ᱞᱟᱴᱤᱱ ᱯᱟᱹᱨᱥᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱞᱟᱴᱤᱱ ᱯᱟᱹᱨᱥᱤ


ᱞᱟᱴᱤᱱ ᱯᱟᱹᱨᱥᱤ (ᱞᱟᱴᱤᱱ: lingua latīna;) ᱫᱚ ᱢᱤᱫ ᱤᱴᱟᱞᱤᱭᱟᱹ ᱯᱟᱹᱨᱥᱤ ᱠᱟᱱᱟ ᱾ ᱱᱚᱶᱟ ᱯᱟᱹᱨᱥᱤ ᱫᱚ 'ᱞᱟᱴᱤᱭᱚᱢ' ᱟᱨ 'ᱢᱟᱨᱮ ᱨᱳᱢ' ᱨᱮ ᱠᱚ ᱨᱚᱲ ᱠᱟᱱᱟᱜ ᱯᱟᱹᱨᱥᱤ ᱠᱟᱱᱟ ᱾ ᱱᱚᱶᱟ ᱫᱚ ᱮᱴᱟᱜ ᱤᱣᱨᱚᱯᱤᱭᱟᱹ ᱯᱟᱹᱨᱥᱤ ᱞᱮᱠᱟ ᱜᱮ, ᱢᱟᱨᱮ ᱥᱤᱧᱚᱛᱤᱭᱟᱹ-ᱤᱣᱨᱚᱯᱤᱭᱟᱹ ᱯᱟᱹᱨᱥᱤ ᱠᱷᱚ ᱡᱟᱱᱟᱢ ᱟᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱡᱟᱱᱟᱢ ᱫᱚ ᱤᱴᱟᱞᱤᱭᱚ ᱯᱮᱱᱤᱥᱩᱞᱟ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱱᱤᱛ ᱜᱩᱨ ᱟᱠᱟᱱ ᱯᱟᱹᱨᱥᱤ ᱠᱟᱱ ᱨᱮᱦᱚᱸ, ᱱᱮᱛᱟᱨ ᱦᱚᱸ ᱟᱭᱢᱟ ᱟᱪᱮᱛ, ᱯᱟᱹᱨᱥᱤ ᱯᱟᱹᱨᱩᱠᱷᱤᱭᱟᱹ ᱟᱨ ᱠᱤᱨᱤᱥᱛᱟᱱ ᱯᱟᱫᱽᱨᱤ ᱱᱟᱯᱟᱴ ᱛᱮ ᱜᱮ ᱠᱚ ᱨᱚᱲ ᱫᱟᱲᱮᱭᱟᱜᱼᱟ ᱾ ᱱᱤᱛ ᱦᱚᱸ ᱟᱭᱢᱟ ᱟᱥᱲᱟ ᱟᱨ ᱩᱥᱩᱞ ᱵᱤᱨᱫᱟᱹᱜᱟᱲ ᱨᱮ ᱱᱚᱶᱟ ᱫᱚ ᱠᱚ ᱯᱟᱲᱦᱟᱜ ᱠᱟᱱ ᱜᱮᱭᱟ ᱾ ᱞᱟᱴᱤᱱ ᱯᱟᱹᱨᱥᱤ ᱫᱚ ᱱᱟᱶᱟ ᱟᱹᱲᱟᱹ ᱥᱤᱨᱤᱡᱽ ᱞᱟᱹᱜᱤᱫ ᱠᱚ ᱵᱮᱵᱷᱟᱨᱮᱫᱼᱟ ᱾ ᱞᱟᱴᱤᱱ ᱵᱮᱜᱚᱨ ᱮᱴᱟᱜ ᱤᱴᱟᱹᱞᱤᱭᱟᱹ ᱜᱷᱟᱨᱚᱡᱽ ᱨᱮᱱᱟᱜ ᱡᱚᱛᱚ ᱯᱟᱹᱨᱥᱤ ᱢᱮᱴᱟᱣ ᱪᱟᱵᱟᱭᱮᱱᱟ ᱾

ᱞᱮᱠᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨ ᱞᱮᱠᱟᱱ ᱞᱟᱴᱤᱱ ᱯᱟᱹᱨᱥᱤ ᱟᱸᱡᱚᱢᱚᱜᱼᱟ, ᱢᱤᱫ ᱫᱚ ᱠᱞᱟᱥᱤᱠᱟᱞ ᱞᱟᱴᱤᱱ ᱟᱨ ᱵᱷᱩᱞᱜᱟᱨ ᱞᱟᱴᱤᱱ ᱾ ᱠᱞᱟᱥᱤᱠᱟᱞ ᱞᱟᱴᱤᱱ ᱯᱟᱹᱨᱥᱤ ᱫᱚ ᱥᱮᱪᱮᱫ ᱟᱠᱟᱱ ᱨᱚᱢᱟᱱ ᱦᱚᱲ ᱠᱚ ᱵᱮᱵᱷᱟᱨᱮᱫᱼᱟ ᱾ ᱱᱚᱶᱟ ᱯᱟᱹᱨᱥᱤ ᱫᱚ ᱨᱚᱢᱟᱱ ᱠᱟᱛᱷᱚᱞᱤᱠ ᱪᱚᱨᱪ ᱨᱮ ᱠᱚ ᱵᱮᱵᱷᱟᱨᱮᱫᱼᱟ ᱟᱨ ᱡᱮᱜᱮᱛ ᱨᱮ ᱟᱭᱢᱟ ᱯᱟᱹᱴᱷᱟᱣᱟᱹ ᱠᱚ ᱯᱟᱲᱦᱟᱶᱮᱫᱼᱟ ᱾ ᱵᱷᱩᱞᱜᱟᱨ ᱞᱟᱴᱤᱱ ᱟᱹᱰᱤ ᱥᱟᱫᱷᱟᱨᱚᱱ ᱨᱚᱲᱚᱜ ᱠᱟᱱ ᱯᱟᱹᱨᱥᱤ ᱠᱟᱱᱟ ᱟᱨ ᱥᱟᱫᱷᱟᱨᱚᱱ ᱨᱚᱢᱟᱱ ᱦᱚᱲ ᱠᱚ ᱨᱚᱲ ᱮᱫᱼᱟ ᱾ ᱱᱚᱶᱟ ᱞᱮᱠᱟᱱ ᱯᱟᱹᱨᱥᱤ ᱫᱚ ᱨᱚᱢᱟᱱ ᱠᱚ ᱡᱤᱛᱠᱟᱹᱨ ᱟᱠᱟᱫ ᱠᱚ ᱦᱚᱲ ᱠᱚ ᱵᱮᱵᱷᱟᱨᱮᱫᱼᱟ ᱾

ᱛᱟᱞᱟ ᱡᱩᱜᱽ ᱨᱮ ᱞᱟᱴᱤᱱ ᱯᱟᱹᱨᱥᱤ ᱫᱚ ᱜᱚᱴᱟ ᱤᱣᱨᱚᱯ ᱨᱮ ᱟᱹᱰᱤ ᱞᱟᱹᱠᱛᱤᱭᱟᱱᱟᱜ ᱯᱟᱹᱨᱥᱤ ᱠᱟᱱᱟ ᱾ ᱱᱚᱶᱟ ᱫᱚ ᱟᱭᱢᱟ ᱤᱣᱨᱚᱯᱤᱭᱟᱱ ᱟᱥᱲᱟ ᱟᱨ ᱡᱚᱛᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱠᱚ ᱥᱮᱪᱮᱫᱚᱜ ᱠᱟᱱᱟ ᱥᱟᱶᱛᱮ ᱞᱟᱴᱤᱱ ᱫᱚ ᱥᱱᱥᱪᱮᱫ ᱯᱟᱹᱨᱥᱤ ᱞᱮᱠᱟᱴᱮ ᱠᱚ ᱵᱮᱵᱷᱟᱨᱮᱫᱼᱟ ᱾ ᱞᱟᱴᱤᱱ ᱫᱚ ᱞᱚᱴᱚᱢᱯᱜ ᱠᱟᱱ ᱨᱮᱦᱚᱸ ᱱᱚᱶᱟ ᱱᱤᱛ ᱦᱚᱸ ᱥᱟᱬᱮᱥᱤᱭᱟᱹ ᱯᱚᱛᱚᱵ ᱨᱤᱱ ᱚᱱᱚᱞᱤᱭᱟᱹ ᱠᱚ ᱫᱟᱨᱟᱭ ᱛᱮ ᱵᱮᱵᱷᱟᱨᱚᱜ ᱠᱟᱱ ᱜᱮᱭᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]