ᱠᱟᱝᱠᱮᱨ ᱦᱚᱱᱚᱛ
ᱠᱟᱝᱠᱮᱨ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱞᱚᱝᱜᱤᱪᱩᱰ 20.6-20.24 ᱟᱨ ᱞᱚᱝᱜᱤᱪᱩᱰ 80.48-81.48 ᱢᱟᱹᱫᱽ ᱨᱮ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱱᱟᱜ ᱞᱮᱠᱷᱟᱜᱩᱴ ᱮᱨᱤᱭᱟ ᱫᱚ ᱕᱒᱘᱕ᱹ᱐᱑ ᱜᱟᱺᱴ ᱠᱤᱞᱚᱢᱤᱴᱚᱨ ᱾ ᱱᱚᱸᱰᱮ ᱗᱔᱘,᱙᱔᱑ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱾
ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱠᱟᱝᱠᱮᱨ ᱱᱟᱜᱽᱨᱟᱦᱟ ᱨᱮ ᱢᱮᱱᱟᱜᱼᱟ, ᱡᱟᱦᱟᱱ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽ ᱰᱟᱦᱟᱨ ᱔᱓ ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾ ᱠᱟᱝᱠᱮᱨ ᱫᱚ ᱪᱷᱚᱛᱛᱤᱥᱜᱚᱲ ᱨᱮᱱᱟᱜ ᱵᱟᱨᱭᱟ ᱢᱟᱨᱟᱝ ᱱᱟᱜᱽᱨᱟᱦᱟ ᱨᱟᱭᱯᱩᱨ ᱟᱨ ᱡᱚᱜᱽᱫᱚᱞᱯᱩᱨ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱟᱝᱠᱮᱨ ᱨᱮᱱᱟᱜ ᱱᱟᱜᱟᱢ ᱫᱚ ᱫᱷᱤᱨᱤ ᱡᱩᱜᱽ (Stone Age) ᱠᱷᱚᱱ ᱮᱦᱚᱵ ᱞᱮᱱᱟ, ᱥᱤᱧᱚᱛ ᱨᱮᱱᱟᱜ ᱨᱟᱢᱟᱭᱚᱱ ᱠᱟᱛᱟ ᱟᱨ ᱢᱟᱦᱟᱵᱷᱟᱨᱚᱛ ᱨᱮᱦᱚᱸ ᱱᱚᱶᱟ ᱨᱮᱱᱟᱜ ᱪᱷᱟᱯ ᱧᱞ ᱧᱟᱢᱚᱜᱼᱟ , ᱚᱸᱰᱮ ᱡᱟᱣ ᱫᱚ ᱢᱤᱫ ᱵᱤᱨ ᱛᱟᱦᱮᱸ ᱠᱟᱱᱟ ᱫᱚᱱᱰᱚᱠᱟᱨᱚᱱᱭᱚ ᱢᱮᱱᱛᱮ ᱧᱩᱛᱩᱢ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱱᱤᱛᱚᱜ ᱠᱟᱝᱠᱮᱨ ᱢᱮᱱᱟᱜᱼᱟ ᱾ ᱦᱟᱯᱲᱟᱢ ᱠᱚᱣᱟᱜ ᱞᱟᱹᱭ ᱞᱮᱠᱟᱛᱮ ᱠᱟᱝᱠᱮᱨ ᱫᱚ ᱥᱟᱹᱫᱷᱩ ᱵᱟᱵᱟ ᱟᱨ ᱚᱡᱷᱟ (monks and sages) ᱠᱚᱣᱟᱜ ᱵᱟᱥᱟ ᱛᱟᱦᱮᱸ ᱠᱟᱱᱟ ᱾ ᱟᱭᱢᱟ ᱚᱡᱷᱟ (monks/sages) ᱡᱮᱢᱚᱱ ᱠᱟᱝᱠ (Kank), ᱞᱚᱢᱮᱥ (Lomesh), ᱥᱨᱤᱝᱜᱤ (Shringi), ᱟᱝᱜᱤᱨᱟ (Angira) ᱮᱢᱟᱱ ᱧᱩᱛᱩᱢᱟᱱ ᱚᱡᱷᱟ ᱠᱚ ᱛᱟᱦᱮᱸ ᱠᱟᱱᱟ ᱾ ᱵᱩᱣᱫᱷ ᱫᱷᱚᱨᱚᱢ ᱨᱮᱱᱟᱜ ᱚᱨᱥᱚᱝ ᱫᱚ ᱛᱩᱨᱩᱭᱥᱟᱭ ᱥᱮᱨᱢᱟ ᱡᱤᱥᱩ ᱞᱟᱦᱟ ᱠᱚᱱ ᱮᱦᱚᱵ ᱞᱮᱱᱟ ᱾ ᱢᱟᱨᱮ ᱱᱟᱜᱟᱢ ᱞᱮᱠᱟᱛᱮ ᱠᱟᱝᱠᱮᱨ ᱫᱚ ᱯᱷᱩᱨᱜᱟᱹᱞ ᱯᱚᱱᱚᱛ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾[᱑]
106 AD ᱚᱠᱛᱚ ᱨᱮ ᱠᱟᱝᱠᱮᱨ ᱫᱚ ᱥᱟᱛᱵᱟᱦᱚᱱ ᱵᱚᱝᱥᱚ ᱨᱮᱱᱟᱜ ᱥᱟᱢᱨᱟᱡᱽ ᱛᱟᱹᱨᱤ ᱨᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱ ᱚᱠᱛᱚ ᱨᱟᱡᱟ ᱫᱚ ᱥᱟᱛᱚᱠᱚᱨᱱᱤ ᱛᱟᱦᱮᱸ ᱠᱟᱱᱟᱭ, ᱱᱚᱶᱟ ᱥᱟᱹᱨᱤ ᱠᱟᱛᱷᱟ ᱫᱚ ᱪᱟᱭᱱᱤᱡᱽ ᱦᱤᱨᱤᱭᱟᱹ (visitor) ᱦᱩᱣᱮᱱᱥᱟᱝ (Whensaung) ᱟᱜ ᱚᱞ ᱨᱮᱦᱚᱸ ᱧᱟᱢᱚᱜᱼᱟ ᱾ ᱥᱟᱛᱵᱟᱦᱚᱱ ᱛᱟᱭᱚᱢ ᱠᱟᱝᱠᱮᱨ ᱫᱚ ᱱᱟᱜᱽ (Nags), ᱵᱚᱠᱚᱴᱟᱠᱟ (Vakataks), ᱜᱩᱯᱛ ( Gupt), ᱱᱟᱞ (Nal) ᱟᱨ ᱪᱟᱞᱩᱠᱭᱚ ᱵᱚᱝᱥᱚ ᱮᱢᱟᱱ ᱠᱚ ᱨᱟᱡᱽ ᱞᱮᱫ ᱛᱟᱦᱮᱸᱫ ᱾
ᱰᱮᱢᱚᱜᱽᱨᱟᱯᱤᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱠᱟᱝᱠᱮᱨ ᱦᱚᱱᱚᱛ ᱨᱮ ᱗᱔᱘,᱙᱔᱑ ᱦᱚᱲ ᱠᱚ ᱛᱟᱮᱸ ᱠᱟᱱᱟ[᱒], ᱡᱟᱦᱟᱸ ᱫᱚ ᱜᱩᱭᱟᱱᱟ (Guyana)[᱓] ᱟᱨᱵᱟᱝ ᱡᱩᱢᱤᱫ ᱫᱤᱥᱚᱢ ᱯᱚᱱᱚᱛ ᱟᱞᱟᱥᱠᱟ (Alaska)[᱔] ᱨᱤᱱ ᱦᱚᱲ ᱞᱮᱠᱷᱟ ᱥᱟᱶᱛᱮ ᱠᱚ ᱥᱩᱨᱥᱩᱯᱩᱨᱚᱜ ᱠᱟᱱᱟ ᱾ ᱥᱤᱧᱚᱛ ᱨᱮᱱᱟᱜ ᱖᱔᱐ ᱚᱱᱚᱛ ᱢᱟᱹᱫᱽ ᱠᱷᱚᱱ ᱱᱚᱟᱶ ᱦᱚᱱᱚᱛ ᱫᱚ ᱔᱙᱓ ᱟᱱᱟᱝ ᱨᱮᱸᱠ (ᱴᱷᱟᱶ) ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱦᱚᱲ ᱵᱟᱹᱰᱚᱜ ᱠᱟᱱ ᱫᱚ ᱫᱚ ᱑᱕% ᱛᱟᱦᱮᱸ ᱠᱟᱱᱟ ᱒᱐᱐᱑ ᱠᱷᱚᱱ ᱒᱐᱑᱑ ᱥᱟᱹᱦᱤᱛ ᱢᱟᱹᱫᱽ ᱨᱮ ᱾ ᱡᱟᱱᱟᱝ ᱡᱟᱹᱱᱤ ᱞᱮᱠᱟᱛᱮ ᱱᱚᱸᱰᱮ ᱑᱐᱐᱗ ᱠᱩᱲᱤ ᱨᱮ ᱑᱐᱐᱐ ᱠᱚᱲ ᱢᱮᱱᱟᱜ ᱠᱚᱣᱟ ᱟᱨ ᱥᱤᱠᱷᱱᱟᱹᱛ ᱫᱚ ᱗᱐ᱹ᱙᱗% ᱛᱟᱦᱮᱸ ᱠᱟᱱᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ http://planningonline.gov.in/data/report/DP2010-2011_381Merge.pdf[permanent dead link]
- ↑ "District Census 2011". Census2011.co.in. 2011. Retrieved 2011-09-30.
- ↑ US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01.
Guyana 744,768
- ↑ "2010 Resident Population Data". U. S. Census Bureau. Archived from the original on 2011-08-23. Retrieved 2011-09-30.
Alaska 710,231
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
|
ᱨᱟᱡᱽᱱᱟᱱᱫᱽᱜᱟᱶ ᱦᱚᱱᱚᱛ | ᱵᱟᱞᱚᱫᱽ ᱦᱚᱱᱚᱛ | ᱫᱷᱚᱢᱛᱚᱨᱤ ᱦᱚᱱᱚᱛ |
|
| ᱜᱚᱰᱪᱤᱨᱚᱞᱤ ᱦᱚᱱᱚᱛ, ᱢᱚᱦᱟᱨᱟᱥᱴᱨᱚ | 
|
ᱫᱷᱚᱢᱛᱚᱨᱤ ᱦᱚᱱᱚᱛ | ||
 ᱠᱟᱝᱠᱮᱨ ᱦᱚᱱᱚᱛ 
| ||||
| ||||
| ᱜᱚᱰᱪᱤᱨᱚᱞᱤ ᱦᱚᱱᱚᱛ, ᱢᱚᱦᱟᱨᱟᱥᱴᱨᱚ | ᱱᱟᱨᱟᱭᱚᱱᱯᱩᱨ ᱦᱚᱱᱚᱛ | ᱠᱚᱱᱰᱟᱜᱟᱶ ᱦᱚᱱᱚᱛ |