ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ

ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ
ᱡᱟᱱᱟᱢ	᱑᱙᱒᱙ ᱫᱟᱬᱤᱠᱟᱰᱳᱵᱟ ᱟᱹᱛᱩ, ᱢᱟᱱᱵᱟᱡᱟᱨ, ᱯᱩᱨᱩᱞᱤᱭᱟᱹ ᱦᱚᱱᱚᱛ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱜᱩᱨ	᱑᱘ ᱢᱟᱨᱪ ᱑᱙᱙᱖ (᱖᱗ ᱵᱚᱭᱚᱥ)
ᱠᱟᱹᱢᱤ	ᱚᱱᱚᱞᱤᱭᱟᱹ
ᱡᱟᱹᱛᱤᱭᱟᱹᱛ	ᱥᱤᱧᱚᱛᱤᱭᱟᱹ
ᱥᱟᱛᱟᱢ	ᱥᱟᱱᱛᱟᱲᱤ ᱚᱱᱚᱬᱦᱮᱸ ᱟᱨ ᱠᱷᱟᱴᱚ ᱠᱟᱹᱦᱱᱤ ᱠᱚ

ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ, ᱵᱤᱦᱟᱨ, ᱡᱷᱟᱨᱠᱷᱚᱸᱰ, ᱳᱰᱤᱥᱟ ᱟᱨ ᱟᱥᱟᱢ ᱯᱚᱱᱚᱛ ᱨᱤᱱ ᱦᱚᱲ ᱠᱚ ᱴᱷᱮᱱ ᱟᱹᱰᱤ ᱥᱤᱵᱤᱞ ᱢᱤᱫ ᱧᱩᱛᱩᱢ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱱᱟᱦᱟᱜ ᱡᱩᱜᱽ ᱨᱮ ᱩᱱᱤ ᱫᱚ, ᱫᱷᱟᱹᱨᱛᱤ ᱨᱤᱱ ᱥᱟᱱᱟᱢ ᱟᱹᱫᱤᱵᱟᱹᱥᱤ ᱠᱚ ᱨᱮᱱ ᱡᱩᱞᱩᱜ ᱤᱯᱤᱞ ᱞᱮᱠᱟᱛᱮ ᱢᱮᱱᱟᱭ ᱟᱠᱟᱫᱮᱭᱟ ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱ ᱱᱩᱭ ᱫᱚ ᱵᱷᱩᱨᱠᱟᱹᱜ ᱤᱯᱤᱞ ᱑᱙᱒᱙ ᱥᱮᱨᱢᱟ ᱵᱟᱝ ᱦᱟᱹᱴᱤᱧ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱢᱟᱱᱵᱟᱡᱟᱨ ᱒ ᱱᱳ ᱵᱽᱞᱚᱠ ᱨᱮᱱᱟᱜ ᱫᱟᱬᱤᱠᱟᱰᱳᱵᱟ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾

ᱡᱟᱱᱟᱢ

ᱚᱱᱚᱞᱤᱭᱟ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱒ ᱯᱷᱮᱵᱨᱩᱣᱟᱨᱤ ᱑᱙᱒᱙ ᱥᱟᱞᱮ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱨᱮᱱ ᱟᱯᱟᱛᱼᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱪᱚᱨᱚᱱ ᱠᱤᱥᱠᱩ ᱟᱨ ᱮᱸᱜᱟᱛᱼᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱫᱷᱚᱱᱢᱚᱱᱤ ᱠᱤᱥᱠᱩ ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱ ᱢᱤᱫ ᱢᱟᱨᱟᱝ ᱢᱟᱭᱞᱤᱱᱥᱴᱳᱱ ᱟᱨ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱨᱮᱱ ᱪᱮᱞᱟᱭ ᱛᱟᱦᱮᱸ ᱠᱟᱱᱟ ᱾ ᱑᱙᱒᱖ ᱥᱟᱹᱦᱤᱛ ᱨᱮᱭᱟᱜ ᱯᱩᱨᱩᱞᱤᱭᱟᱹ ᱡᱤᱞᱟᱹ ᱨᱮᱭᱟᱜ ᱵᱟᱱᱫᱟᱣᱟᱱ ᱥᱳᱨ ᱫᱟᱹᱲᱤᱵᱳᱰᱟ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟ ᱾ ᱟᱯᱟᱛ ᱧᱩᱛᱩᱢ ᱪᱚᱨᱚᱱ ᱠᱤᱥᱠᱩ ᱟᱨ ᱮᱜᱟᱛ ᱧᱩᱛᱩᱢ ᱫᱷᱚᱱᱢᱚᱱᱤ ᱠᱤᱥᱠᱩ ᱾

ᱥᱮᱪᱮᱫ

ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱡᱚᱨᱚᱵᱟᱲᱤ ᱟᱹᱛᱩ ᱵᱤᱨᱫᱟᱹᱜᱟᱲ ᱨᱮ ᱑᱙᱓᱘ ᱥᱟᱞᱮ ᱠᱷᱚᱱ ᱚᱞ ᱯᱟᱲᱦᱟᱣ ᱛᱟᱭᱱᱚᱢ ᱵᱚᱲᱜᱮᱹᱲᱤᱭᱟ ᱵᱤᱨᱫᱟᱹᱜᱟᱲ ᱛᱮᱠᱚ ᱩᱪᱟᱹᱲ ᱞᱮᱫᱮᱭᱟ ᱾ ᱚᱸᱰᱮᱠᱷᱚᱱ ᱑᱙᱔᱐ ᱥᱟᱞᱮ ᱨᱮ ᱫᱚ ᱵᱟᱸᱠᱩᱲᱟ ᱡᱤᱞᱟᱹ ᱨᱮᱭᱟᱜ ᱨᱟᱱᱤᱵᱟᱸᱫᱷ ᱢᱤᱰᱤᱞ ᱤᱝᱨᱮᱹᱡᱤ ᱵᱤᱨᱫᱟᱹᱜᱟᱲ ᱨᱮ ᱠᱚ ᱩᱪᱟᱹᱲ ᱞᱮᱫᱮᱭᱟ᱾ ᱚᱸᱰᱮᱠᱷᱚᱱ ᱜᱮ ᱑᱙᱔᱓ ᱥᱟᱞᱮ ᱨᱮ "ᱢᱮᱴᱨᱤᱠ ᱥᱠᱚᱞᱟᱨᱥᱤᱯ"ᱼᱮ ᱧᱟᱢ ᱞᱮᱫᱼᱟ᱾ ᱚᱱᱟ ᱜᱚᱜᱼᱲᱚ ᱠᱟᱹᱣᱰᱤ ᱛᱮᱜᱮ ᱯᱟᱲᱦᱟᱣ ᱠᱟᱛᱮᱫ ᱑᱙᱔᱘ ᱥᱟᱞᱮ ᱨᱮ ᱯᱩᱭᱞᱩ ᱛᱷᱚᱠ (First Division) ᱛᱮ ᱜᱮᱞ ᱪᱟᱱᱚᱪ ᱯᱟᱲᱦᱟᱣ ᱯᱩᱨᱟᱹᱣ ᱛᱟᱭᱱᱚᱢ ᱟᱭ ᱮ. (I. A.) ᱯᱟᱲᱦᱟᱜ ᱞᱟᱹᱜᱤᱫ ᱵᱤᱥᱱᱩᱯᱩᱨ ᱨᱟᱢᱟᱱᱚᱱᱫᱚ ᱠᱚᱞᱮᱡᱽ ᱨᱮᱭ ᱵᱷᱩᱨᱛᱤ ᱞᱮᱱᱟ᱾ ᱢᱮᱱᱠᱷᱟᱱ ᱦᱚᱲᱢᱚ ᱡᱤᱣᱤ ᱵᱳᱜᱮ ᱵᱟᱝᱛᱮ ᱞᱟᱯᱷᱟᱝ ᱥᱮᱪᱮᱫ ᱵᱟᱝᱼᱮ ᱯᱟᱲᱦᱟᱣ ᱯᱩᱨᱟᱹᱣ ᱞᱮᱫᱼᱟ ᱾ ᱑᱙᱓᱘ ᱥᱟᱹᱦᱤᱛ ᱨᱮ ᱡᱳᱨᱳᱵᱨᱤ ᱱᱤᱢᱱᱚ ᱯᱨᱟᱛᱷᱚᱢᱤᱠ ᱤᱥᱠᱩᱞ ᱠᱷᱚᱱ ᱟᱡᱟᱜ ᱡᱤᱣᱤᱱ ᱮᱦᱚᱵ ᱞᱮᱱᱟ ᱾ ᱚᱞᱚᱜ ᱡᱤᱣᱤᱱ ᱨᱮ ᱢᱮᱨᱤᱴ ᱥᱠᱳᱞᱟᱨᱥᱤᱯ ᱮ ᱧᱟᱢ ᱞᱮᱫᱟ ᱾ ᱢᱮᱴᱨᱤᱠ ᱦᱚ ᱯᱳᱭᱞᱳ ᱵᱤᱜᱷᱟᱠ ᱛᱮ ᱯᱟᱥ ᱞᱮᱫᱟ ᱾ ᱚᱱᱟ ᱛᱟᱭᱚᱢ ᱢᱟᱪᱮᱫ ᱞᱮᱱᱛᱮ ᱵᱟᱦᱟᱞ ᱞᱮᱱᱟ᱾ ᱢᱟᱪᱮᱫ ᱛᱟᱦᱮᱱ ᱚᱠᱛᱚ ᱜᱮ ᱢᱟᱹᱱ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱜᱚᱢᱠᱮ ᱫᱚ ᱑᱙᱗᱓ ᱥᱟᱹᱦᱤᱛ ᱨᱮ ᱩᱱᱡᱚᱦᱚᱜᱤᱡ ᱵᱷᱟᱨᱚᱛ ᱨᱮᱱ ᱨᱟᱥᱴᱨᱚᱯᱚᱛᱤ ᱵᱷᱤ. ᱡᱤ ᱜᱤᱨᱤ ᱦᱟᱜ ᱛᱤ ᱠᱷᱚᱱ ᱨᱟᱡᱜᱟᱲ ᱫᱤᱞᱞᱤ ᱨᱮ ᱟᱫᱚᱨᱥᱚ ᱥᱤᱠᱷᱚᱠ ᱨᱮᱭᱟᱜ ᱢᱟᱹᱱ ᱮ ᱧᱟᱢ ᱞᱮᱫᱟ᱾

ᱠᱟᱹᱢᱤ ᱡᱤᱭᱚᱱ

ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱟᱯᱟᱥᱩᱞᱚᱜ ᱞᱟᱹᱜᱤᱫ ᱑᱙᱕᱐ ᱥᱟᱞᱮ ᱨᱮ ᱯᱩᱨᱩᱞᱤᱭᱟ ᱡᱤᱞᱟ. ᱨᱮᱭᱟᱜ ᱵᱟᱱᱫᱳᱭᱟᱱ ᱨᱮᱭᱟᱜ ᱦᱤᱱᱫᱤ ᱥᱮᱪᱮᱫ ᱵᱤᱨᱫᱟ.ᱜᱟᱲ ᱠᱷᱚᱱ ᱯᱮ ᱪᱟᱱᱫᱳ ᱨᱮᱭᱟᱜ ᱥᱤᱠᱷᱱᱟᱹᱛᱼᱮ ᱟᱨᱡᱟᱣᱼᱟᱱ ᱛᱟᱦᱮᱸ ᱠᱟᱱᱟ ᱾ ᱤᱱᱟᱹ ᱛᱟᱭᱱᱚᱢ ᱤᱱᱟᱹ ᱥᱮᱨᱢᱟ ᱜᱮ ᱡᱟᱢᱛᱳᱲᱤᱭᱟ ᱢᱤᱰᱤᱞ ᱵᱤᱨᱫᱟᱹᱜᱟᱲ ᱨᱮᱱ ᱢᱟᱪᱮᱫ ᱦᱤᱥᱟᱹᱵᱽ ᱛᱮᱭ ᱵᱟᱦᱟᱞ ᱞᱮᱱᱟ ᱾ ᱡᱟᱹᱛᱤ ᱥᱟᱶᱛᱟ ᱩᱛᱱᱟᱹᱣ ᱞᱟᱹᱜᱤᱫ ᱩᱭᱦᱟᱹᱨ ᱠᱟᱛᱮᱫ ᱑᱙᱖᱑ ᱥᱟᱞᱮ ᱨᱮ ᱠᱚᱵᱤ ᱠᱥᱠᱩ ᱫᱚ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱠᱚᱝᱜᱨᱮᱥ ᱜᱟᱸᱛᱟᱠ ᱦᱚᱛᱮᱛᱮᱭ ᱛᱤᱸᱜᱩ ᱞᱮᱱᱟ ᱾ ᱢᱮᱱᱠᱷᱟᱱ ᱵᱟᱝᱼᱮ ᱡᱤᱛᱠᱟᱹᱨ ᱞᱮᱱᱛᱮ ᱟᱫᱚ ᱚᱲᱟᱜ ᱨᱮᱭᱟᱜ ᱪᱟᱥ ᱠᱟᱹᱢᱤ ᱨᱮᱭ ᱫᱷᱩᱨᱟᱹᱣ ᱞᱮᱱᱟ ᱾ ᱤᱱᱟᱹ ᱛᱟᱭᱱᱚᱢ ᱟᱠᱚ ᱟᱹᱛᱩ ᱠᱷᱚᱱᱟᱜ ᱛᱩᱨᱩᱭ ᱢᱟᱭᱤᱞ ᱥᱟᱺᱜᱤᱧ ᱥᱤᱝᱨᱟᱭᱰᱤ ᱮᱛᱚᱦᱚᱵ ᱥᱮᱪᱮᱫ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱢᱟᱪᱮᱫ ᱦᱤᱥᱟᱹᱵᱽ ᱛᱮᱭ ᱵᱟᱦᱟᱞ ᱞᱮᱱᱟ ᱾ ᱚᱸᱰᱮ ᱵᱟᱨ ᱥᱮᱨᱢᱟ ᱠᱟᱹᱢᱤ ᱛᱟᱭᱱᱚᱢ ᱟᱠᱚ ᱟᱹᱛᱩ ᱥᱩᱨ ᱵᱚᱲᱫᱚᱦᱤ ᱮᱛᱚᱦᱚᱵ ᱥᱮᱪᱮᱫ ᱵᱤᱨᱫᱟᱹᱜᱟᱲ ᱨᱮᱭ ᱩᱪᱟᱹᱲ ᱞᱮᱱᱟ ᱟᱨ ᱚᱸᱰᱮ ᱜᱮ ᱑᱙᱘᱙ ᱥᱟᱞᱮ ᱦᱟᱹᱵᱤᱡ ᱢᱟᱪᱮᱫ ᱠᱟᱹᱢᱤ ᱯᱩᱨᱟᱹᱣ ᱠᱟᱛᱮᱫᱼᱮ ᱡᱤᱨᱟᱹᱣ ᱞᱮᱱᱟ ᱾ ᱥᱟᱱᱛᱟᱲ ᱥᱟᱶᱦᱮᱫ ᱡᱮᱜᱮᱛ ᱨᱮ ᱟᱡᱟᱜ ᱚᱱᱚᱬᱦᱮ, ᱥᱮᱨᱮᱧ, ᱠᱟᱦᱱᱤ ᱮᱢᱟᱱ ᱾ ᱚᱱᱟ ᱥᱟᱶ ᱛᱮ ᱟᱰᱤ ᱞᱮᱠᱟᱱ ᱥᱤᱨᱯᱟᱹᱠᱚᱭ ᱦᱟᱢᱮᱴ ᱟᱠᱟᱫᱟ ᱾

ᱚᱞ ᱵᱮᱞ

ᱯᱟᱲᱦᱟᱜ ᱡᱤᱭᱚᱱ ᱨᱮ ᱢᱟᱱᱚᱛᱟᱱ ᱠᱤᱥᱠᱩ ᱴᱷᱮᱱ ᱥᱟᱱᱛᱟᱲᱤ ᱯᱟᱹᱨᱥᱤ ᱪᱮᱛᱟᱱ ᱫᱩᱞᱟᱹᱲ ᱫᱚ ᱠᱤᱱ ᱥᱤᱨᱡᱟᱹᱣ ᱞᱮᱫ ᱛᱟᱦᱮᱸ ᱠᱟᱱᱟ ᱢᱟᱪᱮᱫ ᱫᱟᱨᱚᱠᱱᱟᱛᱷ ᱥᱤᱠᱫᱟᱨ ᱟᱨ ᱦᱟᱨᱟᱫᱷᱚᱱ ᱦᱮᱢᱵᱽᱨᱚᱢ ᱾ ᱤᱱᱟᱹ ᱥᱟᱶᱛᱮ ᱠᱚᱵᱤ ᱜᱩᱨᱩ ᱥᱟᱹᱫᱷᱩ ᱨᱟᱢᱪᱟᱸᱫᱽᱼᱟᱜ ᱚᱱᱚᱬᱦᱮ ᱥᱮᱨᱮᱧ ᱠᱚ ᱯᱟᱲᱦᱟᱣ ᱠᱟᱛᱮ ᱥᱟᱱᱛᱟᱲᱤ ᱛᱮ ᱚᱞᱚᱜᱼᱮ ᱮᱛᱚᱦᱚᱵ ᱞᱮᱫᱼᱟ ᱾ ᱯᱩᱭᱞᱩ ᱩᱛᱟᱹᱨ ᱫᱚ ᱵᱤᱦᱟᱨ ᱥᱚᱨᱠᱟᱨᱼᱟᱜ ᱠᱷᱚᱵᱚᱨ ᱠᱟᱜᱚᱡᱽ "ᱦᱚᱲ ᱥᱚᱢᱵᱟᱫᱽ" ᱨᱮ "ᱚᱞ" ᱧᱩᱛᱩᱢᱟᱱ ᱚᱱᱚᱬᱦᱮ ᱩᱪᱷᱟᱹᱱ ᱞᱮᱱ ᱛᱟᱭᱟ ᱾ ᱤᱱᱟᱹ ᱛᱟᱭᱱᱚᱢ ᱛᱟᱢᱟᱢ ᱵᱤᱦᱟᱨ ᱟᱨ ᱠᱚᱞᱠᱟᱛᱟ ᱠᱚᱨᱮᱱᱟᱜ ᱥᱟᱶᱦᱮᱫ ᱥᱟᱠᱟᱢ ᱠᱚ ᱨᱮ ᱚᱞ ᱵᱮᱞᱠᱳ ᱪᱷᱟᱯᱟᱣᱟᱠᱟᱱ ᱛᱟᱭᱟ᱾ ᱑᱙᱕᱗-᱕᱘ ᱥᱟᱞᱮ ᱨᱮ ᱫᱚ ᱵᱷᱚᱵᱚᱛᱳᱥ ᱥᱚᱨᱮᱱᱼᱟᱜ "ᱠᱷᱮᱨᱣᱟᱲ ᱟᱲᱟᱝ" ᱥᱟᱶᱦᱮᱫ ᱥᱟᱠᱟᱢ ᱨᱮ "ᱴᱚᱴᱠᱳ ᱢᱚᱞᱚᱝ" ᱵᱟᱦᱱᱟ ᱧᱩᱛᱩᱢ ᱛᱮᱭ ᱚᱜᱼᱚᱞ ᱠᱟᱱ ᱛᱟᱦᱮᱸ ᱠᱟᱱᱟ᱾ᱚᱱᱟ ᱥᱟᱶᱛᱮ "ᱦᱚᱲ ᱥᱚᱢᱵᱟᱫᱽ" ᱟᱨ "ᱛᱮᱛᱨᱮ" ᱯᱟᱛᱷᱟᱢ ᱨᱮ ᱫᱚ "ᱯᱟᱛᱟᱝ ᱥᱩᱨᱟ.ᱭ" ᱵᱟᱦᱱᱟ ᱧᱩᱛᱩᱢ ᱛᱮᱭ ᱚᱜᱼᱚᱞ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩᱼᱟᱜ ᱧᱩᱛᱩᱢᱟᱱ ᱚᱱᱚᱬᱦᱮ ᱯᱩᱛᱷᱤ ᱠᱚ ᱫᱚ ᱦᱩᱭᱩᱜ ᱠᱟᱱᱟ -

᱑) "ᱵᱷᱩᱨᱠᱟ.ᱜ ᱤᱯᱤᱞ"(᱑᱙᱕᱓),

᱒) "ᱠᱩᱦᱩᱵᱟᱹᱣ"(᱑᱙᱖᱐),

᱓) "ᱜᱟᱢ ᱜᱚᱸᱫᱟᱨ"(᱑᱙᱖᱗),

᱔) "ᱞᱟᱦᱟᱜ ᱦᱚᱨᱨᱮ"(᱑᱙᱘᱕),

᱕) "ᱵᱤᱫᱟᱹᱜ ᱵᱮᱲᱟ"(᱑᱙᱙᱗),

᱖) "ᱥᱮᱨᱮᱧ ᱥᱮᱯᱮᱧ"(ᱨᱚᱵᱤᱱᱫᱨᱚᱱᱟᱛᱷ ᱴᱷᱟᱠᱩᱨᱼᱟᱜ "ᱜᱤᱛᱟᱧᱡᱚᱞᱤ" ᱠᱟᱵᱭᱚᱜᱨᱚᱱᱛᱷᱚ ᱨᱮᱭᱟᱜ ᱥᱟᱱᱛᱟᱲᱤ ᱛᱚᱨᱡᱚᱢᱟ),

᱗) ᱠᱟᱹᱦᱱᱤ ᱯᱩᱛᱷᱤ "ᱥᱚᱞᱚᱢ ᱞᱚᱴᱚᱢ"(᱑᱙᱘᱘) ᱟᱨ

᱘) ᱥᱟᱱᱟᱢ ᱚᱱᱚᱞᱠᱳ ᱨᱮᱭᱟᱜ ᱯᱩᱛᱷᱤ "ᱡᱩᱰᱟ.ᱥᱤ ᱚᱱᱚᱞ ᱢᱚᱞᱟ"(᱑᱙᱙᱔)᱾

ᱥᱤᱨᱯᱷᱟᱹ ᱟᱨ ᱥᱟᱨᱦᱟᱣᱱᱟ

ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ, ᱫᱤᱥᱚᱢ ᱦᱚᱲ ᱟᱨ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱡᱟᱸᱦᱟᱠᱚ ᱢᱟ.ᱱᱼᱮ ᱧᱟᱢ ᱟᱠᱟᱫᱼᱟ ᱚᱱᱟᱠᱚ ᱫᱚ ᱦᱳᱭᱳᱜ ᱠᱟᱱᱟ-

᱑) ᱑᱙᱖᱓ ᱥᱟᱞᱮ ᱨᱮ "ᱟᱵᱳᱣᱟᱜ ᱜᱟᱶᱛᱟ" ᱯᱟᱦᱴᱟ ᱠᱷᱚᱱ ᱥᱟᱨᱦᱟᱣ ᱥᱤᱨᱷᱯᱟ.᱾

᱒)᱑᱙᱗᱓ ᱥᱟᱞᱮ ᱨᱮ "ᱵᱷᱟᱨᱚᱛᱤᱭᱚ ᱥᱟᱶᱦᱮᱫ ᱯᱚᱨᱤᱥᱚᱫᱽ" ᱯᱟᱦᱴᱟ ᱠᱷᱚᱱ ᱥᱟᱨᱦᱟᱣ ᱥᱤᱨᱯᱷᱟ.᱾

᱓)᱑᱙᱗᱓ ᱥᱟᱞᱮ ᱨᱮ "ᱡᱟᱹᱛᱤᱭᱟᱹᱨᱤ ᱢᱟᱪᱮᱫ" ᱢᱮᱱᱛᱮ ᱨᱟᱥᱴᱨᱚᱯᱚᱛᱤ ᱥᱤᱨᱷᱯᱟᱹ ᱾ ᱩᱱ ᱡᱚᱦᱚᱜᱼᱤᱡ ᱨᱟᱥᱴᱨᱚᱯᱚᱛᱤ ᱵᱷᱤ ᱵᱷᱤ ᱜᱤᱨᱤᱼᱟᱜ ᱛᱤ ᱠᱷᱚᱱᱼᱮ ᱟᱛᱟᱝ ᱞᱮᱫᱼᱟ ᱾

᱔)᱑᱙᱘᱑ ᱥᱟᱞᱮ ᱨᱮ ᱢᱚᱦᱟᱨᱟᱡᱟ ᱱᱟᱜᱟᱨ ᱟᱹᱫᱤᱵᱟᱹᱥᱤ ᱜᱟᱶᱛᱟ ᱯᱟᱦᱴᱟ ᱠᱷᱚᱱ ᱥᱟᱨᱦᱟᱣ ᱥᱤᱨᱯᱷᱟᱹ ᱾

᱕) ᱑᱙᱘᱒ ᱥᱟᱞᱮ ᱨᱮ ᱵᱤᱠᱠᱨᱚᱢᱥᱤᱞᱟ ᱦᱤᱱᱫᱤ ᱵᱤᱫᱼᱫᱟᱯᱤᱴᱷ (ᱵᱷᱟᱜᱚᱞᱯᱩᱨ) ᱠᱷᱚᱱ "ᱠᱚᱵᱤᱨᱚᱛᱱᱚ" ᱢᱟᱹᱱ ᱾

᱖)᱑᱙᱘᱖ ᱥᱟᱞᱮ ᱨᱮ ᱥᱟᱱᱛᱟᱲᱤ ᱨᱟᱭᱴᱟᱨᱥ ᱨᱤᱥᱮ.ᱯᱥᱚᱱ ᱠᱩᱢᱩᱴ (ᱥᱟᱸᱛᱨᱟᱜᱟᱪᱷᱤ, ᱦᱟᱵᱽᱲᱟ) ᱯᱟᱦᱴᱟ ᱠᱷᱚᱱ "ᱦᱤᱦᱤᱲᱤ ᱯᱤᱯᱤᱲᱤ" ᱥᱤᱨᱯᱷᱟᱹ ᱾

᱗)᱑᱙᱘᱖-᱘᱗ ᱥᱟᱞᱮ ᱨᱮ ᱵᱤᱦᱟᱨ ᱥᱚᱨᱠᱟᱨ ᱨᱟᱡᱽᱵᱷᱟᱥᱟ ᱯᱟᱦᱴᱟ ᱠᱷᱚᱱ "ᱡᱚᱱᱚᱡᱟᱛᱤᱭᱚ" ᱥᱤᱨᱯᱷᱟᱹ ᱾

ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱩᱯᱚᱢᱚᱦᱟᱫᱮᱹᱥ ᱨᱮᱱᱟᱜ ᱜᱳᱱᱚᱛᱚᱱᱛᱨᱚ ᱞᱟᱦᱟ ᱞᱟᱹᱜᱤᱫ ᱟᱹᱰᱤ ᱜᱟᱹᱠᱦᱩᱲ ᱢᱤᱫ ᱦᱚᱲᱼᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱥᱟᱺᱛ ᱫᱚᱥᱚᱢ ᱨᱮ ᱨᱟᱡᱽᱱᱤᱛᱤᱠ ᱠᱟᱹᱢᱤᱭᱟᱹ ᱥᱟᱸᱣᱦᱮᱫ ᱥᱚᱢᱟᱡᱽ ᱥᱚᱸᱥᱠᱟᱨᱚᱠ ᱦᱚᱸᱭᱮ ᱛᱟᱦᱮᱸ ᱠᱟᱱᱟ ᱾ ᱟᱡᱼᱟᱜ ᱡᱟᱱᱟᱢ ᱫᱤᱥᱚᱢ ᱯᱩᱨᱩᱞᱤᱭᱟ ᱨᱮᱭᱟᱜ ᱥᱚᱢᱟᱡᱽ ᱥᱚᱸᱥᱠᱟᱨ ᱞᱟ.ᱜᱤᱫ ᱦᱚᱸᱭᱮ ᱠᱟᱹᱢᱤ ᱞᱮᱫᱼᱟ᱾ ᱠᱩᱲᱤ ᱦᱚᱯᱚᱱᱠᱳ ᱰᱟᱹᱱ ᱢᱮᱱᱛᱮ ᱥᱚᱢᱟᱡᱽ ᱠᱷᱚᱱ ᱵᱟᱦᱮᱨ ᱜᱤᱰᱤ ᱟᱨ ᱢᱟᱜ ᱜᱚᱡ ᱟᱹᱱ ᱵᱤᱨᱩᱫᱽ ᱨᱮ ᱯᱩᱭᱞᱩ ᱫᱚ ᱩᱱᱤᱭᱮ ᱛᱤᱝᱜᱩ ᱞᱮᱱᱟ ᱾

ᱵᱚᱸᱜᱟ ᱛᱟᱞᱟ

ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ ᱫᱚ ᱑᱙᱙᱖ ᱥᱟᱞᱮ ᱨᱮᱱᱟᱜ ᱑᱘ ᱢᱟᱨᱪ (᱒ ᱪᱟᱹᱛ ᱑᱔᱐᱒) ᱦᱤᱞᱳᱜ ᱱᱚᱣᱟ ᱫᱷᱩᱤ ᱫᱷᱟᱹᱨᱛᱤ ᱵᱟᱹᱜᱤ ᱠᱟᱛᱮᱫᱼᱮ ᱵᱚᱝᱜᱟᱛᱟᱞᱟ ᱟᱠᱟᱱᱟ᱾