ᱠᱷᱮᱞᱟᱨᱟᱢ ᱵᱮᱥᱨᱟ

ᱠᱷᱮᱞᱟᱨᱟᱢ ᱵᱮᱥᱨᱟ ᱫᱚ ᱢᱤᱫ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱟᱨ ᱯᱟᱹᱨᱥᱤ ᱫᱩᱞᱟᱹᱲᱤᱭᱟᱹ ᱠᱟᱱᱟᱭ᱾

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱷᱮᱞᱟᱨᱟᱢ ᱵᱮᱥᱨᱟ ᱫᱚ ᱑᱙᱓᱙ ᱥᱮᱨᱢᱟ ᱨᱮᱭᱟᱜ ᱑᱖ ᱮᱯᱨᱤᱞ ᱳᱰᱤᱥᱟ ᱨᱮᱭᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱦᱟᱞᱫᱟ ᱰᱟᱠ ᱚᱲᱟᱜ ᱨᱮ ᱢᱮᱱᱟᱜ ᱥᱤᱡᱩᱞᱤ ᱟᱛᱳ ᱨᱮᱭᱟᱜ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱥᱩᱯᱟᱹᱭ ᱵᱮᱥᱨᱟ ᱟᱨ ᱟᱭᱳ ᱫᱚ ᱨᱟᱭᱢᱟᱛᱚ ᱵᱮᱥᱨᱟ᱾^[᱑]

ᱚᱞᱚᱜ ᱯᱟᱲᱦᱟᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱷᱮᱞᱟᱨᱟᱢ ᱵᱮᱥᱨᱟ ᱟᱜ ᱮᱛᱚᱦᱚᱵ ᱥᱮᱪᱮᱫ ᱯᱩᱨᱟᱹᱣ ᱛᱟᱭᱚᱢ ᱨᱟᱭᱨᱚᱝᱯᱩᱨ ᱨᱮᱭᱟᱜ ᱤᱝᱞᱤᱥ ᱦᱟᱭ ᱥᱠᱩᱞ ᱨᱮᱠᱚ ᱵᱷᱩᱨᱛᱤ ᱞᱮᱫᱮᱭᱟ᱾ ᱱᱚᱸᱰᱮ ᱠᱷᱚᱱ ᱑᱙᱖᱐ ᱥᱮᱨᱢᱟ ᱨᱮ ᱢᱮᱴᱨᱤᱠ ᱮ ᱯᱟᱥ ᱞᱮᱫᱟ᱾ ᱚᱱᱟ ᱛᱟᱭᱚᱢ ᱞᱟᱯᱷᱟᱝ ᱥᱮᱪᱮᱫ ᱞᱟᱹᱜᱤᱫ ᱵᱟᱹᱨᱤᱯᱟᱫᱟ ᱨᱮᱭᱟᱜ ᱮᱢ.ᱯᱤ.ᱳ ᱠᱚᱞᱮᱡᱽ ᱨᱮᱠᱚ ᱵᱷᱩᱨᱛᱤ ᱞᱮᱫᱮᱭᱟ᱾ ᱱᱚᱣᱟ ᱠᱚᱞᱮᱡᱽ ᱠᱷᱚᱱ ᱑᱙᱖᱖ ᱥᱮᱨᱢᱟ ᱨᱮ ᱢᱟᱹᱱ ᱥᱟᱞᱟᱜ ᱵᱤ.ᱮ ᱯᱟᱥ ᱞᱮᱫᱟᱭ᱾ ᱚᱱᱟ ᱛᱟᱭᱚᱢ ᱠᱟᱹᱢᱤ ᱵᱟᱝ ᱯᱟᱸᱡᱟ ᱠᱟᱛᱮ ᱩᱱᱤ ᱫᱚ ᱠᱚᱴᱚᱠ ᱢᱚᱫᱷᱭᱥᱩᱫᱚᱱ ᱠᱚ (ᱟᱹᱨᱤ) ᱠᱚᱞᱮᱡᱽ ᱨᱮᱭᱟᱜ ᱵᱷᱩᱨᱛᱤ ᱞᱮᱱᱟ᱾ ᱚᱸᱰᱮ ᱠᱷᱚᱱ ᱑᱙᱗᱑ ᱥᱮᱨᱢᱟ ᱨᱮ ᱢᱟᱹᱱ ᱥᱟᱞᱟᱜ ᱟᱹᱱᱼᱟᱹᱨᱤ ᱨᱮᱭᱟᱜ ᱰᱤᱜᱽᱨᱤ ᱦᱚᱸᱭ ᱯᱩᱨᱟᱹᱣ ᱞᱮᱫᱟ᱾^[᱒]

ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱹᱱᱼᱟᱹᱨᱤ ᱯᱟᱲᱦᱟᱣ ᱯᱩᱨᱟᱹᱣ ᱠᱟᱛᱮ ᱩᱱᱤ ᱫᱚ ᱨᱟᱭᱨᱚᱝᱯᱩᱨ ᱛᱮᱭ ᱨᱩᱣᱟᱹᱲ ᱦᱮᱡ ᱞᱮᱱᱟ ᱟᱨ ᱨᱟᱭᱨᱚᱝᱯᱩᱨ ᱥᱟᱵᱽ ᱡᱟᱡᱽ ᱠᱳᱨᱴ ᱨᱮ ᱩᱠᱤᱞ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤᱭ ᱮᱦᱚᱵ ᱞᱮᱫᱟ᱾ ᱚᱸᱰᱮ ᱠᱷᱚᱱ ᱜᱮ ᱩᱱᱤ ᱫᱚ ᱠᱟᱹᱢᱤ ᱠᱷᱚᱱᱮ ᱡᱤᱨᱟᱹᱣ ᱞᱮᱱᱟ᱾

ᱥᱟᱶᱦᱮᱫ ᱪᱟᱨᱪᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱠᱤᱞ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱠᱷᱮᱞᱟᱨᱟᱢ ᱵᱮᱥᱨᱟ ᱫᱚ ᱥᱟᱶᱦᱮᱫ ᱪᱟᱨᱪᱟ ᱨᱮ ᱦᱚᱸᱭ ᱟᱬᱜᱳ ᱞᱮᱱᱟ᱾ ᱟᱡᱟᱜ ᱚᱞ ᱢᱤᱫ ᱯᱩᱛᱷᱤ ᱨᱮᱭᱟᱜ ᱠᱟᱛᱷᱟ ᱵᱟᱲᱟᱭ ᱧᱟᱢ ᱟᱠᱟᱱᱟ᱾ ᱯᱩᱛᱷᱤ ᱨᱮᱭᱟᱜ ᱧᱩᱛᱩᱢ "ᱥᱟᱶᱟᱨ ᱥᱟᱶᱦᱮᱫ"᱾ ᱩᱱᱤ ᱫᱚ ᱑᱙᱗᱖ ᱠᱷᱚᱱ ᱑᱙᱘᱕ ᱥᱮᱨᱢᱟ ᱢᱩᱫᱽ ᱨᱮ ᱢᱤᱫ ᱥᱟᱶᱦᱮᱫ ᱯᱟᱛᱷᱟᱢ ᱦᱚᱸᱭ ᱥᱟᱯᱲᱟᱣ ᱞᱮᱫᱟ᱾ ᱯᱟᱛᱷᱟᱢ ᱨᱮᱭᱟᱜ ᱧᱩᱛᱩᱢ ᱫᱚ ᱥᱟᱜᱮᱱ ᱥᱟᱠᱟᱢ᱾ ᱱᱚᱣᱟ ᱯᱟᱛᱷᱟᱢ ᱪᱷᱟᱰᱟ ᱠᱟᱛᱮ ᱦᱚᱸ ᱮᱴᱟᱜ ᱟᱹᱰᱤᱜᱟᱱ ᱯᱟᱛᱷᱟᱢ ᱠᱚᱨᱮ ᱟᱡᱟᱜ ᱚᱞ ᱠᱚ ᱪᱷᱟᱯᱟ ᱟᱠᱟᱱ ᱛᱟᱭᱟ᱾^[᱓]

ᱚᱞ ᱪᱤᱠᱤ ᱯᱟᱥᱱᱟᱣ ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱮᱼᱛᱩᱨᱩᱭ ᱜᱮᱞ ᱥᱮᱨᱢᱟ ᱨᱮ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱚᱞ ᱪᱤᱠᱤ ᱟᱸᱫᱚᱲ ᱨᱮᱭᱟᱜ ᱜᱩᱨᱞᱟᱹᱣ ᱮᱦᱚᱵ ᱞᱮᱱᱟ᱾ ᱚᱱᱟ ᱛᱮ ᱠᱷᱮᱞᱟᱨᱟᱢ ᱵᱮᱥᱨᱟ ᱦᱚᱸ ᱱᱚᱣᱟ ᱜᱩᱨᱞᱟᱹᱣ ᱨᱮᱭ ᱥᱮᱞᱮᱫ ᱞᱮᱱᱟ᱾ ᱢᱤᱫ ᱯᱟᱹᱨᱥᱤ ᱢᱤᱫ ᱪᱤᱠᱤ ᱨᱮᱭᱟᱜ ᱠᱟᱛᱷᱟ ᱢᱤᱫ ᱞᱮᱛᱟᱲ ᱮ ᱞᱟᱹᱭ ᱤᱫᱤ ᱟᱠᱟᱫᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

↑ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱮᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ) (ᱢᱚᱬᱮᱭᱟᱜ ed.). ᱱᱤᱨᱢᱚᱞ ᱵᱩᱠ ᱮᱢᱮᱱᱥᱤ. p. ᱒᱔᱙. {{cite book}}: |access-date= requires |url= (help)
↑ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱮᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ) (ᱢᱚᱬᱮᱭᱟᱜ ed.). ᱱᱤᱨᱢᱚᱞ ᱵᱩᱠ ᱮᱢᱮᱱᱥᱤ. p. ᱒᱔᱙. {{cite book}}: |access-date= requires |url= (help)
↑ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱮᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ) (ᱢᱚᱬᱮᱭᱟᱜ ed.). ᱱᱤᱨᱢᱚᱞ ᱵᱩᱠ ᱮᱢᱮᱱᱥᱤ. p. ᱒᱔᱙. {{cite book}}: |access-date= requires |url= (help)

[1] ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱮᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ) (ᱢᱚᱬᱮᱭᱟᱜ ed.). ᱱᱤᱨᱢᱚᱞ ᱵᱩᱠ ᱮᱢᱮᱱᱥᱤ. p. ᱒᱔᱙. {{cite book}}: |access-date= requires |url= (help)

[2] ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱮᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ) (ᱢᱚᱬᱮᱭᱟᱜ ed.). ᱱᱤᱨᱢᱚᱞ ᱵᱩᱠ ᱮᱢᱮᱱᱥᱤ. p. ᱒᱔᱙. {{cite book}}: |access-date= requires |url= (help)

[3] ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱮᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ) (ᱢᱚᱬᱮᱭᱟᱜ ed.). ᱱᱤᱨᱢᱚᱞ ᱵᱩᱠ ᱮᱢᱮᱱᱥᱤ. p. ᱒᱔᱙. {{cite book}}: |access-date= requires |url= (help)

[᱑]

[᱒]

[᱓]