ᱯᱷᱨᱮᱸᱪ ᱯᱟᱹᱨᱥᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱯᱷᱨᱮᱸᱪ ᱯᱟᱹᱨᱥᱤ (French: français, pronounced "Fronce-eh") ᱫᱚ ᱨᱳᱢᱟᱱᱤᱭᱟᱹ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱮᱛᱚᱦᱚᱵ ᱯᱷᱨᱟᱱᱥ ᱫᱤᱥᱚᱢ ᱨᱮ ᱠᱚ ᱨᱚᱲ ᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱟᱨᱦᱚᱸ ᱵᱮᱞᱡᱤᱭᱚᱢ, ᱞᱩᱠᱥᱮᱢᱵᱚᱨ, ᱠᱟᱱᱟᱰᱟ, ᱥᱩᱭᱡᱚᱨᱞᱟᱸᱰ ᱟᱨᱦᱚᱸ ᱟᱭᱢᱟ ᱟᱯᱷᱨᱤᱠᱟ ᱢᱟᱦᱟᱫᱮᱥ ᱨᱮᱱᱟᱜ ᱫᱤᱥᱚᱢ ᱨᱮ ᱱᱚᱣᱟ ᱯᱟᱹᱨᱥᱤ ᱠᱚ ᱨᱚᱲ ᱠᱟᱱᱟ ᱾ ᱥᱩᱨᱥᱩᱯᱤᱨ ᱒᱒᱐ ᱢᱤᱞᱤᱭᱚᱱ ᱜᱟᱱ ᱦᱚᱲ ᱯᱷᱨᱮᱸᱪ ᱫᱚ ᱡᱟᱱᱟᱢ ᱯᱟᱹᱠᱥᱤ ᱟᱨᱵᱟᱝ ᱫᱚᱥᱟᱨ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱜ-ᱟ ᱾ [1]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱹᱰᱤ ᱥᱮᱫᱟᱭ ᱫᱷᱟᱨᱟ ᱨᱮ ᱯᱷᱨᱟᱱᱥ ᱨᱮ ᱥᱮᱞᱴ ᱡᱟᱹᱛ ᱨᱤᱱ ᱦᱚᱲ ᱠᱚ ᱛᱟᱦᱮᱸᱞᱮᱱᱟ ᱾ [2] ᱩᱱ ᱚᱠᱛᱚ ᱨᱮ ᱚᱱᱟ ᱫᱤᱥᱚᱢ ᱫᱚ ᱜᱟᱣᱞ(Latin: Gallia) ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱨᱚᱢᱟᱱ ᱠᱚ ᱫᱚ ᱜᱟᱞᱤᱭᱟ ᱡᱤᱛᱠᱟᱹᱨ ᱠᱟᱛᱮ ᱟᱠᱚᱣᱟᱜ ᱛᱤ ᱨᱮ ᱠᱚ ᱟᱹᱜᱩ ᱠᱮᱜ-ᱟ ᱾ ᱨᱚᱢᱟᱱ ᱠᱚ ᱫᱚ ᱞᱟᱴᱤᱱ ᱯᱟᱹᱨᱥᱤ ᱠᱚ ᱨᱚᱲ ᱠᱟᱱ ᱛᱟᱦᱮᱸᱫ ᱾ ᱚᱱᱟᱛᱟᱭᱚᱢ ᱚᱸᱰᱮᱱ ᱠᱚ ᱜᱚᱲ ᱜᱚᱸ ᱞᱟᱴᱤᱱ ᱠᱚ ᱪᱮᱫ ᱠᱮᱜ-ᱟ ᱟᱨ ᱚᱱᱠᱟ ᱜᱮ ᱠᱚ ᱨᱚᱲ ᱠᱮᱜ-ᱟ ᱾ ᱚᱱᱠᱟᱛᱮ ᱟᱠᱚᱣᱟᱜ ᱡᱟᱱᱟᱢ ᱯᱟᱹᱨᱥᱩ ᱜᱩᱣᱟᱞᱤᱥ ᱫᱟ ᱟᱹᱰᱤ ᱠᱚᱢ ᱠᱚ ᱨᱚᱲ ᱠᱮᱜ-ᱟ ᱾ ᱑᱖᱓᱕ ᱥᱟᱞᱮ ᱨᱮ ᱯᱷᱨᱟᱱᱥ ᱫᱚ ᱯᱷᱨᱮᱸᱪ ᱮᱠᱟᱰᱮᱢᱤ ᱵᱮᱨᱮᱫ ᱠᱮᱫᱟᱭ ᱢᱤᱫ ᱫᱚᱲᱦᱚ ᱯᱷᱨᱮᱸᱪ ᱯᱟᱹᱨᱥᱤ ᱵᱮᱨᱮᱫ ᱞᱟᱹᱜᱤᱫ ᱾ ᱱᱩᱭ ᱮᱠᱟᱰᱮᱢᱤ ᱫᱚ ᱢᱤᱫ ᱨᱟᱭᱨᱤᱛ ᱮ ᱵᱮᱨᱮᱫ ᱠᱮᱫᱟ ᱢᱤᱫ ᱞᱮᱠᱟ ᱨᱚᱲ ᱞᱟᱹᱜᱤᱫ ᱾

ᱪᱤᱠᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱨᱮᱸᱪ ᱫᱚ ᱨᱳᱢᱟᱱ ᱪᱤᱠᱤ ᱛᱮ ᱠᱚ ᱚᱞ ᱮᱫᱟ ᱤᱝᱞᱤᱥ ᱞᱮᱠᱟ ᱜᱮ ᱾ ᱚᱱᱟᱠᱤᱱ ᱛᱟᱞᱟ ᱨᱮ ᱛᱤᱢᱤᱱ ᱜᱟᱱ ᱵᱷᱮᱯᱮᱫ ᱢᱮᱱᱟᱜ-ᱟ ᱾ ᱨᱟᱦᱟ ᱟᱲᱟᱝ ᱠᱚ ᱫᱮ ᱯᱮ ᱞᱮᱠᱟ ᱰᱤᱭᱟᱠᱨᱤᱴᱤᱠᱥ ᱠᱚ ᱢᱮᱥᱟ ᱦᱟᱠᱟᱣᱟᱫ ᱠᱚᱣᱟ ᱾ ᱩᱱᱠᱩ ᱠᱚ ᱫᱚ ᱠᱚ ᱦᱩᱭᱩᱜ ᱠᱟᱱᱟ é, è ᱟᱨ î. ᱟᱨ ᱢᱤᱫ ᱪᱤᱠᱤ ᱦᱚᱸ ᱠᱚ ᱵᱮᱨᱮᱫ ᱟᱠᱟᱫᱮᱭᱟ, ᱩᱱᱤ ᱫᱚᱭ ᱦᱩᱭᱩᱜ ᱠᱟᱱᱟ ç

ᱫᱟᱹᱭᱠᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱸᱰᱮ ᱛᱤᱢᱤᱱ ᱜᱟᱱ ᱫᱟᱹᱭᱠᱟᱹ ᱠᱚ ᱚᱞ ᱮᱱᱟ ᱯᱷᱨᱮᱸᱪ ᱯᱟᱹᱨᱥᱤ ᱨᱮᱱᱟᱜ ᱟᱹᱲᱟᱹ ᱟᱨ ᱟᱹᱭᱟᱹᱛ ᱠᱚ ᱨᱮᱱᱟᱜ ᱢᱮᱱᱮᱛ ᱥᱟᱶᱛᱮ

ᱟᱹᱲᱟᱹ ᱢᱮᱱᱮᱛ
Oui ᱦᱚᱭ
Non ᱵᱟᱝ
Bonjour ᱡᱚᱦᱟᱨ (formal)
Au revoir ᱵᱤᱫᱟᱹᱭ ᱡᱚᱦᱟᱨ
Salut ᱢᱟ ᱛᱚᱵᱮ ᱵᱤᱫᱟᱹᱭ ᱡᱚᱦᱟᱨ (informal)
Merci ᱥᱟᱨᱦᱟᱣ
Merci beaucoup ᱟᱭᱢᱟ ᱟᱭᱢᱟ ᱥᱟᱨᱦᱟᱣ
Monsieur ᱢᱟᱞᱟᱭ
Madame ᱢᱟᱞᱟᱭᱱᱤ
Homme ᱦᱮᱨᱮᱞ
Femme ᱢᱟᱹᱭᱡᱩ
Fille ᱠᱩᱲᱤ
Garçon ᱠᱚᱲᱟ
Poulet ᱥᱤᱢ ᱡᱤᱞ
Formidable ᱥᱚᱨᱮᱥ
En vacances ᱰᱤᱜᱟᱹ ᱨᱮ
Eau ᱫᱟᱜ
Manger ᱡᱚᱢ
Parlez-vous français? ᱟᱢ ᱯᱷᱨᱮᱸᱪ ᱮᱢ ᱨᱚᱲᱟ?
Je parle français. ᱤᱧ ᱯᱷᱨᱮᱸᱪ-ᱤᱧ ᱨᱚᱲᱟ
Comment allez-vous? ᱚᱠᱟ ᱞᱮᱠᱟ ᱢᱮᱱᱟᱢᱟ? (formal)
Comment vas-tu? ᱚᱠᱟ ᱞᱮᱠᱟ ᱢᱮᱱᱟᱢᱟ? (informal)
Je t'aime. ᱤᱧ ᱟᱢᱤᱧ ᱥᱤᱵᱤᱞᱟᱢᱟ
Où sont les toilettes s'il vous plaît ? ᱚᱠᱟᱨᱮ ᱨᱟᱪᱟ ᱡᱚᱝ ᱚᱲᱟᱜ ᱢᱮᱱᱟᱜ-ᱟ?
Comment t'appelles-tu? ᱟᱢᱟᱜ ᱧᱩᱛᱩᱢ ᱫᱚ ᱪᱮᱫ?
Je m'appelle... (your name) ᱤᱧᱟᱜ ᱧᱩᱛᱩᱢ ᱫᱚ... (ᱟᱢᱟᱜ ᱧᱩᱛᱩᱢ)
Je parle anglais ᱤᱧ ᱤᱝᱞᱤᱥᱤᱧ ᱨᱚᱲᱟ
S'il vous plaît ᱫᱟᱭᱟᱠᱟᱛᱮ
J'ai besoin d'un taxi ᱤᱧ ᱴᱮᱠᱥᱤᱧ ᱞᱟᱹᱠᱛᱤᱜ ᱠᱟᱱᱟ

ᱟᱭᱢᱟ ᱯᱨᱷᱮᱸᱪ ᱟᱹᱲᱟᱹ ᱠᱚ ᱫᱚ ᱤᱝᱞᱤᱥ ᱟᱹᱲᱟᱹ ᱞᱮᱠᱟᱱ ᱜᱮᱭᱟ, ᱪᱮᱫᱟᱜ ᱥᱮ ᱤᱝᱞᱤᱥ ᱯᱟᱹᱨᱥᱤ ᱫᱚ ᱟᱭᱢᱟ ᱟᱹᱲᱟᱹ ᱠᱚ ᱱᱚᱨᱢᱟᱱ ᱯᱟᱹᱨᱥᱤ ᱠᱷᱚᱱᱮ ᱩᱫᱷᱟᱹᱨ ᱟᱠᱟᱜ-ᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Les francophones dans le monde" (Francophones in the world") — Gives details from a report.
  2. http://www.celticattic.com/contact_us/the_celts/celts_facts_and_fiction.htm%7Ctitle=Celtic History