ᱠᱟᱨᱛᱤᱠᱟ ᱱᱟᱭᱟᱨ
| ᱠᱟᱨᱛᱤᱠᱟ ᱱᱟᱭᱟᱨ | |
|---|---|
 ᱒᱐᱑᱑ ᱨᱮ ᱠᱟᱨᱛᱤᱠᱟ ᱱᱟᱭᱟᱨ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒᱗ ᱡᱩᱱ ᱑᱙᱙᱒
Trivandrum, ᱠᱮᱨᱞᱟ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱯᱟᱴᱷᱚᱠᱤᱭᱟᱹ |
| ᱠᱟᱹᱢᱤ ᱚᱠᱛᱚ | 2009–2017 |
| ᱩᱥᱩᱞ | 1.78 m (5 ft 10 in) |
| ᱡᱤᱭᱚᱱ ᱥᱚᱦᱮᱫ | ᱨᱤᱦᱤᱛ ᱢᱮᱱᱚᱱ (m. 2023) |
| ᱟᱯᱟᱛ ᱮᱸᱜᱟᱛ | ᱨᱟᱫᱷᱟ ᱨᱟᱡᱟᱥᱮᱠᱟᱨᱟᱱ ᱱᱟᱭᱟᱨ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱛᱦᱩᱞᱥᱤ ᱱᱟᱭᱟᱨ (sister) |
ᱠᱟᱨᱛᱤᱠᱟ ᱱᱟᱭᱟᱨ (ᱡᱟᱱᱟᱢ 27 ᱡᱩᱱ 1992)[᱑] ᱢᱤᱫ ᱢᱟᱨᱮᱱ ᱵᱷᱟᱨᱚᱛᱤᱭᱚ ᱯᱟᱴᱷᱚᱠᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱮᱛᱚᱦᱚᱵ ᱞᱮᱠᱟᱛᱮ ᱥᱟᱱᱟᱢ ᱯᱟᱹᱨᱥᱤ ᱛᱮ ᱪᱚᱞᱚᱛ ᱪᱤᱛᱟᱹᱨ ᱨᱮ ᱠᱟᱹᱢᱤ ᱟᱠᱟᱫᱟᱭ ᱾[᱒] ᱩᱱᱤ ᱫᱚ ᱱᱟᱜᱟ ᱪᱚᱛᱱᱟᱭᱟ ᱵᱤᱨᱩᱫᱨᱮ 2009 ᱥᱟᱹᱦᱤᱛ ᱨᱮ ᱛᱮᱞᱮᱜᱩ ᱪᱚᱞᱚᱛ ᱪᱤᱛᱟᱹᱨ ᱡᱳᱥ ᱥᱚᱫᱚᱨ ᱞᱮᱱᱟᱭ ᱾ ᱡᱤᱵᱷᱟ ᱯᱤᱭᱟ ᱵᱟᱡᱯᱟᱭ ᱟᱜ ᱮᱴᱟᱜ ᱨᱮ ᱟᱭᱟᱜ ᱫᱚᱥᱟᱨ ᱟᱨ ᱟᱭᱟᱜ ᱯᱳᱭᱞᱳ ᱥᱤᱜᱤᱞ ᱛᱟᱢᱤᱞ ᱪᱤᱛᱟᱹᱨ ᱠᱳ ᱯᱟᱴᱷ ᱠᱟᱛᱮ ᱩᱱᱤ ᱫᱚ ᱧᱩᱛᱩᱢᱟᱱ ᱮ ᱦᱟᱢᱮᱴ ᱞᱮᱫᱟ ᱾ ᱢᱟᱞᱚᱭᱟᱞᱚᱢ ᱪᱚᱞᱚᱛ ᱪᱤᱛᱟᱹᱨ 'ᱯᱨᱳᱯᱨᱟᱭᱴᱟᱨᱥ ᱠᱚᱢᱢᱟᱛᱷ ᱮᱱᱰ ᱠᱟᱢᱢᱟᱛᱷ' ᱨᱮ ᱫᱟᱞᱤᱯ ᱩᱞᱴᱟᱹᱨᱮ ᱟᱨᱦᱚᱸ ᱥᱤᱜᱤᱞᱮ ᱧᱟᱢ ᱞᱮᱫᱟ ᱾[᱓][᱔]
ᱮᱛᱚᱦᱚᱵ ᱟᱨ ᱱᱤᱡᱮᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱟᱨᱮᱱ ᱵᱷᱟᱨᱚᱛᱤᱭᱚ ᱯᱟᱴᱷᱚᱠᱤᱭᱟᱹ ᱨᱟᱫᱷᱟᱣᱟᱜ ᱚᱲᱟᱜ ᱨᱮ ᱠᱟᱨᱛᱤᱠᱟ ᱫᱚᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱨᱮᱱ ᱵᱟᱨᱭᱟ ᱵᱚᱭᱦᱟ ᱢᱮᱱᱟᱜ ᱠᱚᱣᱟ ᱛᱩᱞᱥᱤ ᱱᱟᱭᱟᱨ, ᱡᱟᱦᱟᱸᱭ ᱫᱚ ᱫᱚᱠᱷᱤᱱ ᱵᱷᱟᱨᱚᱛ ᱨᱮᱱ ᱯᱟᱴᱷᱚᱠᱤᱭᱟᱹ ᱦᱚᱸ ᱠᱟᱱᱟᱭ ᱾ ᱩᱱᱤ ᱢᱩᱢᱵᱟᱭ ᱨᱮᱭᱟᱜ ᱯᱩᱫᱟᱨ ᱤᱱᱴᱟᱨᱱᱮᱥᱱᱮᱞ ᱵᱤᱨᱫᱟᱹᱜᱟᱲ ᱨᱮ ᱥᱮᱪᱮᱫᱮ ᱦᱟᱛᱟᱣ ᱞᱮᱫᱟ ᱟᱨ ᱞᱚᱱᱰᱚᱱ ᱥᱩᱠᱚᱞ ᱚᱯᱷ ᱮᱠᱟᱣᱩᱱᱴᱤᱠᱥ ᱥᱮᱞᱮᱫ ᱠᱚᱞᱮᱡᱽ ᱠᱷᱚᱱ ᱵᱮᱯᱟᱨ ᱨᱮ ᱢᱤᱫᱴᱟᱝ ᱰᱤᱜᱽᱨᱤ ᱮ ᱦᱟᱢᱮᱴ ᱞᱮᱫᱟ ᱾[᱕][᱖]
ᱱᱟᱭᱟᱨ ᱱᱚᱵᱷᱮᱢᱵᱚᱨ 2023 ᱨᱮ ᱠᱮᱨᱟᱞᱟ ᱨᱮᱭᱟᱜ ᱛᱩᱨᱩᱵᱚᱱᱚᱛᱚᱯᱩᱨᱚᱢ ᱨᱮᱭᱟᱜ ᱚᱫᱟᱭ ᱥᱟᱢᱩᱫᱨᱟ ᱞᱤᱭᱟᱨ ᱵᱤᱪ ᱦᱳᱴᱮᱞ ᱨᱮ ᱨᱩᱴᱤᱛ ᱢᱮᱱᱚᱱ ᱮ ᱵᱟᱯᱞᱟ ᱞᱮᱫᱮᱭᱟ ᱾[᱗][᱘]
ᱠᱟᱹᱢᱤᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ 17 ᱥᱮᱨᱢᱟ ᱩᱢᱮᱨ ᱨᱮ ᱱᱟᱜᱟ ᱪᱚᱛᱱᱟᱭᱟ ᱮᱴᱟᱜ ᱥᱮᱫ 2009 ᱥᱟᱹᱦᱤᱛ ᱨᱮ ᱛᱮᱞᱮᱜᱩ ᱪᱚᱞᱚᱛᱪᱤᱛᱟᱹᱨ ᱡᱳᱥ ᱯᱟᱴᱷ ᱨᱮᱭ ᱥᱚᱫᱚᱨ ᱞᱮᱱᱟ ᱾ ᱡᱩᱫᱤᱦᱚᱸ ᱪᱤᱛᱟᱹᱨ ᱫᱚ ᱢᱮᱥᱟᱼᱵᱟᱹᱲᱤᱡ ᱠᱟᱛᱷᱟ ᱠᱚ ᱧᱟᱢ ᱞᱮᱫᱟ, ᱢᱮᱱᱠᱷᱟᱱ ᱠᱚᱞᱮᱡᱽ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱛᱮ ᱟᱡ ᱨᱮᱱ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ ᱨᱮᱱ ᱢᱤᱫ ᱦᱚᱲ ᱥᱮᱪᱮᱫᱤᱭᱟᱹ ᱵᱤᱫᱤᱭᱟ ᱪᱩᱨᱤᱛ ᱨᱮ ᱯᱟᱴᱷ ᱫᱚ ᱟᱹᱰᱤ ᱱᱟᱯᱟᱭ ᱠᱚ ᱧᱟᱢ ᱞᱮᱫᱟ ᱾ ᱟᱭᱟᱜ ᱠᱳ ᱪᱚᱞᱚᱛ ᱪᱤᱛᱟᱹᱨ ᱫᱚ ᱛᱟᱦᱮᱸ ᱠᱟᱱᱟ ᱛᱟᱢᱤᱞ ᱯᱟᱹᱨᱥᱤ ᱨᱮᱭᱟᱜ ᱠᱳ, ᱡᱟᱦᱟᱸ ᱫᱚ ᱠᱮᱵᱷᱤ ᱟᱱᱚᱱᱫᱚ ᱮ ᱪᱟᱪᱟᱞᱟᱣ ᱞᱮᱫᱟ, ᱡᱟᱸᱦᱟ ᱨᱮ ᱡᱤᱵᱷᱟ ᱯᱤᱭᱟ ᱵᱟᱡᱯᱟᱭ ᱢᱩᱲᱩᱫ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ, ᱡᱟᱦᱟᱸ ᱫᱚ ᱵᱚᱠᱥ ᱚᱯᱷᱤᱥ ᱨᱮ ᱟᱹᱰᱤ ᱱᱟᱯᱟᱭ ᱥᱤᱜᱤᱞᱮ ᱧᱟᱢ ᱞᱮᱫᱟ ᱾[᱙] ᱪᱤᱛᱟᱹᱨ ᱫᱚ ᱨᱟᱡᱽᱟᱹᱨᱤ ᱛᱚᱛᱩᱨᱟᱱ ᱨᱮᱭᱟᱜ ᱠᱟᱹᱨᱤ ᱨᱮ ᱫᱷᱚᱨᱚᱢ ᱨᱮᱭᱟᱜ ᱢᱟᱹᱱᱮ ᱧᱟᱢ ᱞᱮᱫᱟ ᱾ ᱨᱟᱡᱟᱹᱨᱤᱤᱭᱟᱹ ᱠᱚᱣᱟᱜ ᱵᱟᱝ ᱠᱚ ᱥᱚᱫᱚᱨ ᱠᱟᱛᱮ ᱢᱤᱫ ᱛᱚᱛᱩᱛᱟᱱ ᱰᱚᱜᱚᱨᱤᱭᱟᱹ ᱨᱮᱱᱩᱠᱟ ᱱᱟᱨᱟᱭᱚᱱ ᱟᱜ ᱪᱩᱨᱤᱛ ᱨᱮ ᱩᱱᱤᱭᱟᱜ ᱯᱟᱴᱷ ᱟᱹᱰᱤ ᱥᱟᱨᱦᱟᱣ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱞᱮᱱᱤᱱ ᱨᱟᱡᱮᱱᱫᱨᱚᱱᱟᱜ ᱪᱟᱪᱟᱞᱟᱣ ᱢᱟᱞᱚᱭᱟᱞᱚᱢ ᱪᱚᱞᱚᱛᱪᱤᱛᱟᱹᱨ ᱢᱮᱠᱚᱨᱟᱢᱟᱱᱡᱩ ᱨᱮᱭ ᱯᱟᱴᱷ ᱞᱮᱫᱟ, ᱡᱟᱸᱦᱟ ᱨᱮ ᱩᱱᱤ ᱫᱚ ᱥᱚᱨᱮᱥ ᱪᱚᱞᱚᱛ ᱪᱤᱛᱟᱹᱨ ᱵᱮᱱᱟᱣᱤᱡ ᱟᱨ ᱥᱟᱯᱲᱟᱣᱤᱡ ᱥᱚᱱᱛᱳᱥ ᱥᱤᱵᱚᱱ ᱥᱟᱶᱛᱮ ᱯᱟᱴᱷ ᱞᱮᱫᱟᱭ ᱾ [᱑᱐] [᱑᱑] ᱵᱟᱨᱭᱟ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ, ᱢᱤᱫ ᱦᱚᱲ ᱪᱤᱛᱟᱹᱨ ᱪᱤᱛᱟᱹᱨ ᱨᱮᱱ ᱢᱚᱰᱮᱞ,ᱥᱩᱜᱚᱱᱫᱷᱟᱵᱟᱭ ᱟᱨ ᱥᱚᱨᱚᱥᱚ ᱨᱮᱱ ᱥᱳᱭᱨᱚ, ᱳᱨᱚᱵᱷᱥᱤ ᱟᱭᱟᱜ ᱯᱳᱭᱞᱳ ᱵᱟᱨ ᱪᱩᱨᱤᱛ ᱨᱮ ᱯᱟᱴᱷ ᱟᱹᱰᱤ ᱱᱟᱯᱟᱭ ᱠᱚ ᱧᱟᱢ ᱞᱮᱫᱟ ᱟᱨ ᱩᱱᱤᱭᱟᱜ ᱯᱟᱴᱷ ᱤᱫᱤ ᱠᱟᱛᱮ ᱩᱭᱦᱟᱹᱨᱤᱭᱟᱹ ᱠᱚ ᱟᱹᱰᱤ ᱱᱟᱯᱟᱭ ᱠᱚ ᱩᱫᱩᱜ ᱞᱮᱫᱟ ᱾ ᱥᱟᱯᱲᱟᱣᱤᱡ ᱰᱮᱱᱤ ᱵᱳᱭᱮᱞ ᱪᱤᱛᱟᱹᱨ ᱨᱮ ᱟᱭᱟᱜ ᱠᱟᱹᱢᱤ ᱛᱮ ᱟᱹᱰᱤ ᱜᱮ ᱮᱥᱮᱨ ᱞᱮᱱᱟ ᱾[᱑᱒]
2012 ᱥᱟᱹᱦᱤᱛ ᱨᱮ, ᱩᱱᱤ ᱫᱚ ᱵᱳᱭᱟᱯᱚᱛᱤ ᱥᱨᱤᱱᱩ ᱫᱟᱨᱟᱭ ᱛᱮ ᱥᱟᱯᱲᱟᱣ ᱟᱠᱟᱱ ᱢᱤᱫᱴᱟᱝ ᱛᱮᱞᱮᱜᱩ ᱪᱚᱞᱚᱛᱪᱤᱛᱟᱹᱨ ᱫᱟᱢᱢᱩ ᱢᱤᱫᱴᱟᱝ ᱥᱤᱢᱤᱛ ᱜᱞᱟᱢᱟᱨᱥ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾ ᱩᱱᱤᱭᱟᱜ ᱯᱟᱴᱷ ᱟᱨ ᱪᱚᱞᱚᱛᱪᱤᱛᱟᱹᱨ ᱫᱚ ᱢᱮᱥᱟᱼᱵᱟᱹᱲᱤᱡ ᱜᱟᱞᱚᱪ ᱮ ᱧᱟᱢ ᱞᱮᱫᱟ ᱟᱨ ᱵᱮᱯᱟᱨᱤᱭᱟᱹ ᱞᱮᱠᱟᱛᱮ ᱵᱟᱝ ᱥᱤᱜᱤᱞ ᱞᱮᱱᱟ ᱾ ᱩᱱᱤ ᱮᱱ ᱴᱤ ᱨᱟᱢ ᱨᱟᱣ ᱡᱮᱹᱱᱤᱭᱟᱨ ᱥᱟᱶ ᱮ ᱡᱳᱴᱤᱭ ᱠᱚᱨᱟᱣ ᱞᱮᱫᱟ ᱟᱨ ᱛᱨᱤᱥ ᱥᱟᱶᱛᱮ ᱯᱚᱨᱫᱟ ᱨᱮ ᱦᱟᱹᱴᱤᱧ ᱞᱮᱫᱟᱭ ᱾
2013 ᱥᱟᱹᱦᱤᱛ ᱨᱮ, ᱩᱱᱤ ᱢᱟᱢᱩᱴᱴᱤ ᱫᱟᱞᱤᱯ ᱥᱟᱶᱛᱮ ᱠᱟᱢᱤᱰᱤ ᱪᱚᱞᱚᱛᱪᱤᱛᱟᱹᱨ ᱯᱨᱳᱯᱨᱟᱭᱴᱟᱨᱥ ᱠᱚᱢᱢᱟᱛᱷ ᱟᱨ ᱠᱟᱢᱢᱟᱛᱷ ᱨᱮᱭ ᱯᱟᱴᱷ ᱞᱮᱫᱟ ᱾ ᱵᱷᱟᱨᱚᱛ ᱨᱮᱭᱟᱜ ᱨᱮᱵᱷᱮᱶᱭᱩ ᱥᱟᱨᱵᱷᱤᱥ ᱨᱮ ᱠᱟᱹᱢᱤ ᱠᱟᱱ ᱢᱤᱫ ᱜᱩᱱᱟᱱ ᱠᱷᱤᱥᱴᱟᱱ ᱡᱩᱭᱟᱹᱱ ᱵᱤᱨᱟᱹᱫᱟᱹᱞᱤ ᱥᱩᱨᱮᱠᱷᱟ ᱪᱩᱨᱤᱛ ᱨᱮ ᱩᱱᱤᱭᱟᱜ ᱯᱟᱴᱷ ᱟᱹᱰᱤ ᱱᱟᱯᱟᱭ ᱠᱚ ᱧᱟᱢ ᱞᱮᱫᱟ ᱟᱨ ᱪᱤᱛᱟᱹᱨ ᱦᱚᱸ ᱧᱮᱞ ᱞᱮᱫᱟ ᱾ [᱑᱓] ᱩᱱᱤ ᱫᱚ ᱧᱩᱛᱩᱢᱟᱱ ᱪᱚᱞᱚᱛ ᱪᱤᱛᱟᱹᱨ ᱵᱮᱱᱟᱣᱤᱡ ᱵᱷᱟᱨᱛᱤᱨᱟᱡᱟ ᱫᱟᱨᱟᱭ ᱛᱮ ᱥᱟᱯᱲᱟᱣ ᱛᱟᱢᱤᱞ ᱪᱚᱞᱚᱛ ᱪᱤᱛᱟᱹᱨ ᱟᱱᱱᱟᱠᱳᱰᱤ ᱨᱮ ᱧᱩᱛᱩᱢᱟᱱ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾ ᱡᱩᱫᱤᱦᱚᱸ ᱪᱤᱛᱟᱹᱨ ᱫᱚ ᱵᱟᱝᱼᱵᱟᱹᱲᱤᱡ ᱠᱟᱛᱷᱟ ᱠᱚ ᱧᱟᱢ ᱞᱮᱫᱟ, ᱢᱮᱱᱠᱷᱟᱱ ᱟᱱᱟᱴ ᱨᱮ ᱢᱤᱫ ᱛᱤᱨᱞᱟᱹ ᱪᱩᱨᱤᱛ ᱨᱮ ᱩᱱᱤᱭᱟᱜ ᱯᱟᱴᱷ ᱱᱟᱯᱟᱭ ᱠᱟᱛᱷᱟ ᱠᱚ ᱧᱟᱢ ᱟᱠᱟᱫᱟ ᱾ ᱩᱱᱤ ᱛᱮᱞᱮᱜᱩ ᱵᱚᱞᱚᱠᱵᱟᱥᱴᱟᱨ ᱵᱨᱤᱱᱫᱟᱵᱚᱱᱚᱢ ᱨᱮᱭᱟᱜ ᱨᱤᱢᱤᱠ ᱵᱨᱤᱱᱫᱟᱵᱷᱟᱱ ᱛᱟᱞᱟᱛᱮ ᱠᱚᱱᱱᱚᱲ ᱨᱮᱭ ᱥᱚᱫᱚᱨ ᱞᱮᱱᱟ ᱾[᱑᱔] ᱪᱤᱛᱟᱹᱨ ᱫᱚ ᱮᱛᱚᱦᱚᱵ ᱥᱤᱜᱤᱞᱮ ᱵᱟᱨᱮᱛᱮ ᱩᱫᱩᱜ ᱥᱚᱫᱚᱨ ᱞᱮᱫᱟ ᱾ ᱪᱤᱛᱟᱹᱨ ᱨᱮ ᱩᱱᱤ ᱫᱚ ᱫᱟᱥᱚᱱ ᱥᱟᱶᱛᱮ ᱡᱳᱴ ᱨᱮᱭ ᱯᱟᱴᱷ ᱞᱮᱫᱟ ᱾
2014 ᱥᱟᱹᱦᱤᱛ ᱨᱮ, ᱩᱱᱤ ᱟᱡᱟᱜ ᱛᱮᱥᱟᱨ ᱛᱮᱞᱮᱜᱩ ᱪᱚᱞᱚᱛᱪᱤᱛᱟᱹᱨ ᱵᱨᱟᱫᱟᱨ ᱚᱯᱷ ᱵᱳᱢᱢᱟᱞᱤ ᱨᱮᱭ ᱯᱟᱴᱷ ᱞᱮᱫᱟ, ᱡᱟᱦᱟᱸᱨᱮ ᱩᱱᱤ ᱟᱞᱞᱟᱨᱤ ᱱᱟᱨᱤᱥ ᱪᱩᱨᱤᱛ ᱨᱮ ᱰᱟᱦᱟᱨ ᱥᱮᱫ ᱴᱚᱢᱵᱚᱭ ᱡᱳᱭᱞᱤ ᱵᱚᱭᱦᱟ ᱞᱚᱠᱤ ᱟᱜ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾ ᱪᱤᱛᱟᱹᱨ ᱨᱮ ᱯᱟᱴᱷ ᱟᱠᱟᱫᱟᱭ ᱵᱨᱟᱢᱵᱚᱱᱫᱚᱢ,ᱟᱞᱤ ᱟᱨ ᱠᱮᱞᱤ ᱰᱳᱨᱡᱤ,ᱱᱟᱜᱤᱱᱤᱰᱩ ᱟᱨ ᱵᱤᱱᱤᱛ ᱠᱩᱢᱟᱨ ᱪᱤᱛᱟᱹᱨ ᱨᱮ ᱩᱱᱤ ᱢᱤᱫᱴᱟᱝ ᱯᱩᱨᱟᱹ ᱚᱠᱛᱚ ᱨᱮᱭᱟᱜ ᱠᱟᱢᱤᱠ ᱪᱩᱨᱤᱛ ᱨᱮᱭ ᱯᱟᱴᱷ ᱟᱠᱟᱫᱟ ᱾
ᱯᱷᱤᱞᱢᱳᱜᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱪᱚᱞᱚᱛᱪᱤᱛᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱴᱮᱞᱤᱵᱷᱤᱡᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
| ᱥᱮᱨᱢᱟ | ᱛᱟᱹᱞᱤᱠᱟ | ᱮᱱᱮᱢ | ᱯᱟᱹᱨᱥᱤ | ᱱᱳᱴᱠᱚ |
|---|---|---|---|---|
| 2017 | ᱟᱨᱟᱢᱵᱷ | ᱫᱮᱵᱥᱮᱱᱟ | ᱦᱤᱱᱫᱤ | ᱴᱮᱞᱤᱵᱷᱤᱥᱚᱱ ᱨᱮ ᱮᱛᱚᱦᱚᱵ |
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Tollywood Actress Says Goodbye to Movies". Sakshi Post (in ᱟᱝᱜᱽᱨᱮᱡᱤ). 2021-06-25. Archived from the original on 7 November 2021. Retrieved 2021-11-07.
- ↑ "Karthika celebrates 20st birthday". The Times of India. 27 June 2013. Archived from the original on 3 December 2013. Retrieved 18 August 2013.
- ↑ "Rajniesh Duggal: 'Aarambh' is not based on 'Baahubali'". The Times of India. Archived from the original on 10 August 2017. Retrieved 22 May 2017.
- ↑ "Here's everything you want to know about Baahubali inspired show Aarambh". India Today. Archived from the original on 27 December 2019.
- ↑ "Karthika: T-town's new face". The Times of India. 2 September 2009. Archived from the original on 8 November 2015. Retrieved 11 October 2011.
- ↑ Nayar, Parvathy S (14 August 2012). "Karthika gearing up for a career in hotel industry". The Times of India. Archived from the original on 3 January 2013. Retrieved 17 October 2012.
- ↑ The Times of India (20 November 2023). "Karthika Nair gets married to Rohit Menon". Archived from the original on 20 November 2023. Retrieved 20 November 2022.
- ↑ "Radha's daughter Karthika Nair is a happy bride in latest wedding pictures". The Indian Express (in ᱟᱝᱜᱽᱨᱮᱡᱤ). 2023-11-22. Archived from the original on 7 December 2023. Retrieved 2023-12-07.
- ↑ Ko hits half-century!
- ↑ "Karthika debuts in Malayalam with Makaramanju". Sify. 2010. Archived from the original on 24 December 2009. Retrieved 17 February 2011.
- ↑ "'Makara Manju' was a tough experience: Karthika Nair". Filmydum. 1 February 2011. Archived from the original on 11 July 2011. Retrieved 17 February 2011.
- ↑ "Karthika dazes Danny Boyle". IndiaGlitz. 13 December 2010. Archived from the original on 17 December 2010. Retrieved 17 February 2011.
- ↑ "Karthika is Annakodi!". The Times of India. Archived from the original on 11 July 2012. Retrieved 17 January 2012.
- ↑ "Karthika and Vedhika in Darshan's Brindavana". Telugu Now. 25 January 2013. Archived from the original on 4 September 2013. Retrieved 16 August 2013.