ᱫᱤᱯᱤᱠᱟ ᱯᱟᱫᱩᱠᱳᱱ
| ᱫᱤᱯᱤᱠᱟ ᱯᱟᱫᱩᱠᱳᱱ | |
|---|---|
 ᱨᱮᱥ-᱒ ᱨᱮᱱᱟᱜ ᱯᱟᱥᱱᱟᱣ ᱚᱠᱛᱚ ᱨᱮ ᱫᱤᱯᱤᱠᱟ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱫᱤᱯᱤᱠᱟ ᱯᱟᱫᱩᱠᱳᱱ ᱕ ᱡᱟᱱᱩᱣᱟᱨᱤ ᱑᱙᱘᱖ ᱠᱚᱯᱮᱱᱦᱟᱜᱮᱱ, ᱰᱮᱱᱢᱟᱨᱠ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱮᱠᱴᱨᱮᱥ, ᱢᱚᱰᱮᱞ |
| ᱠᱟᱹᱢᱤ ᱚᱠᱛᱚ | ᱒᱐᱐᱖ - ᱱᱤᱛᱦᱟᱹᱵᱤᱡ |
| ᱟᱯᱟᱛ ᱮᱸᱜᱟᱛ | ᱯᱨᱚᱠᱟᱥ ᱯᱟᱫᱩᱠᱳᱱ ᱩᱡᱣᱚᱞᱟ ᱯᱟᱫᱩᱠᱳᱱ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱚᱱᱤᱥᱟ ᱯᱟᱫᱩᱠᱳᱱ (ᱦᱩᱰᱤᱧ ᱵᱩᱦᱤᱱ) |
ᱫᱤᱯᱤᱠᱟ ᱯᱟᱫᱩᱠᱳᱱ (ᱡᱟᱱᱟᱢ ᱺ ᱕ ᱡᱟᱱᱩᱣᱟᱨᱤ ᱑᱙᱘᱖) ᱫᱚ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱮᱠᱴᱨᱮᱥ ᱠᱟᱱᱟᱭ ᱾ ᱫᱤᱯᱤᱠᱟ ᱫᱚ ᱓ᱭᱟ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹ ᱥᱟᱶᱛᱮ ᱖ ᱜᱚᱴᱟᱝ ᱡᱮᱡᱟᱹᱛᱤᱭᱟᱹᱨᱤ ᱥᱤᱧᱚᱛᱤᱭᱟᱹ ᱥᱤᱱᱮᱢᱟ ᱥᱤᱨᱯᱷᱟᱹᱭ ᱧᱟᱢ ᱟᱠᱟᱫᱼᱟ ᱾ ᱫᱤᱯᱤᱠᱟ ᱫᱚ ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟᱹ ᱯᱨᱚᱠᱟᱥ ᱯᱟᱫᱩᱠᱳᱱᱤᱡ ᱦᱚᱯᱚᱱ ᱮᱨᱟ ᱠᱟᱱ ᱛᱮᱭ ᱦᱩᱰᱤᱧ ᱵᱮᱲᱟ ᱠᱷᱚᱱ ᱵᱮᱰᱢᱤᱱᱴᱚᱱ ᱮ ᱮᱱᱮᱡ ᱠᱟᱱ ᱛᱟᱦᱮᱸᱫ ᱟᱨ ᱱᱟᱥᱮ ᱢᱟᱨᱟᱝ ᱠᱟᱛᱮ ᱡᱟᱹᱛᱤᱭᱟᱹᱨᱤ ᱛᱷᱚᱠ ᱨᱮ ᱡᱤᱛᱠᱟᱹᱨᱤᱭᱟᱹ ᱦᱚᱸᱭ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱛᱟᱭᱚᱢ ᱛᱮ ᱩᱱᱤ ᱫᱚ ᱠᱷᱮᱞ ᱠᱷᱚᱱ ᱥᱟᱺᱜᱤᱧ ᱠᱟᱛᱮ ᱢᱚᱰᱮᱞᱤᱝ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱢᱚᱰᱮᱞᱤᱝ ᱨᱮ ᱥᱮᱞᱮᱫ ᱮᱱ ᱛᱟᱭᱚᱢ ᱒᱐᱐᱖ ᱥᱟᱞᱮ ᱨᱮ ᱯᱩᱭᱞᱩ ᱫᱷᱟᱣ ᱯᱷᱤᱞᱢ ᱨᱮ ᱠᱷᱮᱞᱚᱸᱰ ᱞᱟᱹᱜᱤᱫ ᱫᱟᱣ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱫᱤᱯᱤᱠᱟ ᱦᱟᱜ ᱯᱩᱭᱞᱩ ᱯᱷᱤᱞᱢ ᱫᱚ ᱢᱤᱫ ᱠᱚᱱᱱᱚᱰᱚ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱚᱣᱥᱚᱨᱭᱟ ᱾[᱑]
ᱚᱱᱟ ᱛᱟᱭᱚᱢ ᱒᱐᱐᱗ ᱥᱟᱞᱮ ᱨᱮ ᱥᱟᱦᱨᱩᱠᱷ ᱠᱷᱟᱱ ᱥᱟᱣ "ᱚᱢ ᱥᱟᱱᱛᱤ ᱚᱢ" ᱯᱷᱤᱞᱢ ᱨᱮ ᱫᱟᱣ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾[᱒] ᱱᱚᱶᱟ ᱯᱷᱤᱞᱢ ᱠᱷᱟᱹᱛᱤᱨ ᱵᱷᱟᱹᱜᱤ ᱱᱟᱣᱟ ᱦᱮᱡ ᱟᱠᱟᱱ ᱮᱠᱴᱨᱮᱥ ᱞᱮᱠᱟᱛᱮ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱡᱟᱜ ᱯᱷᱤᱞᱢ "ᱞᱚᱵᱷ ᱟᱭᱡᱚᱞ", "ᱯᱟᱯᱷᱮᱝᱜᱮ ᱯᱟᱨᱤᱱᱫᱮ" ᱧᱮᱧᱮᱞᱤᱭᱟᱹ ᱠᱚ ᱠᱩᱥᱤᱭᱟᱫ ᱵᱮᱲᱟ ᱨᱮ "ᱵᱟᱪᱱᱟ ᱭᱮ ᱦᱟᱥᱤᱱᱟ", "ᱦᱟᱣᱩᱥᱯᱷᱩᱞ" ᱮᱢᱟᱱ ᱯᱷᱤᱞᱢ ᱨᱮᱱᱟᱜ ᱠᱷᱮᱞᱚᱸᱰ ᱵᱟᱝ ᱠᱚ ᱠᱩᱥᱤᱭᱟᱫ ᱛᱟᱦᱮᱸᱫ ᱾
ᱯᱩᱭᱞᱩ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱤᱯᱤᱠᱟ ᱯᱟᱫᱩᱠᱳᱱ ᱫᱚ ᱕ ᱡᱟᱱᱩᱣᱟᱨᱤ ᱑᱙᱘᱖ ᱥᱟᱞᱮ ᱨᱮ ᱰᱮᱱᱢᱟᱨᱠ ᱨᱮᱱᱟᱜ ᱠᱚᱯᱮᱱᱦᱟᱜᱮᱱ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱢᱤᱫ ᱠᱚᱝᱠᱚᱬᱤ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮ ᱾[᱓][᱔] ᱫᱤᱯᱤᱠᱟ ᱟᱡ ᱟᱯᱟᱛ ᱯᱨᱚᱠᱟᱥ ᱯᱟᱫᱩᱠᱳᱱ ᱫᱚ ᱢᱤᱫ ᱵᱮᱰᱢᱤᱱᱴᱚᱱ ᱠᱷᱮᱞᱣᱟᱹᱨᱤ ᱟᱨ ᱮᱸᱜᱟᱛ ᱫᱚ ᱩᱡᱽᱣᱚᱞᱟ ᱢᱤᱫ ᱦᱮᱥᱮᱱ ᱨᱟᱭᱵᱟᱨᱤᱭᱟᱹ (travel agent) ᱛᱟᱦᱮᱸ ᱠᱟᱱᱟᱭ ᱾[᱕] ᱟᱡ ᱠᱷᱚᱱ ᱦᱩᱰᱤᱧᱤᱡ ᱠᱩᱲᱤ ᱚᱱᱤᱥᱟ ᱫᱚ ᱢᱤᱫ ᱜᱚᱞᱯᱷ ᱠᱷᱮᱞᱣᱟᱹᱨᱤ ᱠᱟᱱᱟᱭ ᱾[᱖] ᱟᱡ ᱜᱚᱲᱚᱢ ᱦᱟᱲᱟᱢ ᱫᱚ ᱢᱚᱦᱤᱥᱩᱨ ᱵᱮᱰᱢᱤᱱᱴᱚᱱ ᱜᱟᱶᱛᱟ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾।[᱗] ᱫᱤᱯᱤᱠᱟ ᱢᱤᱫ ᱥᱮᱨᱢᱟ ᱜᱟᱱᱮ ᱦᱟᱨᱟᱭᱮᱱ ᱛᱟᱭᱚᱢ ᱟᱠᱚ ᱫᱚ ᱵᱟᱝᱜᱟᱞᱚᱨ ᱛᱮ ᱠᱚ ᱩᱪᱟᱹᱲ ᱞᱮᱱ ᱛᱟᱦᱮᱸᱫ ᱾[᱘] ᱩᱱᱤ ᱫᱚ ᱵᱟᱝᱜᱟᱞᱚᱨ ᱨᱮᱜᱮ ᱟᱡᱟᱜ ᱚᱛᱢᱚᱱ ᱟᱨ ᱛᱟᱱᱟᱞᱟ ᱥᱮᱪᱮᱫ ᱫᱚᱭ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾[᱙] ᱚᱱᱟ ᱛᱟᱭᱚᱢ ᱤᱱᱫᱤᱨᱟ ᱜᱟᱱᱫᱷᱤ ᱡᱟᱹᱛᱤᱭᱟᱹᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱦᱩᱱᱟᱹᱨ ᱥᱟᱛᱟᱢ ᱛᱮ ᱥᱚᱱᱮᱨᱮ ᱥᱤᱫ ᱞᱟᱹᱜᱤᱫ ᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱛᱤᱢᱤᱱ ᱫᱤᱱ ᱠᱷᱟᱱ ᱜᱮ ᱢᱚᱰᱮᱞᱤᱝ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱵᱤᱨᱫᱟᱹᱜᱟᱲ ᱮᱪ ᱵᱟᱹᱜᱤ ᱞᱮᱫ ᱛᱟᱦᱮᱸᱫ ᱾ [᱘][᱑᱐]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Vijayasarathy, R.G. (14 March 2006). "Meet Deepika Padukone". Rediff.com. Retrieved 28 April 2017.
- ↑ "'I was pulling SRK's hair out!'". Rediff.com. 10 December 2007. Retrieved 28 April 2017.
- ↑ "Biography: Deepika Padukone". Hindustan Times. 23 July 2012. Archived from the original on 31 December 2014. Retrieved 28 April 2017.
- ↑ Baksi, Dibyojyoti (13 June 2013). "Shah Rukh Khan made Deepika Padukone learn Tamil". Hindustan Times. Retrieved 28 April 2017.
- ↑ "She's the model of success". The Star (South Africa). 4 August 2008. Archived from the original on 10 June 2014. Retrieved 28 April 2017.
- ↑ Kaura, Neha (11 June 2012). "Deepika's link-ups don't bother us, says sister". The Times of India. Retrieved 28 April 2017.
- ↑ "An exciting tournament". The Hindu. 5 January 2006. Retrieved 28 April 2017.
- ↑ ᱘.᱐ ᱘.᱑ Gupta, Priya (13 October 2012). "Ranbir and I are still friends: Deepika Padukone". The Times of India. Retrieved 28 April 2017.
- ↑ "Just How educated are our Bollywood heroines?: Deepika Padukone". Rediff.com. Retrieved 28 April 2017.
- ↑ "Deepika Padukone has not put studies on back-burner". The Times of India. 30 December 2007. Retrieved 28 April 2017.
ᱵᱟᱹᱲᱛᱤ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱫᱤᱯᱤᱠᱟ ᱯᱟᱫᱩᱠᱳᱱ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)