ᱠᱮᱢᱵᱳᱰᱤᱭᱟ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱯᱚᱛᱚᱵ ᱢᱩᱨᱟᱹᱭ
| National Library of Cambodia | |
|---|---|
| បណ្ណាល័យជាតិកម្ពុជា Bibliothèque nationale du Cambodge | |
.jpg) | |
| Script error: The function "auto" does not exist. Script error: The function "autocaption" does not exist. | |
| Location | Oknha Hing Pen St. (61), Phnom Penh,  Cambodia |
| Type | National library |
| Established | 24 ᱰᱤᱥᱮᱢᱵᱚᱨ 1924 |
| Architect(s) | Louis Chauchon |
| Collection | |
| Size | 103,635 |
| Other information | |
| Employees | 30 |
ᱠᱮᱢᱵᱳᱰᱤᱭᱟ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱯᱚᱛᱚᱵ ᱢᱩᱨᱟᱹᱭ (ᱠᱷᱚᱢᱮᱨ ᱯᱟᱹᱨᱥᱤ: បណ្ណាល័យជាតិកម្ពុជា, romanized: bannalycheate kampouchea; ᱯᱷᱨᱮᱸᱪ ᱯᱟᱹᱨᱥᱤ: Bibliothèque nationale du Cambodge) ᱫᱚ ᱠᱮᱢᱵᱳᱰᱤᱭᱟ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱯᱚᱛᱚᱵ ᱢᱩᱨᱟᱹᱭ ᱠᱟᱱᱟ, ᱡᱟᱦᱟᱸ ᱫᱚ ᱯᱷᱚᱱᱚᱢ ᱯᱮᱱ ᱨᱮ ᱢᱮᱱᱟᱜᱼᱟ ᱾
᱑᱙᱗᱕ ᱠᱷᱚᱱ ᱑᱙᱗᱙ ᱫᱷᱟᱹᱵᱤᱡ, ᱠᱦᱮᱢᱟᱨ ᱨᱩᱡᱽ ᱫᱚ ᱟᱭᱢᱟ ᱯᱚᱛᱚᱵ ᱟᱨ ᱯᱚᱛᱚᱵ ᱪᱤᱛᱟᱹᱨ ᱠᱚ ᱵᱷᱮᱡᱟ ᱠᱮᱫᱼᱟ ᱾ ᱱᱚᱶᱟ ᱨᱮᱱᱟᱜ ᱖᱕,᱐᱐᱐ ᱠᱷᱚᱱ ᱒᱐% ᱦᱟᱹᱴᱤᱧ ᱫᱚᱦᱚ ᱦᱩᱭ ᱟᱠᱟᱱᱟ, ᱢᱮᱱᱠᱷᱟᱱ ᱥᱟᱹᱨᱤ ᱮᱞ ᱫᱚ ᱵᱟᱰᱟᱭ ᱵᱟᱝ ᱧᱟᱢ ᱟᱠᱟᱱᱟ ᱾[᱑][᱒]
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱷᱨᱟᱱᱥ ᱨᱤᱱᱤᱡ ᱨᱟᱡᱽᱜᱟᱲ ᱥᱚᱨᱠᱟᱨ ᱒᱔ ᱰᱤᱥᱮᱢᱵᱚᱨ ᱑᱙᱒᱔ ᱥᱟᱞᱮ ᱨᱮ ᱠᱚᱢᱵᱳᱰᱤᱭᱟ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱯᱚᱛᱚᱵ ᱢᱩᱨᱟᱹᱭ ᱮ ᱥᱚᱫᱚᱨ ᱠᱮᱫᱼᱟ ᱾ ᱱᱚᱣᱟ ᱫᱚ ᱯᱷᱨᱟᱱᱥ ᱨᱤᱱᱤᱡ ᱟᱨᱠᱤᱴᱮᱠᱴ ᱞᱩᱣᱤᱥ ᱪᱳᱣᱪᱚᱱ ᱟᱜ ᱯᱩᱭᱞᱩ ᱯᱨᱚᱡᱮᱠᱴ ᱛᱟᱦᱮᱸ ᱠᱟᱱᱟ ᱾ ᱞᱟᱭᱵᱨᱮᱨᱤ ᱨᱮ ᱒᱘᱗᱙ ᱜᱚᱴᱟᱝ ᱯᱚᱛᱚᱵ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱢᱩᱬᱩᱛ ᱫᱚ ᱯᱷᱨᱮᱸᱪ ᱯᱟᱹᱨᱥᱤ ᱨᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱑᱙᱕᱑ ᱥᱟᱞᱮ ᱨᱮ ᱯᱩᱭᱞᱩ ᱠᱷᱢᱮᱨ ᱰᱟᱭᱨᱮᱠᱴᱚᱨ ᱢᱟ. ᱯᱟᱪ ᱪᱷᱳᱭᱩᱱ ᱟᱜ ᱵᱟᱪᱷᱚᱱ ᱦᱟᱹᱵᱤᱡ ᱯᱷᱨᱟᱱᱥ ᱨᱮᱱ ᱦᱚᱲ ᱠᱚ ᱱᱚᱶᱟ ᱠᱚ ᱪᱟᱞ ᱟᱫᱮ ᱛᱟᱦᱮᱸᱫ ᱾
᱑᱙᱕᱔ ᱥᱮᱨᱢᱟ ᱨᱮ ᱯᱷᱩᱨᱜᱟᱹᱞ ᱛᱟᱭᱚᱢ ᱠᱮᱢᱵᱳᱰᱤᱭᱟᱱ ᱯᱚᱵᱞᱤᱥᱤᱝ ᱨᱮ ᱟᱹᱰᱤᱜᱟᱱ ᱦᱟᱛᱟᱣ ᱦᱩᱭ ᱞᱮᱱᱟ, ᱡᱟᱦᱟᱸ ᱫᱚ ᱱᱮᱥᱱᱟᱞ ᱞᱟᱭᱵᱨᱮᱨᱤ ᱨᱮ ᱠᱮᱢᱵᱳᱰᱤᱭᱟᱱ ᱯᱟᱹᱨᱥᱤ ᱨᱮᱱᱟᱜ ᱯᱚᱛᱚᱵ ᱠᱚ ᱨᱮᱱᱟᱜ ᱞᱮᱠᱷᱟ ᱨᱮ ᱵᱟᱹᱲᱛᱤ ᱩᱪᱷᱟᱹᱱ ᱞᱮᱱᱟ ᱾
ᱠᱮᱢᱮᱨ ᱨᱩᱡᱽ ᱚᱠᱛᱚ ᱨᱮ ᱑᱙᱗᱕ ᱥᱟᱞᱮ ᱨᱮ ᱱᱚᱶᱟ ᱜᱟᱶᱛᱟ ᱫᱚ ᱵᱚᱫᱚᱞ ᱮᱱᱟ ᱾ ᱱᱚᱶᱟ ᱜᱟᱶᱛᱟ ᱫᱚ ᱯᱳᱞ ᱯᱳᱴ ᱨᱟᱡᱽ ᱨᱮᱱ ᱦᱚᱲ ᱠᱚ ᱟᱭᱢᱟ ᱥᱮᱨᱢᱟ ᱞᱟᱹᱜᱤᱫ ᱱᱚᱶᱟ ᱯᱚᱛᱚᱵ ᱢᱩᱨᱟᱹᱭ ᱨᱮ ᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱱᱚᱶᱟ ᱯᱚᱛᱚᱵ ᱢᱩᱨᱟᱹᱭ ᱨᱮ ᱫᱚ ᱟᱹᱰᱤ ᱜᱟᱱ ᱯᱚᱛᱚᱵ ᱠᱚ ᱵᱚᱫᱚᱞ ᱠᱮᱫᱼᱟ ᱾ ᱞᱟᱭᱵᱨᱮᱨᱤ ᱨᱮᱭᱟᱜ ᱜᱟᱨᱰᱮᱱᱥ ᱨᱮᱫᱚ ᱦᱩᱲᱩ ᱟᱨ ᱪᱩᱠᱩᱞᱤ ᱠᱚ ᱫᱚᱦᱚ ᱞᱟᱹᱜᱤᱫ ᱠᱚ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ, ᱟᱨ ᱱᱩᱠᱩᱣᱟᱜ ᱠᱩᱠᱞᱤ ᱫᱚ ᱞᱟᱭᱵᱨᱮᱨᱤ ᱵᱤᱞᱰᱤᱝ ᱨᱮ ᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱞᱟᱭᱵᱨᱮᱨᱤ ᱨᱮᱱ ᱠᱟᱹᱢᱤᱭᱟᱹ ᱠᱚᱦᱚᱸ ᱱᱚᱝᱠᱟ ᱜᱮ ᱠᱚ ᱵᱚᱫᱚᱞ ᱞᱮᱱᱟ᱾ ᱠᱮᱢᱮᱨ ᱨᱩᱡᱽ ᱠᱷᱚᱱ ᱢᱟᱲᱟᱝ ᱚᱠᱛᱮ ᱨᱮᱱ ᱔᱐ ᱜᱚᱴᱟᱝ ᱠᱟᱹᱢᱤᱭᱟᱹ ᱠᱚ ᱢᱩᱫᱽ ᱨᱮ, ᱛᱟᱭᱚᱢ ᱛᱮ ᱵᱟᱨ ᱦᱚᱲ ᱜᱮ ᱞᱟᱭᱵᱨᱮᱨᱤ ᱨᱮ ᱠᱟᱹᱢᱤ ᱞᱟᱹᱜᱤᱫ ᱠᱚ ᱨᱩᱣᱟ. ᱰᱤᱜᱟᱱ ᱮᱴᱟᱜᱟᱜ ᱦᱚᱲᱟᱜ ᱢᱚᱱᱮ ᱫᱚ ᱵᱟᱰᱟᱭᱚᱜ ᱠᱟᱱᱟ ᱾[᱓]
᱑᱙᱘᱐ ᱥᱮᱨᱢᱟ ᱠᱷᱚᱱ ᱡᱟᱹᱛᱤᱭᱟᱹᱨᱤ ᱯᱚᱛᱚᱵ ᱢᱩᱨᱟᱹᱭ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱵᱟᱦᱨᱮ ᱫᱤᱥᱚᱢ ᱥᱚᱨᱠᱟᱨ ᱟᱨ ᱮᱡᱮᱱᱥᱤ ᱠᱚᱣᱟᱜ ᱜᱚᱲᱚ ᱛᱮ ᱛᱮᱭᱟᱨ ᱟᱠᱟᱱᱟ᱾ ᱛᱮᱦᱮᱧ ᱠᱮᱢᱵᱳᱰᱤᱭᱟ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱯᱚᱛᱚᱵ ᱜᱟᱫᱮᱞ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱯᱟᱹᱨᱥᱤ ᱛᱮ (ᱠᱢᱮᱨ, ᱯᱷᱨᱮᱸᱪ, ᱤᱝᱞᱤᱥ, ᱡᱟᱨᱢᱟᱱ) ᱑᱐᱓,᱖᱓᱕ ᱠᱚᱯᱤ ᱢᱮᱱᱟᱜᱼᱟ ᱾ ᱵᱤᱥᱮᱥ ᱥᱟᱠᱟᱢ ᱨᱮ ᱘,᱓᱒᱗ ᱡᱟᱹᱛᱤᱭᱟᱹᱨᱤ ᱰᱚᱠᱭᱩᱢᱮᱱᱴ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱑᱙᱒᱕ ᱟᱨ ᱑᱙᱗᱐ ᱛᱟᱞᱟ ᱨᱮ ᱯᱷᱨᱮᱸᱪ ᱯᱟᱹᱨᱥᱤ ᱛᱮ ᱯᱟᱨᱥᱟᱞ ᱟᱠᱟᱱ ᱰᱚᱠᱭᱩᱢᱮᱱᱴ ᱠᱚ ᱥᱟᱶᱛᱮ ᱑᱙᱕᱕-᱑᱙᱗᱕ ᱥᱮᱨᱢᱟ ᱨᱮ ᱠᱢᱮᱨ ᱯᱟᱹᱨᱥᱤ ᱛᱮ ᱯᱟᱨᱥᱟᱞ ᱟᱠᱟᱱ ᱮᱴᱟᱜ ᱯᱚᱛᱚᱵ ᱟᱨ ᱰᱚᱠᱭᱩᱢᱮᱱᱴ ᱠᱚ ᱦᱚᱸ ᱢᱮᱱᱟᱜᱼᱟ ᱾ ᱓᱐᱕ ᱥᱟᱥᱛᱨᱚ ᱥᱮ ᱯᱟᱞᱢ ᱞᱤᱯᱷ ᱢᱟᱱᱩᱥᱠᱨᱤᱯᱴ ᱨᱮᱱᱟᱜ ᱟᱹᱫᱤᱵᱟᱹᱥᱤ ᱥᱟᱠᱟᱢ ᱦᱚᱸ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱟᱭᱠᱨᱳᱯᱤᱞᱤᱢ ᱨᱮ ᱧᱟᱢᱚᱜᱼᱟ ᱾ ᱞᱤᱵᱨᱮᱨᱤ ᱨᱮᱭᱟᱜ ᱠᱚᱞᱳᱱᱤᱭᱟᱞ ᱚᱠᱛᱚ ᱨᱮᱱᱟᱜ ᱯᱟᱨᱤᱰᱤᱠᱮᱞ, ᱢᱚᱡᱤᱠᱮᱞ ᱟᱨ ᱯᱚᱛᱚᱵ ᱠᱚ ᱨᱮᱱᱟᱜ ᱠᱚᱞᱮᱠᱥᱚᱱ ᱠᱷᱚᱱ ᱵᱩᱠ ᱯᱞᱮᱴ ᱨᱮᱱᱟᱜ ᱢᱤᱫ ᱮᱡᱚᱵᱤᱥᱚᱱ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱞᱤᱵᱨᱮᱨᱤ ᱨᱮᱱᱟᱜ ᱯᱟᱨᱤᱰᱤᱠᱮᱞ ᱚᱲᱟᱜ ᱨᱮ ᱧᱮᱞ ᱞᱟᱹᱜᱤᱫ ᱜᱮ ᱢᱮᱱᱟᱜᱼᱟ ᱾ ᱟᱹᱨᱤᱪᱟᱹᱞᱤ ᱟᱨ ᱪᱤᱛᱟᱹᱨ ᱢᱚᱱᱛᱨᱟᱞᱚᱭ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱯᱟᱥᱱᱟᱣ ᱟᱨ ᱯᱟᱲᱦᱟᱣ ᱨᱮᱱᱟᱜ ᱰᱟᱭᱨᱮᱠᱴᱚᱨᱮᱴ ᱦᱚᱛᱮᱛᱮ ᱪᱟᱪᱞᱟᱣᱜ ᱠᱟᱱᱟ, ᱡᱟᱹᱛᱤᱭᱟᱹᱨᱤ ᱜᱟᱫᱮᱞ ᱨᱮ ᱱᱤᱛᱚᱜ ᱓᱐ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱔]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Lost memory: libraries and archives destroyed in the twentieth century
- ↑ Dean, John F. 1990. “The Preservation of Books and Manuscripts in Cambodia.” American Archivist 53 (April): 282–97.
- ↑ Jarvis, Helen (1995). "The National Library of Cambodia: Surviving for Seventy Years". Libraries & Culture. 30 (4): 391–408. ISSN 0894-8631.
- ↑ D’Amicantonio, J. (1997). The development of libraries in Cambodia: the post-Khmer Rouge years. World Libraries, 8(1), 36–41.