Jump to content

ᱠᱩᱞ ᱮᱱᱮᱡ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Lua error in ᱢᱳᱰᱩᱞ:Infobox_multi-lingual_name at line 312: attempt to call field '_lang' (a nil value).

ᱠᱩᱞ ᱮᱱᱮᱡ English: Lion dance ᱫᱚ ᱪᱟᱭᱱᱟ ᱞᱟᱠᱪᱟᱨ ᱟᱨ ᱮᱥᱤᱭᱟ ᱨᱮᱭᱟᱜ ᱮᱴᱟᱜ ᱮᱴᱟᱜ ᱫᱤᱥᱚᱢᱨᱮ ᱪᱟᱞᱟᱜ ᱠᱟᱱ ᱥᱮᱨᱣᱟ ᱞᱮᱠᱟᱛᱮ ᱮᱱᱮᱡ ᱨᱮᱭᱟᱜ ᱢᱤᱫ ᱦᱤᱸᱥ ᱠᱟᱱᱟ, ᱡᱟᱦᱟᱸᱨᱮ ᱩᱜ-ᱫᱩᱜ ᱠᱚ ᱫᱚ ᱱᱟᱯᱟᱭ ᱵᱷᱟᱹᱜᱽ ᱟᱜᱩᱭ ᱞᱟᱹᱜᱤᱫ ᱠᱩᱞ ᱞᱮᱠᱟ ᱥᱟᱯᱲᱟᱣ ᱠᱟᱛᱮ ᱠᱩᱞ ᱞᱮᱠᱟᱠᱚ ᱵᱮᱣᱦᱟᱨᱟ ᱾ ᱟᱥᱚᱠᱟᱭᱛᱮ ᱠᱩᱞ ᱮᱱᱮᱡ ᱫᱚ ᱪᱟᱭᱱᱟ ᱱᱟᱶᱟ ᱥᱮᱨᱢᱟ ᱟᱨ ᱮᱴᱟᱜ ᱪᱟᱭᱱᱟ ᱥᱮᱨᱣᱟ, ᱪᱟᱭᱱᱟ ᱞᱟᱠᱪᱟᱨ ᱫᱷᱚᱨᱚᱢ ᱯᱚᱨᱚᱵᱽ ᱚᱠᱛᱮ ᱨᱮ ᱱᱚᱶᱟ ᱠᱩᱞ ᱮᱱᱮᱡ ᱠᱚ ᱩᱫᱩᱜᱟ ᱾ ᱡᱟᱦᱟᱱ ᱵᱮᱯᱟᱨ ᱚᱱᱩᱥᱴᱷᱟᱱ ᱩᱰᱦᱟᱹᱣ, ᱵᱟᱯᱞᱟ, ᱡᱟᱱᱟᱢ ᱪᱷᱟᱹᱴᱤᱭᱟᱹᱨ ᱟᱨ ᱮᱴᱟᱜ ᱚᱠᱛᱮ ᱠᱚᱨᱮ ᱱᱚᱶᱟ ᱠᱩᱞ ᱮᱱᱮᱡ ᱠᱚ ᱮᱱᱮᱡ-ᱟ ᱾ ᱪᱟᱭᱱᱟ ᱨᱮᱱ ᱦᱚᱲ ᱠᱚ ᱯᱮᱲᱟ ᱫᱟᱨᱟᱢ ᱚᱠᱛᱮ ᱦᱚᱸ ᱱᱚᱶᱟ ᱠᱩᱠ ᱮᱱᱮᱡ ᱠᱚ ᱮᱱᱮᱡ ᱜᱮᱭᱟ ᱾ ᱠᱩᱞ ᱮᱱᱮᱡ ᱨᱮᱫᱚ ᱵᱟᱨᱭᱟ ᱱᱟᱪᱚᱱᱤᱭᱟᱹ ᱠᱤᱱ ᱮᱱᱮᱡ-ᱟ, ᱢᱤᱫ ᱦᱚᱲ ᱫᱚ ᱠᱩᱞᱟᱜ ᱵᱚᱦᱚᱜ-ᱮ ᱦᱟᱱᱛᱮ ᱱᱷᱟᱛᱮᱭᱟ ᱟᱨ ᱫᱚᱥᱟᱨᱤᱡ ᱱᱟᱪᱚᱱᱤᱭᱟᱹ ᱫᱚ ᱠᱩᱞᱟᱜ ᱛᱟᱭᱚᱢ ᱱᱟᱠᱷᱟ ᱵᱚᱦᱟᱜ-ᱮ ᱵᱮᱱᱟᱶᱟ ᱾ ᱱᱚᱶᱟ ᱫᱚ ᱰᱨᱮᱜᱚᱱ ᱮᱱᱮᱡ ᱠᱷᱚᱱ ᱵᱮᱜᱟᱨ ᱜᱮᱭᱟ ᱡᱟᱦᱟᱸᱫᱚ ᱟᱭᱢᱟ ᱦᱚᱲᱛᱮ ᱠᱚᱨᱟᱣ ᱜᱟᱱᱚᱜ-ᱟ ᱠᱷᱩᱱᱴᱤ ᱨᱮ ᱰᱨᱮᱜᱚᱱᱟᱜ ᱡᱷᱟᱹᱞ ᱯᱟᱛᱞᱟ ᱦᱚᱲᱢᱚ ᱠᱚ ᱛᱚᱞ ᱫᱚᱦᱚᱭᱟ ᱾ ᱠᱩᱞ ᱮᱱᱮᱡ ᱫᱚ ᱪᱟᱭᱱᱤᱥ ᱢᱟᱨᱥᱟᱞ ᱟᱨᱴ ᱨᱮᱭᱟᱜ ᱛᱤ ᱠᱟᱴᱟ ᱞᱟᱲᱟᱣ ᱞᱮᱠᱟ ᱧᱮᱞᱚᱜ-ᱟ ᱟᱨ ᱱᱚᱶᱟ ᱫᱚ ᱟᱹᱰᱤ ᱡᱚᱨ ᱴᱟᱢᱟᱠ ᱨᱩ ᱟᱛᱮ ᱠᱚ ᱠᱚᱨᱟᱣᱟ ᱾ ᱠᱩᱞ ᱮᱱᱮᱡ ᱨᱮᱭᱟᱜ ᱨᱩᱯ ᱫᱚ ᱵᱟᱨ ᱞᱮᱠᱟᱱᱟ - ᱩᱛᱛᱚᱨᱤ ᱠᱩᱞ ᱟᱨ ᱫᱟᱠᱠᱷᱤᱱᱤ ᱠᱩᱞ ᱾ ᱵᱟᱱᱟᱨ ᱨᱩᱯᱜᱮ ᱟᱥᱚᱠᱟᱭᱛᱮ ᱪᱟᱭᱱᱟ ᱟᱨ ᱜᱚᱴᱟ ᱫᱷᱟᱹᱨᱛᱤᱨᱮ ᱡᱟᱹᱥᱛᱤᱠᱟᱭᱛᱮ ᱫᱟᱹᱠᱷᱤᱱᱼᱯᱩᱨᱩᱵᱽ ᱮᱥᱤᱭᱟ ᱨᱮ ᱧᱮᱞ ᱧᱟᱢᱚᱜ-ᱟ ᱾ ᱪᱟᱭᱱᱤᱥ ᱠᱩᱠ ᱥᱟᱶᱛᱮ ᱡᱚᱯᱲᱟᱣ ᱟᱠᱟᱱ ᱠᱩᱠ ᱮᱱᱮᱡ ᱨᱮᱭᱟᱜ ᱦᱟᱹᱴᱤᱧ ᱡᱟᱯᱟᱱ, ᱫᱟᱹᱠᱷᱤᱱ ᱠᱚᱨᱤᱭᱟ, ᱴᱟᱭᱣᱟᱱ ᱟᱨ ᱣᱤᱭᱮᱴᱱᱟᱢ ᱨᱮᱦᱚᱸ ᱢᱮᱱᱟᱜ-ᱟ ᱾ ᱪᱟᱭᱱᱟ ᱨᱮᱭᱟᱜ ᱠᱩᱞ ᱮᱱᱮᱡ ᱠᱷᱚᱱ ᱡᱩᱫᱟᱹ ᱥᱤᱧᱚᱛ, ᱤᱱᱰᱚᱱᱮᱥᱤᱭᱟ, ᱯᱩᱨᱩᱵᱽ ᱟᱯᱷᱨᱤᱠᱟ ᱨᱮ ᱠᱩᱞ ᱮᱱᱮᱡ ᱨᱮᱭᱟᱜ ᱮᱴᱟᱜ ᱨᱩᱯ ᱦᱚᱸ ᱢᱮᱱᱟᱜ-ᱟ ᱾

ᱥᱮᱨᱮᱧ ᱟᱨ ᱨᱩ ᱡᱤᱱᱤᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱩᱞ ᱮᱱᱮᱡ ᱨᱮ ᱴᱟᱝᱜᱩ (ᱰᱷᱚᱞ) (ᱥᱤᱝᱜᱟᱯᱩᱨ ᱨᱮ ᱰᱟᱴᱟᱝᱜᱩ), ᱪᱤᱢᱵᱚᱞ ᱟᱨ ᱜᱚᱝ ᱨᱩ ᱟᱨ ᱥᱮᱨᱮᱧᱟᱛᱮ ᱪᱟᱭᱱᱤᱥ ᱠᱩᱞ ᱮᱱᱮᱡ ᱠᱚ ᱩᱫᱩᱜᱟ ᱾ ᱨᱩ ᱡᱤᱱᱤᱥ ᱜᱮ ᱪᱟᱟᱭᱱᱤᱥ ᱠᱩᱞ ᱮᱱᱮᱡ ᱨᱮᱭᱟᱜ ᱛᱟᱹᱯᱤᱥ ᱟᱨ ᱞᱮᱜᱮᱢ ᱫᱚᱭ ᱵᱚᱫᱚᱞᱟ ᱾ ᱯᱷᱩᱴ ᱥᱟᱱ, ᱦᱚᱠ ᱥᱟᱱ, ᱯᱷᱩᱴ ᱦᱚᱠ, ᱪᱚᱣ ᱜᱟᱨ ᱚᱱᱟᱠᱚ ᱡᱚᱛᱚ ᱡᱩᱫᱟᱹ ᱡᱩᱫᱟᱹ ᱵᱤᱴ ᱨᱮ ᱠᱚ ᱨᱩᱭᱟ ᱾ ᱱᱮᱛᱟᱨ ᱫᱚ ᱠᱚᱢᱞᱤᱭᱩᱴᱟᱨ, ᱴᱮᱵᱞᱮᱴ, ᱯᱷᱚᱱ, ᱮᱢ ᱯᱤ ᱓ ᱯᱞᱮᱭᱟᱨ ᱛᱮᱦᱚᱸ ᱠᱚ ᱥᱮᱨᱮᱧ ᱠᱚ ᱵᱟᱡᱟᱣᱮᱜ ᱠᱟᱱ ᱜᱮᱭᱟ ᱾

ᱥᱟᱡᱽ ᱥᱟᱯᱲᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱩᱞ ᱮᱱᱮᱡ ᱨᱮ ᱚᱵᱷᱤᱱᱚᱭ ᱨᱮ ᱵᱮᱵᱚᱦᱟᱨᱚᱜ ᱠᱟᱱ ᱥᱟᱡᱽ ᱥᱟᱯᱲᱟᱣ ᱫᱚ ᱮᱥᱤᱭᱟ ᱨᱮᱭᱟᱜ ᱟᱛᱩ ᱴᱚᱞᱟ ᱨᱮᱭᱟᱜ ᱵᱤᱥᱮᱥ ᱥᱤᱞᱯᱚᱠᱚᱞᱟ ᱫᱚᱠᱟᱱ ᱨᱮ ᱱᱤᱡᱟᱹᱨ ᱢᱚᱱᱮ ᱞᱮᱠᱟ ᱵᱮᱱᱟᱶ ᱚᱪᱚ ᱜᱟᱱᱚᱜ-ᱟ ᱾ ᱮᱥᱤᱭᱟ ᱵᱟᱦᱨᱮ ᱡᱟᱹᱥᱛᱤ ᱫᱤᱥᱚᱢ ᱞᱟᱹᱜᱤᱫ ᱜᱮ ᱰᱷᱤᱨ ᱠᱷᱚᱨᱚᱪ ᱠᱟᱛᱮ ᱟᱢᱫᱟᱱᱤ ᱦᱩᱭᱩᱜ ᱠᱟᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

References[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]