ᱠᱷᱮᱨᱣᱟᱞ ᱟᱲᱟᱝ

ᱠᱷᱮᱨᱣᱟᱞ ᱟᱲᱟᱝ
Kherwal Arang
ᱥᱟᱯᱲᱟᱣᱤᱡ	ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ; ᱵᱷᱚᱵᱚᱛᱳᱥ ᱥᱚᱨᱮᱱ;
ᱛᱷᱚᱠ	ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱛᱷᱟᱢ
ᱛᱷᱟᱯᱚᱱᱤᱡ	ᱵᱷᱚᱵᱚᱛᱳᱥ ᱥᱚᱨᱮᱱ
ᱯᱩᱭᱞᱩ ᱩᱪᱷᱟᱹᱱ	᱑᱙᱕᱗
ᱫᱤᱥᱚᱢ	ᱥᱤᱧᱚᱛ
ᱴᱷᱟᱶ	ᱡᱟᱞᱡᱩᱲᱤᱭᱟ, ᱵᱟᱸᱠᱩᱲᱟ, ᱯᱚᱪᱷᱤᱢ ᱵᱟᱝᱞᱟ
ᱯᱟᱹᱨᱥᱤ	ᱥᱟᱱᱛᱟᱲᱤ

ᱠᱷᱮᱨᱣᱟᱞ ᱟᱲᱟᱝ ᱫᱚ ᱑᱙᱕᱗ ᱥᱮᱨᱢᱟ ᱠᱷᱚᱱ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱸᱫ ᱢᱤᱫ ᱥᱟᱱᱛᱟᱲᱤ ᱯᱟᱛᱷᱟᱢ ᱠᱟᱱᱟ᱾ ᱱᱚᱣᱟ ᱯᱟᱛᱷᱟᱢ ᱫᱚ ᱢᱚᱬᱮ ᱜᱮᱞ ᱫᱚᱥᱚᱠ ᱨᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱦᱟᱨᱟ ᱵᱩᱨᱩ ᱨᱮ ᱟᱹᱰᱤ ᱢᱟᱨᱟᱝ ᱮᱱᱮᱢ ᱮ ᱮᱢᱟ ᱟᱠᱟᱫᱟ᱾ ᱯᱟᱛᱷᱟᱢ ᱨᱮᱱ ᱩᱫᱽᱜᱟᱹᱣᱤᱡ ᱫᱚᱭ ᱛᱟᱦᱮᱸ ᱠᱟᱱᱟ ᱩᱱᱚᱠᱛᱚ ᱨᱮᱱ ᱧᱩᱛᱩᱢᱟᱱ ᱮᱰᱵᱷᱳᱴᱮᱠ ᱵᱷᱚᱵᱚᱛᱳᱥ ᱥᱚᱨᱮᱱ᱾^[᱑]

ᱩᱪᱷᱟᱹᱱ ᱟᱨ ᱥᱟᱥᱟᱯᱲᱟᱣ

ᱠᱷᱮᱨᱣᱟᱞ ᱟᱲᱟᱝ ᱯᱟᱛᱷᱟᱢ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱵᱟᱸᱠᱩᱲᱟ ᱦᱚᱱᱚᱛ ᱨᱮ ᱢᱮᱱᱟᱜ ᱡᱟᱞᱡᱩᱲᱤᱭᱟ ᱟᱛᱳ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱱᱟ᱾ ᱯᱟᱛᱷᱟᱢ ᱨᱮᱱ ᱯᱳᱭᱞᱳ ᱥᱟᱥᱟᱯᱲᱟᱣᱤᱡ ᱫᱚᱭ ᱛᱟᱦᱮᱸ ᱠᱟᱱᱟ ᱧᱩᱛᱩᱢᱟᱱ ᱚᱱᱚᱬᱦᱤᱭᱟᱹ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ᱾ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱑᱙᱕᱗-᱕᱘ ᱥᱮᱨᱢᱟ ᱨᱮ ᱯᱟᱛᱷᱟᱢ ᱥᱟᱥᱟᱯᱲᱟᱣ ᱨᱮᱭᱟᱜ ᱟᱸᱜᱤᱵᱷᱟᱨ ᱮ ᱦᱟᱛᱟᱣ ᱞᱮᱫᱟ᱾ ᱱᱟᱱᱟᱼᱦᱩᱱᱟᱹᱨ ᱮᱴᱠᱮᱴᱚᱬᱮ ᱠᱷᱟᱹᱛᱤᱨ ᱛᱟᱭᱚᱢ ᱛᱮ ᱥᱟᱥᱟᱯᱲᱟᱣᱤᱡ ᱟᱸᱜᱤᱵᱷᱟᱨ ᱫᱚᱭ ᱟᱲᱟᱜ ᱠᱟᱫᱟ᱾ ᱚᱱᱟᱛᱮ ᱵᱷᱚᱵᱚᱛᱳᱥ ᱥᱚᱨᱮᱱ ᱜᱮ ᱱᱚᱣᱟ ᱨᱮᱭᱟᱜ ᱫᱟᱹᱭᱵᱷᱟᱨ ᱮ ᱦᱟᱛᱟᱣ ᱞᱮᱫᱟ᱾

ᱥᱟᱛᱟᱢ ᱠᱚ

ᱠᱷᱮᱨᱣᱟᱞ ᱟᱲᱟᱝ ᱯᱟᱛᱷᱟᱢ ᱨᱮ ᱠᱟᱹᱦᱱᱤ, ᱚᱱᱚᱬᱦᱮᱸ, ᱥᱮᱨᱮᱧ, ᱥᱟᱶᱛᱟ ᱞᱟᱦᱟᱱᱛᱤ ᱟᱱᱟᱜ ᱚᱱᱚᱞ ᱮᱢᱟᱱ ᱥᱟᱛᱟᱢ ᱠᱚ ᱚᱞᱚᱜ ᱠᱟᱱ ᱛᱟᱦᱮᱸᱱᱟ᱾ ᱵᱟᱰᱟᱭ ᱧᱟᱢᱚᱜᱼᱟ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱟᱜ ᱚᱱᱚᱬᱦᱮᱸ ᱞᱮᱛᱟᱲ ᱜᱮ ᱪᱷᱟᱯᱟᱜ ᱠᱟᱱ ᱛᱟᱦᱮᱸᱱᱟ᱾ ᱟᱡ ᱨᱮᱱ ᱜᱟᱛᱮ ᱵᱷᱚᱵᱚᱛᱳᱥ ᱥᱚᱨᱮᱱ ᱴᱷᱮᱱ ᱠᱷᱚᱱ ᱠᱟᱹᱦᱱᱤ ᱚᱞ ᱨᱮᱭᱟᱜ ᱱᱮᱦᱚᱨ ᱦᱚᱸᱭ ᱧᱟᱢ ᱞᱮᱫᱟ᱾

ᱚᱱᱟᱛᱮ ᱢᱤᱫᱴᱟᱝ ᱯᱟᱛᱷᱟᱢ ᱨᱮ ᱢᱤᱫ ᱦᱚᱲᱟᱜ ᱧᱩᱛᱩᱢ ᱛᱮᱜᱮ ᱚᱱᱚᱬᱦᱮᱸ ᱠᱟᱹᱦᱱᱤ ᱠᱚ ᱪᱷᱟᱯᱟᱜᱼᱟ ᱚᱱᱟ ᱫᱚ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱵᱟᱭ ᱢᱟᱱᱟᱣ ᱞᱮᱫᱟ᱾ ᱚᱱᱟ ᱛᱮ "ᱴᱚᱴᱠᱚ ᱢᱚᱞᱚᱝ" ᱵᱟᱦᱟᱱᱟ ᱧᱩᱛᱩᱢ ᱛᱮ ᱠᱟᱹᱦᱱᱤ ᱚᱞᱮ ᱮᱦᱚᱵ ᱮᱱᱟ᱾ ᱠᱷᱮᱨᱣᱟᱞ ᱟᱲᱟᱝ ᱯᱟᱛᱷᱟᱢ ᱨᱮ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱟᱜ ᱥᱟᱱᱟᱢ ᱠᱟᱹᱦᱱᱤ ᱜᱮ ᱴᱚᱴᱠᱚ ᱢᱚᱞᱚᱝ ᱵᱟᱦᱟᱱᱟ ᱧᱩᱛᱩᱢ ᱛᱮ ᱪᱷᱟᱯᱟ ᱟᱠᱟᱱ ᱛᱟᱭᱟ᱾

ᱵᱟᱨᱦᱮ ᱡᱚᱱᱚᱲ

ᱥᱟᱹᱠᱷᱭᱟᱹᱛ

↑ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ). ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. pp. ᱒᱒᱖. {{cite book}}: |access-date= requires |url= (help)

[ref1-1] ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱶᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ (in ᱵᱟᱝᱞᱟ). ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. pp. ᱒᱒᱖. {{cite book}}: |access-date= requires |url= (help)

[᱑]