ᱠᱚᱦᱚᱸᱰᱟ
ᱠᱚᱦᱚᱸᱰᱟ ᱢᱤᱫ ᱡᱟᱭᱜᱟ ᱨᱮ ᱴᱟᱺᱰᱤ ᱥᱮ ᱵᱟᱲᱜᱮ ᱨᱮ ᱨᱚᱦᱚᱭ ᱟᱱ ᱩᱛᱩ ᱠᱟᱱᱟ, ᱱᱚᱶᱟ ᱫᱚ ᱵᱟᱨᱭᱟᱯᱚᱛᱨᱤ ᱫᱟᱨᱮ ᱱᱟᱹᱲᱤ ᱠᱟᱱᱟ, ᱱᱚᱶᱟ ᱨᱮᱱᱟᱜ ᱰᱟᱱᱴᱤᱜ ᱡᱮᱞᱮᱝ, ᱠᱚᱢᱡᱚᱨ ᱟᱨ ᱦᱟᱹᱨᱭᱟᱹᱲ ᱨᱚᱝ ᱜᱮ ᱛᱟᱦᱮᱱ ᱠᱟᱱᱟ ᱾ ᱰᱟᱱᱴᱤᱜ ᱨᱮ ᱠᱟᱹᱴᱤᱡ ᱠᱟᱹᱴᱤᱡ ᱜᱟᱫᱽᱨᱩᱢ ᱞᱮᱠᱟ ᱦᱟᱹᱨᱭᱟᱹᱲ ᱯᱩᱸᱰ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱫᱚ ᱟᱹᱱᱤᱡ ᱞᱮᱠᱟ ᱠᱟᱛᱮ ᱜᱚᱲᱚ ᱟᱛᱮ ᱵᱟᱲᱦᱟᱜ ᱠᱟᱱᱟ ᱟᱨ ᱛᱚᱞ ᱤᱫᱤ ᱟᱛᱮ ᱡᱮᱞᱮᱝ ᱤᱫᱤᱜ ᱠᱟᱱᱟ ᱾[᱑] ᱱᱚᱶᱟ ᱨᱮᱱᱟᱜ ᱥᱟᱠᱟᱢ ᱦᱟᱹᱨᱭᱟᱹᱲ, ᱚᱥᱟᱨ, ᱜᱩᱱᱦᱟᱹᱬ ᱜᱮ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱵᱟᱦᱟ ᱥᱟᱲ ᱜᱮ ᱧᱮᱞᱚᱜ ᱥᱟᱥᱟᱝ ᱜᱮ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱵᱟᱦᱟ ᱫᱤᱱᱟᱹᱢ ᱜᱮ ᱱᱟᱥᱮ ᱱᱟᱥᱮ ᱫᱟᱜ ᱥᱟᱶ ᱵᱷᱤᱡᱟᱣ ᱛᱟᱦᱮᱱ ᱠᱷᱟᱱ ᱥᱟᱠᱟᱢ ᱟᱨ ᱵᱟᱦᱟ ᱠᱚ ᱥᱟᱲ ᱟᱨ ᱢᱚᱡᱽ ᱦᱟᱹᱨᱭᱟᱹᱲ ᱜᱮᱭ ᱧᱮᱞ ᱚᱪᱚᱭᱟ ᱾ ᱠᱚᱲᱟ ᱡᱟᱱᱟᱝ ᱟᱨ ᱠᱩᱲᱤ ᱡᱟᱱᱟᱝ ᱞᱮᱠᱟ ᱫᱟᱨᱮ ᱱᱟᱹᱲᱤ ᱨᱮᱱᱟᱜ ᱵᱷᱮᱜᱟᱨ - ᱵᱷᱮᱜᱟᱨ ᱛᱟᱦᱮᱱ ᱠᱟᱱᱟ ᱾ ᱚᱱᱟ ᱠᱤᱱ ᱵᱟᱨᱭᱟ ᱨᱮ ᱵᱟᱦᱟ ᱨᱮᱱᱟᱜ ᱢᱚᱬᱟᱜ ᱡᱚᱲ ᱵᱟᱦᱨᱮ ᱟᱨ ᱢᱚᱬᱟᱜ ᱡᱚᱲ ᱥᱟᱥᱟᱝ ᱨᱚᱝ ᱨᱮᱱᱟᱜ ᱫᱚᱞᱯᱚᱛᱨᱚ ᱛᱟᱦᱮᱱ ᱠᱟᱱᱟ ᱾ ᱠᱚᱲᱟ ᱡᱟᱱᱟᱝ ᱵᱟᱦᱟ ᱨᱮ ᱯᱮᱭᱟ ᱰᱚᱜᱽ (ᱯᱩᱝᱠᱮᱥᱚᱨ) ᱛᱟᱦᱮᱱ ᱠᱟᱱᱟ ᱚᱱᱟ ᱟᱨ ᱛᱮᱥᱟᱨ ᱟᱜ ᱫᱚ ᱟᱲᱟᱜ ᱜᱮ ᱛᱟᱦᱮᱱ ᱠᱟᱱᱟ ᱨᱮ ᱵᱟᱨᱭᱟ ᱢᱤᱫ ᱡᱚᱲᱟ ᱢᱮᱥᱟ ᱠᱟᱛᱮ ᱢᱮᱥᱟ ᱚᱸᱰᱚᱯ ᱛᱟᱦᱮᱱ ᱠᱟᱱᱟ ᱡᱟᱦᱟᱸ ᱫᱚ ᱭᱩᱠᱛᱟᱰᱚᱢᱯ ᱠᱚ ᱢᱮᱛᱣᱟᱜᱼᱟ ᱾ᱱᱚᱶᱟ ᱨᱮᱱᱟᱜ ᱡᱚ ᱡᱮᱞᱮᱝ ᱥᱮ ᱜᱩᱱᱦᱟᱹᱬ/ᱜᱩᱱᱦᱟᱹᱲ ᱛᱟᱦᱮᱱ ᱠᱟᱱᱟ ᱟᱨ ᱡᱚ ᱵᱷᱤᱛᱨᱤ ᱨᱮ ᱟᱹᱰᱤ ᱥᱚᱠᱛᱚ ᱡᱟᱝ ᱫᱟᱱᱟ ᱠᱚ ᱢᱮᱱᱟᱜᱼᱟ ᱾ ᱡᱚ ᱨᱮᱱᱟᱜ ᱦᱟᱢᱟᱞ ᱫᱚ ᱔ ᱡᱷᱚᱱ ᱘ ᱠᱤᱞᱳᱜᱽᱨᱟᱢ ᱦᱟᱹᱵᱤᱡ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ ᱾ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱯᱨᱚᱡᱟᱹᱛᱤ ᱢᱮᱭᱠᱥᱤᱢᱟ ᱨᱮᱱᱟᱜ ᱦᱟᱢᱟᱞ ᱓᱔ ᱠᱤᱞᱳᱜᱽᱨᱟᱢ ᱠᱷᱚᱱ ᱦᱚᱸ ᱵᱟᱹᱲᱛᱤ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱫᱚ ᱵᱟᱰᱟᱭ ᱧᱚᱜ ᱞᱮᱠᱟᱛᱮ ᱥᱟᱱᱟᱢ ᱡᱮᱜᱮᱫ ᱨᱮ ᱜᱮ ᱠᱚ ᱟᱨᱡᱟᱣᱟ ᱾ [᱒] ᱥᱮᱞᱮᱫ ᱦᱚᱱᱚᱛ ᱟᱢᱮᱨᱤᱠᱟ, ᱢᱮᱭᱠᱥᱤᱠᱳ, ᱥᱤᱧᱚᱛ ᱟᱨ ᱪᱤᱱ ᱨᱮ ᱱᱚᱶᱟ ᱠᱚ ᱫᱤᱥᱚᱢ ᱨᱮ ᱟᱹᱰᱤ ᱵᱟᱹᱲᱛᱤ ᱠᱚ ᱟᱨᱡᱟᱣᱟ ᱾ ᱱᱚᱶᱟ ᱫᱟᱨᱮ ᱱᱟᱹᱲᱤ ᱨᱮᱱᱟᱜ ᱵᱚᱭᱚᱥ ᱫᱚ ᱢᱤᱫ ᱥᱮᱨᱢᱟ ᱦᱟᱹᱵᱤᱡ ᱜᱮ ᱛᱟᱦᱮᱱ ᱠᱟᱱᱟ ᱾
ᱥᱤᱵᱤᱞ ᱡᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱡᱚᱢ ᱟᱨᱡᱟᱣᱤᱭᱟ ᱠᱚᱣᱟᱜ ᱢᱮᱱᱫᱚ ᱠᱟᱱᱟ ᱡᱮ ᱠᱚᱸᱦᱱᱰᱟ ᱡᱚᱢ ᱞᱮᱠᱷᱟᱱ ᱟᱹᱰᱤ ᱱᱟᱯᱟᱭᱚᱜᱼᱟ, ᱱᱚᱶᱟ ᱡᱚᱢ ᱞᱮᱠᱷᱟᱱ ᱡᱟᱦᱟᱸᱭ ᱠᱚ ᱨᱤᱫᱟᱹᱭ ᱨᱚᱜᱽ ᱮ ᱧᱟᱢ ᱟᱠᱟᱫ ᱠᱚᱣᱟ ᱩᱱᱠᱩ ᱠᱚ ᱞᱟᱹᱜᱤᱫ ᱫᱚ ᱟᱹᱰᱤ ᱜᱮ ᱱᱟᱯᱷᱟ ᱢᱮᱱᱟᱜᱼᱟ ᱾ ᱱᱚᱶᱟ ᱠᱷᱚᱱ ᱠᱳᱞᱮᱥᱴᱨᱟᱹᱞ ᱮ ᱠᱚᱢ ᱮᱫᱼᱟ, ᱨᱮᱭᱟᱲ ᱮ ᱦᱮᱡ ᱚᱪᱚᱭ ᱟᱨ ᱟᱰᱚ ᱨᱮᱱᱟᱜ ᱨᱚᱜᱽ ᱠᱷᱚᱱ ᱵᱟᱧᱪᱟᱣ ᱨᱮᱱᱟᱜ ᱩᱯᱟᱹᱭ ᱢᱮᱱᱟᱜᱼᱟ ᱾ ᱱᱚᱶᱟ ᱠᱚᱸᱦᱰᱟ ᱡᱚᱢ ᱞᱮᱠᱷᱟᱱ ᱞᱟᱡ ᱨᱮᱱᱟᱜ ᱜᱚᱲᱵᱚᱲ ᱠᱚ ᱢᱮᱱᱟᱜ ᱠᱚᱭ ᱵᱮᱥ ᱚᱪᱚᱭ ᱨᱮᱱᱟᱜ ᱨᱤᱠᱟᱹ ᱢᱮᱱᱟᱜᱼᱟ ᱾ ᱠᱚᱦᱚᱸᱰᱟ ᱫᱚ ᱢᱟᱭᱟᱢ ᱨᱮ ᱪᱤᱱᱤ ᱨᱮᱱᱟᱜ ᱢᱚᱛᱨᱚ ᱠᱚᱭ ᱠᱚᱱᱴᱨᱚᱞ ᱮᱫᱼᱟ ᱟᱨ ᱞᱟᱡ (ᱟᱜᱽᱱᱭᱟᱥᱚᱭ) ᱠᱚ ᱯᱷᱟᱨᱱᱟᱣ ᱚᱪᱚ ᱮᱫᱼᱟ ᱾ ᱚᱱᱟ ᱠᱷᱟᱹᱛᱤᱨ ᱛᱮ ᱰᱚᱠᱴᱟᱨ ᱠᱚ ᱞᱟᱹᱭᱟᱹ ᱠᱚᱦᱚᱸᱰᱟ ᱡᱚᱴ ᱞᱮᱠᱷᱟᱱ ᱢᱚᱴᱟ (ᱰᱟᱭᱵᱤᱴᱤᱡᱽ) ᱨᱚᱜᱽ ᱠᱚᱭ ᱥᱟᱦᱟ ᱚᱪᱚᱭᱟ ᱾ ᱱᱚᱶᱟ ᱨᱮᱱᱟᱜ ᱨᱟᱥᱟ ᱦᱚᱸ ᱨᱟᱱ ᱞᱮᱠᱟ ᱟᱹᱰᱤ ᱜᱮ ᱠᱟᱹᱢᱤ ᱨᱮ ᱦᱤᱡᱩᱜᱼᱟ ᱾ ᱠᱚᱦᱚᱸᱰᱟ ᱨᱮ ᱢᱟᱲᱟᱝ ᱞᱮᱠᱛᱟᱮ ᱟᱥᱚᱞ ᱫᱚ ᱵᱤᱴᱟ ᱠᱮᱨᱳᱴᱤᱱ ᱧᱟᱢᱚᱜᱚᱜ ᱠᱟᱱᱟ, ᱡᱟᱦᱟᱸ ᱫᱚ ᱱᱚᱶᱟ ᱨᱮ ᱵᱤᱴᱟᱢᱤᱱ ᱮ ᱧᱟᱢᱚᱜ ᱠᱟᱱᱟ ᱾ ᱥᱟᱥᱟᱝ ᱟᱨ ᱱᱟᱨᱟᱝᱜᱤ ᱨᱚᱝ ᱨᱮᱱᱟᱜ ᱠᱚᱦᱚᱸᱰᱟ ᱨᱮ ᱟᱭᱨᱟᱱ (ᱢᱮᱲᱦᱮᱸᱫ) (Fe), ᱡᱤᱝᱠ (Zn), ᱯᱳᱴᱮᱥᱤᱭᱟᱢ (K) ᱟᱨ ᱢᱮᱜᱽᱱᱤᱥᱤᱭᱟᱢ (Mg) ᱠᱚ ᱨᱮᱱᱟᱜ ᱱᱟᱯᱟᱭ ᱥᱨᱳᱛ/ᱯᱷᱮᱰᱟᱛ (ᱡᱚᱢ ᱞᱟᱹᱜᱤᱫ) ᱠᱚ ᱠᱟᱱᱟ ᱾ ᱦᱮᱜᱮᱫ ᱡᱟᱠᱟᱛ ᱨᱮ ᱠᱟᱹᱢᱤ ᱨᱮ ᱦᱤᱡᱩᱜ ᱠᱟᱱ ᱠᱷᱟᱹᱛᱤᱨ ᱛᱮ ᱒᱙ ᱥᱮᱯᱴᱮᱢᱵᱚᱨ ᱦᱤᱞᱚᱜ "ᱯᱚᱢᱯᱠᱤᱱ ᱰᱮ" ᱢᱮᱱ ᱞᱮᱠᱟ ᱛᱮ ᱠᱚ ᱢᱟᱱᱟᱣ ᱮᱫᱼᱟ ᱾
ᱪᱤᱛᱟᱹᱨ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]-
ᱠᱚᱦᱚᱸᱰᱟ ᱠᱚ -
ᱢᱟᱨᱟᱝ ᱠᱚᱦᱚᱸᱰᱟ ᱨᱮᱱᱟᱜ ᱢᱤᱫ ᱯᱨᱚᱡᱟᱹᱛᱤ -
ᱠᱚᱦᱚᱸᱰᱟ ᱨᱮᱱᱟᱜ ᱠᱟᱞᱤ (ᱠᱩᱲᱤ ᱡᱟᱱᱟᱝ) ᱡᱚ -
ᱠᱚᱦᱚᱸᱰᱟ ᱵᱟᱦᱟ -
ᱠᱚᱦᱚᱸᱰᱟ ᱨᱮᱱᱟᱜ ᱠᱚᱲᱟ ᱡᱟᱱᱟᱝ ᱟᱨ ᱠᱩᱲᱤ ᱡᱟᱱᱟᱝ -
ᱦᱟᱹᱨᱭᱟᱹᱲ ᱠᱚᱦᱚᱸᱰᱟ -
ᱠᱚᱦᱚᱸᱰᱟ ᱰᱟᱹᱱᱴᱤᱜ -
ᱠᱚᱦᱚᱸᱰᱟ ᱵᱟᱲᱜᱮ -
ᱱᱭᱩ ᱦᱮᱱᱴᱥᱮᱭᱟᱨ ᱨᱮ ᱠᱚᱦᱚᱸᱰᱟ ᱯᱚᱨᱚᱵᱽ
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱠᱩᱣᱚᱴ ᱨᱮ Pumpkins ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
 |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Pumpkins ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Cucurbita pepo L." Kew Science, Plants of the World, Royal Botanic Garden, UK. 2018. Retrieved 8 December 2018.
- ↑ The Pumpkin Patch. 2007. Halloween Online. 19 Feb. 2008 http://www.pumpkin-patch.com Archived ᱒᱐᱑᱙-᱐᱒-᱐᱓ at the Wayback Machine..