ᱠᱷᱚᱰᱚᱠᱷᱟᱭᱤ ᱵᱮᱢ
ᱠᱷᱚᱰᱚᱠᱷᱟᱭᱤ ᱰᱮᱢ -: ᱥᱤᱢᱲᱤᱯᱟᱲ ᱵᱩᱨᱩ ᱠᱷᱚᱱ ᱞᱤᱸᱜᱤ ᱚᱰᱚᱠ ᱟᱠᱟᱱ ᱠᱷᱚᱰᱚᱠᱷᱟᱭᱤ (ᱠᱷᱟᱲᱟᱝ ᱜᱟᱰᱟ) ᱜᱟᱰᱟ ᱫᱚ ᱢᱚᱭᱩᱨ ᱵᱷᱚᱸᱡᱽ ᱡᱤᱞᱞᱟ ᱩᱛᱚᱨ-ᱯᱚᱪᱷᱤᱢ ᱥᱮᱦᱮᱫ ᱛᱮ ᱞᱤᱸᱜᱤ ᱟᱬᱜᱚ ᱟᱠᱟᱱᱟ᱾ ᱚᱱᱟ ᱜᱟᱰᱟ ᱨᱮᱜᱮ ᱫᱩᱥᱨᱟᱹᱵᱩᱨᱩ ᱟᱨ ᱩᱠᱟᱸᱢ ᱵᱩᱨᱩ ᱛᱟᱞᱟ ᱥᱩᱞᱟᱹᱭᱯᱟᱴ ᱵᱷᱤᱲᱟᱹᱣ ᱨᱮ ᱢᱮᱱᱟᱜ ᱢᱩᱨᱤᱢᱵᱤ ᱨᱮ ᱵᱮᱢ ᱠᱚ ᱛᱚᱞ ᱟᱠᱟᱫᱼᱟ᱾ ᱨᱟᱭᱨᱚᱝᱯᱩᱨ ᱠᱷᱚᱱ ᱫᱚ ᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱟ᱾ ᱒᱘ ᱯᱷᱮᱵᱨᱩᱣᱟᱨᱤ ᱑᱙᱗᱒ ᱥᱟᱞᱮ ᱨᱮ ᱵᱮᱢ ᱠᱟᱹᱢᱤ ᱫᱚ ᱮᱦᱚᱵ ᱞᱮᱱᱟ᱾ ᱩᱱᱫᱚ ᱵᱤᱡᱩ ᱯᱚᱴᱱᱟᱭᱚᱠ ᱯᱨᱚᱠᱚᱲᱯᱚ ᱡᱚᱡᱱᱟ ᱵᱚᱰ ᱨᱤᱱᱤᱡ ᱪᱟᱭᱨᱮᱛ ᱮ ᱛᱟᱦᱮᱸ ᱠᱟᱱᱟ, ᱟᱨ ᱟᱡ ᱠᱮᱱᱫᱨᱚ ᱢᱮᱬᱦᱮᱫ, ᱠᱷᱟᱫᱟᱱ ᱢᱚᱱᱛᱨᱤ ᱛᱟᱦᱮᱸ ᱠᱟᱱ ᱚᱠᱛᱚ ᱒᱔ ᱡᱩᱞᱟᱭ ᱑᱙᱗᱙ ᱥᱟᱞᱮ ᱨᱮ ᱩᱰᱷᱟᱹᱣ ᱥᱟᱹᱜᱩᱱ ᱞᱮᱫᱼᱟᱭ᱾ ᱰᱮᱢ ᱨᱮᱱᱟᱜ ᱡᱤᱞᱤᱧ ᱫᱚ ᱒᱐᱔.᱕ ᱢᱤᱴᱚᱨ, ᱤᱥᱩᱞ᱒᱖.᱕ ᱢᱤᱴᱚᱨ ᱢᱮᱱᱟᱜᱼᱟ᱾ ᱱᱚᱶᱟ ᱰᱮᱢ ᱫᱟᱜ ᱛᱮ ᱠᱩᱥᱩᱢᱤ ᱟᱨ ᱨᱟᱨᱚᱝᱯᱤᱨ ᱵᱞᱚᱠ ᱨᱮᱱᱟᱜ ᱕᱖ ᱜᱚᱴᱟᱜ ᱟᱹᱛᱩ ᱦᱚᱲ ᱪᱟᱥ ᱵᱟᱥ ᱫᱟᱜ ᱯᱟᱴᱟᱱ ᱠᱟᱹᱢᱤ ᱨᱮᱠᱚ ᱩᱯᱠᱟᱹᱨᱚᱜ ᱠᱟᱱᱟ᱾ ᱱᱚᱶᱟ ᱠᱷᱚᱰᱠᱷᱟᱭᱤ ᱜᱟᱰᱟ ᱫᱮ ᱨᱟᱭᱨᱚᱝᱯᱩᱨ, ᱵᱚᱦᱚᱲᱫᱟ, ᱛᱤᱨᱤᱝ ᱥᱮᱫᱛᱮ ᱞᱤᱸᱜᱤ ᱯᱟᱨᱚᱢ ᱠᱟᱛᱮ ᱫᱷᱚᱵᱚᱫᱷᱚᱵᱚᱬᱤ ᱨᱮ ᱢᱚᱭᱩᱨ ᱵᱷᱚᱸᱡᱽ ᱥᱤᱢᱟᱹ ᱯᱟᱨᱚᱢ ᱤᱫᱤᱭᱮᱱᱛᱮ ᱥᱤᱝᱵᱷᱩᱢ ᱨᱮᱱᱟᱜ ᱠᱷᱟᱲᱟᱝ ᱜᱟᱰᱟ ᱨᱮ ᱫᱩᱞ ᱢᱤᱫ ᱢᱮᱥᱟ ᱟᱠᱟᱱᱟ᱾