ᱠᱟᱴ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
16 wood samples

ᱠᱟᱴ ᱫᱚ ᱦᱩᱭᱩᱜ ᱠᱟᱱᱟ ᱫᱟᱨᱮ ᱨᱮᱱᱟᱜ ᱢᱩᱬ ᱡᱤᱱᱤᱥ ᱾ ᱱᱚᱣᱟ ᱫᱚ ᱡᱟᱭᱞᱮᱢ (xylem) ᱛᱮ ᱛᱮᱭᱟᱨ ᱠᱚᱜ-ᱟ, ᱡᱟᱦᱟᱸ ᱫᱚ ᱫᱟᱜ ᱪᱮᱛᱟᱱ ᱥᱮᱫ-ᱮ ᱨᱟᱠᱟᱵᱟ ᱾[1] ᱠᱟᱴ ᱫᱚ ᱚᱲᱟᱜ ᱟᱨ ᱥᱟᱢᱟᱱ ᱠᱚ ᱛᱮᱭᱟᱨ ᱞᱟᱹᱜᱤᱫ ᱵᱮᱵᱷᱟᱨᱚᱜ-ᱟ, ᱚᱱᱟ ᱥᱟᱶᱛᱮ ᱡᱟᱦᱟᱸᱱ ᱦᱩᱱᱟᱹᱨ ᱪᱤᱛᱟᱹᱨ ᱠᱚ ᱞᱟᱹᱜᱤᱫ ᱦᱚᱸ ᱾ ᱱᱚᱣᱟ ᱫᱚ ᱥᱟᱦᱟᱱ ᱥᱮᱸᱜᱮᱞ ᱞᱮᱠᱟᱛᱮ ᱦᱚᱸ ᱠᱚ ᱵᱮᱵᱷᱟᱨᱟ ᱾ ᱠᱟᱴ ᱠᱷᱚᱱ ᱜᱮ ᱠᱟᱜᱚᱡᱽ ᱦᱚᱸ ᱠᱚ ᱛᱮᱭᱟᱨᱟ ᱾ ᱠᱟᱴ ᱫᱚ ᱜᱮᱫ ᱞᱟᱹᱜᱤᱫ ᱟᱸᱴ ᱜᱮᱭᱟ ᱢᱮᱱᱠᱷᱟᱱ ᱠᱮᱴᱮᱡ ᱦᱚᱸ ᱠᱮᱴᱮᱡ ᱜᱮᱭᱟ ᱾ ᱫᱟᱨᱮ ᱜᱮᱫ ᱛᱟᱭᱚᱢ ᱚᱱᱟ ᱫᱚ ᱥᱚᱡᱷᱮ ᱥᱚᱡᱷᱮ ᱜᱮᱫ ᱠᱟᱛᱮ ᱯᱟᱴᱟ ᱠᱚ ᱵᱮᱱᱟᱣᱟ ᱟᱨ ᱚᱱᱟ ᱯᱟᱴᱟ ᱠᱷᱚᱱ ᱟᱭᱢᱟ ᱡᱤᱱᱤᱥ ᱠᱚ ᱛᱮᱭᱟᱨᱟ ᱾ ᱠᱟᱴ ᱫᱚ ᱟᱹᱰᱤ ᱞᱮᱠᱟᱱᱟᱜ ᱢᱮᱱᱟᱜ-ᱟ ᱾ ᱠᱟᱨᱟᱢ, ᱠᱟᱥᱢᱟᱨ, ᱥᱟᱨᱡᱚᱢ ᱮᱢᱟᱱ ᱫᱟᱨᱮ ᱠᱚᱫᱚ ᱠᱮᱴᱮᱡ ᱜᱮᱭᱟ ᱟᱨ ᱛᱤᱢᱤᱱ ᱜᱟᱢ ᱜᱚ ᱩᱱᱟᱹᱜ ᱫᱚ ᱵᱟᱭ ᱠᱮᱴᱮᱡ ᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱟᱞᱮ ᱨᱮᱱᱟᱜ ᱰᱤᱥᱠᱚᱵᱷᱨᱤ ᱞᱮᱠᱟᱛᱮ ᱵᱟᱰᱟᱭ ᱟᱠᱟᱱᱟ ᱵᱟᱝᱢᱟ ᱠᱟᱴ ᱫᱚ ᱓᱙᱕ ᱠᱷᱚᱱ ᱔᱐᱐ ᱢᱤᱞᱤᱭᱚᱱ ᱥᱟᱞᱮ ᱢᱟᱬᱟᱝ ᱠᱷᱚᱱ ᱮᱦᱚᱵ ᱞᱮᱱᱟ ᱾ [2][3] ᱠᱟᱴ ᱨᱮᱱᱟᱜ ᱵᱚᱭᱚᱥ ᱫᱚ ᱠᱟᱨᱵᱚᱱ ᱰᱮᱴᱤᱧ (carbon dating) ᱦᱚᱨᱟ ᱛᱮ ᱵᱟᱰᱟᱭ ᱧᱟᱢᱚᱜ-ᱟ ᱾ ᱟᱨ ᱛᱤᱢᱤᱱ ᱜᱟᱱ ᱫᱚ ᱰᱮᱱᱰᱨᱚᱠᱨᱚᱱᱚᱞᱚᱡᱤ (dendrochronology) ᱞᱮᱠᱟᱛᱮ ᱦᱚᱸ ᱠᱟᱴ ᱛᱤᱥ ᱛᱮᱭᱟᱨ ᱞᱮᱱᱟ ᱚᱱᱟ ᱨᱮᱱᱟᱜ ᱵᱩᱴᱟᱹ ᱵᱟᱰᱟᱭ ᱧᱟᱢᱚᱜ-ᱟ ᱾ ᱥᱮᱫᱟᱭ ᱫᱚ ᱦᱚᱲ ᱠᱟᱴ ᱫᱚ ᱟᱹᱰᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨ ᱞᱮᱫ ᱛᱟᱦᱮᱸᱫ ᱾ ᱡᱮᱢᱚᱱ ᱚᱲᱟᱜ ᱵᱮᱱᱟᱣ, ᱦᱟᱹᱛᱭᱟᱹᱨ ᱛᱮᱭᱟᱨ, ᱥᱟᱢᱟᱱ ᱮᱢᱟᱱ, ᱯᱚᱴᱚᱢ ᱛᱮᱭᱟᱨ, ᱠᱟᱜᱚᱡᱽ ᱛᱮᱭᱟᱨ ᱮᱢᱟᱱ ᱠᱚ ᱾

ᱚᱲᱟᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱫᱟᱭ ᱠᱷᱚᱱ ᱱᱮᱛᱟᱨ ᱦᱟᱹᱵᱤᱡ ᱦᱚᱸ ᱠᱟᱴ ᱛᱮᱜᱮ ᱚᱲᱟᱜ ᱠᱚ ᱵᱮᱱᱟᱣᱮᱫ-ᱟ ᱾ ᱠᱟᱴᱟ ᱫᱚ ᱯᱟᱴᱟ ᱞᱮᱠᱟ ᱜᱮᱫ ᱠᱟᱛᱮ ᱠᱟᱴ ᱛᱮᱦᱚᱸ ᱠᱚ ᱠᱟᱸᱛ ᱜᱮᱭᱟ ᱟᱨ ᱪᱮᱛᱟᱱ ᱥᱟᱹᱲᱤᱢ ᱦᱚᱸ ᱾ ᱚᱲᱟᱜ ᱨᱮᱱᱟᱜ ᱫᱩᱣᱟᱹᱨ ᱡᱷᱚᱨᱠᱟ ᱞᱟᱹᱜᱤᱫ ᱠᱚ ᱦᱚᱸ ᱱᱚᱣᱟ ᱜᱮ ᱠᱚ ᱵᱮᱵᱷᱟᱨᱟ ᱾ ᱥᱤᱞᱯᱤᱧ ᱦᱚᱸ ᱱᱚᱣᱟ ᱛᱮᱜᱮ ᱠᱚ ᱛᱮᱭᱟᱨᱟ ᱾ ᱪᱷᱟᱛ ᱵᱤᱞᱰᱤᱝ ᱚᱲᱟᱜ ᱛᱮᱭᱟᱨ ᱡᱚᱠᱷᱟᱜ ᱦᱚᱸ ᱪᱷᱟᱛ ᱰᱷᱟᱹᱞᱟᱹᱭ ᱵᱟᱠᱷᱨᱟ ᱛᱚ ᱞᱟᱜᱟᱣᱟ ᱾ ᱢᱮᱱᱜᱟᱱᱚᱜ-ᱟ ᱠᱟᱴ ᱫᱚ ᱟᱹᱰᱤ ᱞᱟᱹᱛᱠᱤᱭᱟᱱ ᱜᱮᱭᱟ ᱾


ᱠᱟᱜᱚᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱴ ᱠᱷᱚᱱ ᱜᱮ ᱠᱟᱜᱚᱡᱽ ᱠᱚ ᱛᱮᱭᱟᱨᱟ ᱢᱤᱫ ᱢᱟᱨᱟᱝ ᱠᱟᱹᱨᱜᱟᱹᱲ ᱨᱮ, ᱡᱟᱦᱟᱸ ᱫᱚ ᱠᱟᱜᱚᱡᱽ ᱠᱟᱹᱨᱜᱟᱲ ᱠᱚ ᱢᱮᱛᱟᱜ-ᱟ ᱾ ᱤᱝᱞᱤᱥ ᱛᱮ ᱫᱚ ᱯᱮᱯᱚᱨ ᱢᱤᱞ (paper mill) ᱠᱚ ᱢᱮᱛᱟᱜ-ᱟ ᱾ ᱢᱟᱬᱟᱝ ᱫᱚ ᱠᱟᱴ ᱠᱚ ᱜᱮᱫ ᱠᱷᱟᱺᱰᱭᱟᱹ ᱭᱟ ᱦᱩᱰᱩᱧ ᱦᱩᱰᱤᱧ ᱾ ᱚᱱᱟ ᱛᱟᱭᱚᱢ ᱢᱤᱫ ᱥᱮᱬᱟ ᱪᱮᱞᱟᱝ ᱨᱮ ᱠᱚ ᱤᱥᱤᱱᱟ ᱠᱮᱢᱤᱠᱟᱞ ᱥᱟᱞᱟᱜ ᱾ ᱚᱱᱟ ᱠᱮᱢᱤᱠᱟᱞ ᱫᱚ ᱫᱟᱨᱮ ᱠᱷᱚᱱ ᱢᱤᱫ ᱡᱤᱱᱤᱥ ᱮ ᱵᱷᱮᱜᱟᱨᱟ ᱡᱟᱦᱟᱸ ᱫᱚ ᱥᱮᱞᱩᱞᱚᱡᱽ ᱠᱚ ᱢᱮᱛᱟᱜ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱥᱮᱞᱩᱞᱚᱡᱽ ᱫᱚ ᱠᱮᱢᱤᱠᱟᱞ ᱥᱟᱞᱟᱜ ᱢᱮᱥᱟ ᱠᱟᱛᱮ ᱠᱚ ᱨᱤᱫᱟ ᱾ ᱨᱤᱫ ᱨᱤᱫ ᱛᱮ ᱠᱟᱜᱚᱡᱽ ᱠᱚ ᱛᱮᱭᱟᱨᱟ ᱾ ᱚᱱᱟ ᱨᱤᱫ ᱫᱚ ᱢᱤᱫ ᱢᱟᱨᱟᱝ ᱢᱩᱥᱤᱱ ᱛᱮ ᱦᱩᱭᱩᱜ-ᱟ, ᱡᱟᱦᱟᱸ ᱫᱚ ᱠᱟᱜᱚᱡᱽ ᱢᱩᱥᱤᱱ ᱠᱚ ᱢᱮᱛᱟᱜ ᱠᱟᱱᱟ ᱟᱨ ᱤᱝᱞᱤᱥ ᱛᱮ ᱫᱚ ᱯᱮᱯᱚᱨ ᱢᱮᱥᱤᱱ (paper machine) ᱠᱚ ᱢᱮᱛᱟᱜ-ᱟ ᱾ ᱵᱟᱹᱲᱛᱤ ᱠᱟᱛᱮ ᱠᱟᱜᱚᱡᱽ ᱫᱚ ᱯᱟᱭᱤᱱ, ᱥᱯᱨᱩᱥ ᱟᱨ ᱤᱣᱠᱟᱞᱤ-ᱯᱚᱴᱟᱥ ᱫᱟᱨᱮ ᱠᱷᱚᱱ ᱠᱮ ᱛᱮᱭᱟᱨᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite book|author=Hickey, M.|author2=King, C.|date=2001|title=The Cambridge Illustrated Glossary of Botanical Terms|publisher=Cambridge University Press
  2. cite news|url=http://www.cbc.ca/news/canada/new-brunswick/story/2011/08/12/nb-origins-of-wood-found.html%7Ctitle=N.B. fossils show origins of wood|publisher=CBC.ca|accessdate=August 12, 2011|date=August 12, 2011|deadurl=no|archiveurl=https://web.archive.org/web/20110813012432/http://www.cbc.ca/news/canada/new-brunswick/story/2011/08/12/nb-origins-of-wood-found.html%7Carchivedate=August 13, 2011|df=mdy-all
  3. cite journal|last1=Philippe Gerrienne et al.|title=A Simple Type of Wood in Two Early Devonian Plants|journal=Science|date=Aug 12, 2011|doi=10.1126/science.1208882|bibcode=2011Sci...333..837G
"https://sat.wikipedia.org/w/index.php?title=ᱠᱟᱴ&oldid=4389" ᱠᱷᱚᱱ ᱧᱟᱢ ᱟᱹᱜᱩᱭ