ᱠᱳᱵᱷᱤᱰ-᱑᱙ ᱴᱤᱠᱟᱹ
ᱠᱳᱵᱷᱤᱰ-᱑᱙ ᱴᱤᱠᱟᱹ ᱫᱚ ᱢᱤᱫ ᱴᱤᱠᱟᱹ ᱠᱟᱱᱟ, ᱡᱟᱦᱟᱸ ᱫᱚ ᱟᱹᱰᱤ ᱜᱟᱹᱦᱤᱨ ᱛᱮ ᱥᱟᱦᱮᱫ ᱭᱚᱱᱟᱛᱨᱚ ᱨᱮ ᱟᱡᱟᱨ ᱥᱤᱨᱡᱚᱱᱮᱫ ᱠᱚᱨᱳᱱᱟᱵᱷᱟᱭᱨᱟᱥ ᱒ (ᱥᱟᱨᱥ-ᱠᱳᱵᱷ-᱒) ᱵᱤᱨᱩᱫᱽ ᱨᱮ ᱞᱟᱹᱲᱦᱟᱭ ᱨᱮ ᱥᱩᱨᱚᱠᱠᱷᱟ ᱮ ᱮᱢᱚᱜᱼᱟ, ᱡᱟᱦᱟᱸ ᱫᱚ ᱠᱚᱨᱳᱱᱟᱵᱷᱟᱭᱨᱟᱥ ᱟᱡᱟᱨ ᱒᱐᱑᱙ (ᱠᱳᱵᱷᱤᱰ-᱑᱙) ᱠᱷᱟᱹᱛᱤᱨ ᱛᱮ ᱦᱩᱭᱩᱜ ᱠᱟᱱᱟ ᱾ ᱱᱚᱣᱟ ᱢᱟᱨᱟᱝ ᱨᱮ, ᱠᱚᱨᱳᱱᱟᱵᱷᱟᱭᱨᱟᱥ ᱛᱮ ᱦᱩᱭᱩᱜ ᱠᱟᱱ ᱟᱹᱰᱤ ᱜᱟᱹᱦᱤᱨ ᱛᱮ ᱥᱟᱦᱮᱫ ᱭᱚᱱᱟᱛᱨᱚ ᱨᱮ ᱟᱡᱟᱨ ᱥᱤᱨᱡᱚᱱᱮᱫ ᱠᱚᱨᱳᱱᱟᱵᱷᱟᱭᱨᱟᱥ (ᱥᱟᱨᱥ) ᱟᱨ ᱥᱟᱢᱟᱝ ᱛᱟᱞᱢᱟ ᱨᱮᱥᱯᱤᱨᱮᱴᱳᱨᱤ ᱥᱤᱱᱰᱨᱳᱢ (ᱢᱟᱨᱥ) ᱵᱤᱨᱩᱫᱽ ᱨᱮ ᱞᱟᱹᱠᱛᱤᱭᱟᱱ ᱴᱤᱠᱟᱹ ᱵᱮᱱᱟᱣ ᱨᱮᱭᱟᱜ ᱡᱚᱥ ᱛᱮ ᱦᱩᱭ ᱞᱮᱱ ᱠᱷᱚᱸᱫᱽᱨᱚᱱ ᱠᱟᱹᱢᱤ ᱠᱚ ᱠᱷᱚᱱ ᱠᱚᱨᱳᱱᱟᱵᱷᱟᱭᱨᱟᱥ ᱨᱮᱭᱟᱜ ᱟᱠᱟᱨ ᱟᱨ ᱠᱟᱹᱢᱤᱦᱚᱨᱟ ᱵᱟᱵᱚᱛ ᱟᱹᱠᱤᱞ ᱜᱮᱭᱟᱱ ᱛᱟᱦᱮ ᱠᱟᱱᱟ; ᱟᱨ ᱱᱚᱣᱟ ᱠᱷᱚᱸᱫᱽᱨᱚᱱ ᱜᱮᱭᱟᱱ ᱜᱮ ᱒᱐᱒᱐ ᱥᱮᱨᱢᱟ ᱨᱮᱭᱟᱜ ᱮᱛᱚᱦᱚᱵ ᱨᱮ ᱟᱭᱢᱟ ᱴᱤᱠᱟᱹ ᱵᱮᱱᱟᱣ ᱠᱟᱹᱢᱤᱦᱚᱨᱟᱭ ᱞᱟᱦᱟ ᱤᱫᱤ ᱞᱮᱫᱟ ᱾ ᱥᱟᱨᱥ-ᱠᱳᱵᱷ-᱒ ᱴᱤᱠᱟᱹ ᱨᱮᱭᱟᱜ ᱮᱛᱚᱦᱚᱵ ᱡᱚᱥ ᱫᱚ ᱛᱟᱦᱮ ᱠᱟᱱᱟ ᱧᱮᱞᱚᱜ ᱠᱟᱱ ᱞᱚᱠᱠᱷᱚᱱ ᱟᱨ ᱟᱹᱰᱤ ᱜᱟᱹᱦᱤᱨ ᱛᱮ ᱨᱩᱣᱟᱹᱜ ᱨᱮᱭᱟᱜ ᱨᱩᱠᱷᱤᱭᱟᱹ ᱾ ᱑᱐ ᱡᱟᱱᱩᱣᱟᱨᱤ ᱒᱐᱒᱐ ᱨᱮ, ᱡᱤ.ᱟᱭ.ᱮᱥ.ᱮ.ᱟᱭ.ᱰᱤ ᱦᱚᱛᱮᱛᱮ ᱥᱟᱨᱥ-ᱠᱳᱵᱷ-᱒ ᱨᱮᱭᱟᱜ ᱡᱮᱱᱮᱴᱤᱠ ᱥᱤᱠᱳᱭᱮᱱᱥ ᱰᱮᱴᱟ ᱦᱟᱹᱴᱤᱧ ᱦᱩᱭ ᱞᱮᱱᱟ, ᱟᱨ ᱑᱙ ᱢᱟᱨᱪ ᱛᱮᱜᱮ, ᱡᱮᱜᱮᱛ ᱨᱮᱱ ᱢᱟᱨᱟᱝ ᱨᱟᱱ ᱵᱮᱱᱟᱣ ᱤᱱᱰᱟᱥᱴᱨᱤᱥ ᱠᱚ ᱱᱚᱣᱟ ᱠᱳᱵᱷᱤᱰ-᱑᱙ ᱨᱩᱠᱷᱤᱭᱟᱹ ᱞᱟᱹᱜᱤᱫ ᱠᱚ ᱠᱨᱤᱭᱟᱹ ᱞᱮᱫᱟ ᱾[᱑] ᱠᱳᱵᱷᱤᱰ-᱑᱙ ᱴᱤᱠᱟᱹ ᱠᱚᱫᱚ ᱠᱳᱵᱷᱤᱰ-᱑᱙ ᱠᱷᱟᱹᱛᱤᱨ ᱛᱮ ᱦᱩᱭᱩᱜ ᱠᱟᱱ ᱨᱩᱣᱟᱹ, ᱯᱟᱥᱱᱟᱣ ᱟᱨ ᱜᱚᱡ ᱜᱩᱨ ᱠᱚᱢ ᱚᱪᱚ ᱞᱟᱹᱜᱤᱫ ᱠᱚ ᱥᱟᱨᱦᱟᱣ ᱟᱠᱟᱫᱟ ᱾[᱒]
ᱮᱛᱚᱦᱚᱵ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱳᱵᱷᱤᱰ-᱑᱙ ᱨᱮᱭᱟᱜ ᱚᱨᱥᱚᱝ ᱞᱟᱦᱟ ᱨᱮ, ᱵᱟᱨᱼᱯᱮ ᱥᱮᱨᱢᱟ ᱢᱩᱸᱫᱽ ᱨᱮ ᱢᱤᱫ ᱯᱟᱥᱱᱟᱣᱚᱜ ᱟᱡᱟᱨ ᱨᱮᱭᱟᱜ ᱨᱮᱭᱟᱜ ᱴᱤᱠᱟᱹ ᱫᱚ ᱱᱚᱣᱟ ᱞᱟᱦᱟ ᱨᱮ ᱵᱟᱝ ᱵᱮᱱᱟᱣ ᱟᱠᱟᱱᱟ ᱟᱨ ᱢᱟᱹᱱᱢᱤ ᱠᱚ ᱛᱟᱞᱟ ᱨᱮ ᱠᱚᱨᱳᱱᱟᱵᱷᱟᱭᱨᱟᱥ ᱟᱡᱟᱨ ᱯᱟᱥᱱᱟᱣ ᱵᱤᱨᱩᱫᱽ ᱞᱟᱹᱜᱤᱫ ᱱᱚᱣᱟ ᱢᱟᱨᱟᱝ ᱨᱮ ᱪᱮᱫ ᱴᱤᱠᱟᱹ ᱦᱚᱸ ᱵᱟᱝ ᱛᱟᱦᱮ ᱠᱟᱱᱟ ᱾ ᱛᱚᱵᱮ ᱡᱟᱱᱣᱟᱨ ᱠᱚ ᱵᱮᱵᱷᱟᱨ ᱞᱟᱹᱜᱤᱫ ᱟᱭᱢᱟ ᱜᱟᱱ ᱠᱚᱨᱳᱱᱟᱵᱷᱟᱭᱨᱟᱥ ᱴᱤᱠᱟᱹ ᱫᱚ ᱛᱮᱭᱟᱨ ᱦᱩᱭ ᱟᱠᱟᱱᱟ, ᱡᱟᱦᱟᱸ ᱠᱚ ᱢᱩᱸᱫᱽ ᱨᱮ ᱪᱮᱬᱮᱸ ᱠᱚᱣᱟᱜ ᱤᱱᱯᱷᱮᱠᱥᱤᱭᱟᱥ ᱵᱽᱨᱳᱝᱠᱟᱭᱴᱤᱥ ᱵᱷᱟᱭᱨᱟᱥ, ᱠᱮᱱᱟᱭᱤᱱ ᱠᱚᱨᱳᱱᱟᱵᱷᱟᱭᱨᱟᱥ ᱟᱨ ᱯᱷᱤᱞᱟᱭᱤᱱ ᱠᱚᱨᱳᱱᱟᱵᱷᱟᱭᱨᱟᱥ ᱥᱮᱞᱮᱫ ᱢᱮᱱᱟᱜᱼᱟ ᱾ᱠᱚᱨᱳᱱᱟᱵᱷᱤᱨᱤᱰᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱡᱟᱦᱟᱸ ᱵᱷᱟᱭᱨᱟᱥ ᱠᱚ ᱢᱟᱹᱱᱢᱤ ᱴᱷᱮᱱ ᱟᱡᱟᱨ ᱮ ᱥᱤᱨᱡᱚᱱ ᱟᱠᱟᱱᱟ ᱚᱱᱟ ᱠᱚ ᱢᱩᱸᱫᱽ ᱨᱮ ᱟᱹᱰᱤ ᱜᱟᱹᱦᱤᱨ ᱛᱮ ᱥᱟᱦᱮᱫ ᱭᱚᱱᱟᱛᱨᱚ ᱨᱮ ᱟᱡᱟᱨ ᱥᱤᱨᱡᱚᱱᱮᱫ ᱠᱚᱨᱳᱱᱟᱵᱷᱟᱭᱨᱟᱥ (ᱥᱟᱨᱥ) ᱟᱨ ᱥᱟᱢᱟᱝ ᱛᱟᱞᱢᱟ ᱨᱮᱥᱯᱤᱨᱮᱴᱳᱨᱤ ᱥᱤᱱᱰᱨᱳᱢ (ᱢᱟᱨᱥ)ᱟᱡᱟᱨ ᱤᱫᱤ ᱠᱟᱛᱮ ᱜᱮ ᱢᱟᱨᱟᱝ ᱨᱮ ᱴᱤᱠᱟᱹ ᱵᱮᱱᱟᱣ ᱨᱮᱭᱟᱜ ᱠᱩᱨᱩᱢᱩᱴᱩ ᱦᱩᱭ ᱞᱮᱱᱟ, ᱡᱟᱦᱟᱸ ᱫᱚ ᱢᱟᱹᱱᱢᱤ ᱵᱮᱜᱚᱨ ᱮᱴᱟᱜ ᱡᱟᱱᱩᱣᱟᱨ ᱪᱮᱛᱟᱱ ᱨᱮ ᱴᱮᱥᱴ ᱦᱩᱭ ᱞᱮᱱᱟ ᱾ ᱒᱐᱐᱕ ᱟᱨ ᱒᱐᱐᱖ ᱥᱮᱨᱢᱟ ᱨᱮ ᱚᱰᱚᱜ ᱞᱮᱱ ᱢᱤᱫ ᱠᱷᱚᱸᱫᱽᱨᱚᱱ ᱥᱟᱠᱟᱢ ᱞᱮᱠᱟᱛᱮ, ᱩᱱ ᱚᱠᱛᱚ ᱥᱟᱨᱥ ᱞᱟᱹᱜᱤᱫ ᱴᱤᱠᱟᱹ ᱟᱨ ᱨᱟᱱ ᱵᱮᱱᱟᱣ ᱜᱮ ᱡᱮᱜᱮᱛ ᱨᱮᱭᱟᱜ ᱟᱭᱢᱟ ᱥᱚᱨᱠᱟᱨ ᱟᱨ ᱦᱚᱨᱢᱚ ᱵᱷᱟᱹᱞᱟᱹᱭ ᱜᱟᱶᱛᱟ ᱟᱜ ᱢᱩᱬᱩᱛ ᱡᱚᱥ ᱛᱟᱦᱮ ᱠᱟᱱᱟ ᱾
ᱢᱟᱹᱱᱢᱤ ᱞᱟᱹᱜᱤᱫ ᱥᱟᱨᱥ ᱵᱤᱨᱩᱫᱽ ᱨᱮ ᱞᱟᱹᱲᱦᱟᱭ ᱞᱟᱹᱜᱤᱫ ᱪᱮᱫ ᱯᱨᱚᱢᱟᱱ ᱴᱤᱠᱟᱹ ᱫᱚ ᱵᱟᱹᱱᱩᱜᱼᱟ ᱾ ᱟᱨ ᱢᱟᱨᱥ ᱠᱷᱚᱱ ᱵᱟᱧᱪᱟᱣᱚᱜ ᱞᱟᱹᱜᱤᱫ ᱦᱚᱸ ᱪᱮᱫ ᱴᱤᱠᱟᱹ ᱫᱚ ᱱᱤᱛ ᱦᱟᱹᱵᱤᱫ ᱵᱟᱝ ᱛᱮᱭᱟᱨ ᱟᱠᱟᱱᱟ ᱾ ᱢᱟᱨᱥ ᱟᱡᱟᱨ ᱨᱮᱭᱟᱜ ᱚᱨᱥᱚᱝ ᱡᱚᱠᱷᱚᱱ ᱰᱷᱮᱨ ᱞᱮᱱᱟ, ᱩᱱ ᱚᱠᱛᱚ ᱵᱟᱹᱵᱤᱛ ᱦᱩᱭ ᱞᱮᱱᱟ ᱥᱟᱨᱥ ᱞᱟᱹᱜᱤᱫ ᱦᱩᱭ ᱟᱠᱟᱱ ᱠᱷᱚᱸᱫᱽᱨᱚᱱ ᱠᱚᱜᱮ ᱢᱟᱨᱥ ᱟᱡᱟᱨ ᱵᱤᱨᱩᱫᱽ ᱨᱮ ᱴᱤᱠᱟᱹ ᱟᱨ ᱛᱤᱠᱤᱪᱷᱟᱹ ᱥᱟᱬᱮᱥ ᱥᱤᱨᱚᱱ ᱨᱮᱭᱟᱜ ᱜᱚᱲᱚ ᱵᱷᱤᱛ ᱞᱮᱠᱟᱛᱮᱭ ᱠᱟᱹᱢᱤᱭᱟ ᱾ ᱒᱐᱒᱐ ᱨᱮᱭᱟᱜ ᱢᱟᱨᱪ ᱦᱟᱹᱵᱤᱫ ᱛᱮ ᱠᱷᱟᱹᱞᱤ ᱢᱤᱫ (ᱰᱤ.ᱮᱱ.ᱮ) ᱴᱮᱱ ᱢᱟᱨᱥ ᱴᱤᱠᱟᱹ ᱛᱮᱭᱟᱨ ᱦᱩᱭ ᱟᱠᱟᱱ ᱡᱟᱦᱟᱸ ᱫᱚ ᱢᱟᱹᱱᱢᱤ ᱪᱮᱫ ᱵᱤᱰᱟᱹᱣ (ᱴᱮᱥᱴ) ᱨᱮᱭᱟᱜ ᱯᱩᱭᱞᱩ ᱛᱷᱟᱨ ᱮ ᱯᱟᱨᱚᱢ ᱟᱠᱟᱫᱟ ᱾ ᱟᱨ ᱟᱨᱦᱚᱸ ᱯᱮᱭᱟ ᱠᱷᱚᱸᱫᱽᱨᱚᱱ ᱪᱟᱞᱟᱜ ᱠᱟᱱᱟ, ᱱᱚᱣᱟ ᱠᱚ ᱢᱩᱸᱫᱽ ᱨᱮ ᱥᱟᱱᱟᱢ ᱜᱮ ᱵᱷᱟᱭᱨᱟᱥᱤᱭᱟᱹ ᱜᱮᱢᱮᱨ ᱴᱤᱠᱟᱹ ᱠᱟᱱᱟ; ᱱᱚᱣᱟ ᱠᱚ ᱢᱩᱸᱫᱽ ᱨᱮ ᱵᱟᱨᱭᱟ ᱫᱚ ᱮᱰᱮᱱᱳᱵᱷᱥᱭᱨᱟᱞ-ᱵᱷᱮᱠᱴᱳᱨᱰ ᱜᱮᱢᱮᱨ ᱴᱤᱠᱟᱹ (ChAdOx1-MERS, BVRS-GamVac) ᱟᱨ ᱢᱤᱫ ᱴᱮᱱ ᱫᱚ ᱮᱢ.ᱵᱷᱤ.ᱮ ᱜᱮᱢᱮᱨ ᱴᱤᱠᱟᱹ ᱠᱟᱱᱟ ᱾
ᱯᱚᱨᱛᱚᱱ ᱟᱨ ᱩᱛᱷᱱᱟᱹᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱒᱐ ᱨᱮᱭᱟᱜ ᱠᱩᱨᱩᱢᱩᱴᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱴᱤᱠᱟᱹ ᱨᱮᱭᱟᱜ ᱫᱷᱚᱨᱚᱱ (ᱞᱮᱠᱟᱱ)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱹᱨᱤᱪ ᱚᱨᱥᱚᱝ (ᱥᱟᱭᱤᱰ ᱮᱯᱷᱮᱠᱴ)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱴᱤᱠᱟᱹ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Padilla TB (24 February 2021). "No one is safe unless everyone is safe". BusinessWorld. Retrieved 24 February 2021.
- ↑ Vergano, Dan (5 June 2021). "COVID-19 Vaccines Work Way Better Than We Had Ever Expected. Scientists Are Still Figuring Out Why". BuzzFeed News. Retrieved 24 June 2021.
{{cite web}}: Cite has empty unknown parameter:|1=(help)