ᱡᱟᱠᱤ ᱥᱨᱚᱯᱷ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱡᱟᱠᱤ ᱥᱨᱚᱯᱷ
ᱥᱳᱱᱟᱴᱟ ᱥᱠᱨᱤᱱᱤᱝ ᱚᱠᱛᱚ ᱨᱮ ᱡᱟᱠᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱡᱚᱭ ᱠᱤᱥᱟᱱ ᱠᱟᱠᱩᱵᱷᱟᱭ ᱥᱨᱚᱯᱷ
᱑ ᱯᱷᱮᱵᱽᱨᱩᱣᱟᱨᱤ ᱑᱙᱕᱗ (1957-02-01) (᱖᱗ ᱥᱮᱨᱢᱟ) [᱑]
ᱵᱚᱢᱵᱮ (ᱱᱮᱛᱟᱨ ᱢᱩᱢᱵᱟᱭ), ᱵᱚᱢᱵᱮ ᱯᱚᱱᱚᱛ (ᱱᱮᱛᱟᱨ ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ[᱒]
ᱫᱤᱥᱚᱢᱤᱭᱟᱹᱥᱤᱧᱚᱛᱤᱭᱟ.
ᱠᱟᱹᱢᱤ
  • ᱢᱚᱰᱮᱞ
  • ᱟᱠᱴᱚᱨ
  • ᱯᱷᱤᱞᱢ ᱯᱨᱚᱰᱭᱩᱥᱚᱨ
ᱠᱟᱹᱢᱤ ᱚᱠᱛᱚ᱑᱙᱗᱘ ᱠᱷᱚᱱᱟᱜ
ᱧᱩᱢᱱᱟᱢᱦᱤᱨᱳ
ᱭᱩᱫᱷ
ᱠᱚᱨᱢᱚ
ᱛᱨᱤᱫᱮᱵᱽ
ᱚᱱᱛᱚᱨᱢᱚᱦᱚᱞ
ᱡᱤᱭᱚᱱ ᱥᱚᱦᱮᱫ
ᱟᱭᱮᱥᱟ ᱫᱚᱛᱛᱚ (m. ᱦᱩᱲᱟᱹᱜ : ᱚᱢᱟᱱᱚᱛ ᱚᱠᱛᱚ ᱾)
ᱦᱚᱯᱚᱱ᱒ (ᱴᱟᱭᱜᱟᱨ ᱥᱨᱚᱯᱷ ᱢᱮᱥᱟ ᱟᱛᱮ)
ᱣᱮᱵᱽᱥᱟᱭᱤᱴjackieshroff.in

ᱡᱚᱭ ᱠᱤᱥᱟᱱ ᱠᱟᱠᱩᱵᱷᱟᱭ "ᱡᱟᱠᱤ" ᱥᱨᱚᱯᱷ (ᱡᱟᱱᱟᱢ ᱑ ᱯᱷᱮᱵᱽᱨᱩᱭᱟᱨᱩ ᱑᱙᱕᱗) ᱫᱚ ᱢᱤᱫ ᱥᱤᱧᱚᱛᱤᱭᱟ‌. ᱟᱠᱴᱚᱨ ᱠᱟᱱᱟᱭ ᱾ ᱱᱩᱭ ᱫᱚ ᱯᱩᱱ ᱜᱮᱞ ᱥᱮᱨᱢᱟ ᱦᱩᱭᱩᱜ ᱠᱟᱱᱟ ᱦᱤᱱᱫᱤ ᱥᱤᱱᱮᱢᱟ (ᱵᱚᱞᱤᱣᱩᱰ) ᱨᱮ ᱠᱟ.ᱢᱤ ᱠᱟᱱᱟᱭ ᱟᱨ as of 2017 (ᱦᱤᱱᱫᱤ, ᱠᱳᱝᱠᱳᱬᱤ, ᱠᱟᱱᱟᱰᱟ, ᱢᱚᱨᱟᱴᱷᱤ, ᱳᱰᱤᱭᱟ, ᱯᱚᱧᱡᱟᱵᱤ, ᱵᱮᱝᱜᱚᱞᱤ, ᱢᱟᱞᱟᱭᱚᱞᱚᱢ, ᱛᱟᱢᱤᱞᱤ, ᱛᱮᱞᱩᱜᱩ, ᱵᱷᱚᱡᱽᱯᱳᱨᱤ, ᱜᱩᱡᱽᱨᱟᱛᱤ, ᱟᱨ ᱤᱝᱞᱤᱥ ᱯᱟ.ᱨᱥᱤ ᱠᱚ ᱢᱮᱥᱟ ᱠᱟᱛᱮ) ᱒᱒᱐ ᱠᱷᱚᱱ ᱡᱟ.ᱥᱛᱤ ᱯᱷᱤᱞᱢ ᱠᱚᱨᱮ ᱠᱟ.ᱢᱤ ᱟᱠᱟᱫᱟᱭ ᱾ [᱓][᱔] ᱱᱩᱭ ᱫᱚ ᱯᱩᱱᱭᱟ. ᱯᱷᱤᱞᱢ‌ᱯᱷᱮᱭᱟᱨ ᱟᱣᱟᱨᱰ ᱫᱟᱜᱲᱮ ᱞᱮᱱᱟᱭ ᱟᱨ ᱥᱟᱶ ᱛᱮ ᱟᱭᱢᱟ ᱠᱷᱟᱴᱚ ᱯᱷᱤᱞᱢ ᱠᱟᱨᱮ ᱠᱟ.ᱢᱤ ᱞᱮᱫ-ᱟᱭ ᱾

ᱱᱤᱡᱮᱨᱟᱜ ᱟᱬᱜᱛ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱠᱤ ᱫᱚ, ᱡᱚᱭ ᱠᱤᱥᱟᱱ ᱠᱟᱠᱩᱵᱷᱟᱭ ᱥᱨᱚᱯᱷ ᱧᱩᱛᱩᱢ ᱛᱮ ᱢᱩᱢᱵᱟᱭ, ᱥᱤᱧᱚᱛ ᱫᱤᱥᱚᱢ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱡᱚᱭ ᱠᱤᱥᱟᱱ ᱠᱟᱠᱟᱵᱷᱟᱭ ᱥᱨᱚᱯᱷ ᱫᱚ ᱜᱩᱡᱽᱨᱟᱛ ᱨᱤᱱᱤᱡ ᱦᱚᱲ ᱠᱟᱱᱟᱭ ᱟᱨ ᱟᱭᱚ ᱛᱩᱨᱠ ᱨᱮᱭᱟᱜ ᱠᱟᱡᱟᱠᱷᱥᱛᱷᱟᱱ ᱨᱤᱱᱤᱡ ᱠᱟᱱᱟᱭ ᱾[᱒] ᱠᱟᱡᱟᱠᱷᱥᱛᱷᱟᱱ ᱨᱮ ᱡᱚᱠᱷᱚᱱ ᱦᱩᱯᱠᱟ. ᱢᱟ.ᱨᱤ ᱥᱚᱨᱠᱟᱨ ᱠᱚ ᱵᱚᱫᱚᱞ ᱟ.ᱪᱩᱨᱮᱱᱟ ᱟᱡ ᱢᱟᱢᱚ ᱵᱩᱰᱷᱤ ᱫᱚ ᱟᱡ ᱨᱤᱱ ᱮᱭᱟᱭ ᱜᱚᱴᱟᱝ ᱦᱚᱯᱚᱱ ᱮᱨᱟ ᱥᱟᱶᱛᱮ ᱞᱚᱫᱟᱠᱷ ᱧᱤᱨ ᱦᱮᱡ ᱞᱮᱱᱟᱭ ᱾ ᱫᱚᱥᱟᱨ ᱛᱮ ᱱᱩᱠᱩ ᱫᱚ ᱫᱤᱞᱞᱤ ᱠᱷᱚᱱ ᱢᱩᱢᱵᱟᱭ ᱛᱮᱠᱚ ᱩᱪᱟ.ᱲ ᱞᱮᱱᱟ ᱾[᱒][᱕] ᱟᱡ ᱵᱟᱵᱟ ᱫᱚ ᱜᱩᱡᱽᱨᱟᱛᱤ ᱚᱲᱟᱜ ᱨᱤᱱᱤᱡ ᱠᱟᱱᱟᱭ ᱟᱨ ᱱᱩᱠᱩ ᱫᱚ ᱵᱮᱯᱟᱨᱤ ᱠᱟ ᱛᱟᱦᱮᱸ ᱞᱮᱱᱟ ᱾ ᱡᱟᱦᱟᱸᱭᱮᱱ ᱜᱮ ᱡᱟᱠᱤ ᱟᱡ ᱵᱟᱵᱟ ᱫᱚ ᱥᱴᱚᱠ ᱢᱟᱨᱠᱮᱴ ᱨᱮ ᱟᱡᱟᱜ ᱡᱷᱚᱛᱚ ᱯᱩᱭᱥᱟ.ᱭ ᱡᱷᱚᱲᱟ ᱦᱚᱪᱚᱭᱮᱱᱟ ᱟᱨ ᱑᱗ ᱥᱟᱞ ᱩᱢᱮᱨ ᱨᱮ ᱚᱲᱚᱜ ᱮ ᱵᱟ.ᱜᱤ ᱠᱟᱛᱮ ᱧᱤᱨ ᱮᱱᱟ ᱾ ᱟᱡ ᱵᱟᱵᱟ ᱟᱨ ᱟᱭᱚ ᱵᱟᱱᱟᱨ ᱜᱮ ᱠᱷᱟᱴᱚ ᱩᱢᱮᱨ ᱨᱮ ᱜᱮ ᱠᱤᱱ ᱧᱟᱯᱟᱢ ᱯᱮᱱᱟ ᱟᱨ ᱠᱤᱱ ᱵᱟᱯᱞᱟ ᱭᱮᱱᱟ ᱾[᱒]

ᱡᱟᱠᱤ ᱟᱡᱟᱜ ᱰᱟᱺᱜᱩᱣᱟ. ᱩᱢᱮᱨ ᱨᱮ ᱠᱩᱪᱷᱩ ᱯᱚᱨᱯᱷᱭᱩᱢ ᱥᱮ ᱵᱚᱰᱤ ᱥᱯᱨᱮᱭ ᱨᱮ ᱟᱰᱵᱷᱮᱴᱟᱭᱤᱡ ᱞᱮᱠᱟᱭ ᱠᱟ.ᱢᱤ ᱞᱮᱫ-ᱟ ᱾ ᱟᱡᱤᱡ ᱢᱤᱫ ᱥᱠᱩᱞ ᱜᱟᱛᱮ, ᱡᱟᱦᱟᱸᱭ ᱫᱚ ᱥᱨᱚᱯᱷ "ᱡᱟᱠᱤ" ᱢᱮᱱᱛᱮ ᱧᱩᱛᱩᱢ ᱞᱮᱫᱮᱭᱟ ᱟᱨ ᱫᱚᱥᱟᱨ ᱨᱮ ᱯᱷᱤᱞᱢ ᱜᱚᱲᱦᱚᱱᱤᱭᱟ. ᱥᱩᱵᱟᱥ ᱜᱷᱟᱭᱤ ᱜᱮ ᱱᱚᱶᱟ ᱧᱩᱛᱩᱢ ᱮ ᱵᱮᱵᱷᱟᱨ ᱠᱮᱫ ᱛᱟᱭᱟ ᱡᱚᱠᱷᱚᱱ ᱱᱩᱭ ᱦᱤᱨᱳ ᱨᱮ ᱠᱟ.ᱢᱤ ᱞᱮᱫ-ᱟ ᱾[᱖][᱗] ᱡᱟᱠᱤ ᱞᱮᱛᱟᱲ ᱜᱮ ᱟᱠᱚᱣᱟᱜ ᱴᱤᱱ ᱵᱟᱴᱴᱤ ᱨᱮᱭᱟᱜ ᱚᱲᱟᱜ ᱫᱚ ᱥᱮᱱ ᱦᱤᱡᱩᱜ ᱜᱮᱭᱟ ᱾[᱘]

ᱡᱟᱠᱤ ᱟᱡᱤᱡ ᱫᱩᱜᱞᱟ.ᱲᱤᱭᱟ. ᱜᱟᱛᱮ ᱟᱭᱮᱥᱟ ᱫᱚᱛᱛᱚ ᱥᱟᱶ ᱵᱟᱯᱞᱟ ᱞᱮᱱᱟᱭ ᱾ ᱟᱭᱮᱥᱟ ᱫᱚ ᱢᱚᱰᱮᱞ ᱮ ᱛᱟᱦᱮᱸ ᱠᱟᱱᱟ ᱟᱨ ᱫᱚᱥᱟᱨ ᱛᱮ ᱟᱡᱟᱜ ᱡᱟᱱᱟᱢ ᱫᱤᱱ ᱕ ᱡᱩᱱ ᱑᱙᱘᱗ ᱨᱮ ᱯᱷᱤᱞᱢ ᱯᱨᱚᱰᱭᱩᱥᱚᱨ ᱮ ᱥᱟᱯᱲᱟᱣ ᱞᱮᱱᱟ ᱾[᱙][᱑᱐] ᱱᱩᱠᱤᱱ ᱵᱩᱰᱷᱟ.-ᱵᱩᱰᱷᱤ ᱫᱚ ᱢᱮᱥᱟ ᱠᱟᱛᱮ ᱡᱟᱠᱤ ᱥᱨᱚᱯᱷ ᱮᱱᱴᱟᱨᱴᱮᱱᱢᱮᱸᱴ ᱞᱤᱢᱤᱴᱮᱰ ᱧᱩᱛᱩᱢ ᱛᱮ ᱢᱮᱰᱤᱭᱟ ᱠᱩᱢᱯᱟ.ᱱᱤ ᱠᱤᱱ ᱪᱟ.ᱞᱩ ᱮᱫᱟ ᱾ ᱥᱳᱱᱤ ᱴᱤᱵᱷᱤ ᱨᱮᱭᱟᱜ ᱯᱩᱭᱞᱩ ᱛᱷᱟᱯᱚᱱ ᱒᱐᱑᱒ ᱠᱷᱚᱱᱟᱜ ᱡᱟᱠᱤ ᱛᱤᱠᱤᱱᱟᱜ ᱱᱚᱶᱟ ᱨᱮ ᱑᱐% ᱵᱷᱟᱜᱽ ᱛᱟᱦᱮᱸ ᱠᱟᱱᱟ, ᱟᱨ ᱱᱩᱠᱤᱱ ᱫᱚ ᱟ.ᱠᱤᱱᱟᱜ ᱥᱮᱭᱟᱨ ᱠᱤᱱ ᱟ.ᱠᱷᱨᱤᱧ ᱠᱮᱫ ᱛᱮ ᱑᱕ ᱥᱮᱨᱢᱟ ᱨᱮᱭᱟᱜ ᱡᱟᱯᱚᱜ ᱡᱚᱴᱟᱣ ᱫᱩᱜᱞᱟ.ᱲ ᱥᱟ.ᱜᱟ.ᱭ ᱠᱤᱱ ᱢᱩᱪᱟ.ᱫ ᱟᱠᱟᱫᱟ ᱾ ᱱᱩᱠᱤᱱ ᱨᱮ ᱵᱟᱨᱭᱟ ᱜᱤᱫᱽᱨᱟ. ᱾ ᱢᱤᱫ ᱫᱚ ᱵᱚᱞᱤᱣᱩᱰ ᱟᱠᱴᱚᱨ ᱴᱟᱭᱜᱟᱨ ᱥᱨᱚᱯᱷ ᱟᱨ ᱫᱚᱥᱟᱨᱤᱡ ᱫᱚ ᱠᱨᱤᱥᱱᱟ ᱥᱨᱚᱯᱷ ᱧᱩᱛᱩᱢᱟᱱ ᱦᱚᱯᱚᱱᱮᱨᱟ ᱠᱟᱱᱟᱭ ᱾

ᱡᱟᱠᱤ ᱫᱚ ᱤᱱᱴᱚᱨᱱᱮᱥᱱᱟᱞ ᱯᱷᱤᱞᱢ & ᱴᱮᱞᱤᱵᱷᱤᱡᱚ ᱜᱟᱶᱛᱟ, ᱮᱥᱤᱭᱟᱱ ᱟᱠᱟᱰᱮᱢᱤ ᱚᱯᱦ ᱯᱷᱤᱞᱢ & ᱴᱮᱞᱤᱵᱷᱤᱡᱚ ᱨᱤᱱᱤᱡ ᱡᱤᱣᱤᱫ ᱡᱤᱭᱚᱱ ᱥᱚᱦᱮᱛ ᱠᱟᱱᱟᱭ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Jackie Shroff birthday: Ayesha Shroff and Tiger Shoff post heartfelt wishes for Bhidu". Mid-Day (in ᱟᱝᱜᱽᱨᱮᱡᱤ). 1 ᱯᱷᱮᱵᱽᱨᱩᱣᱟᱨᱤ 2019. Retrieved 14 ᱮᱯᱨᱤᱞ 2019.
  2. ᱒.᱐ ᱒.᱑ ᱒.᱒ ᱒.᱓ "I am reckless: Jackie Shroff". The Times of India. 28 ᱮᱯᱨᱤᱞ 2014. Retrieved 29 ᱚᱜᱚᱥᱴ 2014.
  3. Chakravarty, Durga (20 ᱚᱠᱴᱚᱵᱚᱨ 2018). "I still work with my heart: Veteran actor Jackie Shroff (IANS Interview)". Business Standard India. Retrieved 4 ᱡᱟᱱᱩᱣᱟᱨᱤ 2019.
  4. ᱡᱟᱠᱤ ᱥᱨᱚᱯᱷ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
  5. Guftagoo with Jackie Shroff (in ᱦᱤᱱᱫᱤ). Rajya Sabha TV. 19 ᱥᱮᱯᱴᱮᱢᱵᱚᱨ 2017. Retrieved 14 ᱮᱯᱨᱤᱞ 2019.
  6. "Koffee With Karan: How Jackie Shroff put his house at stake and got it back". Hindustan Times. 16 ᱮᱯᱨᱤᱞ 2017. Retrieved 27 ᱱᱚᱵᱷᱮᱢᱵᱚᱨ 2017.
  7. "Hero Was an Important Film for Me: Subhash Ghai". News18. 27 ᱱᱚᱵᱷᱮᱢᱵᱚᱨ 2017. Retrieved 4 ᱡᱟᱱᱩᱣᱟᱨᱤ 2019.
  8. Ghosh, Debasmita (28 ᱢᱟᱨᱪ 2018). "Jackie Shroff goes back to his one-room pad at Teen Batti, where he grew up". t2online.com (in ᱟᱝᱜᱽᱨᱮᱡᱤ). Archived from the original on 4 ᱡᱟᱱᱩᱣᱟᱨᱤ 2019. Retrieved 4 ᱡᱟᱱᱩᱣᱟᱨᱤ 2019.
  9. "Jackie Shroff And His Family Secrets Exposed". indiatimes.com. 27 ᱮᱯᱨᱤᱞ 2016.
  10. "5 things you did not know about Jackie Shroff". The Times of India. Retrieved 4 ᱡᱟᱱᱩᱣᱟᱨᱤ 2019.

ᱵᱟ.ᱲᱛᱤ ᱡᱟᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]