ᱠᱟᱹᱱᱟᱹᱭᱞᱟᱞ ᱴᱩᱰᱩ

ᱠᱟᱹᱱᱟᱹᱭᱞᱟᱞ ᱴᱩᱰᱩ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱ ᱢᱤᱫ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱑᱙᱔᱒ ᱥᱮᱨᱢᱟ ᱨᱮᱭᱟᱜ ᱗ ᱯᱷᱮᱵᱽᱨᱩᱣᱟᱨᱤ ᱨᱮ ᱱᱩᱭ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱱᱤᱛᱟᱜ ᱡᱷᱟᱲᱜᱨᱟᱢ ᱦᱚᱱᱚᱛ ᱨᱮᱭ ᱡᱟᱱᱟᱢ ᱞᱮᱱᱟ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱚᱞᱚᱜ ᱯᱟᱲᱦᱟᱣ

ᱠᱟᱹᱱᱟᱹᱭᱞᱟᱞ ᱴᱩᱰᱩ ᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱩᱱᱚᱠᱛᱚ ᱢᱮᱫᱤᱱᱤᱯᱩᱨ ᱦᱚᱱᱚᱛ (ᱱᱤᱛ ᱫᱚ ᱡᱷᱟᱲᱜᱨᱟᱢ ᱦᱚᱱᱚᱛ) ᱨᱮᱭᱟᱜ ᱡᱷᱟᱲᱜᱨᱟᱢ ᱰᱟᱠ ᱚᱲᱟᱜ ᱨᱮᱭᱟᱜ ᱠᱟᱹᱱᱦᱩᱭ ᱟᱛᱳ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱥᱤᱝᱨᱟᱹᱭ ᱴᱩᱰᱩ ᱟᱨ ᱟᱭᱳ ᱫᱚ ᱨᱟᱶᱲᱮ ᱴᱩᱰᱩ᱾

ᱠᱟᱹᱱᱟᱹᱭᱞᱟᱞ ᱫᱚ ᱑᱙᱖᱒ ᱥᱮᱨᱢᱟ ᱨᱮ ᱢᱮᱴᱨᱤᱠ ᱮ ᱯᱟᱥ ᱞᱮᱫᱟ᱾

ᱠᱟᱹᱢᱤ ᱡᱤᱭᱚᱱ

ᱠᱟᱹᱢᱤ ᱡᱤᱭᱚᱱ ᱞᱮᱠᱟᱛᱮ ᱩᱱᱤ ᱫᱚ ᱛᱟᱞᱢᱟ ᱥᱚᱨᱠᱟᱨ ᱟᱜ ᱰᱟᱠ ᱚᱲᱟᱜ ᱨᱮᱱ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ᱾ ᱒᱐᱐᱒ ᱥᱮᱨᱢᱟ ᱨᱮ ᱡᱷᱟᱲᱜᱨᱟᱢ ᱢᱩᱬᱩᱛ ᱚᱯᱷᱤᱥ ᱠᱷᱚᱱ ᱩᱱᱤ ᱫᱚ ᱡᱤᱨᱟᱹᱣ ᱮ ᱦᱟᱛᱟᱣ ᱞᱮᱫᱟ᱾

ᱥᱟᱶᱦᱮᱫ ᱪᱟᱨᱪᱟ

ᱡᱩᱣᱟᱹᱱ ᱩᱢᱮᱨ ᱠᱷᱚᱱ ᱜᱮ ᱠᱟᱹᱱᱟᱹᱭᱞᱟᱞ ᱫᱚ ᱥᱟᱶᱦᱮᱫ ᱥᱮᱱ ᱮ ᱚᱨ ᱪᱟᱞᱟᱣ ᱞᱮᱱᱟ᱾ ᱥᱟᱱᱛᱟᱲ ᱥᱟᱶᱛᱟ ᱨᱮᱭᱟᱜ ᱟᱹᱨᱤᱪᱟᱹᱞᱤ ᱜᱮᱭᱟᱱ ᱟᱨ ᱟᱹᱭᱠᱟᱹᱣ ᱠᱚ ᱤᱫᱤ ᱠᱟᱛᱮ ᱜᱮ ᱟᱡᱟᱜ ᱥᱟᱶᱦᱮᱫ ᱥᱟᱸᱜᱷᱟᱨ ᱫᱚ ᱮᱦᱚᱵ ᱞᱮᱱᱟ᱾ ᱥᱚᱦᱨᱟᱭ ᱥᱟᱱᱛᱟᱲ ᱠᱚᱣᱟᱜ ᱢᱩᱬᱩᱛ ᱯᱚᱨᱚᱵᱽ ᱠᱟᱱᱟ, ᱱᱚᱣᱟ ᱯᱚᱨᱚᱵᱽ ᱥᱮᱨᱮᱧ ᱠᱚ ᱥᱮᱫᱟᱭ ᱠᱷᱚᱱ ᱢᱚᱪᱟ ᱢᱚᱪᱟ ᱛᱮ ᱦᱮᱡ ᱟᱹᱜᱩ ᱟᱠᱟᱱᱟ᱾ ᱠᱟᱹᱱᱟᱹᱭᱞᱟᱞ ᱚᱱᱟ ᱠᱚ ᱥᱮᱨᱮᱧ ᱚᱞ ᱫᱚᱦᱚ ᱨᱮᱭᱟᱜ ᱮ ᱨᱤᱠᱟᱹ ᱟᱠᱟᱫᱟ᱾ ᱥᱟᱶᱛᱮ ᱮᱛᱚᱦᱚᱵ ᱯᱩᱛᱷᱤ, ᱜᱟᱭᱟᱱ, ᱜᱟᱢᱟᱢ ᱚᱞ ᱨᱮᱦᱚᱸ ᱯᱟᱹᱨᱩᱡᱷᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾

ᱟᱡᱟᱜ ᱜᱟᱭᱟᱱ ᱟᱨ ᱜᱟᱢᱟᱢ ᱠᱚᱨᱮ ᱫᱩᱯᱩᱞᱟᱹᱲ ᱨᱟᱦᱟ ᱠᱷᱚᱱ ᱫᱚ ᱥᱟᱶᱛᱟ ᱨᱮᱭᱟᱜ ᱞᱟᱹᱠᱛᱤ ᱠᱚᱜᱮ ᱰᱷᱮᱨ ᱢᱚᱦᱚᱛ ᱮ ᱮᱢ ᱟᱠᱟᱫᱟ᱾ ᱥᱤᱨᱡᱟᱹᱣᱟᱱ ᱥᱟᱶᱦᱮᱫ ᱨᱮ ᱡᱟᱦᱟᱸ ᱞᱮᱠᱟ ᱟᱡᱟᱜ ᱥᱤᱨᱡᱟᱹᱣᱟᱱ ᱩᱱᱩᱭᱦᱟᱹᱨ ᱠᱟᱛᱷᱟ ᱵᱟᱰᱟᱭ ᱧᱟᱢᱚᱜᱼᱟ ᱚᱱᱠᱟ ᱜᱮ ᱥᱟᱶᱦᱮᱫ ᱠᱟᱹᱢᱤ ᱵᱤᱪᱷᱱᱟᱹᱣ ᱞᱮᱠᱟᱛᱮ ᱞᱟᱦᱟᱱᱛᱤᱭᱟᱱ ᱠᱟᱹᱨᱤᱜᱚᱞ ᱞᱮᱠᱟᱛᱮ ᱦᱚᱸᱭ ᱞᱟᱹᱭ ᱜᱟᱱᱚᱜᱼᱟ᱾

ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱛᱷᱟᱢ ᱠᱚ ᱢᱩᱫᱽ ᱨᱮ ᱥᱤᱸᱜᱟᱹᱲ ᱥᱟᱠᱣᱟ, ᱛᱮᱛᱨᱮ, ᱞᱩᱜᱩ ᱞᱩᱢᱟᱹᱢ ᱮᱢᱟᱱ ᱯᱟᱛᱷᱟᱢ ᱠᱚᱨᱮ ᱟᱡᱟᱜ ᱚᱞ ᱠᱚ ᱪᱷᱟᱯᱟ ᱟᱠᱟᱱ ᱛᱟᱭᱟ᱾

ᱥᱨᱤᱠᱞᱮᱭᱟᱱ ᱵᱟᱦᱟᱱᱟ ᱧᱩᱛᱩᱢ ᱛᱮ ᱩᱱᱤ ᱟᱹᱰᱤ ᱜᱟᱱ ᱚᱞ ᱠᱚᱭ ᱚᱞ ᱟᱠᱟᱫᱟ᱾

ᱥᱟᱱᱛᱟᱲᱤ ᱥᱟᱶᱛᱮ ᱵᱟᱝᱞᱟ ᱯᱟᱹᱨᱥᱤ ᱨᱮᱦᱚᱸ ᱩᱱᱤ ᱫᱚ ᱯᱟᱹᱨᱩᱡᱷᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱡᱷᱟᱲᱜᱨᱟᱢ ᱠᱷᱚᱱ ᱯᱟᱛᱥᱟᱞᱚᱜ ᱡᱷᱟᱲᱜᱨᱟᱢ ᱵᱟᱨᱛᱟ ᱞᱮᱛᱟᱲ ᱮ ᱚᱞᱮᱫ ᱛᱟᱦᱮᱱᱟ᱾

ᱚᱞ ᱯᱩᱛᱷᱤ ᱠᱚ

1. ᱫᱷᱚᱨᱚᱢ ᱫᱟᱲᱮ (ᱜᱟᱭᱟᱱ) - ᱑᱙᱗᱕ ᱥᱮᱨᱢᱟ ᱨᱮ ᱪᱷᱟᱯᱟ᱾
2. ᱫᱩᱞᱟᱹᱲ ᱢᱤᱨᱩ (ᱜᱟᱭᱟᱱ) - ᱑᱙᱗᱗
3. ᱠᱟᱹᱨᱤ ᱱᱟᱹᱜᱤᱱ (ᱜᱟᱭᱟᱱ) - ᱑᱙᱗᱗
4. ᱢᱟᱨᱟᱝ ᱵᱩᱨᱩ ᱵᱤᱱᱛᱤ (ᱫᱷᱚᱨᱚᱢ ᱯᱩᱛᱷᱤ) - ᱑᱙᱘᱕
5. ᱡᱟᱱᱟᱢ ᱟᱭᱳ (ᱜᱟᱭᱟᱱ) - ᱑᱙᱙᱑
6. ᱡᱚᱢᱥᱤᱢ ᱵᱤᱱᱛᱤ (ᱵᱤᱱᱛᱤ) - ᱑᱙᱙᱓
7. ᱥᱮᱨᱮᱧ ᱟᱲᱟᱝ (ᱥᱚᱦᱨᱟᱭ ᱥᱮᱨᱮᱧ ᱯᱩᱛᱷᱤ) - ᱑᱙᱙᱔
8. ᱠᱟᱨᱟᱢ ᱵᱤᱱᱛᱤ (ᱵᱤᱱᱛᱤ) - ᱑᱙᱙᱕
9. ᱦᱩᱞ ᱦᱩᱞᱥᱟᱹᱭ (ᱱᱟᱜᱟᱢ ᱯᱩᱛᱷᱤ) - ᱑᱙᱙᱓
10. ᱵᱟᱞᱮ ᱟᱲᱟᱝ (ᱜᱟᱢᱟᱢ) - ᱑᱙᱙᱘
11. ᱥᱟᱶᱛᱟᱞᱤ ᱵᱷᱟᱥᱟ ᱳ ᱞᱮᱠᱷᱟ ᱥᱮᱠᱷᱟ (ᱵᱟᱝᱞᱟ ᱛᱮ) - ᱑᱙᱙᱕

• ᱮᱴᱟᱜ ᱯᱩᱛᱷᱤ ᱠᱚ

1. ᱚᱞ ᱪᱤᱱᱦᱟᱹ (ᱮᱛᱚᱦᱚᱵ ᱯᱩᱛᱷᱤ) - ᱑᱙᱗᱒
2. ᱚᱞ ᱯᱟᱲᱦᱟᱣ (ᱮᱛᱚᱦᱚᱵ ᱯᱩᱛᱷᱤ) - ᱑᱙᱗᱒
3. ᱚᱞ ᱥᱟᱨᱦᱟᱣ (ᱮᱛᱚᱦᱚᱵ ᱯᱩᱛᱷᱤ) - ᱑᱙᱗᱒
4. ᱟᱹᱠᱤᱞ ᱢᱟᱨᱥᱟᱞ (ᱮᱛᱚᱦᱚᱵ ᱯᱩᱛᱷᱤ) - ᱑᱙᱗᱔

ᱥᱟᱶᱛᱟ ᱥᱩᱥᱟᱹᱨᱤᱭᱟᱹ

ᱚᱞ ᱪᱤᱠᱤ ᱯᱟᱥᱱᱟᱣ ᱟᱸᱫᱳᱲ ᱨᱮᱦᱚᱸ ᱠᱟᱹᱱᱟᱹᱭᱞᱟᱞ ᱴᱩᱰᱩ ᱛᱟᱦᱮᱸ ᱠᱟᱱᱟ᱾ ᱟᱡᱟᱜ ᱟᱹᱰᱤ ᱜᱟᱱ ᱚᱞ ᱠᱚᱨᱮ ᱚᱞ ᱪᱤᱠᱤ ᱟᱯᱱᱟᱨ ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ᱾ ᱯᱟᱹᱨᱥᱤ ᱥᱟᱶᱦᱮᱫ ᱩᱛᱱᱟᱹᱣ ᱨᱮ ᱠᱟᱹᱢᱤ ᱠᱟᱱ ᱟᱹᱰᱤ ᱜᱟᱱ ᱜᱚᱱᱚᱴᱷᱚᱱ ᱥᱟᱶᱛᱮ ᱡᱚᱯᱲᱟᱣ ᱮ ᱛᱟᱦᱮᱸ ᱠᱟᱱᱟ᱾

ᱵᱟᱨᱦᱮ ᱡᱚᱱᱚᱲ

• ᱯᱚᱨᱤᱢᱚᱞ ᱦᱮᱢᱵᱽᱨᱚᱢ ᱟᱜ ᱥᱟᱶᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ ᱯᱩᱛᱷᱤ (ᱵᱟᱝᱞᱟ ᱛᱮ)