ᱠᱚᱨᱳᱱᱟ ᱵᱷᱟᱭᱨᱟᱥ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search


Orthocoronavirinae
Coronaviruses 004 lores.jpg
Electron micrograph of coronavirus virions
Virus classification e
(unranked): Virus
Realm: Riboviria
Phylum: incertae sedis
Order: Nidovirales
Family: Coronaviridae
Subfamily: Orthocoronavirinae
Genera
Synonyms[᱒][᱓]
  • Coronavirinae

ᱠᱚᱨᱳᱱᱟ ᱵᱷᱟᱭᱨᱟᱥ ᱫᱚ ᱱᱤᱫᱩ ᱵᱷᱟᱭᱨᱟᱥ ᱥᱨᱮᱱᱤ ᱨᱮᱱᱟᱜ ᱠᱚᱨᱳᱱᱟᱵᱷᱟᱭᱨᱚᱫᱟ ᱜᱷᱟᱨᱚᱸᱡ ᱨᱮᱱ ᱠᱚᱨᱳᱱᱟᱵᱷᱟᱭᱨᱤᱱᱟ ᱩᱯᱳᱜᱳᱛᱨᱳ ᱨᱮᱱᱟᱜ ᱢᱤᱫᱴᱮᱱ ᱵᱷᱟᱭᱨᱟᱥ ᱯᱨᱚᱡᱟᱛᱤᱠᱟᱱᱟ᱾ ᱱᱚᱣᱟ ᱵᱷᱟᱭᱨᱟᱥ ᱨᱮᱱᱟᱜ ᱡᱤᱱᱳᱢ ᱫᱚ ᱟᱭᱟᱜ ᱟᱨ ᱮᱱ ᱮ ᱛᱮ ᱵᱮᱱᱟᱣ ᱟᱠᱟᱱᱟ᱾ ᱱᱚᱣᱟ ᱡᱤᱱᱳᱢ ᱫᱚ ᱒᱖ ᱠᱷᱚᱱ ᱓᱒ ᱠᱤᱞᱳᱵᱮᱥᱮ ᱵᱷᱤᱛᱨᱤᱨᱮ ᱦᱩᱭᱩᱜᱼᱟ ᱡᱟᱸᱦᱟᱸ ᱫᱚ ᱱᱚᱝᱠᱟᱱ ᱵᱷᱟᱭᱨᱟᱥ ᱵᱷᱤᱛᱨᱤᱨᱮ ᱡᱚᱛᱚᱠᱷᱚᱱ ᱞᱟᱹᱴᱩ ᱜᱮᱭᱟ᱾ ᱠᱚᱨᱳᱱᱟ ᱵᱷᱟᱭᱨᱟᱥ ᱟᱹᱲᱟᱹ ᱫᱚ ᱞᱮᱴᱤᱱ ᱠᱚᱨᱳᱱᱟ ᱠᱷᱟᱱ ᱦᱟᱛᱟᱣ ᱦᱩᱭ ᱟᱠᱟᱱᱟ ᱡᱟᱸᱦᱟᱸ ᱨᱮᱱᱟᱜ ᱢᱮᱱᱛᱮ ᱫᱚ ᱦᱩᱭᱩᱜ ᱠᱟᱱᱟ 'ᱢᱩᱠᱩᱴ' (Crown)᱾ ᱤᱞᱮᱠᱴᱨᱚᱱ ᱚᱱᱩᱵᱤᱠᱠᱷᱚᱱ ᱡᱚᱱᱛᱨᱚ ᱨᱮ ᱱᱚᱣᱟ ᱵᱷᱟᱭᱨᱟᱥ ᱫᱚ ᱢᱩᱠᱩᱴ ᱞᱮᱠᱟ ᱧᱮᱞᱚᱜᱼᱟ᱾ ᱵᱷᱟᱭᱨᱟᱥ ᱪᱮᱛᱟᱱ ᱥᱮᱡ ᱫᱚ ᱯᱨᱳᱴᱤᱱ ᱢᱮᱱᱟᱜᱼᱟ ᱡᱟᱸᱦᱟᱸ ᱫᱚ ᱵᱷᱭᱨᱟᱞ ᱮᱥᱯᱟᱭᱤᱠ ᱯᱮᱯᱞᱳᱢᱟᱨ ᱛᱮ ᱟᱭᱟᱜ ᱵᱷᱤᱛᱨᱤᱭ ᱵᱮᱱᱟᱣᱟ᱾ ᱱᱚᱣᱟ ᱯᱨᱳᱴᱤᱱ ᱫᱚ ᱴᱤᱥᱩᱭ ᱵᱟᱹᱲᱤᱡᱟ᱾ ᱡᱚᱛᱚᱞᱮᱠᱟᱱ ᱠᱚᱨᱳᱱᱟ ᱵᱷᱟᱭᱨᱟᱥ ᱨᱮᱜᱮ ᱮᱥᱯᱟᱭᱤᱠ (ᱮᱥ), ᱮᱱᱵᱷᱮᱞᱚᱯ (ᱤ), ᱢᱮᱢᱵᱨᱮᱱ (ᱮᱢ), ᱟᱨ ᱱᱤᱣᱠᱞᱤᱣᱳᱠᱮᱯᱥᱤᱰ (ᱮᱱ) ᱧᱩᱛᱩᱢᱟᱱ ᱯᱩᱱ ᱞᱮᱠᱟᱱ ᱯᱨᱳᱴᱤᱱ ᱢᱮᱱᱟᱜᱼᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱨᱳᱱᱟ ᱵᱷᱟᱭᱨᱟᱥ ᱫᱚ ᱑᱙᱖᱐ ᱥᱮᱨᱢᱟ ᱥᱮᱡ ᱯᱟᱹᱦᱤᱞ ᱫᱷᱟᱣ ᱪᱤᱭᱟᱹᱣ ᱟᱠᱟᱱᱟ᱾ ᱯᱟᱹᱦᱤᱞ ᱥᱮᱡ ᱫᱚ ᱥᱤᱢ ᱵᱷᱤᱛᱨᱤᱨᱮ ᱵᱨᱚᱝᱠᱟᱭᱴᱤᱥ ᱵᱷᱟᱭᱨᱟᱥ ᱞᱮᱠᱟᱛᱮ ᱧᱮᱞ ᱧᱟᱢ ᱟᱠᱟᱱᱟ᱾ ᱛᱟᱭᱚᱢᱛᱮ ᱠᱷᱩᱜ ᱢᱟᱸᱫᱟ ᱛᱟᱞᱟᱛᱮ ᱱᱚᱣᱟ ᱵᱷᱟᱭᱨᱟᱥ ᱧᱟᱢ ᱟᱠᱟᱱᱟ᱾ ᱢᱟᱹᱱᱢᱤ ᱛᱟᱞᱟᱨᱮ ᱧᱟᱢ ᱟᱠᱟᱱ ᱵᱟᱨᱮᱭᱟ ᱵᱷᱟᱭᱨᱟᱥ ᱫᱚ ᱦᱩᱭᱩᱜ ᱠᱟᱱᱟ 'ᱢᱟᱹᱱᱢᱤ ᱠᱚᱨᱳᱱᱟ ᱵᱷᱟᱭᱨᱟᱥ ᱒᱒᱙ᱮ' ᱟᱨ 'ᱢᱟᱹᱱᱢᱤ ᱠᱚᱨᱳᱱᱟ ᱵᱷᱟᱭᱨᱟᱥ ᱳᱥᱤ᱔᱓'᱾ ᱱᱤᱭᱟᱹ ᱛᱟᱭᱚᱢ ᱱᱚᱣᱟ ᱵᱷᱟᱭᱨᱟᱥ ᱨᱮᱱᱟᱜ ᱟᱨᱦᱚᱸ ᱯᱨᱚᱡᱟᱹᱛᱤ ᱠᱩ ᱧᱟᱢ ᱟᱠᱟᱱᱟ᱾ ᱒᱐᱐᱓ ᱥᱮᱨᱢᱟ ᱨᱮ 'ᱮᱥᱟᱨᱮᱥ-ᱥᱤᱳᱵᱷᱤ', ᱒᱐᱐᱔ ᱥᱮᱨᱢᱟ ᱨᱮ 'ᱮᱭᱤᱪᱥᱤᱳᱵᱷᱤ ᱮᱱᱮᱞ᱖᱓', ᱒᱐᱐᱕ ᱥᱮᱨᱢᱟ ᱨᱮ 'ᱮᱭᱤᱪᱠᱮᱹᱤᱣ᱑', ᱒᱐᱑᱒ ᱥᱮᱨᱢᱟ ᱨᱮ 'ᱮᱢᱤᱟᱨᱮᱥ-ᱥᱤᱳᱵᱷᱤ' ᱟᱨ ᱢᱩᱪᱟᱹᱫ ᱫᱷᱟᱹᱣ ᱪᱤᱱ ᱨᱮ 'ᱱᱳᱵᱷᱮᱹᱞ ᱠᱚᱨᱳᱱᱟ ᱵᱷᱟᱭᱨᱟᱥ' ᱧᱟᱢ ᱟᱠᱟᱱᱟ᱾ ᱱᱚᱣᱟᱠᱩ ᱵᱷᱟᱭᱨᱟᱥ ᱛᱟᱞᱟ ᱛᱮ ᱫᱚ ᱡᱟᱹᱥᱛᱤ ᱵᱷᱟᱜᱽ ᱜᱮ ᱥᱟᱸᱦᱮᱫ ᱨᱮᱱᱟᱜ ᱚᱥᱩᱵᱤᱫᱷᱟ ᱦᱩᱭᱩᱜᱼᱟ᱾

᱒᱐᱑᱙ ᱥᱮᱨᱢᱟ ᱨᱮᱱᱟᱜ ᱓᱑ ᱰᱤᱥᱮᱹᱢᱵᱚᱨ ᱪᱤᱱ ᱨᱮᱱᱟᱜ ᱩᱦᱟᱱ ᱥᱚᱦᱚᱨ ᱨᱮ ᱠᱚᱨᱳᱱᱟ ᱵᱷᱟᱭᱨᱟᱥ ᱨᱮᱱᱟᱜ ᱢᱤᱫᱴᱮᱱ ᱯᱨᱚᱡᱟᱛᱤ ᱟᱜ ᱥᱚᱝᱠᱨᱚᱢᱚᱱ ᱧᱮᱞ ᱧᱟᱢ ᱟᱠᱟᱱᱟ᱾ WHO ᱱᱚᱣᱟ ᱵᱷᱟᱭᱨᱟᱥ ᱫᱚ '᱒᱐᱑᱙-ᱮᱱᱥᱤᱳᱵᱷᱤ' ᱧᱩᱛᱩᱢᱮ ᱫᱚᱦᱚ ᱟᱠᱟᱫᱟ᱾ ᱒᱐᱒᱐ ᱥᱮᱨᱢᱟ ᱨᱮᱱᱟᱜ ᱒᱕ ᱡᱟᱱᱩᱣᱟᱨᱤ ᱫᱷᱟᱹᱵᱤᱡ ᱪᱤᱱ ᱥᱟᱶᱛᱮ ᱑᱒ ᱜᱚᱴᱟᱝ ᱮᱴᱟᱝ ᱫᱤᱥᱟᱹᱢ ᱨᱮ ᱱᱚᱣᱟ ᱵᱷᱟᱭᱨᱟᱥ ᱯᱟᱥᱱᱟᱣ ᱟᱨ ᱵᱷᱟᱭᱨᱟᱥ ᱠᱟᱠᱷᱟᱱᱟᱜ ᱛᱮ ᱔᱑ ᱜᱚᱴᱟᱝ ᱢᱟᱹᱱᱢᱤ ᱠᱚ ᱵᱚᱸᱜᱟ ᱛᱟᱞᱟ ᱨᱮᱱᱟᱜ ᱠᱷᱚᱵᱚᱨ ᱧᱟᱢ ᱟᱠᱟᱱᱟ᱾[᱔] ᱟᱨᱦᱚᱸ ᱑᱓᱐᱐ ᱞᱮᱠᱟᱱ ᱨᱩᱜᱤ ᱱᱚᱣᱟ ᱵᱷᱟᱭᱨᱟᱥ ᱛᱮᱠᱚ ᱨᱩᱣᱟᱜ ᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱩᱦᱟᱱ ᱥᱚᱦᱚᱨ ᱨᱮ ᱧᱟᱢ ᱟᱠᱟᱱ ᱵᱷᱟᱭᱨᱟᱥ ᱥᱟᱶᱛᱮ 'ᱮᱥᱟᱨᱮᱥ-ᱥᱤᱳᱵᱷᱤ' ᱵᱷᱟᱭᱨᱟᱥ ᱯᱨᱚᱡᱟᱛᱤ ᱨᱮᱱᱟᱜ ᱗᱐% ᱡᱤᱱᱜᱚᱛᱚ ᱢᱤᱞ ᱧᱟᱢ ᱟᱠᱟᱱᱟ᱾ ᱟᱭᱢᱟ ᱦᱚᱲᱟᱜ ᱟᱱᱫᱟᱡᱽ ᱞᱮᱠᱟᱛᱮ ᱵᱤᱧ ᱠᱷᱚᱱ ᱱᱚᱣᱟ ᱯᱨᱚᱡᱟᱛᱤ ᱨᱮᱱᱟᱜ ᱵᱷᱟᱭᱨᱟᱥ ᱦᱮᱡ ᱟᱠᱟᱱᱟ ᱟᱨᱦᱚᱸ ᱠᱤᱪᱷᱩᱜᱟᱱ ᱠᱷᱚᱸᱫᱨᱚᱝᱠᱩ ᱫᱚ ᱮᱴᱟᱜ ᱡᱟᱸᱦᱟᱸᱱᱟᱜ ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱠᱩ ᱞᱟᱹᱭ ᱟᱠᱟᱫᱟ᱾ [᱕]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Virus Taxonomy: 2018b Release". International Committee on Taxonomy of Viruses (ICTV) (in English). ᱢᱟᱨᱪ 2019. Archived from the original (html) on 4 ᱢᱟᱨᱪ 2018. Retrieved 24 ᱡᱟᱱᱩᱣᱟᱨᱤ 2020.  Unknown parameter |url-status= ignored (help)
  2. "2017.012-015S". International Committee on Taxonomy of Viruses (ICTV) (in English). ᱚᱠᱴᱚᱵᱚᱨ 2018. Archived from the original (xlsx) on 14 ᱢᱮ 2019. Retrieved 24 ᱡᱟᱱᱩᱣᱟᱨᱤ 2020.  Unknown parameter |url-status= ignored (help)
  3. "ICTV Taxonomy history: Orthocoronavirinae". International Committee on Taxonomy of Viruses (ICTV) (in English). Retrieved 24 ᱡᱟᱱᱩᱣᱟᱨᱤ 2020. 
  4. Griffiths, James; Gan, Nectar; John, Tara; Vera, Amir. "Wuhan coronavirus death toll rises, as city imposes transport lockdown". CNN. 
  5. "No, the Wuhan Virus Is Not a 'Snake Flu'". Wired. Archived from the original on 2020-01-24. Retrieved 2020-01-24.  Unknown parameter |url-status= ignored (help)