ᱠᱩᱥᱢᱤ ᱵᱟᱦᱟ

ᱠᱩᱥᱢᱤ ᱵᱟᱦᱟ ᱫᱚ ᱚᱲᱟᱜ ᱥᱟᱡᱟᱣ ᱨᱮ ᱵᱮᱣᱦᱟᱨᱚᱜ ᱠᱟᱱ ᱢᱤᱫᱴᱮᱱ ᱢᱚᱡᱽ ᱥᱚ ᱵᱟᱦᱟ ᱠᱟᱱᱟ| ᱱᱤᱭᱟᱹ ᱵᱟᱦᱟ ᱨᱮᱭᱟᱜ ᱪᱟᱥᱚᱜ ᱦᱚᱨᱟ ᱫᱚ ᱟᱹᱰᱤ ᱜᱮ ᱟᱞᱜᱟ ᱜᱮᱭᱟ| ᱥᱤᱧᱚᱛ ᱢᱟᱨᱟᱝ ᱰᱤᱥᱚᱢ ᱨᱮ ᱱᱤᱭᱟᱹ ᱵᱟᱦᱟ ᱨᱮᱭᱟᱜ ᱪᱟᱥ ᱟᱨ ᱟᱭᱢᱟ ᱞᱮᱠᱟᱱ ᱠᱟᱹᱢᱤ ᱨᱮ ᱵᱮᱣᱦᱟᱨᱚᱜ ᱫᱚ ᱟᱹᱰᱤ ᱥᱮᱫᱟᱭ ᱠᱷᱚᱱ ᱜ ᱦᱮᱡ ᱟᱹᱜᱩ ᱟᱠᱟᱱᱟ|ᱠᱩᱥᱢᱤ ᱫᱚ Compositae ᱛᱷᱚᱠ ᱨᱮᱭᱟᱜ ᱵᱟᱦᱟ ᱠᱟᱱᱟ, ᱱᱤᱭᱟᱹ ᱥᱟᱬᱮᱥᱤᱭᱟᱹ ᱧᱩᱛᱩᱢ ᱫᱚ Tagetes erecta ᱠᱟᱱᱟ। ᱠᱩᱥᱢᱤ ᱵᱟᱦᱟ ᱫᱚ ᱟᱭᱢᱟ ᱡᱟᱹᱛ ᱟᱨ ᱨᱚᱝ ᱨᱮᱭᱟᱜ ᱢᱮᱱᱟᱜᱼᱟ| ᱱᱤᱭᱟᱹ ᱵᱟᱦᱟ ᱟᱥᱚᱠᱟᱭᱛᱮ ᱯᱩᱞᱥᱩ ᱥᱟᱥᱟᱝ ᱟᱨ ᱞᱮᱢᱵᱚ ᱥᱟᱥᱟᱝ ᱨᱚᱝ ᱨᱮᱭᱟᱜ ᱛᱟᱦᱮᱸᱱᱟ| ᱠᱩᱥᱢᱤ ᱵᱟᱦᱟ ᱫᱚ ᱨᱟᱵᱟᱝ ᱫᱤᱱ ᱨᱮᱭᱟᱜ ᱵᱟᱦᱟ ᱠᱟᱱ ᱨᱮᱦᱚᱸ ᱱᱟᱦᱟᱜ ᱫᱚ ᱞᱚᱞᱚ ᱟᱨ ᱡᱟᱹᱯᱩᱫ ᱫᱤᱱ ᱨᱮᱦᱳᱱ ᱠᱚ ᱪᱟᱥᱮᱫ ᱠᱟᱱ ᱜᱮᱭᱟ|ᱵᱟᱜᱟᱱ ᱨᱮ ᱥᱚᱵᱷᱟᱜ ᱵᱮᱜᱚᱨ ᱦᱚᱸ ᱟᱭᱢᱟ ᱞᱮᱠᱟ ᱥᱟᱶᱛᱟᱨᱤ ᱟᱠᱷᱲᱟ, ᱵᱚᱝᱜᱟ ᱵᱩᱨᱩ ᱟᱨ ᱚᱲᱟᱜ ᱥᱟᱡᱟᱣ ᱨᱮ ᱠᱩᱥᱢᱤ ᱵᱟᱦ ᱫᱚ ᱟᱹᱰᱤ ᱵᱟᱹᱲᱛᱤ ᱜᱮ ᱵᱮᱣᱦᱟᱨᱚᱜ ᱠᱟᱱ|

ᱡᱟᱹᱛ

ᱟᱥᱟᱢ ᱨᱮ ᱟᱥᱚᱠᱟᱭᱛᱮ ᱵᱟᱨ ᱞᱮᱠᱟᱱ ᱠᱩᱥᱢᱤ ᱵᱟᱦᱟ ᱧᱟᱢᱚᱜᱼᱟ:

ᱟᱯᱷᱨᱤᱠᱟᱱ ᱠᱩᱥᱢᱤᱺ ᱱᱚᱣᱟ ᱡᱟᱹᱛ ᱨᱮᱭᱟᱜ ᱠᱩᱥᱢᱤ ᱫᱚ ᱥᱟᱥᱝ ᱟᱨᱟᱜ ᱨᱚᱝᱟᱱ ᱟᱨ ᱫᱟᱨᱮ ᱨᱮᱭᱟᱜ ᱢᱩᱴᱷᱟᱹᱱ ᱫᱚ ᱧᱮᱞ ᱞᱮᱠᱷᱟᱱ ᱢᱟᱨᱟᱝ ᱧᱚᱜ ᱜᱮᱭᱟ| ᱧᱩᱢᱩᱜᱚᱜ ᱞᱮᱠ ᱡᱟᱹᱛ ᱠᱚᱫᱚ ᱦᱩᱭᱩᱜ ᱠᱟᱱᱟᱺ ᱤᱱᱠᱟ, ᱜᱤᱱᱤ ᱜᱚᱞᱰ, ᱤᱭᱮᱞᱟ ᱥᱩᱯᱨᱤᱢ, ᱜᱚᱞᱰᱥᱢᱤᱛᱷ, ᱢᱮᱱ ᱤᱱ ᱫᱟ ᱢᱩᱱ ᱮᱢᱟᱱ ᱛᱮᱭᱟᱜ| ᱯᱷᱨᱟᱱᱥ ᱠᱩᱥᱢᱤᱺ ᱱᱚᱣᱟ ᱡᱟᱹᱛ ᱨᱮᱭᱟᱜ ᱠᱩᱥᱢᱤ ᱫᱚ ᱞᱮᱢᱵᱚ ᱥᱟᱥᱟᱝ ᱛᱟᱦᱮᱸᱱᱟ| ᱱᱚᱣᱟ ᱡᱟᱹᱛ ᱨᱮᱭᱟᱜ ᱫᱟᱨᱮ ᱫᱚ ᱧᱨᱞᱚᱜ ᱨᱮ ᱠᱟᱹᱴᱤᱡ ᱜᱮᱭᱟ| ᱟᱫᱚᱢᱟᱜ ᱨᱮ ᱫᱚ ᱯᱟᱯᱚᱨᱤ ᱦᱮᱱᱫᱮ ᱫᱟᱜᱽ ᱛᱟᱦᱮᱸᱱᱟ| ᱱᱤᱭᱟᱹ ᱨᱮᱭᱟᱜ ᱧᱩᱢᱩᱜᱚᱜ ᱞᱮᱠ ᱡᱟᱹᱛ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱢᱮᱭᱮᱨᱮᱴᱟ, ᱦᱟᱨᱢᱚᱱᱤ, ᱞᱤᱡᱚᱱ ᱟᱨ ᱚᱱᱟᱨ ᱮᱢᱟᱱ ᱛᱮᱭᱟᱜ|

ᱱᱤᱭᱟᱹ ᱵᱮᱜᱚᱨ ᱦᱚᱸ ᱯᱚᱱᱰ ᱠᱩᱥᱢᱤ, ᱡᱚᱢᱵᱚ ᱠᱩᱥᱢᱤᱩ, ᱦᱟᱭᱵᱽᱨᱤᱰ ᱠᱩᱥᱢᱤ ᱟᱨ ᱪᱟᱭᱱᱤᱥ ᱠᱩᱥᱢᱤ ᱠᱚ ᱪᱟᱥ ᱜᱮᱭᱟ|

ᱨᱟᱨᱟᱱ ᱜᱩᱱ

ᱠᱩᱥᱢᱤ ᱵᱟᱦᱟ ᱨᱮᱭᱟᱜ ᱨᱟᱨᱟᱱ ᱜᱩᱱ ᱢᱮᱱᱟᱜᱼᱟ| ᱜᱮᱡ ᱟᱠᱟᱱ ᱴᱷᱮᱡ ᱠᱩᱥᱢᱤ ᱫᱟᱨᱮ ᱨᱮᱭᱟᱜ ᱨᱚᱥ ᱞᱟᱜᱟᱣ ᱞᱮᱠᱷᱟᱱ ᱚᱱᱰᱮ ᱠᱷᱚᱱ ᱢᱟᱭᱟᱢ ᱡᱚᱨᱚᱜ ᱵᱚᱱᱫᱚᱜᱼᱟ| ᱟᱹᱛᱩ ᱰᱤᱦᱟᱹᱴ ᱨᱮ ᱜᱮᱫ ᱞᱮᱠᱷᱟᱱ ᱯᱟᱹᱦᱤᱞ ᱨᱟᱱ ᱞᱮᱠᱟ ᱛᱮ ᱱᱤᱭᱟᱹ ᱜᱮ ᱠᱚ ᱞᱟᱜᱟᱣᱟ|

ᱪᱤᱛᱟᱹᱨ ᱢᱟᱞᱟ

• 
  ᱯᱷᱨᱟᱱᱥ ᱠᱩᱥᱢᱤ
• 
  ᱟᱯᱷᱨᱤᱠᱟᱱ ᱠᱩᱥᱢᱤ
• 
  ᱯᱚᱦᱟ
• 
  ᱵᱷᱩᱴᱩᱵ ᱠᱩᱥᱢᱤ
• 
  ᱵᱷᱩᱴᱩᱵ ᱠᱩᱥᱢᱤ
• 
  ᱵᱷᱩᱴᱩᱵ ᱠᱩᱥᱢᱤ