᱤ ᱧᱟᱢ ᱛᱟᱭᱚᱢ, ᱩᱱᱤ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱚᱱᱟᱨᱥ ᱨᱮ ᱜᱨᱮᱡᱩᱭᱮᱴ ᱮ ᱠᱚᱨᱟᱣ ᱞᱮᱫᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱥᱤᱧᱚᱛᱤᱭᱟᱹ ᱠᱚᱢᱤᱭᱩᱱᱥ ᱯᱟᱨᱴᱤ ᱨᱮ ᱥᱮᱞᱮᱫ ᱠᱟᱛᱮ ᱵᱽᱨᱤᱴᱤᱥ ᱵᱤᱨᱩᱫᱽ ᱨᱮ ᱟᱱᱫᱳᱞᱳᱱ ᱮ ᱞᱟᱦᱟ ᱤᱫᱤ ᱞᱮᱫᱟ ᱾ ᱑᱙᱔᱓ ᱥᱮᱨᱢᱟ ᱨᱮ ᱥᱤ.ᱯᱤ.ᱟᱭ ᱱᱮᱛᱟ ᱯᱩᱨᱚᱱ ᱪᱚᱸᱫᱽᱨᱚ ᱡᱳᱥᱤ ᱥᱟᱶ ᱟᱡᱟᱜ ᱵᱟᱯᱞᱟ ᱦᱩᱭᱮᱱ ᱛᱟᱭᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱪᱚᱴᱴᱚᱜᱽᱨᱟᱢ ᱛᱮ ᱨᱩᱣᱟᱹᱲ ᱠᱟᱛᱮ ᱯᱟᱨᱴᱤ ᱨᱮᱭᱟᱜ ᱛᱤᱨᱞᱟᱹ ᱟᱨ ᱪᱟᱹᱥᱤ ᱥᱚᱝᱜᱚᱴᱷᱚᱱ ᱠᱚᱸᱭ ᱵᱮᱨᱮᱛ ᱨᱟᱠᱟᱵ ᱞᱮᱫᱟ ᱾ ᱑᱙᱔᱖ ᱥᱮᱨᱢᱟ ᱨᱮ ᱥᱤ.ᱯᱤ.ᱟᱭ ᱨᱮᱱ ᱨᱟᱹᱥᱤᱭᱟᱹ ᱞᱮᱠᱟᱛᱮ ᱪᱚᱴᱴᱚᱜᱽᱨᱟᱢ ᱵᱤᱫᱷᱟᱱᱥᱚᱵᱷᱟ ᱛᱟᱞᱢᱟ ᱠᱷᱚᱱ ᱵᱟᱪᱷᱱᱟᱣ ᱨᱮᱭ ᱛᱤᱸᱜᱩ ᱞᱮᱱᱟ ᱢᱮᱱᱠᱷᱟᱱ ᱵᱟᱭ ᱡᱤᱛᱟᱹᱣ ᱫᱟᱲᱮᱭᱟᱫ ᱛᱟᱦᱮᱸᱱᱟ ᱾ ᱯᱷᱩᱱᱩᱨᱜᱟᱹᱞ ᱛᱟᱭᱚᱢ ᱩᱱᱤ ᱥᱤᱧᱚᱛ ᱨᱮᱭ ᱦᱮᱡ ᱮᱱᱟ ᱾ ᱑᱙᱕᱐ ᱥᱮᱨᱢᱟ ᱨᱮ ᱤᱱᱰᱤᱭᱟᱱ ᱥᱴᱮᱴᱟᱥᱴᱤᱠᱟᱞ ᱤᱱᱥᱴᱤᱴᱤᱭᱩᱰ ᱨᱮᱭ ᱪᱟᱹᱠᱨᱤ ᱮ ᱦᱟᱛᱟᱣ ᱠᱮᱫᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱤᱞᱞᱤ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ "চট্টগ্রাম অস্ত্রাগার আক্রমণকারীদের স্মৃতিকথা" (ᱪᱚᱴᱴᱚᱜᱽᱨᱟᱢ ᱚᱥᱛᱨᱟᱜᱟᱨ ᱟᱠᱨᱳᱢᱳᱱᱠᱟᱨᱤᱫᱮᱨ ᱥᱨᱤᱛᱤᱠᱚᱛᱷᱟ) ᱧᱩᱛᱩᱢ ᱛᱮ ᱵᱟᱝᱞᱟ ᱛᱮ ᱱᱤᱡᱮᱛᱟᱜ ᱡᱤᱭᱚᱱᱤ ᱞᱮᱠᱟᱱ ᱯᱩᱛᱷᱤᱭ ᱚᱞ ᱟᱠᱟᱫᱟ ᱾

ᱟᱯᱱᱟᱨᱟᱜ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱔᱓ ᱨᱮ, ᱩᱱᱤ ᱥᱤᱧᱚᱛᱤᱭᱟᱹ ᱠᱚᱢᱤᱭᱩᱱᱥ ᱯᱟᱨᱴᱤ ᱨᱮᱱ ᱢᱟᱬᱛᱮ ᱥᱩᱛᱨᱮᱛ ᱯᱩᱨᱚᱱ ᱪᱚᱸᱫᱽᱨᱚ ᱡᱳᱥᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱾ ᱩᱱᱠᱤᱱ ᱨᱮᱱ ᱵᱟᱨᱭᱟ ᱠᱚᱲᱟ ᱪᱟᱸᱫᱽ ᱟᱨ ᱥᱩᱨᱟᱡᱽ ᱢᱮᱱᱟᱜ ᱠᱤᱱᱟ ᱾ ᱪᱟᱸᱫᱽ ᱡᱳᱥ ᱫᱚ ᱢᱤᱫ ᱧᱩᱛᱩᱢᱟᱱ ᱡᱟᱨᱱᱟᱞᱤᱥᱴ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱫᱟ ᱦᱤᱱᱫᱩᱥᱛᱟᱱ ᱴᱟᱭᱤᱢᱥ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾

ᱵᱟᱰᱚᱦᱤ ᱪᱤᱛᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱚᱞᱤᱭᱩᱰ ᱨᱮ, ᱪᱚᱴᱴᱚᱜᱽᱨᱟᱢ ᱥᱮᱸᱜᱮᱞ ᱥᱟᱯᱟᱵ ᱞᱩᱴᱷ ᱤᱫᱤ ᱠᱟᱛᱮ ᱠᱷᱮᱞᱮ ᱦᱟᱢ ᱡᱤ ᱡᱟᱱ ᱥᱮ ᱧᱩᱛᱩᱢᱟᱱ ᱢᱤᱫ ᱥᱤᱱᱮᱢᱟ ᱵᱮᱱᱟᱣ ᱦᱩᱭᱟᱠᱟᱱᱟ, ᱡᱟᱦᱟᱸ ᱨᱮ ᱢᱩᱬᱩᱛ ᱦᱚᱲ ᱨᱮ ᱠᱚᱞᱯᱚᱱᱟ ᱟᱜ ᱠᱟᱛᱷᱟ ᱜᱮ ᱢᱮᱱᱟᱜᱼᱟ ᱾ ᱱᱚᱣᱟ ᱥᱤᱢᱮᱱᱟ ᱨᱮ ᱩᱱᱤᱭᱟᱜ ᱨᱳᱞ ᱨᱮ ᱫᱤᱯᱤᱠᱟ ᱯᱟᱫᱩᱠᱳᱱ ᱨᱮ ᱚᱵᱷᱤᱱᱚᱭ ᱟᱠᱟᱫᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Chandra, Bipan and others (1998). India's Struggle for Independence, New Delhi: Penguin Books, ISBN 0-14-010781-9, p.253
  2. "Kalpana Joshi, 81; Struggled for India". The New York Times. 26 February 1995. Retrieved 19 May 2010.
  3. Sailesh Kumar Bandyopadhyay (2012), "Dutta, Kalpana", in Sirajul Islam and Ahmed A. Jamal (ed.), Banglapedia: National Encyclopedia of Bangladesh (Second ed.), Asiatic Society of Bangladesh
  4. Jain, Simmi (2003). Encyclopaedia of Indian Women through the Ages. Vol. Vol.3. Delhi: Kalpaz Publications. p. 106. ISBN 81-7835-174-9. {{cite book}}: |volume= has extra text (help)

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]