ᱠᱨᱤᱥᱱᱟ ᱵᱳᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱨᱤᱥᱱᱟ ᱵᱳᱥ
ᱨᱮᱫ:Krishna Bose.jpeg
ᱥᱚᱝᱥᱚᱫ ᱨᱮᱱ ᱥᱚᱦᱮᱫ, ᱞᱳᱠᱥᱚᱵᱷᱟ
ᱟᱹᱢᱟᱹᱞᱤ ᱨᱮ
᱑᱕ ᱢᱮ ᱑᱙᱙᱖ - ᱑᱖ ᱢᱮ ᱒᱐᱐᱔
ᱢᱟᱬᱟᱝ ᱟᱹᱢᱟᱹᱞᱤᱭᱟᱹᱢᱟᱞᱤᱱᱤ ᱵᱷᱚᱴᱴᱟᱪᱟᱨᱡᱚ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹᱰᱨ. ᱥᱩᱡᱚᱱ ᱪᱚᱠᱨᱚᱵᱚᱨᱛᱤ
ᱵᱟᱪᱱᱟᱣ ᱮᱞᱮᱠᱟᱡᱟᱫᱚᱵᱽᱯᱩᱨ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ᱒᱖ ᱰᱤᱥᱮᱢᱵᱚᱨ ᱑᱙᱓᱐(1930-12-26)
ᱰᱷᱟᱠᱟ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱽᱨᱤᱴᱤᱥ ᱵᱷᱟᱨᱚᱛ
ᱜᱩᱨ᱒᱒ ᱯᱷᱮᱵᱽᱨᱩᱣᱟᱨᱤ ᱒᱐᱒᱐ (᱘᱙ ᱵᱚᱭᱚᱥ)
ᱠᱳᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱡᱟᱹᱛᱤᱭᱟᱹᱨᱤᱥᱤᱧᱚᱛᱤᱭᱟᱹ
ᱨᱟᱡᱽᱟᱹᱨᱤ ᱫᱚᱞᱵᱷᱟᱨᱚᱛ ᱡᱟᱠᱟᱛ ᱛᱨᱤᱱᱚᱢᱩᱞ ᱠᱚᱝᱜᱽᱨᱮᱥ (᱑᱙᱙᱘-᱒᱐᱐᱔)
ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱠᱚᱝᱜᱽᱨᱮᱥ (᱑᱙᱙᱖-᱑᱙᱙᱘)
ᱡᱤᱭᱚᱱ ᱥᱚᱦᱮᱫᱥᱤᱥᱤᱨ ᱠᱩᱢᱟᱨ ᱵᱳᱥ
ᱚᱲᱟᱜᱠᱳᱞᱠᱟᱛᱟ
ᱥᱮᱪᱮᱫ ᱟᱠᱷᱲᱟᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱵᱷᱟᱴᱠᱷᱚᱸᱰ ᱥᱮᱨᱮᱧ ᱤᱱᱥᱴᱤᱴᱤᱭᱩᱰ
ᱠᱟᱹᱢᱤᱨᱟᱡᱽᱟᱹᱨᱤᱭᱟᱹ, ᱚᱱᱚᱞᱤᱭᱟᱹ, ᱥᱮᱪᱮᱫᱤᱭᱟᱹ
ᱣᱮᱵᱽᱥᱟᱭᱤᱴkrishnabose.com ᱟᱯᱱᱟᱨᱟᱜ ᱣᱮᱵᱽᱥᱟᱭᱤᱴ]

ᱠᱨᱤᱥᱱᱟ ᱵᱳᱥ (᱒᱖ ᱰᱤᱥᱮᱢᱵᱚᱨ ᱑᱙᱓᱐ - ᱒᱒ ᱯᱷᱮᱵᱽᱣᱟᱨᱤ ᱒᱐᱒᱐) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ, ᱥᱟᱶᱛᱟ ᱠᱟᱹᱢᱤᱭᱟᱹ, ᱥᱮᱪᱮᱫᱤᱭᱟᱹ ᱟᱨ ᱥᱚᱝᱥᱚᱫ ᱨᱮ ᱥᱚᱦᱮᱫ ᱠᱟᱱᱟᱭ ᱾ ᱩᱱᱤ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱡᱟᱫᱚᱵᱽᱯᱩᱨ ᱞᱳᱠᱥᱚᱵᱷᱟ ᱛᱟᱞᱢᱟ ᱠᱷᱚᱱ ᱵᱷᱟᱨᱚᱛ ᱡᱟᱠᱟᱛ ᱛᱨᱤᱱᱚᱢᱩᱞ ᱠᱚᱝᱜᱽᱨᱮᱥ ᱨᱮᱱ ᱥᱚᱦᱮᱫ ᱞᱮᱠᱟᱛᱮ ᱞᱳᱠᱥᱚᱵᱷᱟ ᱨᱮᱭ ᱵᱟᱪᱷᱟᱣ ᱞᱮᱱᱟ ᱾[᱑] ᱩᱱᱤ ᱫᱚ ᱠᱳᱞᱠᱟᱛᱟ ᱥᱤᱴᱤ ᱠᱚᱞᱮᱡᱽ ᱨᱮ ᱔᱐ ᱥᱮᱨᱢᱟ ᱢᱟᱪᱮᱫ ᱮ ᱛᱟᱦᱮᱸ ᱠᱟᱱᱟ ᱟᱨ ᱛᱟᱭᱚᱢ ᱘ ᱥᱮᱨᱢᱟ ᱯᱨᱤᱱᱥᱤᱯᱟᱞ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ ᱾

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱨᱤᱥᱱᱟ ᱫᱚ ᱒᱖ ᱰᱤᱥᱮᱢᱵᱚᱨ ᱑᱙᱓᱐ ᱥᱮᱨᱢᱟ ᱨᱮ ᱰᱷᱟᱠᱟ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱯᱟᱛ ᱛᱮᱫ ᱫᱚ ᱥᱤ. ᱪᱳᱶᱫᱷᱩᱨᱤ ᱟᱨ ᱟᱭᱚ ᱫᱚ ᱪᱷᱟᱭᱟ ᱫᱮᱵᱤ ᱪᱳᱶᱫᱷᱩᱨᱟᱱᱤ ᱾ ᱩᱱᱤ ᱟᱡ ᱵᱟᱵᱟ ᱥᱚᱝᱵᱤᱫᱷᱟᱱ ᱯᱟᱲᱦᱟᱣ ᱨᱮ ᱜᱟᱹᱠᱷᱩᱲᱤᱭᱟᱹ ᱮ ᱛᱟᱦᱮᱸ ᱠᱟᱱᱟ ᱟᱨ ᱯᱚᱪᱷᱤᱢ ᱵᱟᱝᱞᱟ ᱵᱤᱫᱷᱟᱱᱥᱚᱵᱷᱟ ᱨᱮᱱ ᱥᱩᱛᱨᱮᱛ ᱠᱚ ᱢᱩᱸᱫᱽ ᱛᱮᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱤᱥᱤᱨ ᱠᱩᱢᱟᱨ ᱵᱳᱥ ᱥᱟᱶ ᱙ ᱰᱤᱥᱮᱢᱵᱚᱨ ᱑᱙᱕᱕ ᱨᱮᱭ ᱵᱟᱯᱞᱟ ᱞᱮᱱᱟ ᱟᱨ ᱩᱱᱠᱤᱱ ᱨᱮ ᱵᱟᱨᱭᱟ ᱠᱚᱲᱟ, ᱥᱩᱢᱚᱱᱛᱨᱚ ᱵᱳᱥ ᱟᱨ ᱥᱩᱜᱚᱛᱚ ᱵᱳᱥ ᱟᱨ ᱢᱤᱫ ᱠᱩᱲᱤ ᱥᱚᱨᱢᱤᱞᱟ ᱵᱳᱥ ᱢᱮᱱᱟᱭᱟ ᱾ ᱥᱤᱥᱤᱨ ᱵᱳᱥ ᱫᱚ ᱥᱩᱵᱷᱟᱥ ᱪᱚᱸᱫᱽᱨᱚ ᱵᱳᱥ ᱨᱮᱱ ᱞᱟᱹᱴᱩ ᱵᱚᱭᱦᱟ ᱥᱚᱨᱚᱫᱽᱪᱚᱸᱫᱽᱨᱚ ᱵᱳᱥ ᱨᱮᱱ ᱠᱚᱲᱟ ᱠᱟᱱᱟᱭ ᱾ ᱩᱱᱤ ᱦᱚᱸ ᱵᱽᱨᱤᱴᱤᱥ ᱨᱟᱡᱽ ᱵᱤᱨᱳᱫᱷ ᱨᱮᱭᱟᱜ ᱞᱟᱹᱲᱦᱟᱹᱭ ᱞᱮᱱᱟ ᱟᱨ ᱑᱙᱔᱑ ᱥᱮᱨᱢᱟ ᱨᱮ ᱵᱷᱟᱨᱚᱛ ᱵᱟᱹᱜᱤ ᱟᱸᱫᱳᱲ ᱟᱨ ᱫᱚᱥᱟᱨ ᱡᱮᱜᱮᱛ ᱞᱟᱹᱰᱷᱟᱹᱭ ᱚᱠᱛᱚ ᱥᱩᱵᱷᱟᱥ ᱪᱚᱸᱫᱽᱨᱚ ᱵᱳᱥ ᱠᱳᱞᱠᱟᱛᱟ ᱠᱷᱚᱱ ᱫᱟᱹᱲ ᱨᱮ ᱜᱚᱲᱚᱭᱮ ᱞᱟᱹᱜᱤᱫ ᱞᱟᱦᱳᱨ ᱠᱮᱞᱞᱟ ᱟᱨ ᱟᱨᱟᱜ ᱠᱮᱞᱞᱟ ᱨᱮᱭ ᱵᱳᱱᱫᱤ ᱛᱟᱦᱮᱸ ᱠᱟᱱᱟ ᱾[᱒]

ᱩᱱᱤ ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱤᱝᱞᱤᱥ ᱥᱟᱶᱦᱮᱫ ᱨᱮ ᱵᱤ.ᱮ ᱟᱨ ᱮᱢ.ᱮ ᱰᱤᱜᱽᱨᱤ ᱮ ᱧᱟᱢ ᱟᱠᱟᱫᱟ ᱾ ᱵᱷᱟᱴᱠᱷᱚᱸᱰ ᱥᱮᱨᱮᱧ ᱤᱱᱥᱴᱤᱴᱤᱭᱩᱰ, ᱞᱚᱠᱷᱱᱚᱣ, ᱩᱛᱛᱚᱨ ᱯᱨᱚᱫᱮᱥ ᱠᱷᱚᱱ ᱢᱟᱹᱱᱟᱱ ᱥᱮᱨᱮᱧ ᱵᱤᱥᱟᱨᱚᱫᱽ ᱰᱤᱜᱽᱨᱤ ᱨᱮ ᱧᱟᱢ ᱟᱠᱟᱫᱟ ᱾

ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱱᱤ ᱥᱤᱴᱤ ᱠᱚᱞᱮᱡᱽ, ᱠᱳᱞᱠᱟᱛᱟ ᱨᱮ ᱔᱐ ᱥᱮᱨᱢᱟ ᱢᱟᱪᱮᱫ ᱮ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱩᱱᱤ ᱤᱝᱞᱤᱥ ᱵᱤᱵᱷᱟᱜᱽ ᱨᱮᱱ ᱢᱩᱬᱩᱛ ᱮ ᱛᱟᱦᱮᱸ ᱠᱟᱱᱟ ᱟᱨ ᱤᱨᱟᱹᱞ ᱥᱮᱨᱢᱟ ᱞᱟᱹᱜᱤᱫ ᱠᱚᱞᱮᱡᱽ ᱨᱮᱱ ᱯᱨᱤᱱᱥᱤᱯᱟᱞ ᱨᱮᱭᱟᱜ ᱦᱩᱫᱟᱹ ᱮ ᱥᱟᱢᱵᱽᱲᱟᱣ ᱟᱠᱟᱫᱟ ᱾

ᱩᱱᱤ ᱯᱩᱭᱞᱩ ᱫᱷᱟᱣ ᱡᱟᱫᱚᱵᱽᱯᱩᱨ ᱠᱷᱚᱱ ᱑᱙᱙᱖ - ᱑᱙᱙᱘ ᱥᱮᱨᱢᱟ ᱞᱟᱹᱜᱤᱫ ᱑᱑ ᱟᱱᱟᱜ ᱞᱳᱠᱥᱚᱵᱷᱟ ᱨᱮᱭ ᱵᱟᱪᱷᱟᱣ ᱞᱮᱱᱟ ᱾ ᱩᱱᱤ ᱫᱚ ᱟᱨᱦᱚᱸ ᱑᱒ ᱟᱱ (᱑᱙᱙᱘ - ᱑᱙᱙᱙) ᱟᱨ ᱑᱓ ᱟᱱ (᱑᱙᱙᱙ - ᱒᱐᱐᱔) ᱥᱚᱝᱥᱚᱫ ᱨᱮᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱛᱮᱥᱟᱨ ᱠᱟᱹᱢᱤ ᱚᱠᱛᱚ ᱨᱮ ᱩᱱᱤ ᱫᱚ

  • ᱪᱮᱭᱟᱨᱯᱟᱨᱥᱟᱱ, ᱵᱟᱨᱦᱮᱛ ᱫᱤᱥᱚᱢ ᱵᱟᱵᱚᱛ ᱠᱚᱢᱤᱴᱤ
  • ᱥᱚᱦᱮᱫ, ᱥᱟᱫᱷᱟᱨᱚᱱ ᱞᱟᱹᱠᱛᱤ ᱠᱚᱢᱤᱴᱤ
  • ᱥᱚᱦᱮᱫ, ᱯᱮᱴᱮᱱᱴ ᱨᱮᱭᱟᱜ ᱥᱮᱞᱮᱫ ᱠᱚᱢᱤᱴᱤ (ᱫᱚᱥᱟᱨ ᱥᱚᱝᱥᱚᱫᱷᱚᱱ) ᱵᱤᱞ, ᱑᱙᱙᱙
  • ᱥᱚᱦᱮᱫ, ᱚᱯᱷᱤᱥᱤᱭᱟᱞ ᱯᱟᱹᱨᱥᱤ ᱠᱚᱢᱤᱴᱤ

ᱞᱮᱠᱟᱛᱮᱭ ᱵᱟᱦᱟᱞ ᱛᱟᱦᱮᱸ ᱠᱟᱱᱟ ᱾

ᱥᱩᱪᱤ ᱟᱨ ᱟᱨᱡᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱳᱥ ᱟᱭᱢᱟ ᱞᱮᱠᱟᱱ ᱥᱟᱶᱛᱟ ᱵᱷᱟᱹᱞᱟᱹᱭ ᱠᱟᱹᱢᱤ ᱠᱚ ᱥᱟᱶ ᱡᱚᱯᱨᱟᱣ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱠᱳᱞᱠᱟᱛᱟ ᱤᱱᱥᱴᱤᱴᱤᱭᱩᱰ ᱚᱯᱷ ᱪᱟᱭᱤᱞᱰ ᱦᱮᱞᱛᱷ ᱴᱨᱟᱥᱴ ᱨᱮᱱ ᱯᱨᱮᱥᱤᱰᱮᱱᱴ ᱟᱨ ᱱᱮᱛᱟᱡᱤ ᱠᱷᱚᱸᱫᱽᱨᱚᱱ ᱵᱤᱣᱨᱳ ᱠᱟᱭᱩᱱᱥᱤᱞ ᱨᱮᱱ ᱪᱟᱭᱨᱮᱛ, ᱵᱤᱵᱮᱠ ᱪᱮᱛᱚᱱᱟ ᱨᱮᱱ ᱯᱨᱮᱥᱤᱰᱮᱱᱴ - ᱡᱟᱦᱟᱸ ᱫᱚ ᱦᱩᱭᱩᱜ ᱠᱟᱱᱟ ᱛᱟᱭᱚᱢ ᱟᱠᱟᱱ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱢᱤᱫ ᱵᱮᱼᱟᱨᱡᱟᱣ ᱥᱚᱝᱥᱛᱷᱟᱱ ᱟᱨ ᱯᱤ.ᱤ.ᱮᱱ ᱨᱮᱱ ᱢᱤᱫ ᱥᱚᱦᱮᱫ ᱠᱟᱱᱟᱭ ᱾ ᱠᱨᱤᱥᱱᱟ ᱵᱳᱥ ᱫᱚ ᱤᱝᱞᱤᱥ ᱟᱨ ᱵᱟᱝᱞᱟ ᱯᱟᱛᱷᱟᱢ ᱨᱮᱱ ᱠᱚᱞᱚᱢᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱡᱮᱞᱮᱠᱟ - ᱫᱮᱥ, ᱟᱱᱚᱱᱫᱚᱵᱟᱡᱟᱨ ᱯᱚᱛᱨᱤᱠᱟ, ᱡᱩᱜᱟᱱᱛᱚᱨ, ᱚᱢᱨᱤᱛᱚ ᱵᱟᱡᱟᱨ ᱯᱚᱛᱨᱤᱠᱟ, ᱫᱟ ᱥᱴᱮᱴᱢᱮᱱ, ᱴᱮᱞᱤᱜᱽᱨᱟᱯᱷ, ᱤᱞᱟᱥᱴᱨᱮᱰ ᱣᱤᱠᱞᱤ ᱚᱯᱷ ᱤᱱᱰᱤᱭᱟ ᱮᱢᱟᱱ ᱾ ᱩᱱᱤ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱩᱛᱷᱱᱟᱹᱣ ᱟᱨ ᱞᱤᱪᱟᱹᱲ ᱠᱚᱣᱟᱜ ᱵᱷᱟᱹᱞᱟᱹᱭ ᱞᱟᱹᱜᱤᱫ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾

ᱵᱚᱸᱜᱟ ᱛᱟᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱨᱤᱥᱱᱟ ᱵᱳᱥ ᱒᱐᱒᱐ ᱥᱮᱨᱢᱟ ᱨᱮᱭᱟᱜ ᱒᱒ ᱯᱷᱮᱵᱽᱣᱟᱨᱤ ᱠᱳᱞᱠᱟᱛᱟ ᱤ.ᱮᱢ. ᱵᱟᱭᱯᱟᱥ ᱨᱮᱭᱟᱜ ᱢᱤᱫ ᱵᱮᱼᱥᱚᱨᱠᱟᱨᱤ ᱦᱟᱥᱯᱟᱛᱟᱞ ᱨᱮ ᱘᱙ ᱥᱮᱨᱢᱟ ᱩᱢᱮᱨ ᱨᱮᱭ ᱵᱚᱸᱜᱟ ᱛᱟᱞᱟ ᱮᱱᱟ ᱾[᱓][᱔]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Biographical Sketch Member of Parliament 13th Lok Sabha". Archived from the original on 8 March 2014. Retrieved 8 March 2014.
  2. "Bose tags Atal secular for minority votes". The Telegraph. 9 May 2004. Retrieved 9 March 2014.
  3. "Krishna Bose, Academician And Former Trinamool MP, Dies At 89". NDTV.com. 22 February 2020. Retrieved 22 February 2020.
  4. "Academic and former Trinamool MP Krishna Bose passes away at 89". ThePrint. 22 February 2020. Retrieved 22 February 2020.