ᱠᱤᱨᱚᱱ ᱫᱮᱥᱟᱭ
| ᱠᱤᱨᱚᱱ ᱫᱮᱥᱟᱭ | |
|---|---|
 Desai at PEN Gala, 5 May 2015 | |
| ᱡᱟᱱᱟᱢ | ᱓ ᱥᱮᱯᱴᱮᱢᱵᱚᱨ ᱑᱙᱗᱑ ᱱᱟᱣᱟ ᱫᱤᱞᱞᱤ, ᱥᱤᱧᱚᱛ |
| ᱠᱟᱹᱢᱤ | ᱜᱟᱢᱟᱢᱤᱭᱟᱹ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛ |
| ᱥᱮᱪᱮᱫ ᱟᱥᱲᱟ | ᱠᱚᱞᱩᱢᱵᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱚᱠᱛᱚ | ᱑᱙᱙᱘–ᱱᱤᱛᱫᱷᱟᱹᱵᱤᱡ |
| ᱥᱟᱶᱦᱮᱫ ᱮᱱᱮᱢ | |
| ᱥᱤᱨᱯᱷᱟᱹ | ᱪᱷᱟᱸᱪ:Awd |
| ᱯᱮᱲᱟ ᱥᱟᱹᱜᱟᱹᱭᱟᱱ ᱠᱚ | ᱚᱱᱤᱛᱟ ᱫᱮᱥᱟᱭ (ᱟᱭᱳ) |
ᱠᱤᱨᱚᱱ ᱫᱮᱥᱟᱭ (ᱡᱟᱱᱟᱢ ᱓ ᱥᱮᱯᱴᱮᱢᱵᱚᱨ ᱑᱙᱗᱑) ᱫᱚ ᱢᱤᱫᱴᱟᱝ ᱥᱤᱧᱚᱛᱤᱭᱟᱹ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤᱭᱟᱜ ᱜᱟᱢᱟᱢ ' ᱫᱚ ᱤᱱᱦᱮᱨᱤᱴᱮᱱᱥ ᱚᱯᱷ ᱞᱳᱥ ' ᱒᱐᱐᱖ ᱥᱟᱹᱦᱤᱛ ᱨᱮ ᱢᱮᱱ ᱵᱩᱠᱟᱚ ᱥᱤᱨᱯᱟᱹ[᱑] ᱟᱨ ᱡᱟᱹᱛᱤᱭᱟᱹᱨᱤ ᱯᱚᱛᱚᱵ ᱠᱨᱮᱴᱤᱠ ᱥᱟᱨᱠᱮᱞ ᱯᱷᱤᱠᱥᱚᱱ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ ᱾ ᱒᱐᱑᱕ ᱥᱟᱹᱦᱤᱛ ᱨᱮᱭᱟᱜ ᱡᱟᱱᱩᱣᱟᱨᱤ ᱨᱮ ' ᱫᱚ ᱤᱠᱳᱱᱳᱢᱤᱠ ᱴᱟᱭᱤᱢᱥ ' ᱫᱚ ᱩᱱᱤ ᱡᱮᱜᱮᱛ ᱨᱤᱱ ᱒᱐ ᱜᱚᱴᱟᱝ ᱡᱚᱛᱚ ᱠᱷᱚᱱ ᱚᱨᱥᱚᱝᱟᱱ ᱛᱤᱨᱞᱟᱹ ᱠᱚ ᱢᱩᱫᱨᱮ ᱢᱤᱫ ᱦᱚᱲ ᱞᱮᱠᱟᱛᱮᱠᱚ ᱛᱟᱹᱞᱠᱟᱹ ᱞᱮᱫᱮᱭᱟᱭ ᱾[᱒]
ᱮᱛᱚᱦᱚᱵ ᱟᱨ ᱟᱯᱱᱟᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱤᱨᱚᱱ ᱫᱮᱥᱟᱭ ᱫᱚ ᱜᱟᱢᱟᱢᱤᱭᱟᱹ ᱚᱱᱤᱛᱟ ᱫᱮᱥᱟᱭ ᱭᱤᱡ ᱦᱚᱯᱚᱱ ᱮᱨᱟ ᱠᱟᱱᱟᱭ᱾ ᱠᱤᱨᱚᱱ ᱫᱤᱞᱞᱤ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱡᱤᱭᱚᱱ ᱨᱮᱱᱟᱜ ᱮᱛᱚᱦᱚᱵ ᱥᱮᱨᱢᱟ ᱠᱚᱫᱚ ᱯᱟᱧᱡᱟᱵᱽ, ᱥᱤᱧᱚᱛ ᱟᱨ ᱢᱩᱢᱵᱟᱭ ᱨᱮ ᱛᱟᱦᱮᱸ ᱞᱮᱱᱟᱭ , ᱡᱟᱦᱟᱸᱨᱮ ᱩᱱᱤ ᱠᱮᱛᱷᱮᱰᱨᱮᱞ ᱟᱨ ᱡᱳᱱ ᱠᱳᱱᱚᱱ ᱵᱤᱨᱫᱟᱹᱜᱟᱲ ᱨᱮᱭ ᱯᱟᱲᱦᱟᱣ ᱞᱮᱱᱟᱭ ᱾ ᱩᱱᱤ ᱑᱔ ᱥᱮᱨᱢᱟ ᱩᱢᱮᱨ ᱨᱮ ᱵᱷᱟᱨᱚᱛ ᱮ ᱵᱟᱹᱜᱤ ᱠᱮᱫ-ᱟ ᱟᱨ ᱩᱱᱤ ᱟᱨ ᱟᱡ ᱟᱭᱳ ᱢᱟᱨᱠᱤᱱ ᱡᱩᱠᱛᱚᱨᱟᱥᱴᱨᱚ ᱨᱮ ᱪᱟᱞᱟᱜ ᱞᱟᱦᱟᱨᱮ ᱢᱤᱫ ᱥᱮᱨᱢᱟ ᱞᱟᱹᱜᱤᱫ ᱤᱝᱜᱞᱮᱱᱰ ᱨᱮᱠᱤᱱ ᱛᱟᱦᱮᱸ ᱠᱟᱱᱟ ᱾
ᱠᱤᱨᱚᱱ ᱫᱮᱥᱟᱭ ᱵᱮᱱᱤᱝᱴᱚᱱ ᱢᱟᱦᱟ ᱵᱤᱨᱫᱟᱹᱜᱟᱲ ᱟᱨ ᱠᱳᱞᱳᱢᱵᱤᱭᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮ ᱥᱤᱨᱡᱚᱱᱟᱱ ᱚᱞ ᱨᱮᱭᱟᱜ ᱥᱮᱪᱮᱫᱮ ᱦᱟᱛᱟᱣ ᱞᱮᱫᱟᱭ ᱾
ᱠᱟᱹᱢᱤ ᱾[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱫᱮᱥᱟᱭ ᱟᱜ ᱯᱳᱭᱞᱳ ᱜᱟᱢᱟᱢ ' ᱦᱚᱞᱞᱟᱵᱟᱞᱩ ᱤᱱ ᱫᱟ ᱜᱩᱣᱵᱷᱟ ᱳᱨᱪᱟᱨᱰᱽ ' ᱑᱙᱘᱘ ᱥᱟᱹᱦᱤᱛ ᱨᱮ ᱩᱪᱷᱟᱹᱱ ᱞᱮᱱᱟ ᱟᱨ ᱥᱚᱞᱢᱟᱱ ᱨᱚᱥᱫᱤ ᱞᱮᱠᱟ ᱦᱚᱲ ᱠᱚ ᱴᱷᱮᱱ ᱠᱷᱚᱱ ᱥᱟᱨᱦᱟᱣ ᱮ ᱧᱟᱢ ᱞᱮᱫᱟ ᱾ ᱱᱚᱶᱟ ᱫᱚ ᱓᱕ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱠᱚᱢᱚᱱᱳᱣᱮᱞᱛᱷ ᱚᱯᱷ ᱱᱮᱥᱚᱱ ᱨᱮᱱ ᱦᱚᱲ ᱠᱚᱣᱟᱜ ᱥᱚᱨᱮᱥ ᱱᱟᱶᱟ ᱜᱟᱢᱟᱢ ᱞᱟᱹᱜᱤᱫ ᱥᱳᱥᱟᱭᱴᱤ ᱚᱯᱷ ᱚᱛᱷᱚᱨᱥ ᱫᱟᱨᱟᱭ ᱛᱮ ᱮᱢ ᱟᱠᱟᱱ ᱥᱤᱨᱯᱟᱹ ᱵᱮᱴᱤ ᱴᱨᱟᱥᱠ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ ᱾
ᱩᱱᱤᱭᱟᱜ ᱫᱚᱥᱟᱨ ᱯᱚᱛᱚᱵ ' ᱫᱟ ᱤᱱᱦᱮᱨᱤᱴᱮᱱᱚᱥ ᱚᱯᱷ ᱞᱟᱥ ' (᱒᱐᱐᱖) ᱮᱥᱤᱭᱟ , ᱤᱭᱩᱨᱳᱯ ᱟᱨ ᱢᱟᱨᱠᱤᱱ ᱡᱩᱠᱛᱚᱨᱟᱥᱴᱨᱚ ᱨᱮ ᱵᱤᱪᱟᱹᱨ-ᱜᱟᱹᱠᱩᱲ ᱠᱚ ᱫᱟᱨᱟᱭ ᱛᱮ ᱟᱹᱰᱤ ᱥᱟᱨᱦᱟᱣ ᱞᱮᱱᱟ ᱾ ᱱᱚᱶᱟ ᱫᱚ ᱒᱐᱐᱖ ᱥᱟᱹᱦᱤᱛ ᱨᱮ ᱢᱮᱱ ᱵᱩᱠᱚᱨ ᱥᱤᱨᱯᱟᱹ ᱟᱨ ᱒᱐᱐᱖ ᱥᱟᱹᱦᱤᱛ ᱨᱮ ᱱᱮᱥᱱᱟᱞ ᱵᱚᱠ ᱠᱨᱤᱴᱤᱠᱥ ᱥᱚᱨᱠᱚᱞ ᱯᱷᱤᱠᱥᱚᱱ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ ᱾ ᱫᱤᱥᱚᱢᱟᱭ 35 ᱥᱮᱨᱢᱟ ᱩᱢᱮᱨ ᱨᱮ ᱵᱩᱞᱚᱨ ᱥᱤᱨᱯᱟᱹ ᱦᱟᱢᱮᱴᱟᱱ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨᱟᱱ ᱛᱤᱨᱞᱟᱹ ᱮ ᱦᱩᱭ ᱞᱮᱱᱟ (ᱱᱚᱶᱟ ᱨᱮᱠᱚᱨᱰ ᱫᱚ ᱒᱐᱑᱓ ᱥᱟᱹᱦᱤᱛ ᱨᱮ ᱮᱞᱤᱱᱚᱨ ᱠᱮᱴᱚᱱ ᱫᱟᱨᱟᱭ ᱛᱮ ᱵᱟᱛᱟᱶ ᱞᱮᱱᱟ ᱾[᱓]
᱒᱐᱐᱘ ᱥᱟᱞ ᱨᱮᱭᱟᱜ ᱟᱜᱚᱥᱴ ᱨᱮ ᱵᱤ ᱵᱤ ᱥᱤ ᱨᱮᱰᱤᱣᱳ 3 ᱨᱮ ᱢᱟᱭᱠᱮᱞ ᱵᱟᱨᱠᱞᱮᱭ ᱥᱟᱯᱲᱟᱣ ᱡᱤᱭᱚᱱ ᱟᱱᱟᱜ ᱥᱮᱨᱮᱧ ᱜᱟᱞᱚᱰ ᱟᱠᱷᱲᱟ ᱨᱮ ᱫᱮᱥᱟᱭ ᱫᱚ ᱚᱱᱟ ᱵᱷᱤᱛᱨᱤ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱒᱐᱐᱗ ᱥᱟᱹᱦᱤᱛ ᱨᱮᱭᱟᱜ ᱢᱮ ᱪᱟᱸᱫᱳ ᱨᱮ ᱩᱱᱤ ᱫᱚ ᱮᱥᱤᱭᱟ ᱦᱟᱣᱩᱥ ᱯᱷᱮᱹᱥᱴᱤᱵᱷᱟᱞ ᱚᱯᱷ ᱠᱚᱞᱰ ᱞᱮᱴᱮᱨᱮᱪᱟᱨ ᱨᱮ ᱥᱚᱨᱮᱥ ᱚᱱᱚᱞᱤᱭᱟᱹ ᱮ ᱛᱟᱦᱮᱸᱠᱟᱱᱟ ᱾
ᱵᱟᱨᱞᱤᱱ ᱨᱮᱭᱟᱜ ᱢᱟᱨᱠᱤᱱ ᱮᱠᱟᱫᱮᱢᱤ ᱨᱮ ᱒᱐᱑᱓ ᱥᱟᱹᱦᱤᱛ ᱨᱮ ᱫᱮᱥᱟᱭ ᱵᱟᱨᱞᱤᱱ ᱥᱤᱨᱯᱟᱹ ᱯᱷᱮᱞᱳᱥᱤᱯ ᱮ ᱦᱟᱢᱮᱴ ᱞᱮᱫᱟ ᱾
ᱫᱮᱥᱟᱭ ᱱᱤᱭᱩᱭᱚᱨᱠ ᱥᱟᱦᱟᱨ ᱨᱮ ᱛᱟᱦᱮᱱᱠᱟᱱᱟᱭ ᱾ ᱒᱐᱑᱗ ᱥᱟᱹᱦᱤᱛ ᱨᱮ ᱩᱱᱤ ᱞᱟᱹᱭ ᱞᱮᱫᱟᱭ ᱡᱮ , ᱩᱱᱤ ᱫᱚ ᱢᱤᱫ ᱜᱮᱞ ᱥᱮᱨᱢᱟ ᱠᱷᱚᱱ ᱦᱚᱸ ᱡᱟᱹᱥᱛᱤ ᱚᱠᱛᱚ ᱠᱷᱚᱱ " ᱟᱵᱟᱣᱴ ᱯᱟᱣᱟᱨ ᱹᱹᱹ ᱟᱵᱟᱣᱴ ᱮ ᱭᱳᱸᱜ ᱤᱱᱰᱤᱭᱟᱱ ᱳᱢᱭᱟᱱ ᱟᱣᱩᱴ ᱤᱱ ᱤᱱᱰᱤᱭᱟ ᱟᱱᱰᱽ ᱫᱚ ᱣᱟᱨᱞᱰᱽ " ᱧᱩᱛᱩᱢ ᱛᱮ ᱢᱤᱫᱴᱟᱝ ᱱᱟᱶᱟ ᱯᱚᱛᱚᱵ ᱚᱞ ᱮ ᱪᱷᱩᱴᱟᱹᱣ ᱟᱠᱟᱱᱟ , ᱡᱟᱦᱟᱸ ᱫᱚ ᱛᱟᱭᱚᱢ ᱥᱮᱨᱢᱟ ᱩᱪᱷᱟᱹᱱ ᱨᱮᱭᱟᱜ ᱠᱟᱛᱷᱟ ᱛᱟᱦᱮᱸ ᱠᱟᱱᱟ ᱾ ᱒᱐᱒᱑ ᱥᱟᱹᱦᱤᱛ ᱦᱟᱹᱵᱤᱡ ᱱᱚᱣᱟ ᱜᱟᱢᱟᱢ ᱫᱚ ᱵᱟᱝ ᱩᱪᱷᱟᱹᱱ ᱟᱠᱟᱱᱟ ᱾ ᱒᱐᱐᱖ ᱥᱟᱹᱦᱤᱛ ᱨᱮ ᱵᱩᱠᱚᱨ ᱥᱤᱨᱯᱟᱹ ᱦᱟᱢᱮᱴ ᱫᱚᱥᱟᱨ ᱜᱟᱢᱟᱢ ᱛᱟᱭᱚᱢ ᱠᱷᱚᱱ ᱫᱮᱥᱟᱭ ᱟᱜ ᱡᱟᱦᱟᱱ ᱯᱚᱛᱚᱵ ᱵᱟᱝ ᱩᱪᱷᱟᱹᱱ ᱟᱠᱟᱫᱟ ᱾[᱔]
ᱯᱚᱛᱚᱵ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- Hullabaloo in the Guava Orchard. Faber and Faber. 1998. ISBN 0-571-19336-6.
- The Inheritance of Loss. Hamish Hamilton Ltd. 2006. ISBN 0-241-14348-9.
ᱱᱚᱶᱟ ᱦᱚᱸ ᱧᱮᱞ ᱢᱮ ᱾[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱫᱟᱥᱟᱭ ᱾
- ᱵᱷᱟᱨᱚᱛᱤᱭᱚ ᱤᱝᱨᱮᱡᱤ ᱥᱟᱶᱦᱮᱫ ᱾
- ᱵᱷᱟᱨᱚᱛᱤᱭᱚ ᱚᱱᱚᱞᱤᱭᱟᱹᱠᱚ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Kiran Desai". The Man Booker Prizes. The Booker Prize Foundation. Archived from the original on 14 October 2012. Retrieved 23 August 2013.
- ↑ "Global Indian Women: Top 20 India-born & globally successful women from business and arts". The Economic Times. 5 January 2015. Retrieved 30 November 2017.
- ↑ "Facts & Figures | The Booker Prizes". thebookerprizes.com.
- ↑ Datta, Sudipta (5 February 2017). "Two alone, two together". The Hindu (in Indian English).
ᱵᱟᱦᱨᱮ ᱡᱚᱱᱚᱲ ᱾[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- Legacies′ Loss and Literature ' ᱱᱤᱨᱟᱞᱤ ᱢᱮᱜᱟᱡᱤᱱ ' ᱼᱨᱮ ᱟᱨᱪᱟᱭᱵᱷ ᱠᱚᱨᱟᱣ ᱦᱩᱭ ᱞᱮᱱᱟ ᱾
- SAWNET ᱡᱤᱭᱚᱱᱤ ᱾
- ᱨᱮᱰᱤᱯᱷ ᱤᱱᱴᱟᱨᱵᱷᱤᱭᱩ ᱾
- ᱠᱤᱨᱚᱱ ᱰᱮᱥᱟᱭ ᱥᱟᱶᱛᱮ ᱰᱟᱣᱩᱱᱞᱳᱰ ᱾
- ᱵᱳᱞᱰ ᱴᱟᱭᱤᱯ ᱠᱤᱨᱚᱱ ᱫᱟᱥᱟᱭ ᱥᱟᱶᱛᱮ ᱤᱱᱴᱟᱨᱵᱷᱤᱭᱩ ᱾
- ᱠᱤᱨᱚᱱ ᱰᱮᱥᱟᱭ ᱴᱮᱠᱳᱢᱮᱱᱴᱟᱨᱤ ᱥᱟᱞᱟᱜ ᱵᱤᱪᱷᱱᱟᱣ ᱞᱮᱫᱟᱭ ᱾ᱥᱤ ᱮᱠᱴᱵᱚᱨ 2007
- ᱦᱳᱞᱴᱡᱵᱨᱤᱱᱠ ᱯᱷᱮᱞᱳ ᱞᱮᱠᱟᱛᱮ امریکن ᱮᱠᱟᱣᱩᱱᱴᱤ ᱵᱟᱨᱞᱤᱱ ᱨᱮ ᱠᱤᱨᱚᱱ ᱰᱮᱥᱟᱭ ᱾