ᱠᱩᱛᱚᱵᱽ ᱢᱤᱱᱟᱨ
ᱠᱩᱛᱚᱵᱽ ᱢᱤᱱᱟᱨ ᱫᱚ ᱡᱮᱜᱮᱛ ᱨᱮᱱᱟᱜ ᱢᱤᱫ ᱫᱷᱤᱨᱤ ᱛᱮ ᱛᱮᱭᱟᱨ ᱟᱠᱟᱱ ᱩᱥᱩᱞ ᱠᱷᱩᱱᱴᱤ ᱵᱟᱝᱢᱟ ᱢᱤᱱᱟᱨ ᱠᱟᱱᱟ ᱾ ᱱᱚᱶᱟ ᱫᱚ ᱫᱤᱞᱞᱤ ᱨᱮᱱᱟᱜ ᱢᱮᱦᱨᱚᱞᱤ ᱮᱞᱟᱠᱟ ᱨᱮ ᱢᱮᱱᱟᱜᱼᱟ ᱾ [᱑] ᱱᱚᱶᱟ ᱨᱮᱱᱟᱜ ᱩᱥᱩᱞ ᱫᱚ ᱦᱩᱭᱩᱜ ᱠᱟᱱᱟ ᱗᱓ ᱢᱤᱴᱚᱨ ᱵᱟᱝᱢᱟ ᱒᱓᱙ᱹ᱕ ᱯᱷᱩᱴ ᱾ ᱱᱚᱶᱟ ᱫᱚ ᱡᱟᱹᱛᱤ ᱜᱟᱶᱛᱟ ᱭᱩᱱᱮᱥᱠᱚ ᱫᱟᱨᱟᱭ ᱛᱮ ᱢᱟᱱᱚᱛ ᱟᱠᱟᱱ ᱢᱤᱫ ᱱᱟᱜᱟᱢᱟᱱᱟᱜ ᱴᱷᱟᱶ ᱠᱟᱱᱟ ᱾
ᱛᱮᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱩᱛᱚᱵᱽ ᱢᱤᱱᱟᱨ ᱫᱚ ᱤᱞᱛᱩᱛᱢᱤᱥ ᱫᱟᱨᱟᱭ ᱛᱮ ᱛᱮᱭᱟᱨ ᱞᱮᱱᱟ ᱾ ᱩᱱᱤ ᱫᱚ ᱫᱟᱥ ᱵᱚᱝᱥᱚ ᱨᱤᱱᱤᱡ ᱧᱩᱛᱩᱢᱟᱱ ᱨᱟᱡᱟ (ᱥᱩᱞᱛᱟᱱ) ᱛᱟᱦᱮᱱ ᱠᱟᱱᱟᱭ ᱾ ᱩᱱᱤ ᱫᱟᱨᱟᱭ ᱛᱮ ᱜᱮ ᱛᱩᱲᱩᱠ ᱠᱚᱣᱟᱜ ᱥᱚᱲᱚ ᱵᱚᱞᱚ ᱟᱹᱭᱫᱟᱹᱨ ᱠᱮᱴᱮᱡ ᱞᱮᱱᱟ ᱾ ᱩᱱᱤ ᱫᱚ ᱜᱮᱭᱟᱱ ᱥᱟᱨᱦᱟᱶᱤᱭᱟᱹ ᱟᱨ ᱦᱩᱱᱟᱹᱨ ᱫᱩᱞᱟᱹᱲᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱠᱩᱛᱚᱵᱽ ᱢᱤᱱᱟᱨ ᱫᱚ ᱟᱡᱟᱜ ᱡᱚᱛᱚ ᱠᱷᱚᱱ ᱥᱚᱨᱮᱥ ᱪᱤᱱᱦᱟᱹ ᱠᱟᱱ ᱛᱟᱭᱟ ᱾ [᱒]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱩᱛᱚᱵᱽ ᱢᱤᱱᱟᱨ ᱟᱨ ᱠᱩᱛᱚᱵᱽᱼᱩᱞᱼᱤᱥᱞᱟᱢ ᱢᱚᱥᱡᱤᱫ ᱫᱩᱞᱞᱤ ᱨᱤᱱᱤᱡ ᱯᱩᱭᱞᱩ ᱥᱩᱞᱛᱟᱱ ᱠᱩᱛᱚᱵᱽᱼᱩᱫᱽᱫᱤᱱᱼᱟᱭᱵᱟᱠᱚᱝ ᱫᱟᱨᱟᱭ ᱛᱮ ᱑᱑᱙᱒ ᱥᱟᱞᱮᱨᱮ ᱴᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱨᱮᱱᱟᱜ ᱮᱛᱚᱦᱚᱵ ᱛᱟᱞᱟ (ᱢᱚᱦᱞᱟ) ᱞᱟᱞᱠᱚᱴ ᱵᱟᱝᱢᱟ ᱫᱷᱚᱞᱞᱤᱠᱟ ᱱᱟᱜᱟᱨ ᱨᱮᱱᱟᱜ ᱢᱮᱥᱨᱮᱡ (ᱢᱮᱴᱟᱣ ᱥᱟᱨᱮᱡ) ᱪᱮᱴᱟᱱ ᱨᱮ ᱠᱚ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱟᱭᱵᱟᱠᱚᱝᱻᱤᱡ ᱥᱩᱛᱩᱜ ᱨᱟᱡᱟ ᱤᱞᱛᱩᱛᱢᱤᱥ ᱱᱚᱶᱟ ᱪᱮᱛᱟᱱ ᱨᱮ ᱯᱮ ᱴᱟᱞᱟᱭ ᱡᱩᱲᱟᱹᱣ ᱞᱮᱰ ᱛᱟᱦᱮᱸᱫ ᱾ ᱑᱓᱖᱙ ᱥᱟᱞᱮᱨᱮ ᱴᱷᱮᱨ ᱵᱚᱡᱚᱨ ᱛᱮ ᱱᱚᱶᱟ ᱨᱮᱱᱟᱜ ᱪᱮᱛᱟᱱ ᱛᱟᱞᱟ ᱫᱚ ᱨᱟᱹᱯᱩᱫ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱛᱚᱜᱽᱞᱚᱠ ᱵᱚᱝᱥᱚ ᱨᱤᱱᱤᱡ ᱨᱟᱡᱟ ᱯᱷᱤᱨᱚᱡᱽ ᱥᱟᱦᱟ ᱫᱟᱨᱟᱭ ᱛᱮ ᱛᱮᱭᱟᱨ ᱨᱩᱣᱟᱹᱲ ᱞᱮᱱ ᱛᱟᱦᱮᱸᱫ ᱾ ᱩᱱᱤᱦᱚᱸ ᱟᱨ ᱢᱤᱫ ᱛᱟᱞᱟᱭ ᱡᱩᱲᱟᱹᱶ ᱵᱤᱥᱛᱤ ᱞᱮᱫ ᱛᱟᱦᱮᱸᱫ ᱾ ᱑᱕᱐᱕ ᱥᱟᱞᱮ ᱨᱮᱱᱟᱜ ᱚᱛ ᱞᱟᱲᱟᱣ ᱛᱮ ᱱᱚᱶᱟ ᱱᱟᱥᱮ ᱨᱟᱹᱯᱩᱫ ᱵᱟᱲᱟ ᱧᱚᱜ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱥᱤᱠᱚᱱᱫᱚᱨ ᱞᱚᱫᱤ ᱟᱹᱨᱩ ᱨᱩᱣᱟᱲ ᱚᱪᱚ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱨᱦᱚᱸ ᱑᱘᱐᱓ ᱥᱟᱞᱮᱨᱮ ᱚᱛᱞᱲᱟᱣ ᱛᱮ ᱠᱷᱤᱛᱤ ᱞᱮᱱ ᱛᱟᱦᱮᱸᱫ ᱟᱨ ᱵᱨᱤᱴᱤᱥ ᱥᱤᱧᱚᱛᱤᱭᱟᱹ ᱯᱷᱟᱹᱫᱽ ᱫᱟᱨᱟᱭ ᱟᱹᱨᱩ ᱯᱷᱮᱨᱟᱣ ᱞᱮᱱ ᱛᱟᱦᱮᱸᱫ ᱾ ᱑᱙᱘᱑ ᱥᱟᱞᱮᱨᱮ ᱱᱚᱶᱟ ᱨᱮᱱᱟᱜ ᱜᱷᱟᱹᱨᱲᱤ ᱪᱮᱛᱟᱱ ᱨᱮ ᱴᱷᱮᱞᱟᱣ ᱴᱷᱮᱯᱞᱟᱣ ᱛᱮ ᱔᱕ ᱦᱚᱲᱟᱜ ᱡᱤᱣᱤ ᱤᱬᱤᱡ ᱞᱮᱱ ᱛᱟᱦᱮᱸᱫ ᱟᱨ ᱩᱱ ᱠᱷᱚᱱᱟᱜ ᱥᱟᱫᱷᱟᱨᱚᱱ ᱦᱚᱲ ᱫᱮᱡᱚᱜ ᱫᱚ ᱛᱷᱩᱠᱩᱢ ᱟᱠᱟᱱᱟ ᱾
ᱪᱤᱛᱟᱹᱨ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]-
ᱠᱩᱛᱚᱵᱽ ᱢᱤᱱᱟᱨ -
-
-
-
-
-
-
ᱠᱩᱛᱚᱵᱽ ᱢᱤᱱᱟᱨ ᱨᱮ ᱢᱮᱬᱦᱮᱫ ᱠᱦᱩᱱᱴᱤ -
ᱠᱩᱛᱚᱵᱽ ᱢᱤᱱᱟᱨ - ᱢᱤᱫ ᱧᱮᱢᱮᱞ ᱜᱮᱴ ᱠᱷᱚᱱ -
ᱪᱟᱸᱫᱚ ᱦᱟᱹᱥᱩᱨ ᱚᱠᱛᱮ -
ᱟᱹᱭᱩᱵ ᱚᱠᱛᱮ -
ᱠᱩᱛᱚᱵᱽ ᱢᱤᱱᱟᱨ ᱨᱮᱱᱟᱜ ᱢᱤᱰ ᱦᱟᱦᱟᱲᱟ ᱧᱮᱢᱮᱞ
