ᱡᱟᱱᱟᱢ ᱯᱟ.ᱨᱥᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱡᱟᱱᱟᱢ ᱯᱟ.ᱨᱥᱤ

ᱢᱟ.ᱱᱢᱤ ᱞᱟ.ᱜᱤᱫ ᱡᱟᱱᱟᱢ ᱟᱲᱟᱝ ᱫᱚ ᱡᱚᱛᱚ ᱠᱷᱚᱱ ᱫᱩᱞᱟ.ᱲᱟᱜ ᱠᱟᱱᱟ ᱾ ᱡᱟᱱᱟᱢ ᱯᱟ.ᱨᱥᱤ ᱡᱟᱦᱟᱸ ᱛᱤᱱᱟ.ᱜ ᱟᱯᱱᱟᱨ ᱢᱮᱱᱛᱮᱭ ᱩᱭᱦᱟ.ᱨᱟ, ᱮᱴᱟᱜ ᱯᱟ.ᱨᱥᱤ ᱫᱚ ᱚᱱᱠᱟ ᱫᱚ ᱵᱟᱭ ᱟᱯᱱᱟᱨ ᱫᱟᱲᱮᱭᱟᱜᱼᱟ ᱾ ᱠᱟ.ᱴᱤᱡ ᱜᱤᱫᱽᱨᱟ. ᱦᱟᱜ ᱢᱚᱪᱟ ᱠᱷᱚᱱ ᱦᱚᱸ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮᱫᱚ ᱡᱟᱱᱟᱢ ᱟᱲᱟᱝ ᱜᱮ ᱯᱷᱚᱴᱮᱞ ᱚᱰᱚᱠ ᱜᱚᱫᱚᱜᱼᱟ ᱾ ᱩᱱᱤ ᱡᱚᱛᱚ ᱠᱷᱚᱱ ᱞᱟ.ᱵᱤᱫ ᱞᱩᱴᱤ ᱛᱮ ᱡᱟᱱᱟᱢ ᱟᱲᱟᱝ ᱮ ᱯᱷᱚᱴᱮᱞᱟ ᱟᱨ ᱚᱱᱟ ᱟ.ᱭᱠᱟ.ᱣ ᱞᱟ.ᱜᱤᱫ ᱮ ᱨᱤᱠᱟ.ᱭᱟ ᱾ ᱚᱱᱛᱚᱨ ᱨᱮᱭᱟᱜ ᱟ.ᱭᱠᱟ.ᱣ ᱢᱤᱫ ᱦᱚᱲ ᱟᱡᱟᱜ ᱡᱟᱱᱟᱢ ᱯᱟ.ᱨᱥᱤ ᱛᱮ ᱡᱟᱦᱟᱸ ᱞᱮᱠᱟᱭ ᱥᱚᱫᱚᱨ ᱫᱟᱲᱮᱭᱟᱜᱼᱟ, ᱮᱴᱟᱜ ᱯᱟ.ᱨᱥᱤ ᱛᱮᱫᱚ ᱚᱱᱠᱟ ᱫᱚ ᱚᱦᱚ ᱜᱮᱭ ᱥᱚᱫᱚᱨ ᱫᱟᱲᱮ ᱠᱮᱭᱟ ᱾ ᱟ.ᱭᱠᱟ.ᱣ ᱨᱮᱭᱟᱜ ᱞᱟ.ᱠᱛᱤ ᱞᱮᱠᱟ ᱥᱚᱫᱚᱨ ᱫᱟᱲᱮ ᱫᱚ ᱥᱩᱢᱩᱝ ᱡᱟᱱᱟᱢ ᱯᱟ.ᱨᱥᱤ ᱨᱮᱜᱮ ᱛᱟᱦᱮᱸᱱᱟ ᱾ ᱡᱟᱱᱟᱢ ᱯᱟ.ᱨᱥᱤ ᱩᱛᱱᱟ.ᱣ ᱞᱮ ᱮᱱᱟᱝ ᱡᱟ.ᱛᱤ ᱨᱮᱭᱟᱜ ᱩᱛᱱᱟ.ᱣ ᱦᱩᱭᱩᱜᱼᱟ ᱾

ᱥᱮᱪᱮᱫ ᱪᱟᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱱᱟᱢ ᱯᱟ.ᱨᱥᱤ ᱥᱮᱪᱮᱫ ᱪᱟᱞ ᱨᱮᱭᱟᱜ ᱵᱮᱵᱥᱛᱟ ᱫᱚ ᱵᱷᱟᱨᱚᱛ ᱥᱟᱶᱛᱮ ᱡᱮᱜᱮᱛ ᱨᱮ ᱟ.ᱰᱤ ᱫᱤᱥᱚᱢ ᱨᱮ ᱢᱤᱫ ᱞᱮᱠᱟᱱ ᱨᱤᱛ ᱢᱮᱱᱟᱜᱼᱟ ᱾ ᱟ.ᱰᱤ ᱯᱟ.ᱦᱤᱞ ᱨᱮᱫᱚ ᱥᱚᱸᱥᱠᱨᱩᱛ ᱯᱟ.ᱨᱥᱤ ᱵᱷᱟᱨᱚᱛ ᱨᱮᱭᱟᱜ ᱨᱟᱥᱴᱨᱚ ᱵᱷᱟᱥᱟ ᱞᱮᱠᱟᱛᱮ ᱟᱯᱱᱟᱨ ᱞᱮᱱᱟ ᱾ ᱢᱳᱜᱚᱞ ᱥᱟᱥᱚᱱ ᱚᱠᱛᱚ ᱨᱮ ᱩᱨᱫᱷᱩ ᱯᱟ.ᱨᱥᱤ ᱢᱩᱬᱩᱛ ᱯᱟ.ᱨᱥᱤ ᱞᱮᱠᱟᱛᱮ ᱢᱟᱱᱟᱣ ᱵᱟᱛᱟᱣ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱥᱮᱪᱮᱫ ᱴᱷᱟᱶ ᱨᱮᱫᱚ ᱩᱨᱫᱷᱩ ᱯᱟ.ᱨᱥᱤ ᱜᱮ ᱢᱩᱬᱛᱮ ᱟᱯᱱᱟᱨ ᱞᱮᱱᱟ ᱾ ᱤᱱᱟ. ᱛᱟᱭᱚᱢ ᱤᱸᱜᱽᱨᱟ.ᱡᱽ ᱠᱚ ᱵᱷᱟᱨᱚᱛ ᱠᱚ ᱜᱚᱵᱚᱞ ᱠᱮᱜᱼᱟ ᱾ ᱩᱱᱠᱩ ᱫᱚ ᱤᱸᱜᱽᱞᱤᱥ ᱜᱮ ᱯᱟ.ᱨᱥᱤ ᱞᱮᱠᱟ ᱛᱮᱠᱚ ᱵᱮᱵᱷᱟᱨ ᱠᱮᱫ ᱥᱟᱶ ᱥᱟᱶᱛᱮ ᱥᱮᱪᱮᱫ ᱪᱟᱞ ᱞᱟ.ᱜᱤᱫ ᱦᱚᱸ ᱱᱚᱶᱟ ᱵᱮᱵᱷᱟᱨ ᱠᱮᱜᱼᱟ ᱾ ᱞᱚᱨᱰ ᱢᱟᱠᱞᱮ ᱟᱜ ᱥᱮᱪᱮᱫ ᱨᱤᱛ ᱞᱮᱠᱟᱛᱮ ᱯᱩᱨᱟ. ᱵᱷᱟᱨᱚᱛ ᱨᱮ ᱤᱸᱜᱽᱞᱤᱥ ᱯᱟ.ᱨᱥᱤ ᱜᱮ ᱥᱮᱪᱮᱫ ᱨᱮᱭᱟᱜ ᱰᱟᱦᱟᱨ ᱫᱚ ᱟᱯᱱᱟᱨ ᱦᱩᱭ ᱮᱱᱟ ᱾ ᱡᱚᱛᱚ ᱴᱷᱟᱶ ᱨᱮᱜᱮ ᱤᱸᱜᱽᱞᱤᱥ ᱯᱟ.ᱨᱥᱤ ᱢᱩᱬᱩᱛ ᱴᱷᱟᱶ ᱮᱢᱟᱦᱟᱫ ᱠᱷᱟ.ᱛᱤᱨ ᱫᱤᱥᱚᱢ ᱨᱮᱭᱟᱜ ᱟ.ᱰᱤᱜᱟᱱ ᱯᱟ.ᱨᱥᱤ ᱦᱤᱥᱟ.ᱵᱽ ᱠᱷᱚᱱ ᱵᱟᱦᱨᱮ ᱮᱱᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱟ.ᱰᱤ ᱴᱚᱴᱷᱟ ᱯᱟ.ᱨᱥᱤ ᱪᱮᱛᱟᱱ ᱨᱮ ᱫᱷᱮᱭᱟᱱ ᱵᱟᱝ ᱛᱟᱦᱮᱸ ᱞᱮᱱ ᱠᱷᱟ.ᱛᱤᱨ ᱫᱤᱥᱚᱢ ᱨᱮᱭᱟᱜ ᱱᱟᱜᱟᱢ, ᱞᱟ.ᱭ ᱞᱟᱠᱪᱟᱨ ᱵᱟ.ᱭ ᱵᱟ.ᱭ ᱛᱮ ᱠᱷᱤᱭᱟ.ᱣ ᱤᱫᱤᱭᱮᱱᱟ ᱾ ᱤᱠᱷᱟ.ᱱ ᱯᱷᱩᱨᱜᱟ.ᱞ ᱟᱢᱮᱴ ᱛᱟᱭᱚᱢ ᱫᱤᱥᱚᱢ ᱨᱮᱭᱟᱜ ᱯᱟ.ᱨᱥᱤ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮᱢ ᱠᱟᱛᱮ ᱥᱮᱪᱮᱫ ᱴᱷᱟᱶᱨᱮ ᱵᱮᱵᱷᱟᱨ ᱞᱟ.ᱜᱤᱫ ᱟᱯᱱᱟᱨ ᱦᱩᱭ ᱮᱱᱟ ᱾ ᱥᱚᱢᱵᱤᱫᱷᱟᱱ ᱨᱮ ᱢᱟᱱᱟᱣ ᱵᱟᱛᱟᱣ ᱟᱠᱟᱱ ᱵᱟᱜᱮ ᱯᱩᱱ ᱜᱚᱴᱟᱝ ᱯᱟ.ᱨᱥᱤ ᱫᱚ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱠᱚᱨᱮ ᱪᱚᱞᱚᱱ ᱨᱮᱭᱟᱜ ᱴᱷᱟ.ᱣᱠᱟ. ᱜᱚᱴᱟ ᱟᱠᱟᱱᱟ ᱾

      • Mother Tongue***

Santali Language(ᱡᱟᱱᱟᱢ ᱯᱟ. ᱨᱥᱤ)

      • ᱱᱟ.ᱭ ᱪᱮᱫᱞᱮᱠᱟ ᱚᱜᱚᱢ ᱫᱚᱨᱤᱭᱟᱨᱮ ᱞᱤᱜᱤ ᱢᱮᱥᱟᱜ-ᱟ᱾ᱚᱱᱠᱟᱜᱮ ᱡᱟᱱᱟᱢ ᱟᱭᱚ ᱥᱚᱱᱟᱵᱟᱨᱟᱠ ᱦᱚᱯᱚᱱ ᱠᱚᱠᱚ ᱡᱟᱱᱟᱢ ᱯᱟ. ᱨᱥᱤ ᱞᱮᱠᱟᱱᱟᱜ ᱫᱚᱨᱭᱟᱨᱮ ᱜᱤᱠᱩ ᱯᱟᱭᱨᱟᱜ-ᱟ᱾ᱢᱟ. ᱱᱢᱤ ᱥᱤᱨᱡᱚᱱ ᱛᱟᱭᱚᱢ ᱯᱟ. ᱨᱥᱤ ᱥᱤᱨᱡᱚᱱ ᱦᱩᱭᱞᱮᱱᱟ᱾ᱯᱟ. ᱨᱥᱤ ᱫᱚ ᱢᱟ. ᱱᱢᱤ ᱦᱚᱛᱮᱜ ᱛᱮ ᱥᱤᱨᱡᱚᱱ ᱠᱟᱱᱟ᱾ᱫᱟᱨᱤ ᱱᱟ. ᱲᱤ ᱡᱤᱵ ᱡᱤᱭᱚᱞᱤ ᱞᱮᱠᱟᱜᱮ ᱢᱟ. ᱱᱢᱤ ᱦᱚ ᱟ. ᱰᱤ ᱞᱮᱠᱟᱱ ᱠᱚ ᱢᱮᱱᱟᱜ ᱵᱚᱱᱟ,ᱚᱱᱠᱟᱜᱮ ᱱᱚᱣᱟ ᱫᱷᱩᱲᱤᱫᱷᱟᱨᱛᱤ ᱨᱮ ᱟ. ᱰᱤ ᱞᱮᱠᱟᱱ ᱯᱟ. ᱨᱥᱤ ᱦᱚ ᱢᱮᱱᱟᱜ-ᱟ᱾ᱥᱮᱫᱟᱭ ᱦᱟᱯᱲᱟᱢ ᱠᱷᱚᱱ ᱱᱤᱛ ᱦᱟᱵᱤᱡ ᱥᱟᱶᱛᱟ ᱛᱟᱞᱟᱨᱮ ᱱᱟᱭ ᱜᱟᱰᱟ ᱫᱟᱜ ᱞᱮᱠᱟ ᱟᱵᱚᱭᱟᱜ ᱯᱟ. ᱨᱥᱤ ᱫᱚ ᱞᱤᱜᱤ ᱢᱮᱥᱟᱜ-ᱟ᱾ᱱᱚᱣᱟ ᱯᱟ. ᱨᱥᱤ ᱡᱷᱟᱨᱱᱟ ᱫᱟᱜ ᱟᱛᱮ ᱥᱟᱶᱛᱟ ᱨᱮᱱ ᱦᱚᱲ ᱠᱚᱫᱚ ᱡᱤᱭᱟ. ᱲ ᱢᱮᱱᱟᱜ ᱵᱩᱱᱟ᱾ᱡᱟᱱᱟᱢ ᱯᱟ. ᱨᱥᱤ ᱦᱚᱲ ᱢᱟᱭᱟᱝ ᱡᱤᱣᱤ ᱥᱟᱞᱟᱜᱛᱮ ᱡᱚᱯᱲᱟᱣ ᱢᱮᱱᱟᱜ-ᱟ᱾ᱜᱚ-ᱵᱟᱵᱟ ᱡᱟᱦᱟᱸ ᱯᱟ. ᱨᱥᱤ ᱛᱮᱠᱤᱱ ᱨᱚᱲᱟ ᱟᱨ ᱟ. ᱠᱤᱱ ᱴᱷᱮᱱ ᱠᱷᱚᱱ ᱜᱤᱫᱽᱨᱟ. ᱡᱟᱦᱟᱸ ᱯᱟ. ᱨᱥᱤ ᱠᱚ ᱪᱮᱫᱟ ᱚᱱᱟ ᱜᱮ ᱜᱚᱜᱚ ᱟᱲᱟᱝ ᱥᱮ ᱡᱟᱱᱟᱢ ᱯᱟ. ᱨᱥᱤ ᱥᱮ ᱟᱭᱚ ᱟᱲᱟᱝ ᱫᱚ᱾ᱡᱟᱱᱟᱢ ᱯᱟ. ᱨᱥᱤ ᱫᱚ ᱡᱟ. ᱛᱤ ᱥᱟᱶᱛᱟ ᱦᱟᱨᱟ ᱵᱩᱨᱩ ᱛᱟᱞᱟᱛᱮ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱦᱚᱭ ᱥᱟᱜᱮᱱ ᱨᱟᱠᱟᱵᱟᱭ᱾ᱜᱩᱨᱩ ᱜᱚᱢᱠᱮ ᱯᱚᱸᱰᱮᱛ ᱨᱟᱜᱷᱩᱱᱟᱛᱷ ᱢᱩᱨᱢᱩ ᱢᱮᱱ ᱟᱠᱟᱫ:-

"ᱡᱟᱱᱟᱢ ᱟᱭᱩᱭ ᱨᱮᱜᱮᱪ ᱨᱮᱦᱚᱸ ᱩᱱ ᱩᱱᱤ ᱜᱮᱭ ᱦᱟᱨᱟᱣ-ᱟ, ᱡᱟᱱᱟᱢ ᱨᱚᱲ ᱫᱚ ᱱᱤᱫᱷᱟ. ᱱ ᱨᱮᱦᱚᱸ ᱚᱱᱟ ᱛᱮᱜᱮ ᱢᱟᱨᱟᱝ-ᱟ᱾"

ᱱᱚᱣᱟ ᱠᱟᱛᱷᱟ ᱫᱚ ᱜᱟ. ᱦᱤᱨ ᱩᱭᱦᱟ. ᱨ ᱨᱮᱱᱟᱜ ᱞᱟᱠᱛᱤ ᱠᱟᱱᱟ ᱢᱟ. ᱱᱢᱤ ᱥᱤᱨᱡᱚᱱ ᱥᱟᱶᱛᱮ ᱞᱟᱠᱪᱟᱨ ᱦᱚᱸ ᱥᱤᱨᱡᱚᱱ ᱠᱟᱱᱟ ᱱᱚᱣᱟ ᱨᱮᱱ ᱥᱤᱨᱡᱚᱱ ᱠᱤᱱᱫᱚ ᱯᱤᱞᱪᱩ ᱦᱟᱲᱟᱢ,ᱯᱤᱞᱪᱩ ᱵᱩᱰᱤ᱾ᱩᱱᱠᱤᱱ ᱡᱟᱦᱟ ᱞᱟᱠᱪᱟᱨ ᱠᱤᱱ ᱪᱟᱞ ᱩᱴᱩ ᱠᱟᱜ ᱵᱚᱱᱟ ᱚᱱᱟᱞᱟᱠᱪᱟᱨ ᱡᱤᱭᱟ. ᱲ ᱫᱚᱦᱚ ᱫᱚ ᱮᱠᱟᱞᱞᱮᱠ ᱠᱟᱱᱟ᱾

***ᱟᱵᱚᱭᱟᱜ ᱡᱟᱱᱟᱢ ᱟᱲᱟᱝ ᱥᱮ ᱡᱟᱱᱟᱢ ᱯᱟ. ᱨᱥᱤ ᱨᱮᱭᱟᱜ ᱮᱱᱮᱢ ᱠᱚᱫᱚ ᱦᱩᱭᱤᱜ ᱠᱟᱱᱟ:-

᱑)ᱡᱟᱱᱟᱢ ᱯᱟᱨᱥᱤ ᱛᱮᱫᱚ ᱢᱤᱫ ᱡᱟ. ᱛᱤ ᱥᱟᱶᱛᱟ ᱨᱮᱱ ᱦᱚᱲ ᱡᱩᱢᱤᱫ ᱨᱮᱭ ᱫᱚᱦᱚ ᱵᱚᱱᱟ᱾ ᱒)ᱡᱟᱱᱟᱢ ᱯᱟ. ᱨᱥᱤ ᱛᱟᱞᱟ ᱛᱮᱜᱤ ᱥᱟᱶᱦᱮᱫ ᱞᱟᱠᱪᱟᱨ ᱟᱨ ᱫᱷᱚᱨᱚᱢ ᱦᱟᱨᱟ ᱵᱩᱨᱩᱜ-ᱟ᱾ ᱓)ᱡᱟᱱᱟᱢ ᱯᱟ. ᱨᱥᱤ ᱜᱮ ᱡᱟ. ᱛᱤ ᱥᱟᱶᱛᱟ ᱨᱮᱱᱟᱜ ᱩᱨᱩᱢ ᱫᱚ᱾ ᱔)ᱡᱟᱱᱟᱢ ᱯᱟ. ᱨᱥᱤ ᱛᱮ ᱯᱟᱲᱦᱟᱣ ᱞᱮᱱ ᱠᱷᱟᱱ ᱟᱞᱜᱟ ᱛᱮᱜᱮ ᱥᱤᱠᱷᱱᱟ. ᱛ ᱧᱟᱢ ᱫᱟᱲᱮᱭᱟᱜ-ᱟ᱾ ᱕)ᱡᱟᱱᱟᱢ ᱯᱟ. ᱨᱥᱤ ᱜᱮ ᱱᱟᱱᱟ ᱦᱩᱱᱟ. ᱨ ᱩᱭᱦᱟ. ᱨ ᱨᱮᱱᱟᱜ ᱫᱟᱲᱮᱭ ᱢᱟᱲᱟᱝ ᱛᱟᱵᱚᱱᱟ᱾ ᱖)ᱥᱤᱠᱷᱱᱟ. ᱛ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱰᱟᱦᱟᱨ ᱫᱚ ᱱᱚᱣᱟ ᱡᱟᱱᱟᱢ ᱯᱟ. ᱨᱥᱤ ᱜᱮ᱾ ᱗)ᱥᱟᱱᱟᱢ ᱡᱤᱣᱟ. ᱫ ᱫᱚᱦᱚᱭ ᱨᱮ ᱡᱟᱱᱟᱢ ᱯᱟ. ᱨᱥᱤ ᱜᱮ ᱥᱟ. ᱨᱤ ᱜᱚᱲᱚᱭ ᱮᱢᱟ ᱵᱚᱱᱟ᱾ ᱘)ᱥᱟᱱᱛᱟᱲ ᱥᱟᱶᱦᱮᱫ ᱦᱟᱨᱟ ᱵᱩᱨᱩ ᱨᱮ ᱡᱟᱱᱟᱢ ᱯᱟ. ᱨᱥᱤ ᱨᱮᱱᱟᱜ ᱟ. ᱰᱤ ᱢᱟᱲᱟᱝ ᱮᱱᱮᱢ ᱢᱮᱱᱟᱜ-ᱟ᱾

ᱡᱟᱱᱟᱢ ᱯᱟ. ᱨᱥᱤ ᱪᱮᱛᱟᱱ ᱨᱮ ᱫᱷᱮᱭᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱩᱨᱜᱟ.ᱞ ᱟᱢᱮᱴ ᱛᱟᱭᱚᱢ ᱫᱤᱥᱚᱢ ᱨᱤᱱ ᱨᱟᱡᱽ ᱟ.ᱨᱤᱭᱟ. ᱟᱨᱵᱟᱝ ᱥᱮᱪᱮᱫ ᱪᱟᱪᱟᱞᱤᱭᱟ. ᱠᱚ ᱡᱟᱱᱟᱢ ᱯᱟ.ᱨᱥᱤ ᱛᱮ ᱥᱮᱪᱮᱫ ᱪᱟᱞ ᱰᱟᱦᱟᱨ ᱪᱮᱛᱟᱱ ᱨᱮ ᱵᱟ.ᱲᱛᱤ ᱫᱷᱮᱭᱟᱱ ᱠᱚ ᱦᱟᱛᱟᱣ ᱟᱠᱟᱜᱼᱟ ᱾ ᱡᱟ.ᱛᱤ ᱨᱮᱱᱤᱡ ᱡᱟᱱᱟᱢ ᱫᱟᱛᱟ ᱢᱚᱦᱟᱛᱢᱟ ᱜᱟᱸᱫᱷᱤ ᱦᱚᱸ ᱡᱟᱱᱟᱢ ᱟᱲᱟᱝ ᱟᱨ ᱵᱟᱝ ᱡᱟᱱᱟᱢ ᱯᱟ.ᱨᱥᱤ ᱛᱮ ᱥᱮᱪᱮᱫ ᱪᱟᱞ ᱟᱠᱚ ᱫᱚᱭ ᱥᱟᱨᱦᱟᱣ ᱞᱮᱜᱼᱟ ᱾ ᱰᱟᱠᱛᱚᱨ ᱡᱤᱵᱽᱨᱟᱢ ᱢᱮᱦᱮᱴᱟ ᱦᱚᱸ ᱰᱟᱠᱛᱚᱨᱤ ᱥᱮᱪᱮᱫ ᱫᱚ ᱟᱨ ᱟᱨ ᱰᱟᱠᱛᱚᱨ ᱥᱚᱛᱣᱮᱱ ᱵᱳᱥ ᱥᱟᱬᱮᱥ ᱥᱮᱪᱮᱫ ᱫᱚ ᱡᱟᱱᱟᱢ ᱯᱟ.ᱨᱥᱤ ᱛᱮ ᱥᱮᱪᱮᱫ ᱪᱟᱞ ᱫᱟᱲᱮᱭᱟᱜ ᱨᱮᱭᱟᱜ ᱦᱚᱸ ᱞᱟ.ᱠᱛᱤ ᱞᱮᱠᱟᱱ ᱢᱚᱱᱚᱛ ᱠᱤᱱ ᱪᱟᱞ ᱟᱠᱟᱜᱼᱟ ᱾ ᱠᱚᱴᱷᱟᱨᱤ ᱠᱚᱢᱤᱥᱳᱱ (᱑᱙᱖᱔ - ᱖᱗) ᱦᱚᱸ ᱴᱚᱴᱷᱟᱣᱟᱨᱤ ᱯᱟ.ᱨᱥᱤ ᱛᱮ ᱟᱥᱲᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱮᱢᱟᱱ ᱠᱚᱨᱮ ᱥᱮᱪᱮᱫ ᱪᱟᱞ ᱞᱟ.ᱜᱤᱫ ᱢᱚᱱᱚᱛ ᱮ ᱮᱢ ᱟᱠᱟᱜᱼᱟ ᱾ ᱠᱚᱴᱷᱟᱨᱤ ᱢᱤᱥᱳᱱ ᱨᱮᱭᱟᱜ ᱱᱚᱶᱟ ᱥᱩᱯᱟᱨᱤᱥ ᱑᱙᱖᱘ ᱥᱟᱞᱮᱨᱮ ᱞᱳᱠᱥᱳᱵᱷᱟ ᱟᱨ ᱨᱟᱡᱽ ᱥᱳᱵᱷᱟ ᱨᱮ ᱴᱚᱴᱷᱟᱣᱟᱨᱤ ᱯᱟ.ᱨᱥᱤ ᱩᱛᱱᱟ.ᱣ ᱨᱮᱭᱟᱜ ᱦᱩᱫᱤᱥ ᱨᱮ ᱟᱯᱱᱟᱨ ᱮᱱᱟ ᱾

ᱡᱟᱱᱟᱢ ᱯᱟ.ᱨᱥᱤ ᱛᱮ ᱥᱮᱪᱮᱫ ᱪᱟᱞ ᱦᱩᱭ ᱞᱮᱱ ᱠᱷᱟᱱ ᱥᱮᱪᱮᱫ ᱞᱟ.ᱜᱤᱫ ᱪᱮᱛᱮᱫᱤᱭᱟ. ᱠᱚ ᱟᱞᱜᱟ ᱛᱮᱠᱚ ᱟᱯᱱᱟᱨ ᱫᱟᱲᱮᱭᱟᱜᱼᱟ ᱢᱮᱱᱛᱮ ᱱᱚᱣᱟ ᱨᱮ ᱦᱤᱫᱤᱡ ᱜᱮ ᱵᱟ.ᱱᱩᱜ ᱟᱱᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Heritage_language

https://en.m.wikipedia.org/wiki/Child_of_deaf_adult

https://en.m.wikipedia.org/wiki/List_of_languages_by_number_of_native_speakers https://en.m.wikipedia.org/wiki/Statistical_learning_in_language_acquisition

ᱥᱟᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://unesdoc.unesco.org/images/0014/001466/146632e.pdf

http://unesdoc.unesco.org/images/0014/001466/146632e.pdf

http://www.educatorsforimmersion.org/LI_pdf/rationals.pdf the