ᱠᱷᱟᱨᱚᱵᱮᱲᱚ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱢᱚᱦᱟᱢᱮᱜᱷᱚᱵᱟᱦᱚᱱ ᱮᱭᱨᱚ ᱠᱷᱟᱨᱚᱵᱮᱲᱚ (IAST: Khārabeḷa) (᱑᱙᱓ ᱠ.ᱞ. - ᱑᱗᱐ ᱠ.ᱞ.) ᱫᱚ ᱢᱚᱦᱟᱢᱮᱜᱷᱚᱵᱟᱦᱚᱱ ᱥᱟᱢᱨᱟᱡᱽ ᱠᱚᱲᱤᱝᱜᱚ ᱨᱮᱱᱟᱜ ᱪᱮᱫᱤ ᱨᱟᱡᱽᱵᱚᱝᱥᱚ ᱨᱤᱱᱤᱡ ᱢᱤᱫ ᱨᱟᱡᱟ ᱛᱟᱦᱮᱸ ᱠᱟᱱᱟᱭ ᱾ ᱠᱷᱟᱨᱚᱵᱮᱲᱚ ᱣᱟᱜ ᱠᱟᱛᱷᱟ ᱠᱚ ᱱᱤᱛ ᱵᱷᱩᱵᱚᱱᱮᱥᱚᱨ ᱨᱮᱱᱟᱜ ᱩᱫᱚᱭᱜᱤᱨᱤ ᱨᱮ ᱢᱮᱱᱟᱜ ᱦᱟᱹᱛᱤ ᱜᱚᱝᱜᱷᱚᱨ ᱫᱷᱤᱨᱤ ᱚᱞ ᱨᱮ ᱧᱟᱢᱚᱜᱼᱟ ᱾

ᱪᱮᱫᱤ ᱨᱟᱡᱽᱵᱚᱝᱥᱚ ᱫᱚ ᱟᱡᱟᱜ ᱥᱟᱥᱚᱱ ᱚᱠᱛᱚ ᱟᱹᱭᱫᱟᱹᱨ ᱨᱮᱱᱟᱜ ᱪᱚᱴᱢᱩᱴᱤ ᱨᱮ ᱥᱮᱴᱮᱨ ᱞᱮᱱ ᱛᱟᱦᱮᱸᱫ ᱟᱨ ᱠᱚᱲᱤᱝᱜᱚ ᱨᱮᱱᱟᱜ ᱢᱟᱨᱮ ᱢᱟᱹᱱ ᱜᱚᱨᱚᱵᱽ ᱨᱩᱣᱟᱹᱲ ᱞᱮᱱ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱨᱮ ᱠᱚᱲᱤᱝᱜᱚ ᱨᱮᱱᱟᱜ ᱱᱟᱹᱭᱵᱮᱯᱟᱨ ᱩᱱ ᱚᱠᱛᱚ ᱨᱮᱱᱟᱜ ᱥᱤᱝᱦᱚᱲ (ᱥᱨᱤᱞᱚᱝᱠᱟ), ᱵᱚᱨᱢᱟ (ᱢᱤᱭᱟᱸᱢᱟᱨ), ᱥᱤᱭᱟᱢ (ᱛᱷᱟᱭᱞᱮᱱᱰ), ᱵᱷᱤᱭᱮᱛᱱᱟᱢ, ᱠᱟᱢᱵᱚᱡᱽ (ᱠᱟᱢᱵᱚᱰᱤᱭᱟ), ᱵᱚᱨᱱᱤᱭᱚ, ᱵᱟᱞᱤ, ᱥᱩᱢᱟᱛᱨᱟ ᱟᱨ ᱡᱟᱵᱷᱟᱰᱷᱤᱯᱩ (ᱡᱟᱵᱷᱟ) ᱦᱟᱹᱵᱤᱡ ᱯᱟᱥᱱᱟᱣ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱵᱮᱜᱚᱨ ᱢᱚᱜᱚᱫᱷᱚ, ᱚᱝᱜᱚ, ᱥᱟᱛᱵᱟᱦᱚᱱ ᱵᱟᱝᱢᱟ ᱟᱭᱢᱟ ᱠᱚᱧᱮ ᱥᱤᱧᱚᱛ ᱯᱚᱱᱚᱛ ᱡᱮᱢᱚ ᱯᱟᱱᱰᱭᱚ ᱥᱟᱢᱨᱟᱡᱽ (ᱟᱱᱫᱷᱨᱚ ᱯᱨᱚᱫᱮᱥ) ᱡᱤᱛᱠᱟᱹᱨ ᱠᱟᱛᱮ ᱠᱚᱲᱤᱝᱜᱚ ᱨᱮᱱᱟᱜ ᱡᱤᱛᱠᱟᱹᱨ ᱜᱟᱝ ᱱᱟᱹᱭ ᱠᱷᱚᱱ ᱠᱟᱵᱮᱨᱤ ᱜᱟᱰᱟ ᱦᱟᱹᱵᱤᱡ ᱮ ᱜᱚᱵᱚᱞ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱡᱚᱭᱱ ᱫᱷᱚᱨᱚᱢ ᱮ ᱟᱯᱱᱟᱨ ᱞᱮᱫ ᱛᱟᱦᱮᱸᱫ ᱾[᱑][᱒]

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱷᱟᱨᱚᱵᱮᱲᱚ ᱫᱚ ᱪᱮᱫᱤ ᱨᱟᱡᱽᱵᱚᱝᱥᱚ ᱨᱤᱱᱤᱡ ᱨᱟᱡᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱚᱱᱟ ᱵᱚᱝᱥᱚ ᱨᱤᱱᱤᱡ ᱛᱮᱥᱟᱴᱨ ᱨᱟᱡᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱩᱢᱩᱝ ᱑᱓ ᱵᱚᱪᱷᱚᱨ ᱮ ᱥᱟᱥᱚᱱ ᱞᱮᱫ ᱛᱟᱦᱮᱸᱫ ᱾ ᱟᱠᱚᱣᱟᱜ ᱥᱟᱢᱨᱟᱡᱽ ᱫᱚ ᱢᱚᱨᱭᱚ ᱨᱟᱡᱽᱵᱚᱝᱥᱚ ᱵᱩᱱᱤᱭᱟᱹᱫᱤᱭᱟᱹ ᱪᱚᱱᱫᱽᱨᱚᱜᱩᱯᱛᱚ ᱢᱚᱨᱭᱚ ᱣᱟᱜ ᱥᱟᱢᱨᱟᱡᱽ ᱠᱷᱚᱱ ᱦᱚᱸ ᱢᱟᱨᱟᱝ ᱛᱟᱦᱮᱸᱠᱟᱱᱟ ᱾ ᱱᱟᱜᱟᱢᱤᱭᱟᱹ ᱠᱚᱣᱟᱜ ᱞᱟᱹᱭ ᱞᱮᱠᱟᱛᱮ ᱟᱡ ᱨᱤᱱ ᱖ ᱜᱮᱥᱟᱥᱟᱭ ᱠᱷᱚᱱ ᱦᱚᱸ ᱵᱟᱹᱲᱛᱤ ᱯᱷᱟᱹᱫᱽ ᱠᱚ ᱛᱟᱦᱮᱸ ᱠᱟᱱᱟ ᱾

ᱠᱷᱟᱨᱚᱵᱮᱲᱚ ᱨᱤᱱ ᱟᱭᱢᱟ ᱨᱟᱹᱱᱤ ᱠᱚ ᱛᱟᱦᱮᱸ ᱠᱟᱱᱟ ᱾ ᱟᱡᱤᱡ ᱯᱩᱭᱞᱩ ᱨᱟᱹᱱᱤ ᱭᱟᱜ ᱧᱩᱛᱩᱢ ᱫᱚ ᱫᱷᱩᱥᱤ ᱟᱨ ᱩᱱᱤ ᱫᱚ ᱞᱟᱞᱨᱟᱡᱽ ᱨᱤᱱᱤᱡ ᱦᱚᱥᱛᱤ ᱥᱤᱝ ᱧᱩᱛᱢᱟᱱ ᱢᱤᱫ ᱨᱟᱡᱟ ᱭᱤᱡ ᱦᱚᱯᱚᱱ ᱮᱨᱟ ᱠᱟᱱᱟᱭ ᱾ ᱞᱟᱞᱨᱟᱡᱽ ᱨᱟᱰᱷ (ᱯᱚᱥᱪᱤᱢᱵᱚᱝᱜᱚ) ᱟᱨᱵᱟᱝ ᱞᱟᱴ (ᱜᱩᱡᱽᱨᱟᱴ) ᱢᱮᱱᱛᱮ ᱠᱚ ᱯᱟᱭᱛᱟᱨ ᱵᱟᱲᱟᱭᱟ ᱾ ᱩᱫᱚᱭᱜᱤᱨᱤ ᱨᱮ ᱢᱚᱧᱪᱚᱯᱩᱨᱤ, ᱡᱚᱢᱚᱯᱩᱨᱤ ᱟᱨ ᱦᱩᱰᱤᱧ ᱦᱟᱹᱛᱤ ᱜᱚᱝᱜᱷᱚᱨ ᱨᱮ ᱢᱮᱱᱟᱜ ᱵᱨᱟᱢᱦᱤ ᱞᱤᱯᱤ ᱠᱷᱚᱫᱟ ᱠᱷᱚᱱ ᱟᱡᱨᱤᱱ ᱵᱟᱨᱭᱟ ᱦᱚᱯᱚᱱ ᱠᱚᱱᱫᱚᱨᱯᱚᱥᱨᱤ ᱟᱨ ᱵᱚᱨᱮᱥᱚᱥᱨᱤ ᱛᱤᱠᱤᱱᱟᱜ ᱧᱩᱛᱩᱢ ᱧᱟᱢᱚᱜᱼᱟ ᱾ ᱠᱚᱱᱫᱚᱨᱯᱚᱥᱨᱤ ᱫᱚ ᱫᱷᱩᱥᱤ ᱭᱤᱡ ᱢᱟᱨᱟᱝ ᱠᱚᱲᱟᱭ ᱛᱟᱦᱮᱱ ᱠᱟᱱᱟ ᱟᱨ ᱥᱚᱢᱨᱟᱴ ᱠᱷᱟᱨᱚᱵᱮᱲ ᱛᱟᱭᱚᱢ ᱠᱚᱲᱤᱝᱜᱚ ᱥᱟᱢᱨᱟᱡᱽ ᱨᱤᱱᱤᱡ ᱨᱟᱡᱟᱭ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾

ᱠᱷᱟᱨᱚᱵᱮᱲᱚ ᱣᱟᱜ ᱢᱟᱨᱮ ᱠᱟᱛᱷᱟ ᱫᱚ ᱵᱷᱩᱵᱚᱱᱮᱥᱚᱨ ᱨᱮᱱᱟᱜ ᱩᱫᱚᱭᱜᱤᱨᱤ ᱦᱟᱹᱛᱤ ᱜᱚᱝᱜᱷᱚᱨ ᱫᱷᱤᱨᱤ ᱚᱞ ᱠᱷᱚᱱ ᱧᱟᱢᱚᱜᱼᱟ ᱾ ᱚᱱᱟ ᱚᱞ ᱠᱚ ᱞᱮᱠᱟᱛᱮ ᱠᱷᱟᱨᱚᱵᱮᱲᱚ ᱫᱚ ᱪᱮᱫᱤ ᱵᱚᱝᱥᱚ ᱨᱤᱱᱤᱡ ᱨᱟᱡᱟ ᱟᱨ ᱢᱚᱦᱚᱥᱤ ᱵᱟᱥᱩ ᱭᱤᱡ ᱵᱩᱥ ᱨᱤᱱᱤᱡ ᱛᱟᱦᱮᱸ ᱠᱟᱱᱟᱭ ᱢᱮᱱᱛᱮ ᱚᱞ ᱧᱟᱢᱚᱜᱼᱟ ᱾ ᱱᱟᱹᱭᱵᱮᱯᱟᱨ ᱛᱮ ᱠᱤᱥᱟᱹᱬ ᱮ ᱛᱟᱦᱮᱸ ᱠᱟᱱ ᱛᱮ ᱖ ᱜᱮᱥᱟᱥᱟᱥᱟᱭ ᱠᱷᱚᱱ ᱵᱟᱹᱲᱛᱤ ᱚᱯᱷᱟᱹᱫᱽ ᱠᱚ ᱛᱟᱦᱮᱸ ᱠᱟᱱ ᱛᱟᱭᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "ᱢᱟᱦᱟᱨᱟᱡᱽ ᱠᱷᱟᱨᱚᱵᱮᱲᱚ". Retrieved 2012-01-16.
  2. "ᱢᱟᱦᱟᱨᱟᱡᱽ ᱠᱷᱟᱨᱚᱵᱮᱲᱚ ᱜᱷᱟᱨᱚᱡᱽ". Retrieved 2012-01-16.