ᱠᱩᱢᱠᱩᱢ (ᱯᱟᱴᱷᱚᱠᱤᱭᱟᱹ)
| ᱠᱩᱢᱠᱩᱢ | |
|---|---|
| ᱨᱮᱫ:Kumkum.jpeg | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱟᱭᱵᱩᱱᱤᱥᱟ ᱠᱷᱟᱱ ᱒᱒ ᱮᱯᱨᱤᱞ ᱑᱙᱓᱔ Hussainabad of Sheikhpura, Bihar, British India |
| ᱜᱩᱨ | ᱒᱘ ᱡᱩᱞᱟᱭ ᱒᱐᱒᱐ (᱘᱖ ᱵᱚᱭᱚᱥ) ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱠᱟᱹᱢᱤ | ᱯᱟᱴᱷᱚᱠᱤᱭᱟᱹ |
| ᱠᱟᱹᱢᱤ ᱚᱠᱛᱚ | 1954–1973 |
| ᱡᱤᱭᱚᱱ ᱥᱚᱦᱮᱫ | ᱥᱟᱡᱡᱟᱫ ᱟᱠᱵᱟᱨ ᱠᱷᱟᱱ |
| ᱦᱚᱯᱚᱱ | Andaleeb Sajjad Khan[᱑] |
ᱠᱩᱢᱠᱩᱢ (ᱡᱟᱱᱟᱢ ᱡᱚᱭᱵᱩᱱᱱᱤᱥᱟ ᱠᱷᱟᱱ 22 ᱮᱯᱨᱤᱞ 1934ᱼ28 ᱡᱩᱞᱟᱭ 2020) [᱒] ᱢᱤᱫ ᱵᱷᱟᱨᱚᱛᱤᱭᱚ ᱯᱟᱴᱷᱚᱠᱤᱭᱟᱹ ᱛᱟᱦᱮᱸᱠᱟᱱᱟᱭ ᱾
ᱩᱱᱤ 'ᱢᱤᱥᱴᱟᱨ ᱮᱠᱥ ᱤᱱ ᱵᱳᱢᱵᱮ' (1964) 'ᱢᱟᱫᱟᱨ ᱤᱱᱰᱤᱭᱟ' (1957) 'ᱥᱚᱱ ᱚᱯᱷ ᱤᱱᱰᱤᱭᱟ' (1962) 'ᱠᱳᱦᱤᱱᱩᱨ' (1960) 'ᱚᱡᱟᱞᱟ', 'ᱱᱟᱶᱟ ᱰᱟᱣᱩᱨ', 'ᱥᱨᱤᱢᱟᱱ ᱯᱷᱚᱱᱛᱩᱥ', 'ᱢᱤᱫ ᱥᱟᱯᱮᱨᱟ ᱢᱤᱫ ᱞᱩᱴᱮᱨᱟ', 'ᱜᱟᱝᱜᱟ ᱠᱤ ᱞᱟᱦᱚᱨᱮᱱ', 'ᱨᱟᱡᱟ ᱚᱨ ᱨᱟᱝᱠ', 'ᱚᱱᱠᱷᱮᱱ' (1968) 'ᱞᱟᱞᱠᱟᱨ', 'ᱥᱮᱨᱮᱧ' ᱟᱨ 'ᱮᱠ ᱠᱩᱣᱟᱨ ᱮᱠ ᱠᱩᱣᱟᱨᱤ' ᱪᱤᱛᱟᱹᱨ ᱨᱮ ᱯᱟᱴᱷ ᱞᱟᱹᱜᱤᱫ ᱥᱚᱨᱮᱥ ᱞᱮᱠᱟᱛᱮ ᱩᱯᱨᱩᱢ ᱞᱮᱱᱟᱭ ᱾[᱓] ᱩᱱᱤ ᱫᱚ ᱟᱭᱟᱜ ᱚᱠᱛᱚ ᱨᱮᱭᱟᱜ ᱟᱭᱢᱟ ᱪᱚᱞᱚᱛ ᱪᱤᱛᱟᱹᱨ ᱨᱮᱱ ᱦᱤᱨᱳ ᱥᱟᱶ ᱮ ᱡᱳᱴᱤᱭ ᱠᱚᱨᱟᱣ ᱞᱮᱫᱟ ᱟᱨ ᱠᱤᱥᱳᱨ ᱠᱩᱢᱟᱨ ᱥᱟᱶ ᱪᱩᱨᱤᱛ ᱨᱮ ᱦᱚᱲᱠᱩᱥᱤᱭᱟᱜ ᱛᱟᱦᱮᱸ ᱠᱟᱱᱟ ᱾
ᱵᱷᱳᱡᱯᱩᱨᱤ ᱪᱚᱞᱚᱛᱪᱤᱛᱟᱹᱨ ᱨᱮᱦᱚᱸ ᱚᱵᱷᱤᱱᱚᱭ ᱞᱮᱫᱟᱭ, ᱡᱟᱦᱟᱸ ᱫᱚ ᱜᱟᱝᱜᱟ ᱢᱮᱭᱭᱟ ᱛᱳᱦᱮ ᱯᱤᱭᱟᱨᱤ ᱪᱚᱫᱟᱭᱵᱳ (1963) ᱠᱷᱚᱱ ᱮᱦᱚᱵ ᱞᱮᱱᱟ, ᱡᱟᱦᱟᱸ ᱫᱚ ᱯᱳᱭᱞᱳ ᱵᱷᱳᱡᱯᱩᱨᱤ ᱪᱚᱞᱚᱛᱪᱤᱛᱟᱹᱨ ᱦᱚᱸ ᱛᱟᱦᱮᱸ ᱠᱟᱱᱟ ᱾[᱔][᱕]
ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱩᱢᱠᱩᱢ ᱟᱜ ᱡᱟᱱᱟᱢ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱥᱟᱭᱮᱫᱟ ᱡᱚᱭᱵᱩᱱᱱᱤᱥᱟ ᱾ ᱩᱱᱤ ᱫᱚ ᱵᱤᱦᱟᱨ ᱨᱮᱭᱟᱜ ᱥᱮᱠᱷᱯᱩᱨᱟ ᱦᱚᱱᱚᱛ ᱨᱮᱭᱟᱜ ᱦᱩᱥᱮᱱᱟᱵᱟᱫ ᱨᱮᱱ ᱥᱟᱭᱮᱫᱽ ᱢᱚᱱᱡᱩᱨ ᱦᱟᱥᱟᱱ ᱱᱟᱵᱷᱟᱵ ᱟᱨ ᱥᱟᱭᱮᱫᱟ ᱠᱷᱩᱨᱥᱤᱫᱟ ᱵᱟᱱᱳ ᱨᱮᱱ ᱢᱤᱫᱴᱟᱝ ᱢᱟᱹᱱ ᱟᱱ ᱥᱤᱭᱟ ᱤᱥᱞᱟᱢ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾
ᱠᱩᱢᱠᱩᱢ ᱫᱚ ᱵᱷᱟᱨᱚᱛ ᱨᱮᱭᱟᱜ ᱞᱚᱠᱱᱟᱣ ᱨᱮᱱ ᱦᱚᱲ ᱟᱨ ᱥᱳᱣᱫᱤ ᱟᱨᱵᱮ ᱠᱟᱹᱢᱤ ᱠᱟᱱ ᱥᱟᱭᱮᱫ ᱥᱟᱡᱡᱟᱫ ᱟᱠᱵᱚᱨ ᱠᱷᱟᱱ ᱮ ᱵᱟᱯᱞᱟ ᱞᱮᱫᱮᱭᱟ ᱾ ᱠᱩᱢᱠᱩᱢ ᱵᱟᱯᱞᱟ ᱛᱟᱭᱚᱢ ᱥᱟᱣᱩᱫᱤ ᱟᱨᱵᱮ ᱪᱟᱞᱟᱣ ᱮᱱᱟ ᱟᱨ 1995 ᱥᱟᱹᱦᱤᱛ ᱨᱮ 23 ᱥᱮᱨᱢᱟ ᱛᱟᱭᱚᱢ ᱵᱷᱟᱨᱚᱛ ᱨᱮᱭ ᱨᱩᱣᱟᱹᱲ ᱦᱮᱡ ᱞᱮᱱᱟ ᱾ ᱱᱚᱶᱟ ᱡᱩᱨᱤᱼᱯᱟᱹᱨᱤ ᱨᱮᱱ ᱢᱤᱫᱴᱟᱝ ᱥᱩᱢᱩᱝ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟᱼᱥᱟᱭᱮᱫᱟ ᱟᱱᱫᱟᱞᱤᱵ ᱥᱟᱡᱡᱟᱫ ᱠᱷᱟᱱ ᱾
ᱠᱟᱹᱢᱤᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱩᱨᱩ ᱫᱟᱛ ᱫᱚ ᱠᱩᱢᱠᱩᱢᱮ ᱧᱟᱢ ᱞᱮᱫᱟ ᱾ ᱜᱩᱨᱩ ᱫᱟᱛᱛ ᱫᱚ ᱟᱡᱟᱜ ᱪᱚᱞᱚᱛ ᱪᱤᱛᱟᱹᱨ 'ᱟᱨ ᱯᱟᱨ' ᱞᱟᱹᱜᱤᱫ 'ᱠᱟᱵᱷᱤ ᱟᱨ ᱠᱟᱵᱷᱤ ᱯᱚᱨ ᱞᱟᱜᱟ ᱛᱮᱨᱮ ᱱᱟᱡᱟᱨ' ᱥᱮᱨᱮᱧ ᱪᱤᱛᱟᱹᱨ ᱵᱮᱱᱟᱣ ᱨᱮᱭᱟᱜ ᱠᱟᱛᱷᱟ ᱛᱟᱸᱦᱮ ᱠᱟᱱᱟ, ᱢᱮᱱᱠᱷᱟᱱ ᱛᱟᱭᱚᱢᱛᱮ ᱩᱱᱤ ᱫᱚ ᱱᱚᱣᱟ ᱥᱮᱨᱮᱧ ᱫᱚ ᱢᱤᱫ ᱛᱤᱨᱞᱟᱹ ᱯᱟᱴᱷᱚᱠᱤᱭᱟᱹ ᱪᱮᱛᱟᱱ ᱪᱤᱛᱟᱹᱨ ᱵᱮᱱᱟᱣ ᱨᱮᱭᱟᱜ ᱮ ᱜᱚᱴᱟ ᱞᱮᱫᱟ ᱾ ᱢᱮᱱᱠᱷᱟᱱ ᱩᱱ ᱚᱠᱛᱚ, ᱡᱟᱦᱟᱸᱭ ᱦᱚᱸ ᱢᱤᱫᱴᱮᱱ ᱠᱟᱹᱴᱤᱡ ᱥᱮᱨᱮᱧ ᱠᱚᱨᱟᱣ ᱞᱟᱹᱜᱤᱫ ᱮ ᱥᱳᱯᱨᱳᱫ ᱵᱟᱝ ᱞᱮᱱᱟ ᱾ ᱢᱩᱪᱟᱹᱫ ᱨᱮ ᱜᱩᱨᱩ ᱫᱟᱛᱛ ᱱᱚᱣᱟ ᱥᱮᱨᱮᱧ ᱫᱚ ᱠᱩᱢᱠᱩᱢ ᱨᱮ ᱪᱤᱛᱟᱹᱨ ᱵᱮᱱᱟᱣ ᱞᱮᱫᱟᱭ ᱾ ᱛᱟᱭᱚᱢᱛᱮ, ᱠᱩᱢᱠᱩᱢ ᱫᱚ ᱯᱤᱭᱟᱥᱟ (1957) ᱨᱮ ᱢᱤᱫᱴᱟᱝ ᱠᱟᱹᱴᱤᱡ ᱪᱩᱨᱤᱛ ᱨᱮᱭ ᱧᱮᱞ ᱧᱟᱢ ᱞᱮᱱᱟ ᱾ ᱥᱤ ᱟᱭ ᱰᱤ (1956) ᱼ ᱨᱮᱱᱟᱜ ᱥᱮᱨᱮᱧ ᱥᱮᱨᱮᱧ "ᱤᱭᱮ ᱦᱟᱭ ᱵᱳᱢᱵᱮ ᱢᱮᱨᱤ ᱡᱟᱱ" ᱥᱮᱨᱮᱧ ᱫᱚ ᱩᱱᱤ ᱪᱮᱛᱟᱱ ᱨᱮ ᱪᱤᱛᱟᱹᱨ ᱵᱮᱱᱟᱣ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱢᱮᱢ ᱥᱟᱦᱮᱵ ᱾(1956) ᱪᱤᱛᱟᱹᱨ ᱨᱮ ᱢᱤᱫ ᱮᱴᱟᱜ ᱪᱩᱨᱤᱛ ᱨᱮ ᱥᱟᱢᱢᱤ ᱠᱟᱯᱩᱨ ᱥᱟᱶᱛᱮ ᱟᱨ ᱪᱟᱨ ᱫᱤᱞ ᱪᱟᱨ ᱨᱟᱭᱮᱱ (1959) ᱪᱤᱛᱟᱹᱨ ᱨᱮ ᱥᱚᱢᱢᱤ ᱠᱟᱯᱩᱨ ᱟᱜ ᱮᱴᱟᱜ ᱪᱩᱨᱤᱛ ᱨᱮᱭ ᱯᱟᱴᱷ ᱞᱮᱫᱟ ᱾
ᱩᱱᱤ ᱫᱚ ᱧᱩᱛᱩᱢᱟᱱ ᱯᱟᱱᱰᱤᱛ ᱥᱚᱢᱵᱷᱩ ᱢᱚᱦᱟᱨᱟᱡ ᱴᱷᱮᱱ ᱠᱷᱚᱱ ᱠᱟᱛᱷᱚᱠ ᱨᱮ ᱥᱮᱪᱮᱫ ᱮ ᱧᱟᱢ ᱞᱮᱫᱟ ᱾ ᱩᱱᱤ ᱫᱚ ᱫᱟᱞᱤᱯ ᱠᱩᱢᱟᱨ ᱥᱟᱶᱛᱮ ᱠᱳᱦᱤᱱᱩᱨ (1960) ᱪᱤᱛᱟᱹᱨ ᱨᱮ ᱟᱡᱟᱜ ᱮᱱᱮᱡ ᱨᱮᱭᱟᱜ ᱫᱟᱲᱮᱭ ᱩᱫᱩᱜ ᱥᱚᱫᱚᱨ ᱞᱮᱫᱟ ᱾ 'ᱢᱩᱫᱩᱵᱚᱱ ᱢᱮ ᱨᱮᱫᱤᱠᱟ ᱱᱟᱪᱮ ᱨᱮ' ᱟᱨ 'ᱦᱟᱭ ᱡᱮᱫᱩᱜᱟᱨ ᱠᱟᱛᱷᱤᱞ, ᱦᱚᱡᱤᱨ ᱦᱟᱭ ᱢᱮᱨᱟ ᱫᱤᱞ', ᱡᱟᱦᱟᱸ ᱫᱚ 'ᱱᱳᱥᱚᱫ' ᱞᱟᱹᱜᱤᱫ ᱟᱥᱟ ᱵᱷᱳᱥᱞᱮ ᱥᱮᱨᱮᱧ ᱟᱠᱟᱫᱟ, ᱚᱱᱟ ᱫᱚ 'ᱠᱩᱢᱠᱩᱢ' ᱨᱮ ᱪᱤᱛᱟᱹᱨ ᱠᱚᱨᱟᱣ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱜᱚᱝᱜᱟ ᱠᱤ ᱞᱟᱦᱟᱨᱮ, ᱥᱨᱤᱢᱚᱱ ᱯᱷᱚᱱᱛᱩᱥ, ᱦᱚᱭᱮ ᱢᱮᱨᱟ ᱫᱤᱞ ᱟᱨ ᱢᱤᱥᱴᱟᱨ ᱮᱠᱥ ᱤᱱ ᱵᱳᱢᱵᱮ ᱞᱮᱠᱟᱱ ᱪᱚᱞᱚᱛᱪᱤᱛᱟᱹᱨ ᱨᱮ ᱠᱤᱥᱳᱨ ᱠᱩᱢᱟᱨ ᱟᱜ ᱵᱤᱨᱩᱫ ᱨᱮ ᱡᱳᱴᱤᱭ ᱠᱚᱨᱟᱣ ᱞᱮᱫᱟ ᱾ ᱩᱱᱤ ᱫᱚ 'ᱮᱢ ᱟᱨ ᱟᱭ ᱤᱱ ᱵᱳᱢᱵᱮ' ᱼ ᱨᱮᱭᱟᱜ ᱥᱟᱱᱟᱢ ᱚᱠᱛᱚ ᱨᱮᱱ ᱥᱚᱨᱮᱥ ᱦᱤᱱᱫᱤ ᱥᱟᱫ ᱥᱮᱨᱮᱧ 'ᱢᱮᱨᱮ ᱢᱮᱦᱵᱩᱵ ᱠᱟᱭᱟᱢᱚᱛ ᱦᱳᱜᱤ' ᱼᱨᱮ ᱢᱩᱲᱩᱫ ᱱᱟᱭᱚᱠ ᱮ ᱛᱟᱦᱮᱸᱠᱟᱱᱟ ᱾ ᱱᱚᱣᱟ ᱫᱚ ᱚᱱᱟ ᱚᱠᱛᱚ ᱨᱮᱭᱟᱜ ᱢᱤᱫᱴᱟᱝ ᱥᱟᱭᱤᱱᱥ ᱯᱷᱤᱠᱥᱚᱱ ᱪᱚᱞᱚᱛ ᱪᱤᱛᱟᱹᱨ ᱛᱟᱦᱮᱸ ᱠᱟᱱᱟ ᱟᱨ ᱠᱩᱢᱠᱩᱢ ᱫᱚ ᱢᱤᱫ ᱢᱟᱨᱟᱝ ᱚᱵᱷᱤᱱᱮᱛᱟ ᱛᱟᱦᱮᱸ ᱠᱟᱱᱟ ᱾ ᱢᱤᱥᱴᱟᱨ ᱮᱠᱥ ᱤᱱ ᱵᱳᱢᱵᱮ "ᱠᱷᱩᱵᱥᱚᱨᱚᱛ ᱦᱟᱥᱤᱱᱟ",ᱦᱟᱭ ᱢᱮᱨᱟ ᱫᱤᱞ ᱾ "" ᱟᱭᱡᱟᱡᱚᱛ ᱦᱳ ᱛᱳ ", ᱥᱨᱤᱢᱟᱱ ᱯᱷᱚᱱᱛᱩᱥ" "ᱥᱩᱞᱛᱟᱱ" ᱟᱨ ᱜᱟᱝᱜᱟ ᱠᱤ ᱞᱟᱦᱨᱮᱱ "" ᱢᱟᱪᱚᱞᱛᱤ ᱦᱤᱭ "" ᱞᱮᱠᱟᱱ ᱥᱮᱨᱮᱧ, ᱡᱟᱦᱟ ᱠᱚᱫᱚ ᱠᱤᱥᱳᱨᱼᱠᱩᱢᱠᱩᱢ ᱡᱳᱴᱤᱨᱮ ᱪᱤᱛᱟᱹᱨ ᱵᱮᱱᱟᱣ ᱦᱩᱭ ᱞᱮᱱᱟ, ᱩᱱ ᱠᱷᱚᱱ ᱱᱤᱛ ᱦᱟᱹᱵᱤᱡ ᱦᱚᱲᱠᱩᱥᱤᱱᱟᱜ ᱠᱟᱱᱟ ᱾
ᱵᱷᱳᱡᱯᱩᱨᱤ ᱪᱚᱞᱚᱛ ᱪᱤᱛᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱳᱝᱜᱟ ᱢᱮᱭᱭᱟ ᱛᱳᱦᱮ ᱯᱤᱭᱟᱨᱤ ᱪᱚᱫᱟᱭᱵᱳ (1962) ᱛᱟᱞᱟᱛᱮ ᱮᱛᱚᱦᱚᱵ ᱟᱠᱟᱱ ᱵᱷᱳᱡᱯᱩᱨᱤ ᱪᱚᱞᱚᱛᱪᱤᱛᱟᱹᱨ ᱨᱮᱭᱟᱜ ᱯᱳᱭᱞᱳ ᱦᱤᱸᱥ ᱨᱮ ᱠᱩᱢᱠᱩᱢ ᱫᱚ ᱥᱚᱨᱮᱥ ᱯᱟᱴᱷᱚᱠᱤᱭᱟᱹ ᱛᱟᱦᱮᱸᱠᱟᱱᱟ ᱾ ᱟᱭᱟᱜ 'ᱪᱚᱞᱚᱛ ᱪᱤᱛᱟᱹᱨ ᱵᱷᱳᱡᱯᱩᱨᱤ' ᱯᱚᱛᱚᱵ ᱨᱮ ᱚᱵᱤᱡᱤᱛ ᱜᱳᱥ ᱚᱞ ᱟᱠᱟᱫᱟᱭ ᱡᱮ, ᱩᱱᱤ 'ᱞᱚᱜᱤ ᱵᱟᱝᱤ ᱪᱷᱩᱴ ᱨᱟᱢ' (1963ᱼᱵᱚᱞᱢᱟ ᱵᱫᱟ ᱱᱟᱫᱟᱱ ' (1964ᱼᱱᱟᱭᱦᱟᱨ ᱪᱷᱩᱴᱟᱞ ᱡᱚᱭᱮ' (1964) 'ᱵᱷᱳᱡᱤ' (1965ᱼ665) ᱟᱨ 'ᱜᱟᱝᱜᱟ' (1965) ᱪᱤᱛᱟᱹᱨ ᱨᱮᱦᱚᱸ ᱚᱵᱷᱤᱱᱚᱭ ᱞᱮᱫᱟᱭ, ᱡᱟᱦᱟᱸ ᱫᱚ ᱩᱱᱤᱭᱟᱜ ᱚᱲᱟᱜ ᱨᱮ ᱵᱮᱱᱟᱣ ᱞᱮᱱᱟ ᱾ "ᱵᱷᱳᱡᱯᱩᱨᱤ ᱪᱚᱞᱚᱛ ᱪᱤᱛᱟᱹᱨ ᱨᱮ ᱯᱳᱭᱞᱳ ᱥᱮᱫ ᱨᱮ ᱥᱟᱥᱚᱱᱚᱜ ᱠᱟᱱ ᱵᱟᱨᱭᱟ ᱯᱟᱴᱷᱚᱠᱤᱭᱟᱹ ᱛᱟᱦᱮᱸ ᱠᱟᱱᱟ ᱠᱩᱢᱠᱩᱢ ᱟᱨ ᱱᱟᱡ ᱾ ᱪᱤᱛᱟᱹᱨ ᱚᱞ ᱫᱚ ᱡᱟᱣᱜᱮ ᱩᱱᱠᱩᱣᱟᱜ ᱪᱩᱨᱤᱛ ᱠᱚ ᱤᱫᱤ ᱠᱟᱛᱮ ᱚᱞ ᱦᱳᱭᱳᱜᱼᱟ ᱟᱨ ᱩᱱᱠᱩᱣᱟᱜ ᱢᱟᱹᱱ ᱞᱮᱠᱟᱛᱮ, ᱩᱱᱠᱩ ᱡᱟᱣᱜᱮ ᱠᱟᱹᱢᱤ ᱨᱮᱭᱟᱜ ᱢᱤᱫ ᱞᱮᱠᱟ ᱠᱚ ᱥᱟᱹᱵᱩᱫ ᱞᱮᱫᱟ ᱾", ᱢᱤᱫ ᱯᱚᱛᱚᱵ ᱨᱮ ᱚᱞ ᱟᱠᱟᱫᱟᱭ ᱜᱳᱥ ᱾
ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱩᱢᱠᱩᱢ 2020 ᱥᱟᱹᱦᱤᱛ ᱨᱮᱭᱟᱜ ᱒᱘ ᱡᱩᱞᱟᱭ 86 ᱥᱮᱨᱢᱟ ᱩᱢᱮᱨ ᱨᱮ ᱢᱩᱢᱵᱟᱭ ᱟᱡᱟᱜ ᱚᱲᱟᱜ ᱨᱮᱭ ᱜᱚᱡ ᱞᱮᱱᱟ ᱾[᱖]
ᱯᱷᱤᱞᱢᱳᱜᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "'Mother India' Actress Kumkum Biography: Birth, Death, Family, Films, Bollywood and Bhojpuri Career". Jagranjosh.com. 28 July 2020.
- ↑ "86 की उम्र में अभिनेत्री कुमकुम का निधन, किशोर कुमार और गुरु दत्त के संग किया था काम". Amar Ujala (in ᱦᱤᱱᱫᱤ).
- ↑ "In the name of the father". Screen Weekly. 16 January 2004. Retrieved 31 August 2010.
- ↑ "Strong at 50, Bhojpuri cinema celebrates". The Indian Express. 14 February 2011.
- ↑ "Actor Kumkum passes away". 28 July 2020.
- ↑ "'Mother India' actress Kumkum passes away at 86". The Times of India. 28 July 2020. Retrieved 2 February 2021.