ᱠᱟᱜᱚᱡᱽ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱟᱜᱚᱡᱽ
ᱠᱟᱜᱚᱡᱽ ᱵᱮᱱᱟᱣ

ᱠᱟᱜᱚᱡᱽ ᱫᱚ ᱢᱤᱫ ᱮᱛᱟᱝ ᱡᱤᱱᱤᱥ ᱠᱟᱱᱟ ᱡᱟᱦᱟᱸ ᱨᱮ ᱚᱞ ᱟᱨᱵᱟᱝ ᱪᱷᱟᱯᱟ ᱦᱩᱭᱩᱜ ᱠᱟᱱᱟ ᱾ ᱠᱟᱜᱚᱡᱽ ᱢᱩᱬ ᱞᱮᱠᱟ ᱛᱮᱫᱚ ᱚᱞ ᱟᱨᱵᱟᱝ ᱪᱷᱟᱯᱟ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱᱟ ᱾ ᱱᱚᱶᱟ ᱡᱤᱱᱤᱥ ᱠᱚ ᱯᱚᱴᱚᱢ ᱞᱟᱹᱜᱤᱫ ᱦᱚᱸ ᱠᱟᱹᱢᱤᱨᱮ ᱦᱟᱹᱡᱩᱜᱼᱟ ᱾ ᱢᱟᱹᱱᱢᱤᱭᱟᱜ ᱥᱟᱶᱛᱟ ᱩᱛᱱᱟᱹᱣ ᱨᱮᱦᱚᱸ ᱠᱟᱜᱚᱡᱟᱜ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜᱼᱟ ᱾ ᱞᱚᱦᱚᱫ ᱥᱩᱛᱟᱹᱢ (ᱯᱷᱟᱭᱵᱚᱨ) ᱰᱷᱩᱸᱵᱟᱹᱜ ᱠᱟᱛᱮ ᱤᱱᱟᱹ ᱛᱟᱭᱚᱢ ᱨᱚᱦᱚᱲ ᱠᱟᱛᱮ ᱠᱟᱜᱚᱡᱽ ᱵᱮᱱᱟᱣᱜ ᱠᱟᱱᱟ ᱾ ᱱᱚᱶᱟ ᱥᱩᱛᱟᱹᱢ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱥᱮᱞᱭᱩᱞᱚᱡᱽ ᱠᱮᱭᱟᱜ ᱞᱟᱹᱵᱤᱫᱟᱜ ᱠᱟᱱᱟ ᱡᱟᱦᱟᱸ ᱫᱚ ᱠᱟᱴ, ᱛᱟᱥᱟᱫ, ᱢᱟᱫ ᱟᱨᱵᱟᱝ ᱚᱲᱮᱡ ᱞᱩᱜᱽᱲᱤ ᱛᱮ ᱵᱮᱱᱟᱣ ᱦᱩᱭᱩᱜᱼᱟ ᱾

ᱠᱟᱜᱚᱡᱽ ᱵᱮᱱᱟᱣ ᱨᱮᱭᱟᱜ ᱛᱚᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱟᱨᱮ ᱨᱮ ᱥᱮᱥᱭᱩᱞᱚᱡᱽ ᱧᱩᱛᱩᱢᱟᱱ ᱢᱤᱫ ᱞᱮᱠᱟᱱ ᱠᱟᱨᱵᱚᱦᱟᱭᱰᱨᱮᱴ ᱛᱟᱦᱮᱸᱱᱟ ᱾ ᱫᱟᱨᱮ ᱨᱮᱭᱟᱜ ᱵᱷᱤᱛᱨᱤ ᱢᱟᱡᱽ ᱫᱚ ᱥᱮᱞᱭᱩᱞᱚᱡᱽ ᱛᱮ ᱵᱮᱱᱟᱜ ᱠᱚᱜᱼᱟ ᱾ ᱢᱩᱪᱟᱹᱫ ᱨᱮ ᱧᱮᱞ ᱞᱮᱠᱷᱟᱱ ᱫᱟᱨᱮ ᱨᱮᱭᱟᱜ ᱢᱩᱬ ᱚᱝᱜᱚᱥ ᱫᱚ ᱥᱮᱞᱭᱩᱞᱚᱡᱽ ᱜᱮ ᱾ ᱥᱮᱞᱭᱩᱞᱚᱡᱽ ᱨᱮᱭᱟᱜ ᱥᱩᱛᱟᱹᱢ (ᱯᱷᱟᱭᱵᱚᱨ) ᱢᱤᱫ ᱴᱷᱮᱱ ᱡᱚᱴᱟᱣ ᱡᱟᱣᱨᱟ ᱠᱟᱛᱮ ᱮᱛᱟᱝ ᱪᱟᱫᱚᱨ ᱞᱮᱠᱟ ᱡᱟᱦᱟᱸ ᱵᱮᱱᱟᱣᱜᱼᱟ, ᱚᱱᱟ ᱜᱮ ᱠᱟᱜᱚᱡᱽ ᱫᱚᱠᱚ ᱢᱮᱛᱟᱜᱼᱟ ᱾ ᱡᱟᱦᱟᱸ ᱜᱮ ᱫᱟᱨᱮ ᱟᱨᱵᱟᱝ ᱡᱤᱱᱤᱥ ᱡᱟᱦᱟᱸᱨᱮ ᱥᱮᱞᱭᱩᱞᱚᱡᱽ ᱵᱮᱥ ᱦᱤᱥᱟᱹᱵᱽ ᱨᱮ ᱛᱟᱦᱮᱸᱱᱟ ᱾ ᱠᱟᱜᱚᱡᱽ ᱵᱮᱱᱟᱣ ᱞᱟᱹᱜᱤᱫ ᱜᱟᱱ ᱦᱩᱭ ᱫᱟᱲᱮᱭᱟᱜᱼᱟ ᱾ ᱛᱩᱞᱟᱹᱢ ᱢᱮᱱ ᱞᱮᱠᱷᱟᱱ ᱱᱤᱨᱚᱲ ᱥᱮᱞᱩᱞᱚᱡᱽ ᱠᱟᱱᱟ ᱤᱠᱷᱟᱱ ᱠᱟᱜᱚᱡᱽ ᱵᱮᱱᱟᱣ ᱞᱟᱹᱜᱤᱫ ᱱᱚᱶᱟ ᱫᱚ ᱵᱟᱝ ᱵᱮᱵᱷᱟᱨᱚᱜ ᱠᱟᱱᱟ ᱪᱮᱫᱟᱜ ᱥᱮ ᱱᱚᱶᱟ ᱫᱚ ᱟᱹᱰᱤ ᱜᱚᱱᱚᱝ ᱟᱱᱟᱜ ᱠᱟᱱᱟ ᱟᱨ ᱢᱩᱬ ᱞᱮᱠᱟᱛᱮ ᱞᱩᱜᱽᱲᱤ ᱵᱮᱱᱟᱣ ᱠᱟᱹᱢᱤ ᱨᱮ ᱦᱟᱹᱡᱩᱜ ᱠᱟᱱᱟ ᱾ ᱢᱤᱫᱴᱟᱹᱝ ᱟᱨᱢᱤᱫᱴᱟᱹᱝ ᱥᱟᱶ ᱡᱩᱲᱟᱹᱭ ᱠᱟᱛᱮ ᱪᱟᱫᱚᱨ ᱞᱮᱠᱟ ᱨᱩᱯ ᱨᱮ ᱛᱟᱦᱮᱸ ᱫᱟᱲᱮᱭᱟᱜ ᱨᱮᱭᱟᱜ ᱜᱩᱱ ᱫᱚ ᱥᱮᱞᱭᱩᱞᱚᱡᱽ ᱨᱮᱭᱟᱜ ᱥᱩᱛᱟᱹᱢ ᱨᱮᱜᱮ ᱛᱟᱦᱮᱸᱱᱟ ᱚᱱᱟ ᱮᱛᱮᱫ ᱠᱟᱜᱚᱡᱽ ᱫᱚ ᱠᱷᱟᱹᱞᱤ ᱱᱚᱶᱟ ᱛᱮᱜᱮ ᱵᱮᱱᱟᱣ ᱦᱩᱭ ᱫᱟᱲᱮᱭᱟᱜᱼᱟ ᱾ ᱞᱩᱢᱟᱹᱝ ᱟᱨ ᱩᱞ ᱥᱩᱛᱟᱹᱢ ᱨᱮ ᱱᱚᱶᱟ ᱞᱮᱠᱟ ᱢᱤᱫ ᱴᱷᱮᱱ ᱡᱩᱲᱟᱹᱭ ᱛᱟᱦᱮᱸᱱ ᱨᱮᱭᱟᱜ ᱜᱩᱱ ᱵᱟᱝ ᱛᱟᱦᱮᱸᱱ ᱠᱷᱟᱹᱛᱤᱨ ᱠᱟᱜᱚᱡᱽ ᱵᱮᱱᱟᱣ ᱠᱟᱹᱢᱤ ᱨᱮᱫᱚ ᱵᱟᱝ ᱦᱮᱡ ᱫᱟᱲᱮᱭᱟᱜᱼᱟ ᱾ ᱡᱟᱦᱟᱸ ᱛᱤᱱᱟᱹᱜ ᱱᱤᱨᱚᱲ ᱥᱮᱞᱭᱩᱞᱚᱡᱽ ᱛᱟᱦᱮᱸᱱᱟ ᱠᱟᱜᱚᱡᱽ ᱦᱚᱸ ᱩᱱᱟᱹᱜ ᱜᱮ ᱯᱷᱟᱨᱪᱟ ᱟᱨ ᱪᱮᱦᱨᱮ ᱵᱮᱱᱟᱣ ᱜᱟᱱᱚᱜᱼᱟ ᱾ ᱚᱲᱮᱡ ᱞᱩᱜᱽᱲᱤ ᱟᱨ ᱚᱸᱡᱽᱨᱟ ᱠᱟᱜᱚᱡᱽ ᱨᱮ ᱥᱩᱨ ᱥᱩᱯᱩᱨ ᱥᱟᱭ ᱨᱟᱯᱟᱝᱜᱚᱥ ᱥᱮᱞᱭᱩᱞᱚᱡᱽ ᱛᱟᱦᱮᱸᱱᱟ ᱡᱟᱦᱟᱸ ᱠᱷᱟᱹᱛᱤᱨ ᱱᱚᱶᱟ ᱛᱮ ᱠᱟᱜᱚᱡᱽ ᱟᱞᱜᱟ ᱛᱮ ᱟᱨ ᱱᱟᱯᱟᱭ ᱵᱮᱱᱟᱣᱜᱼᱟ ᱾ ᱱᱟᱜᱟᱢᱤᱭᱟᱹ ᱠᱚᱣᱟᱜ ᱱᱚᱶᱟ ᱢᱚᱱᱚᱛ ᱠᱟᱱᱟ ᱡᱮ ᱯᱩᱭᱞᱩ ᱠᱟᱜᱚᱡᱽ ᱫᱚ ᱚᱲᱮᱡ ᱜᱮᱸᱫᱽᱨᱮᱡ ᱛᱮᱜᱮ ᱪᱤᱱ ᱨᱮ ᱵᱮᱱᱟᱜ ᱞᱮᱱᱟ ᱾ ᱫᱟᱨᱮ ᱨᱮ ᱥᱮᱞᱭᱩᱞᱚᱡᱽ ᱥᱟᱶ-ᱥᱟᱶ ᱛᱮ ᱮᱴᱟᱜᱟᱜ ᱟᱹᱰᱤ ᱞᱮᱠᱟᱱᱟᱜ ᱚᱝᱜᱚᱥ ᱥᱮᱞᱮᱫ ᱛᱟᱦᱮᱸ ᱠᱚᱜᱼᱟ ᱾ ᱡᱟᱦᱟᱸᱨᱮ ᱞᱤᱜᱽᱱᱤᱱ ᱟᱨ ᱯᱮᱠᱴᱤᱱ ᱟᱹᱰᱤ ᱵᱟᱹᱲᱛᱤ ᱢᱟᱛᱨᱟ ᱨᱮ ᱟᱨ ᱢᱤᱱᱮᱨᱟᱞ ᱵᱩᱞᱩᱝ ᱟᱨ ᱤᱛᱤᱞ ᱟᱨ ᱨᱚᱝ ᱞᱮᱠᱟᱱ ᱡᱤᱱᱤᱥ ᱦᱚᱸ ᱛᱤᱱᱟᱹᱝ ᱚᱝᱜᱚᱥ ᱨᱮᱫᱚ ᱛᱟᱦᱮᱸᱱᱟ ᱾ ᱱᱚᱶᱟ ᱡᱤᱱᱤᱥ ᱠᱚ ᱛᱤᱱ ᱵᱷᱩᱨ ᱞᱟᱹᱠᱛᱤ ᱞᱮᱠᱟ ᱚᱝᱜᱚᱥ ᱩᱰᱩᱠ ᱜᱤᱰᱤ ᱠᱟᱛᱮ ᱥᱮᱞᱭᱩᱞᱚᱡᱽ ᱯᱩᱨᱟᱹ ᱵᱟᱝ ᱵᱷᱮᱜᱟᱨᱚᱜᱼᱟ ᱩᱱ ᱵᱷᱩᱨ ᱥᱮᱞᱭᱩᱞᱚᱡᱽ ᱛᱮ ᱵᱮᱥ ᱠᱟᱜᱚᱡᱽ ᱫᱚ ᱵᱟᱝ ᱵᱮᱱᱟᱣ ᱜᱟᱱᱚᱜᱼᱟ ᱾ ᱞᱤᱜᱽᱱᱤᱱ ᱚᱰᱚᱠ ᱜᱤᱰᱤ ᱫᱚ ᱟᱹᱰᱤ ᱵᱟᱹᱲᱛᱤ ᱞᱟᱹᱠᱛᱤ ᱢᱮᱱᱟᱜᱼᱟ ᱾ ᱡᱩᱫᱤ ᱞᱤᱜᱽᱱᱤᱱ ᱵᱟᱹᱲᱛᱤ ᱚᱝᱜᱚᱥ ᱨᱮ ᱥᱮᱞᱭᱩᱞᱚᱡᱽ ᱨᱮ ᱛᱟᱦᱮᱸ ᱫᱚᱦᱚᱜᱼᱟ ᱮᱱᱠᱷᱟᱱ ᱥᱮᱞᱭᱩᱞᱚᱡᱽ ᱨᱮᱭᱟᱜ ᱥᱩᱛᱟᱹᱢ ᱴᱷᱤᱠ ᱥᱟᱺᱦᱤᱡ ᱧᱟᱢ ᱢᱩᱥᱠᱤᱞ ᱵᱩᱡᱷᱟᱹᱣ ᱜᱚᱫᱚᱜᱼᱟ ᱾ ᱮᱛᱚᱦᱚᱵ ᱨᱮ ᱛᱤᱱ ᱵᱷᱩᱨ ᱥᱮᱞᱭᱩᱞᱚᱡᱽ ᱫᱟᱨᱮ ᱠᱷᱚᱱ ᱱᱤᱨᱲᱟᱹ ᱥᱟᱺᱦᱤᱡ ᱧᱟᱢ ᱞᱟᱹᱜᱤᱫ ᱛᱮ ᱚᱠᱟ ᱦᱚᱸ ᱱᱟᱯᱟᱭ ᱦᱚᱨ ᱵᱟᱝ ᱧᱟᱢ ᱟᱠᱟᱱ ᱛᱟᱦᱮᱸᱫ ᱾ ᱠᱟᱜᱚᱡᱽ ᱫᱚ ᱢᱩᱬ ᱞᱮᱠᱟᱛᱮ ᱚᱲᱮᱡ ᱥᱩᱛᱟᱹᱢ ᱞᱩᱜᱽᱲᱤ ᱛᱮᱜᱮ ᱵᱮᱱᱟᱣ ᱦᱩᱭᱩᱜ ᱠᱟᱱ ᱛᱟᱦᱮᱸᱱ ᱾ ᱚᱲᱮᱡ ᱞᱩᱜᱽᱲᱤ ᱟᱨᱵᱟᱝ ᱢᱟᱨᱮ ᱠᱟᱜᱚᱡᱽ ᱡᱩᱫᱤ ᱦᱚᱸ ᱠᱟᱜᱚᱡᱽ ᱟᱹᱰᱤ ᱟᱞᱜᱟ ᱛᱮ ᱟᱨ ᱟᱹᱰᱤ ᱱᱟᱯᱟᱭ ᱵᱮᱱᱟᱣᱜ ᱠᱟᱱᱟ ᱮᱱ ᱦᱚᱸ ᱱᱚᱶᱟ ᱩᱱᱟᱹᱝ ᱵᱟᱹᱲᱛᱤ ᱧᱟᱢ ᱜᱚᱫᱚᱜ ᱢᱩᱥᱠᱤᱞ ᱜᱮᱭᱟ ᱡᱟᱦᱟᱸᱛᱮ ᱟᱵᱚᱣᱟᱜ ᱠᱟᱜᱚᱡᱽ ᱨᱮᱭᱟᱜ ᱯᱩᱨᱟᱹ ᱞᱟᱹᱠᱛᱤ ᱥᱚᱝ ᱯᱩᱨᱩᱱᱚᱜ ᱫᱚ ᱢᱩᱥᱠᱤᱞ ᱜᱮᱭᱟ ᱾

ᱠᱟᱜᱚᱡᱽ ᱵᱮᱱᱟᱣ ᱥᱟᱢᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱮᱦᱮᱧ ᱜᱟᱯᱟ ᱠᱟᱜᱚᱡᱽ ᱵᱮᱱᱟᱣ ᱞᱟᱹᱜᱤᱫ ᱫᱚ ᱢᱩᱬ ᱞᱮᱠᱟᱛᱮ ᱞᱟᱛᱟᱨ ᱨᱮ ᱮᱢ ᱮᱱ ᱛᱤᱱᱟᱹᱝ ᱜᱟᱱ ᱡᱤᱱᱤᱥ ᱵᱟᱹᱲᱛᱤ ᱞᱮᱠᱟᱛᱮ ᱵᱮᱵᱷᱟᱨ ᱦᱩᱭᱩᱜ ᱠᱟᱱᱟ: ᱚᱲᱮᱡ ᱞᱩᱜᱽᱲᱤ, ᱢᱟᱨᱮ ᱠᱟᱜᱚᱡᱽ, ᱢᱟᱫ, ᱟᱹᱰᱤ ᱞᱮᱠᱟᱱ ᱫᱟᱨᱮ ᱨᱮᱭᱟᱜ ᱠᱟᱴ, ᱡᱮᱞᱮᱠᱟ: ᱥᱯᱨᱩᱥ ᱟᱨ ᱯᱟᱭᱤᱱ, ᱟᱨ ᱞᱮᱠᱟᱱ ᱞᱮᱠᱟᱱ ᱛᱟᱥᱟᱫ, ᱢᱮᱱ ᱢᱮ ᱵᱟᱪᱠᱚᱢ ᱟᱨ ᱮᱥᱯᱟᱨᱴᱳ ᱾ ᱵᱷᱟᱨᱚᱛ ᱨᱮᱫᱚ ᱢᱟᱫ ᱟᱨ ᱵᱟᱪᱠᱚᱢ ᱛᱟᱥᱟᱫ ᱜᱮ ᱠᱟᱜᱚᱡᱽ ᱵᱮᱱᱟᱣ ᱨᱮᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]