ᱠᱟᱲᱤᱫᱟᱥ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱠᱟᱲᱤᱫᱟᱥ

ᱠᱟᱲᱤᱫᱟᱥ ᱫᱚ ᱥᱚᱸᱥᱠᱨᱩᱛ ᱯᱟ.ᱨᱥᱤ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱚᱱᱚᱬᱦᱤᱭᱟ. ᱟᱨ ᱜᱟᱭᱱᱟᱦᱟᱨ/ᱜᱟᱭᱟᱱᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱤᱧᱚᱛ ᱨᱮᱭᱟᱜ ᱯᱣᱚᱨᱟᱬᱤᱠ (Mythology ) ᱠᱟᱛᱷᱟ ᱟᱨ ᱧᱮᱱᱮᱞ/ᱫᱚᱨᱥᱚᱱ ᱪᱮᱛᱟᱱ ᱨᱮᱭ ᱜᱟᱞᱟᱝ ᱜᱟᱵᱟᱱ ᱟᱠᱟᱜᱼᱟ ᱾ ᱠᱟᱲᱤᱫᱟᱥ ᱟᱡᱟᱜ ᱚᱲᱚᱝᱠᱟᱨ (ornamental) ᱛᱮ ᱥᱟᱡᱟᱣ ᱟᱠᱟᱱ ᱟᱞᱜᱟ ᱟᱨ ᱦᱮᱲᱮᱢ ᱯᱟ.ᱨᱥᱤ ᱟᱲᱟᱝ ᱠᱷᱟ.ᱛᱤᱨ ᱵᱟ.ᱲᱛᱤᱭ ᱵᱟᱰᱟᱭᱚᱜᱼᱟ ᱾ᱩᱱᱤᱭᱟᱜ ᱫᱚ ᱥᱤᱧᱚᱛ ᱨᱤᱱᱤᱡ ᱥᱮᱠᱥᱯᱤᱭᱟᱨ ᱞᱮᱠᱟ ᱛᱮᱦᱚᱸ ᱧᱩᱛᱩᱢ ᱛᱟᱭ ᱢᱮᱱᱟᱜᱼᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱧᱩᱛᱩᱢᱟᱱ ᱚᱱᱚᱬᱦᱤᱭᱟ. ᱠᱟᱲᱤᱫᱟᱥ ᱛᱤᱥ ᱮ ᱡᱟᱱᱟᱢ ᱞᱮᱱᱟ, ᱟᱡ ᱨᱤᱱ ᱟᱭᱳ ᱵᱟᱵᱟᱦᱟᱜ ᱧᱩᱛᱩᱢ ᱪᱮᱫ ᱛᱟᱦᱮᱸ ᱠᱟᱱᱟ, ᱟᱡᱟᱜ ᱡᱟᱱᱟᱢ ᱚᱠᱟᱨᱮ ᱦᱩᱭ ᱟᱠᱟᱱᱟ, ᱱᱚᱶᱟ ᱠᱚ ᱤᱫᱤ ᱠᱟᱛᱮ ᱫᱚ ᱵᱤᱵᱟ.ᱵᱽ ᱜᱮ ᱛᱟᱦᱮᱸ ᱟ.ᱜᱩ ᱟᱠᱟᱱᱟ ᱾ᱩᱱᱤ ᱫᱚ ᱟᱡᱟᱜ ᱡᱤᱭᱚᱱ ᱪᱮᱛᱟᱱ ᱨᱮᱫᱚ ᱚᱠᱟ ᱨᱮᱦᱚᱸ ᱪᱮᱫ ᱦᱚᱸ ᱵᱟᱭ ᱚᱞ ᱟᱠᱟᱜᱼᱟ ᱾ ᱚᱱᱟᱛᱮ ᱩᱱᱤ ᱤᱫᱤ ᱠᱟᱛᱮ ᱡᱟᱦᱟᱸ ᱜᱮ ᱢᱮᱱᱚᱜᱚᱜᱼᱟ, ᱚᱱᱟ ᱠᱚᱫᱚ ᱠᱷᱟ.ᱞᱤ ᱢᱤᱫ ᱚᱱᱢᱟᱱ ᱛᱮᱜᱮ ᱾ ᱢᱮᱜᱷᱚᱫᱩᱛᱚᱢ ᱨᱮ ᱩᱡᱡᱮᱱ ᱪᱮᱛᱟᱱᱨᱮ ᱟᱡᱟᱜ ᱵᱟ.ᱲᱛᱤ ᱫᱩᱞᱟ.ᱲ ᱧᱮᱞ ᱠᱟᱛᱮ ᱦᱚᱲ ᱩᱱᱤ ᱫᱚ ᱩᱡᱡᱮᱱ ᱨᱤᱱᱤᱡ ᱛᱟᱦᱮᱸᱱ ᱦᱚᱲ ᱠᱟᱱᱟᱭ ᱢᱮᱱᱛᱮ ᱠᱚ ᱢᱮᱱᱟ ᱾ ᱛᱤᱱᱟ.ᱝ ᱜᱟᱱ ᱯᱚᱸᱰᱤᱛ ᱫᱚ ᱩᱱᱤ ᱳᱰᱤᱥᱟ ᱟᱨ ᱵᱮᱸᱜᱚᱞ ᱨᱤᱱᱤᱡ ᱠᱟᱱᱟᱭ ᱢᱮᱱᱛᱮ ᱯᱨᱚᱢᱟᱬ ᱞᱟ.ᱜᱤᱫ ᱠᱚ ᱠᱩᱨᱩᱢᱩᱴᱩᱭᱟ ᱾ ᱢᱮᱱᱟ ᱠᱚ ᱠᱟᱲᱤᱫᱟᱥ ᱫᱚ ᱥᱨᱤᱞᱚᱝᱠᱟ ᱨᱮᱠᱚ ᱜᱚᱡ ᱞᱮᱫᱮᱭᱟ ᱾ ᱤᱠᱷᱟ.ᱱ ᱯᱚᱸᱰᱤᱛ ᱠᱚᱫᱚ ᱱᱚᱶᱟ ᱦᱚᱸ ᱢᱤᱫ ᱩᱭᱦᱟ.ᱨ ᱜᱮ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱠᱟᱲᱤᱫᱟᱥ ᱟᱡᱟᱜ ᱚᱲᱚᱝᱠᱟᱨ ᱛᱮ ᱥᱟᱡᱟᱣ ᱪᱚᱨᱚᱠ ᱟᱞᱜᱟ ᱟᱨ ᱦᱮᱲᱮᱢ ᱯᱟ.ᱨᱥᱤ ᱞᱟ.ᱜᱤᱫ ᱵᱟ.ᱲᱛᱤ ᱞᱮᱠᱟᱛᱮ ᱧᱩᱛᱩᱢ ᱛᱟᱭ ᱢᱮᱱᱟᱜᱼᱟ ᱾ ᱟᱡᱟᱜ ᱨᱤᱛᱩ ᱜᱟᱵᱟᱱ ᱟᱨ ᱩᱯᱢᱟ ᱡᱷᱚᱛᱚ ᱠᱷᱚᱱ ᱪᱚᱨᱚᱠ ᱟᱨ ᱵᱷᱮᱜᱟᱨ ᱛᱟᱭᱟ ᱾ ᱥᱮᱨᱮᱧ ᱫᱚ ᱟᱡᱟᱜ ᱥᱟᱶᱦᱮᱫ ᱨᱮ ᱢᱤᱫ ᱢᱟᱨᱟᱝ ᱚᱝᱥᱚ / ᱦᱟ.ᱴᱤᱧ ᱠᱟᱱᱟ ᱟᱨ ᱨᱟᱥᱟ ᱥᱤᱨᱡᱚᱱ ᱨᱮ ᱟᱡᱟᱜ ᱪᱮᱫ ᱥᱟᱶ ᱦᱚᱸ ᱛᱩᱞᱟ.ᱡᱚᱠᱷᱟ ᱜᱮ ᱵᱟ.ᱱᱩᱜ ᱟᱱᱟ ᱾ᱩᱱᱤ ᱟᱡᱟᱜ ᱨᱟᱥᱟ ᱛᱮ ᱯᱮᱨᱮᱡ ᱥᱟᱡᱟᱣ ᱟᱠᱟᱱ ᱥᱟᱶᱦᱮᱫ ᱨᱮᱦᱚᱸ ᱥᱟᱶᱦᱮᱫᱟᱜ ᱪᱚᱨᱚᱠ ᱥᱟᱶᱼᱥᱟᱶ ᱛᱮ ᱟᱫᱚᱨᱥᱵᱟᱫᱤ ᱯᱚᱨᱚᱢᱯᱚᱨᱟ ᱟᱨ ᱫᱟᱢᱟᱱ ᱥᱮᱪᱮᱫ ᱨᱮᱭᱟᱜ ᱩᱪᱤᱛ ᱫᱷᱮᱭᱟᱱ ᱫᱚᱦᱚ ᱟᱠᱟᱱᱟ ᱾ ᱩᱱᱤᱭᱟᱜ ᱧᱩᱛᱩᱢ ᱫᱚ ᱡᱤᱭᱟ.ᱛ ᱜᱮᱭᱟ ᱟᱨ ᱩᱱᱤᱭᱟᱜ ᱴᱷᱟᱶ ᱫᱚ ᱵᱟᱞᱢᱤᱠᱤ ᱟᱨ ᱵᱭᱟᱥ ᱛᱤᱠᱤᱱᱟᱜ ᱞᱮᱠᱟ ᱛᱟᱦᱮᱸ ᱟ.ᱜᱩ ᱟᱠᱟᱱᱟ ᱾

ᱠᱟᱲᱤᱫᱟᱥ ᱫᱚ ᱥᱤᱵᱽ ᱟ.ᱰᱤ ᱜᱮᱭ ᱢᱟᱱᱟᱣ ᱵᱟᱛᱟᱣ ᱮ ᱛᱟᱦᱮᱸᱱ ᱾ᱠᱟᱲᱤᱫᱟᱥ ᱧᱩᱛᱩᱢ ᱟ.ᱲᱟ. ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ, "ᱠᱟᱲᱤᱭᱤᱡ ᱥᱮᱵᱚᱠ" ᱾ ᱠᱟᱲᱤᱫᱟᱥ ᱧᱮᱞ ᱡᱚᱝ ᱨᱮᱫᱚ ᱟ.ᱰᱤ ᱪᱚᱨᱚᱠ ᱮ ᱛᱟᱦᱮᱸ ᱠᱟᱱᱟ ᱟᱨ ᱵᱤᱠᱨᱚᱢᱟᱫᱤᱛᱭᱚ ᱣᱟᱜ ᱟᱠᱷᱲᱟ/ᱫᱚᱨᱵᱟᱨ ᱨᱮ ᱟᱨᱮ ᱨᱚᱛᱱᱚ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ᱤᱠᱷᱟ.ᱱ ᱱᱚᱝᱠᱟ ᱦᱚᱸ ᱠᱚ ᱢᱮᱱᱟ -- ᱮᱛᱚᱦᱚᱵ ᱡᱤᱭᱚᱱ ᱨᱮᱫᱚ ᱠᱟᱲᱤᱫᱟᱥ ᱵᱟᱝ ᱚᱞ ᱯᱟᱲᱦᱟᱣ ᱦᱚᱲ ᱟᱨᱵᱟᱝ ᱢᱩᱨᱩᱠ ᱜᱮᱭ ᱛᱟᱦᱮᱸ ᱠᱟᱱᱟ ᱾ ᱠᱟᱲᱤᱫᱟᱥ ᱫᱚ ᱵᱤᱫᱽᱭᱚᱛᱢᱟ ᱧᱩᱛᱩᱢ ᱟ.ᱱᱤᱡ ᱨᱟᱡᱽ ᱠᱩᱢᱟᱨᱤ ᱥᱟᱶ ᱟᱡᱟᱜ ᱵᱟᱯᱞᱟ ᱫᱚ ᱦᱩᱭ ᱞᱮᱱᱟ ᱾ ᱟᱡᱤᱡ ᱫᱷᱚᱨᱚᱢ ᱮᱨᱟ ᱵᱤᱫᱽᱭᱚᱛᱢᱟ ᱦᱟᱜ ᱦᱚᱨ ᱩᱫᱩᱜ ᱞᱮᱠᱟ ᱛᱮᱜᱮ ᱧᱩᱛᱩᱢᱟᱱ ᱚᱱᱚᱬᱦᱤᱭᱟ. ᱠᱟᱲᱤᱫᱟᱥ ᱫᱚ ᱠᱟᱲᱤ ᱫᱮᱵᱤᱭ ᱵᱚᱸᱜᱟ ᱵᱳᱨᱳ ᱟᱫᱮᱭᱟ ᱟᱨ ᱚᱱᱟ ᱠᱷᱟ.ᱛᱤᱨ ᱜᱮ ᱩᱱᱤ ᱫᱚ ᱚᱱᱚᱬᱦᱮ ᱚᱞᱼᱛᱚᱞ ᱨᱮᱭᱟᱜ ᱫᱟᱲᱮᱭ ᱧᱟᱢ ᱠᱮᱜᱼᱟ ᱢᱮᱱᱛᱮ ᱯᱟ.ᱛᱭᱟ.ᱣ ᱢᱮᱱᱟᱜᱼᱟ ᱾ ᱟᱨ ᱩᱱᱠᱷᱚᱱ ᱜᱮ ᱩᱱᱤ ᱫᱚ "ᱠᱟᱲᱤᱫᱟᱥ" ᱢᱮᱱᱛᱮᱭ ᱵᱤᱠᱱᱟ.ᱣ ᱮᱱᱟ ᱾

ᱠᱟ.ᱴᱤᱡᱼᱢᱟᱨᱟᱝ ᱡᱚᱛᱚ ᱛᱮ ᱯᱩᱱ ᱜᱮᱞ ᱜᱟᱱ ᱜᱟᱞᱟᱝ ᱜᱟᱵᱟᱱ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱟ.ᱰᱤ ᱜᱟᱱ ᱯᱚᱸᱰᱤᱛ ᱜᱮ ᱠᱟᱲᱤᱫᱟᱥ ᱫᱟᱨᱟᱭ ᱛᱮ ᱚᱱᱟ ᱠᱚ ᱜᱟᱞᱟᱝ ᱜᱟᱵᱟᱱ ᱟᱠᱟᱱᱟ ᱢᱮᱱᱛᱮ ᱥᱚᱫᱚᱨ ᱞᱟ.ᱜᱤᱫ ᱠᱚ ᱨᱤᱠᱟ. ᱟᱠᱟᱜᱼᱟ ᱾ ᱱᱚᱶᱟ ᱠᱚ ᱞᱟᱛᱟᱨᱮ ᱢᱚᱴᱷᱮ ᱮᱭᱟᱭ ᱜᱚᱴᱟᱝ ᱜᱮ ᱱᱚᱝᱠᱟᱱᱟ ᱡᱟᱦᱟᱸ ᱫᱚ ᱵᱤᱱᱟ. ᱵᱤᱵᱟ.ᱫᱽ ᱠᱟᱛᱮ ᱠᱟᱲᱤᱫᱟᱥ ᱟᱜ ᱠᱟᱱᱟ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾

ᱚᱱᱚᱞ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱮᱭᱟ ᱜᱟᱭᱟᱱ ᱼ ᱚᱵᱷᱤᱜᱽᱭᱟᱱ ᱥᱚᱠᱩᱱᱛᱚᱞᱚᱢ, ᱵᱤᱠᱨᱚᱢᱳᱵᱚᱨᱥᱤᱭᱚᱢ ᱟᱨ ᱢᱟᱞᱵᱷᱤᱠᱟᱜᱽᱱᱤᱢᱤᱛᱨᱚᱢ ᱾

ᱵᱟᱨᱮᱭᱟ ᱧᱩᱛᱩᱢᱟᱱ ᱚᱱᱚᱞ ᱼ ᱨᱚᱜᱷᱩᱵᱚᱝᱥᱚᱢ ᱟᱨ ᱠᱩᱢᱟᱨᱥᱚᱸᱵᱷᱚᱵᱚᱢ ᱟᱨ ᱵᱟᱨᱮᱭᱟ ᱠᱷᱟᱴᱚ ᱠᱟ.ᱦᱱᱤ ᱫᱚ ᱠᱮᱥᱚᱢ ᱜᱷᱚᱫᱩᱛᱚᱢ ᱟᱨ ᱨᱤᱛᱩ ᱥᱚᱝᱦᱟᱨ ᱾

ᱢᱟᱞᱵᱷᱤᱠᱟᱜᱽᱱᱤᱢᱤᱛᱨᱚᱢ ᱫᱚ ᱠᱟᱲᱤᱫᱟᱥ ᱟᱜ ᱯᱩᱭᱞᱩ ᱜᱟᱞᱟᱝ ᱜᱟᱵᱟᱱ ᱠᱟᱱᱟ ᱾ ᱡᱟᱦᱟᱸᱨᱮ ᱨᱟᱡᱟ ᱚᱜᱽᱱᱤᱢᱤᱛᱨᱚ ᱣᱟᱜ ᱠᱟ.ᱦᱱᱤ ᱢᱮᱱᱟᱜᱼᱟ ᱾ ᱚᱵᱷᱤᱜᱽᱭᱟᱱ ᱥᱚᱠᱩᱱᱛᱚᱞᱚᱢ ᱫᱚ ᱠᱟᱲᱤᱫᱟᱥ ᱟᱜ ᱫᱚᱥᱟᱨ ᱚᱞᱼᱛᱚᱞ ᱠᱟᱱᱟ, ᱡᱟᱦᱟᱸ ᱫᱟᱨᱟᱭ ᱛᱮ ᱡᱮᱜᱮᱛ ᱨᱮ ᱟᱡᱟᱜ ᱧᱩᱛᱩᱢ ᱴᱷᱟᱶ ᱟᱢᱮᱴ ᱨᱮᱭᱟᱜ ᱫᱟᱣ ᱮ ᱧᱟᱢ ᱠᱮᱜᱼᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]