ᱠᱷᱚᱭᱵᱚᱨ ᱯᱟᱠᱷᱛᱩᱱᱠᱷᱣᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱠᱷᱚᱭᱵᱚᱨ ᱯᱟᱠᱷᱛᱩᱱᱠᱷᱣᱟ (ᱤᱝᱞᱤᱥᱺ Khyber Pakhtunkhwa) ᱫᱚ ᱞᱟᱦᱟ ᱛᱮ ᱮᱛᱚᱢ-ᱯᱟᱪᱮ ᱟᱲᱮ ᱯᱨᱚᱵᱷᱤᱱᱥ (northwestern frontier province) ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱱᱚᱶᱟ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱯᱩᱱ ᱜᱚᱴᱟᱝ ᱯᱨᱚᱵᱷᱤᱱᱥ ᱢᱩᱸᱫᱽ ᱨᱮᱱᱟᱜ ᱢᱤᱫᱴᱟᱝ ᱯᱨᱚᱵᱷᱤᱱᱥ ᱠᱟᱱᱟ ᱾ ᱱᱚᱶᱟ ᱫᱚ ᱥᱩᱵᱟ-ᱮ-ᱥᱚᱨᱦᱚᱫᱽ ᱧᱩᱛᱩᱢ ᱛᱮᱦᱚᱸ ᱠᱚ ᱩᱨᱩᱢ ᱜᱮᱭᱟ, ᱡᱟᱦᱟᱸ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱥᱤᱢᱟᱹ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱵᱟᱹᱲᱛᱤ ᱠᱟᱛᱮ ᱯᱚᱥᱛᱩᱱᱚ ᱡᱟᱹᱛ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱱᱩᱠᱩ ᱫᱚ ᱚᱱᱟ ᱴᱚᱴᱷᱟ ᱨᱮ ᱯᱟᱠᱷᱛᱩᱱ ᱦᱚᱸ ᱠᱚ ᱢᱮᱛᱟ ᱠᱚ ᱠᱟᱱᱟ ᱾ ᱱᱩᱠᱩᱣᱟᱜ ᱡᱟᱱᱟᱢ ᱯᱟᱹᱨᱥᱤ ᱫᱚ ᱯᱟᱥᱛᱚ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱴᱚᱴᱷᱟ ᱨᱮ ᱒ ᱠᱚᱨᱚᱲ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱑᱕ ᱜᱮᱥᱟᱥᱟᱭ ᱜᱟᱱ ᱦᱚᱲ ᱫᱚ ᱟᱯᱷᱜᱟᱱᱤᱥᱛᱟᱱ ᱠᱷᱚᱱ ᱟᱥᱨᱟ ᱞᱟᱹᱜᱤᱫ ᱠᱚ ᱦᱮᱡ ᱟᱠᱟᱱᱟ ᱾

ᱪᱷᱟᱹᱴᱭᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱠᱷᱚᱱ ᱵᱨᱤᱴᱤᱥ ᱠᱚ ᱱᱚᱸᱰᱮ ᱯᱨᱚᱵᱷᱤᱱᱥ (province) ᱠᱚ ᱛᱷᱟᱯᱚᱱ ᱠᱮᱫᱼᱟ, ᱩᱱ ᱫᱚ ᱮᱛᱚᱢ-ᱯᱟᱪᱮ ᱟᱲᱮ ᱯᱨᱚᱵᱷᱤᱱᱥ (orth West Frontier Province) ᱠᱚ ᱧᱩᱛᱩᱢ ᱠᱮᱫᱼᱟ ᱾ ᱱᱚᱶᱟ ᱫᱚ ᱥᱤᱧᱚᱛᱤᱭᱟᱹ ᱥᱟᱢᱨᱟᱡᱽ (Indian Empire) ᱨᱮᱱᱟᱜ ᱮᱛᱚᱢ ᱯᱟᱪᱮ ᱥᱮᱦᱮᱫ ᱨᱮ ᱛᱟᱦᱮᱸᱠᱟᱱ ᱠᱷᱟᱹᱛᱤᱨ ᱚᱱᱠᱟ ᱠᱚ ᱧᱩᱢ ᱞᱮᱫᱼᱟ ᱾[᱑] ᱯᱟᱠᱤᱥᱛᱟᱱ ᱵᱮᱱᱟᱣᱮᱱ ᱛᱟᱭᱚᱢ, ᱱᱚᱶᱟ ᱧᱩᱛᱩᱢ ᱛᱮᱜᱮ ᱪᱚᱲᱟᱣᱜ ᱠᱟᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱯᱟᱥᱛᱩᱱ ᱡᱟᱹᱛᱤᱭᱟᱹᱨᱤ ᱫᱚᱞ (Pashtun nationalist party), ᱟᱣᱟᱢᱤ ᱡᱟᱹᱛᱤᱭᱟᱹᱨᱤ ᱫᱚᱞ (Awami National Party) ᱠᱚ ᱰᱤᱢᱟᱸᱰ (demand) ᱠᱮᱫᱼᱟ ᱵᱟᱝᱢᱟ ᱱᱚᱶᱟ ᱯᱨᱚᱵᱷᱤᱱᱥ ᱫᱚ "ᱯᱟᱠᱷᱛᱩᱱᱠᱷᱣᱟ" ᱧᱩᱛᱩᱢ ᱛᱮ ᱟᱹᱨᱩᱜ ᱢᱟ ᱢᱮᱱᱛᱮ ᱾[᱒] ᱟᱠᱚᱣᱟᱜ ᱫᱚ ᱢᱮᱱ ᱠᱟᱛᱷᱟ ᱫᱚ ᱦᱩᱭᱩᱜ ᱠᱟᱱᱟ ᱪᱤ, ᱯᱚᱧᱡᱟᱵᱤ ᱦᱚᱲ, ᱥᱤᱱᱫᱷᱤ ᱦᱚᱲ ᱟᱨ ᱵᱟᱞᱚᱪᱤ ᱦᱚᱲ ᱠᱚ ᱞᱟᱹᱜᱤᱫ ᱠᱷᱟᱱ ᱡᱟᱹᱛ ᱞᱮᱠᱟᱛᱮ ᱴᱚᱴᱷᱟ ᱧᱩᱛᱩᱢ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱯᱟᱥᱛᱩᱱ ᱦᱚᱲ ᱠᱚ ᱞᱟᱹᱜᱤᱫ ᱫᱚ ᱵᱟᱹᱱᱩᱜᱼᱟ ᱾[᱓]

ᱰᱮᱢᱚᱜᱽᱨᱟᱯᱷᱤᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱟᱹᱦᱤᱫ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱶᱟ ᱯᱨᱚᱵᱷᱤᱱᱥ ᱨᱮ ᱓᱒,᱕᱒᱕,᱐᱔᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱔] ᱩᱱᱠᱩ ᱢᱩᱫᱽ ᱠᱷᱚᱱ ᱚᱸᱰᱮ ᱯᱟᱥᱛᱩᱱ ᱡᱟᱹᱛ ᱨᱤᱱ ᱦᱚᱲ ᱵᱟᱹᱲᱛᱤ ᱠᱚ ᱛᱟᱦᱮᱸ ᱠᱟᱱᱟ ᱾[᱕] ᱱᱚᱶᱟ ᱯᱨᱚᱵᱷᱤᱱᱥ ᱨᱮ ᱑ᱹ᱕ ᱢᱤᱞᱤᱭᱚᱱ ᱦᱚᱲ ᱫᱚ ᱟᱯᱷᱜᱟᱱᱤᱥᱛᱟᱱ ᱠᱷᱚᱱ ᱠᱚ ᱦᱮᱡ ᱟᱠᱟᱱᱟ ᱾[᱖]

ᱯᱟᱥᱛᱚᱱ ᱦᱚᱲ ᱛᱟᱭᱚᱢ ᱨᱮ ᱛᱟᱡᱤᱠ ᱦᱚᱲ ᱟᱨ ᱚᱱᱟ ᱛᱟᱭᱚᱢ ᱨᱮ ᱦᱟᱡᱽᱨᱟ ᱦᱚᱲ ᱥᱟᱝᱜᱮ ᱢᱮᱱᱟᱜ ᱠᱚᱣᱟ ᱾[᱗] ᱚᱸᱰᱮ ᱕᱒% ᱦᱚᱲ ᱫᱚ ᱠᱚᱲᱟ ᱟᱨ ᱔᱘% ᱠᱩᱲᱤ ᱢᱮᱱᱟᱜ ᱠᱚᱣᱟ ᱾

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱨᱫᱩ ᱫᱚ ᱚᱸᱰᱮᱱᱟᱜ ᱡᱟᱹᱛᱤᱭᱟᱹᱨᱤ ᱯᱟᱹᱨᱥᱤ ᱠᱟᱱ ᱨᱮᱦᱚᱸ, ᱯᱟᱥᱛᱩᱱ ᱯᱟᱹᱨᱥᱤ, ᱥᱟᱨᱤᱠᱤ ᱯᱟᱹᱥᱨᱤ, ᱜᱚᱣᱟᱨ ᱯᱟᱹᱨᱥᱤ ᱟᱨ ᱠᱚᱠᱤᱥᱛᱟᱱ ᱯᱟᱹᱨᱥᱤ ᱦᱚᱸ ᱚᱱᱟ ᱴᱚᱴᱷᱟ ᱨᱮ ᱠᱚ ᱨᱚᱲ ᱠᱟᱱᱟ ᱾[᱘]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Morrison, Cameron (1909). A New Geography of the Indian Empire and Ceylon. T.Nelson and Sons. p. 176.
  2. Ayers, Alyssa (23 July 2009). Speaking Like a State: Language and Nationalism in Pakistan. Cambridge University Press. p. 61. ISBN 978-0521519311.
  3. "NWFP in search of a name". pakhtunkhwa.com. Archived from the original on 31 ᱡᱟᱱᱩᱣᱟᱨᱤ 2016. Retrieved 24 ᱡᱟᱱᱩᱣᱟᱨᱤ 2016.
  4. "Pak population increased by 46.9% between 1998 and 2011". The Times of India. Retrieved 27 January 2016.
  5. People and culture – Government of Khyber Pakhtunkhwa[dead link]ᱪᱷᱟᱸᱪ:Cbignore
  6. "Pakistani TV delves into lives of Afghan refugees". United Nations High Commissioner for Refugees. 2008-04-30. Retrieved 2010-05-25.
  7. "UNHCR country operations profile – Pakistan". United Nations High Commissioner for Refugees. Retrieved 2012-12-12.
  8. Bashir, Elena L. (2016). "Language endangerment and documentation. Pakistan and Afghanistan". In Hock, Hans Henrich; Bashir, Elena L. (eds.). The languages and linguistics of South Asia: a comprehensive guide. World of Linguistics. Berlin: De Gruyter Mouton. p. 639. ISBN 978-3-11-042715-8.