ᱟᱭᱵᱷᱚᱨᱤ ᱠᱳᱥᱴ
ᱟᱤᱵᱷᱚᱨᱤ ᱠᱳᱥᱴ (Ivory Coast (Côte d'Ivoire)) ᱫᱚ ᱟᱯᱷᱨᱤᱠᱟ ᱢᱚᱦᱟᱫᱮᱥ ᱨᱮᱱᱟᱜ ᱢᱤᱫᱴᱮᱱ ᱫᱤᱥᱚᱢ ᱠᱟᱱᱟ᱾ ᱱᱚᱶᱟ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱫᱤᱥᱚᱢ ᱨᱮᱱᱟᱜ ᱛᱟᱞᱢᱟ ᱨᱮ ᱢᱮᱱᱟᱜ ᱭᱚᱢᱩᱥᱩᱠᱨᱳ ᱠᱟᱱᱟ, ᱟᱨ ᱱᱚᱶᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱚᱦᱚᱨ ᱟᱨ ᱠᱟᱹᱣᱰᱤᱭᱟᱹᱨᱤ ᱛᱟᱞᱢᱟ ᱫᱚ ᱱᱚᱶᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱥᱚᱦᱚᱨ ᱟᱵᱤᱰᱡᱟᱱ ᱠᱟᱱᱟ᱾ ᱱᱚᱣᱟ ᱨᱮᱭᱟᱜ ᱠᱚᱧᱮ-ᱯᱟᱪᱮ ᱨᱮ ᱜᱤᱱᱤ, ᱯᱟᱪᱮ ᱥᱮᱫ ᱞᱤᱵᱤᱭᱟ, ᱠᱚᱧᱮ-ᱯᱟᱪᱮ ᱥᱮᱫ ᱢᱟᱞᱤᱠ, ᱠᱚᱧᱮ-ᱥᱟᱢᱟᱝ ᱥᱮᱫ ᱵᱩᱨᱠᱤᱱᱟ ᱯᱷᱟᱥᱳ, ᱥᱟᱢᱟᱝ ᱥᱮᱫ ᱜᱷᱟᱱᱟ ᱟᱨ ᱮᱛᱚᱢ ᱥᱮᱫ ᱜᱤᱱᱤ ᱫᱚᱨᱮᱭᱟ ᱢᱮᱱᱟᱜᱼᱟ᱾ ᱱᱚᱶᱟ ᱨᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱯᱷᱨᱮᱸᱪ ᱠᱟᱱᱟ, ᱟᱨ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱠᱚ ᱦᱚᱸ ᱟᱹᱰᱤ ᱜᱮ ᱵᱮᱵᱷᱟᱨᱚᱜ ᱠᱟᱱᱟ, ᱡᱟᱦᱟᱸ ᱨᱮ ᱵᱮᱛᱮ, ᱵᱟᱣᱞᱮ, ᱫᱤᱣᱞᱟ, ᱰᱟᱱ, ᱟᱱᱤᱭᱤᱱ ᱟᱨ ᱥᱮᱵᱟᱨᱟ ᱥᱮᱱᱳᱯᱷᱳ ᱥᱮᱞᱮᱫ ᱢᱮᱱᱟᱜᱼᱟ᱾ ᱡᱚᱛᱚ ᱛᱮ, ᱟᱭᱵᱷᱳᱨᱤ ᱠᱳᱥᱴ ᱨᱮ ᱗᱘ ᱜᱚᱴᱟᱝ ᱯᱟᱹᱨᱥᱤ ᱠᱚ ᱨᱚᱲᱼᱟ᱾ ᱱᱚᱶᱟ ᱫᱤᱥᱚᱢ ᱨᱮ ᱤᱥᱞᱟᱢ, ᱤᱥᱟᱹᱭ ᱫᱷᱚᱨᱚᱢ ᱟᱨ ᱮᱱᱤᱢᱤᱥᱢ ᱞᱮᱠᱟᱱ ᱟᱹᱫᱤᱵᱟᱹᱥᱤ ᱫᱷᱚᱨᱚᱢ ᱨᱮᱱ ᱟᱹᱰᱤ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ᱾