ᱡᱚᱢᱩᱱᱟ ᱴᱩᱰᱩ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱡᱚᱢᱩᱱᱟ ᱴᱩᱰᱩ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ᱑᱙᱘᱐᱑᱒᱑᱙
ᱢᱚᱭᱩᱨᱵᱷᱚᱸᱡᱽ
ᱫᱤᱥᱚᱢᱤᱭᱟᱹᱥᱤᱧᱚᱛᱤᱭᱟᱹ
ᱮᱴᱟᱜ ᱧᱩᱛᱩᱢᱡᱚᱢᱩᱱᱟ ᱢᱚᱱᱤ ᱴᱩᱰᱩ
ᱧᱩᱢᱱᱟᱢᱥᱟᱪᱟᱨᱦᱮ ᱦᱩᱞᱜᱟᱹᱨᱤᱭᱟᱹ
ᱥᱤᱨᱯᱷᱟᱹᱯᱚᱫᱢᱚᱥᱨᱤ

ᱡᱚᱢᱩᱱᱟ ᱴᱩᱰᱩ ᱑᱙ᱹ᱑᱒ᱹ᱑᱙᱘᱐ ᱨᱮ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱡᱟᱱᱟᱢ ᱨᱮᱱᱟᱭ ᱾ ᱡᱚᱢᱩᱱᱟ ᱴᱩᱰᱩ ᱫᱚ ᱥᱤᱧᱚᱛ ᱨᱤᱱᱤᱡ ᱥᱟᱪᱟᱨᱦᱮ ᱦᱩᱞᱜᱟᱹᱨᱤᱭᱟᱹ ᱠᱟᱱᱟᱭ ᱾᱒᱐᱑᱘-᱒᱐᱑᱙ ᱥᱟᱞ ᱞᱟᱹᱜᱤᱫ ᱟᱡ ᱥᱤᱧᱚᱛ ᱨᱮᱱᱟᱜ ᱯᱩᱱᱟᱱ ᱥᱮᱬᱟ ᱵᱮᱥᱟᱢᱚᱨᱤᱠ ᱥᱤᱨᱯᱟᱹ ᱯᱚᱫᱢᱚᱥᱨᱤ ᱥᱤᱨᱯᱟᱹᱭ ᱟᱢᱮᱴ ᱦᱟᱠᱟᱫᱼᱟ [᱑]᱾᱒᱐᱑᱔ ᱥᱟᱞ ᱨᱮ ᱜᱚᱰᱯᱷᱨᱮ ᱯᱷᱤᱞᱤᱯᱥ ᱵᱨᱮᱵᱷᱨᱤ ᱥᱤᱨᱯᱟᱹ ᱦᱚᱸᱭ ᱟᱢᱮᱴ ᱞᱮᱫᱼᱟ [᱒]ᱡᱷᱟᱨᱠᱷᱚᱸᱰ ᱨᱤᱱ ᱠᱟᱴ ᱢᱟᱯᱷᱤᱭᱟᱹ ᱠᱚ ᱥᱟᱞᱟᱜ ᱟᱡᱟᱜ ᱞᱟᱹᱰᱷᱟᱹᱭ ᱠᱷᱟᱹᱛᱤᱨ ᱟᱡ ᱞᱮᱰᱤ ᱴᱟᱨᱡᱚᱱ ᱢᱮᱱᱛᱮᱫ ᱦᱚᱸᱠᱚ ᱧᱩᱛᱩᱢ ᱮ ᱜᱮᱭᱟ[᱓]

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱢᱩᱱᱟ ᱴᱩᱰᱩ ᱑᱙ ᱰᱤᱥᱮᱢᱵᱚᱨ ᱑᱙᱘᱐ ᱥᱮᱨᱢᱟ ᱨᱮ ᱵᱷᱟᱨᱚᱛ ᱨᱮᱭᱟᱜ ᱳᱲᱤᱥᱟ ᱯᱚᱱᱚᱛ ᱨᱮᱭᱟᱜ ᱢᱚᱭᱩᱨᱵᱷᱚᱸᱡᱽ ᱨᱮᱭᱟᱜ ᱨᱟᱭᱨᱚᱝᱯᱩᱨ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱑᱘ ᱥᱮᱨᱢᱟ ᱩᱢᱮᱨ ᱨᱮ ᱩᱱᱤ ᱵᱤᱨ ᱞᱟᱹᱜᱤᱫ ᱞᱟᱹᱲᱦᱟᱹᱭ ᱨᱮᱭᱟᱜ ᱮ ᱜᱚᱴᱟ ᱞᱮᱫᱟ ᱟᱨ ᱟᱜ ᱟᱨ ᱥᱟᱨ ᱥᱟᱵ ᱠᱟᱛᱮ ᱠᱟᱴᱷ ᱢᱟᱯᱷᱤᱭᱟ ᱠᱚ ᱵᱤᱨᱩᱫᱽ ᱮ ᱛᱤᱸᱜᱩ ᱞᱮᱱᱟ ᱟᱨ ᱯᱩᱞᱤᱥ ᱴᱷᱮᱱ ᱚᱱᱟ ᱠᱚᱭ ᱵᱟᱰᱟᱭ ᱚᱪᱚ ᱠᱮᱫ ᱠᱚᱣᱟ᱾[᱔][᱕]

ᱡᱟᱢᱩᱱᱟ ᱴᱩᱰᱩ ᱫᱚ ᱥᱟᱪᱟᱨᱦᱮ ᱟᱹᱰᱤ ᱮ ᱠᱩᱥᱤᱭᱟᱜᱼᱟ, ᱑᱙᱙᱘ ᱥᱮᱨᱢᱟ ᱨᱮ ᱟᱭᱟᱜ ᱥᱟᱸᱜᱷᱟᱨ ᱮᱛᱚᱦᱚᱵ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱡᱟᱢᱩᱱᱟ ᱵᱟᱯᱞᱟ ᱛᱟᱭᱚᱢ ᱪᱟᱹᱠᱩᱞᱤᱭᱟᱹ ᱵᱚᱞᱚᱠ ᱨᱮ ᱟᱡ ᱦᱟᱱᱦᱟᱨ ᱴᱷᱮᱱ ᱢᱩᱴᱩᱨᱠᱷᱟᱢ ᱟᱛᱳ ᱨᱮᱭ ᱥᱮᱴᱮᱨ ᱞᱮᱱᱟ ᱾ ᱩᱱ ᱚᱠᱛᱚ ᱵᱤᱨ ᱢᱟᱯᱷᱤᱭᱟᱹ ᱠᱚᱫᱚ ᱢᱩᱴᱩᱨᱠᱷᱟᱢ ᱟᱛᱳ ᱥᱳᱨ ᱵᱤᱨ ᱨᱮ ᱵᱮᱼᱵᱟᱹᱲᱤᱡ ᱞᱮᱠᱟᱛᱮ ᱫᱟᱨᱮ ᱠᱚ ᱜᱮᱫ ᱞᱮᱫᱟ᱾ ᱚᱲᱟᱜ ᱨᱮᱭᱟᱜ ᱫᱩᱣᱟᱹᱨ ᱠᱷᱚᱱ ᱧᱮᱞ ᱟᱠᱟᱱ ᱵᱤᱨ ᱨᱮᱭᱟᱜ ᱱᱚᱣᱟ ᱦᱟᱞᱚᱛ ᱧᱮᱞ ᱠᱟᱛᱮ ᱡᱟᱢᱩᱱᱟ ᱫᱚ ᱵᱤᱨ ᱵᱟᱯᱷᱤᱭᱟ ᱠᱚ ᱜᱷᱟᱹᱞ ᱠᱟᱛᱮ ᱵᱤᱨ ᱵᱷᱟᱹᱜᱤ ᱫᱚᱦᱚ ᱨᱮᱭᱟᱜ ᱮ ᱜᱚᱴᱟ ᱠᱮᱫᱟ, ᱚᱱᱟ ᱛᱟᱭᱚᱢ ᱱᱚᱣᱟ ᱦᱚᱨᱟ ᱞᱮᱛᱟᱲ ᱜᱮ ᱢᱮᱱᱟᱜᱼᱟ᱾ ᱡᱟᱢᱩᱱᱟ ᱫᱚ ᱜᱷᱟᱨᱚᱸᱡᱽ ᱨᱮᱱ ᱦᱚᱲ ᱠᱚ ᱱᱚᱶᱟ ᱥᱟᱱᱟᱢ ᱠᱟᱹᱢᱤ ᱞᱟᱹᱜᱤᱫ ᱛᱮᱠᱚ ᱟᱠᱚᱴ ᱞᱮᱫᱮ ᱛᱟᱦᱮᱸᱱ, ᱢᱮᱱᱠᱷᱟᱱ ᱩᱱᱤ ᱟᱛᱳ ᱨᱮᱱ ᱛᱤᱨᱞᱟᱹ ᱠᱚ ᱢᱤᱫ ᱠᱟᱛᱮ ᱵᱤᱨ ᱠᱚ ᱨᱩᱠᱷᱤᱭᱟᱹ ᱞᱟᱹᱜᱤᱫ ᱢᱤᱫᱴᱟᱝ ᱪᱮᱸᱜᱷᱟᱣᱱᱟ ᱮ ᱮᱦᱚᱵ ᱞᱮᱫᱟ ᱾ ᱟᱭᱢᱟ ᱫᱷᱟᱣ ᱩᱱᱠᱩ ᱫᱚ ᱜᱚᱡᱟᱱ ᱡᱟᱨᱯᱟ ᱠᱚ ᱧᱮᱞ ᱞᱮᱱᱟ , ᱢᱮᱱᱠᱷᱟᱱ ᱡᱟᱢᱩᱱᱟ ᱫᱚ ᱪᱮᱫᱦᱚᱸ ᱵᱟᱭ ᱦᱟᱨᱟᱣ ᱞᱮᱱᱟ ᱟᱨ ᱵᱤᱨ ᱨᱩᱠᱷᱤᱭᱟᱹ ᱨᱮᱭᱟᱜ ᱠᱩᱨᱩᱢᱩᱴᱩᱭ ᱞᱮᱛᱟᱲ ᱤᱫᱤ ᱟᱠᱟᱫᱟ᱾[᱖][᱗][᱘]

ᱴᱩᱰᱩ ᱫᱚ ᱟᱡᱟᱜ ᱟᱹᱛᱩ ᱨᱮᱱ ᱕ ᱜᱚᱴᱟᱝ ᱮᱴᱟᱜ ᱠᱩᱲᱤ ᱠᱚ ᱥᱟᱶ "ᱵᱚᱱ ᱥᱩᱨᱚᱠᱥᱟ ᱥᱚᱢᱤᱛᱤ" ᱮ ᱵᱮᱱᱟᱣ ᱞᱮᱫᱼᱟ ᱟᱨ ᱛᱟᱭᱚᱢ ᱛᱮ ᱟᱨᱦᱚᱸᱭ ᱯᱟᱥᱱᱟᱣ ᱟᱠᱟᱫᱟ᱾[᱙][᱑᱐][᱑᱑]

ᱢᱚᱱ ᱠᱤ ᱵᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱨᱟᱝ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱟᱡᱟᱜ ᱢᱚᱱ ᱠᱤ ᱵᱟᱛ ᱨᱮ ᱦᱚᱲ ᱠᱚᱣᱟᱜ ᱠᱟᱛᱷᱟ ᱛᱮ ᱩᱱᱤᱭᱟᱜ ᱠᱟᱹᱢᱤ ᱨᱮᱭᱟᱜ ᱥᱟᱨᱦᱟᱣ ᱞᱮᱫᱮᱭᱟᱭ ᱡᱮ , ᱡᱩᱢᱩᱱᱟ ᱴᱩᱰᱩ ᱫᱚ ᱠᱟᱴᱷ ᱢᱳᱯᱷᱤᱭᱟ ᱟᱨ ᱱᱚᱠᱥᱟᱞᱤᱭᱟᱹ ᱴᱷᱮᱱ ᱠᱷᱚᱱ ᱵᱤᱨ ᱵᱟᱧᱪᱟᱣ ᱞᱟᱹᱜᱤᱫ ᱮ ᱞᱟᱹᱲᱦᱟᱹᱭ ᱞᱮᱫᱟ᱾ ᱩᱱᱤ ᱫᱚ ᱥᱩᱢᱩᱝ ᱕᱐ ᱦᱮᱠᱴᱟᱨ ᱵᱤᱨ ᱫᱚ ᱵᱟᱭ ᱨᱩᱠᱷᱟᱹᱭ ᱞᱮᱫᱟ , ᱚᱱᱟ ᱥᱟᱶᱛᱮ ᱑᱐,᱐᱐᱐ ᱛᱤᱨᱞᱟᱹ ᱠᱚ ᱢᱤᱫ ᱠᱟᱛᱮ ᱟᱨ ᱩᱱᱠᱩ ᱫᱚ ᱵᱤᱨ ᱟᱨ ᱵᱤᱨ ᱡᱤᱭᱟᱹᱞᱤ ᱠᱚ ᱨᱩᱠᱷᱟᱹᱭ ᱞᱟᱹᱜᱤᱫ ᱮ ᱩᱫᱜᱟᱹᱣ ᱟᱠᱟᱫ ᱠᱚᱣᱟ᱾ ᱱᱚᱣᱟ ᱫᱚ ᱟᱹᱰᱤ ᱱᱟᱯᱟᱭ ᱠᱟᱛᱷᱟ ᱠᱟᱱᱟ ᱡᱮ ᱛᱮᱦᱮᱧ ᱟᱛᱳ ᱨᱮᱱ ᱦᱚᱲᱠᱚ ᱢᱤᱫᱴᱟᱝ ᱜᱤᱫᱽᱨᱟᱹ ᱡᱟᱱᱟᱢ ᱨᱮ ᱑᱘ ᱜᱚᱴᱟᱝ ᱟᱨ ᱠᱩᱲᱤ ᱜᱤᱫᱽᱨᱟᱹ ᱵᱟᱯᱞᱟ ᱨᱮ ᱑᱐ ᱜᱚᱴᱟᱝ ᱫᱟᱨᱮ ᱠᱚ ᱨᱚᱦᱚᱭᱟ᱾[᱑᱒]

ᱥᱤᱨᱯᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱡᱷᱟᱨᱠᱷᱚᱸᱰ ᱯᱚᱱᱚᱛ ᱟᱭᱟᱟᱨ ᱥᱤᱨᱟᱹ ᱢᱚᱱᱛᱨᱤ ᱑᱐ ᱞᱟᱠᱷ ᱴᱟᱠᱟ ᱨᱮᱱᱟᱜ ᱢᱟᱱᱚᱛ ᱥᱟᱶ ᱥᱤᱨᱯᱟᱹ
  2. ᱒᱐᱑᱐ ᱥᱟᱞ ᱨᱮ ᱥᱚᱸᱠᱚᱲ ᱥᱚᱱᱥᱛᱷᱟᱱ ᱯᱟᱦᱴᱟ ᱠᱷᱚᱱ ᱢᱟᱱ ᱥᱟᱨᱦᱟᱣ ᱟᱨ ᱥᱤᱨᱯᱟᱹ
  3. ᱒᱐᱑᱑ ᱥᱟᱞ ᱛᱤᱨᱞᱟᱹ ᱢᱟᱦᱟᱸ ᱨᱮ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱯᱷᱚᱨᱮᱥᱴ ᱰᱤᱯᱟᱨᱴᱢᱮᱱᱴ ᱯᱟᱦᱟᱴᱟ ᱠᱷᱚᱱ ᱥᱤᱨᱯᱟᱹ
  4. ᱒᱐᱑᱒ ᱥᱟᱞ ᱨᱮ ᱛᱟᱞᱢᱟ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱤᱨᱯᱟᱹ
  5. ᱒᱐᱑᱔ ᱥᱟᱞ ᱨᱮ ᱥᱚᱸᱜᱷᱚ ᱨᱚᱛᱱᱚ ᱥᱮᱵᱟ ᱥᱤᱨᱯᱟᱹ

ᱮᱛᱚᱦᱚᱵ ᱫᱚ ᱟᱠᱚ ᱟᱹᱛᱩ ᱥᱩᱨ ᱨᱮ ᱵᱮᱱᱤᱭᱚᱢ ᱫᱟᱨᱮ ᱜᱮᱫ ᱵᱤᱨᱩᱫᱷ ᱨᱮ ᱞᱟᱹᱰᱷᱟᱹᱭᱼᱮ ᱮᱛᱚᱦᱚᱵ ᱠᱮᱫᱼᱟ ᱾ ᱚᱱᱟ ᱛᱟᱭᱚᱢ ᱟᱠᱚ ᱟᱹᱛᱩ ᱥᱩᱨ ᱥᱩᱯᱩᱨ ᱠᱚᱨᱮ ᱦᱚᱸ ᱟᱡᱟᱜ ᱦᱩᱞ ᱠᱟᱹᱢᱤ ᱯᱟᱥᱱᱟᱣ ᱤᱫᱤ ᱮᱱᱟ ᱾ ᱱᱚᱣᱟ ᱠᱟᱹᱢᱤ ᱞᱟᱹᱜᱤᱫ ᱟᱡ " ᱵᱚᱱ ᱥᱩᱨᱚᱠᱷᱭᱟ ᱥᱚᱢᱤᱛᱤ " ᱧᱩᱛᱩᱢ ᱛᱮ ᱢᱤᱫ ᱜᱟᱶᱛᱟ ᱑᱙᱙᱘ ᱥᱟᱞ ᱨᱮ ᱵᱮᱨᱮᱫ ᱞᱮᱫᱼᱟ [᱑᱓][᱑᱔]᱿

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Padma Awards" (PDF). Padma Awards ,Government of India. Retrieved 25 January 2019.
  2. Kh, Tara; elwal (2017-10-18). "Reese Witherspoon, Jennifer Lawrence Talk About Sexual Harassment". SheThePeople TV (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2019-03-05.
  3. "Lady Tarzan Jamuna Tudu who takes on timber mafia". Indian Express. 12 November 2017. Retrieved 26 January 2019.
  4. "Bollywood discovers Chakulia's Lady Tarzan". www.telegraphindia.com. Retrieved 16 August 2020.
  5. "Independence Day: इन 5 आदिवासी महिला कार्यकर्ताओं ने उठाई बुलंद आवाज, 'आजादी' के सही अर्थ से कराया रूबरू". News18 India. Retrieved 16 August 2020.
  6. "How a tribal woman took on a forest mafia and won". OnManorama. Retrieved 16 August 2020.
  7. "Lady Tarzan Jamuna Tudu who takes on timber mafia". Indian Express. 12 November 2017. Retrieved 26 January 2019.
  8. "जंगल बचेगा तो पृथ्वी सुरक्षित रहेगा : यमुना टुडू". livehindustan.com (in ᱦᱤᱱᱫᱤ). Retrieved 7 September 2019.
  9. "Padma Awards" (PDF). Padma Awards ,Government of India. Retrieved 25 January 2019.
  10. "Jamuna Tudu and her team protect the jungle around her village from the forest mafia". Srijani Ganguly. India Today. 22 November 2017. Retrieved 30 January 2019.
  11. "Women Transforming India Awards 2017: Meet the 12 incredible winners who transformed India". Financial Express. 29 August 2017. Retrieved 30 January 2019.
  12. "मन की बात कार्यक्रम में झारखंड की जमुना टू डू के द्वारा किए गए कार्यों की सराहना". Archived from the original on 8 May 2019. Retrieved 7 September 2019.
  13. "Jamuna Tudu and her team protect the jungle around her village from the forest mafia". Srijani Ganguly. India Today. 22 November 2017. Retrieved 30 January 2019.
  14. "Women Transforming India Awards 2017: Meet the 12 incredible winners who transformed India". Financial Express. 29 August 2017. Retrieved 30 January 2019.

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]