ᱡᱟᱴᱟᱠᱩᱞ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱠᱩᱞ

ᱡᱟᱴᱟᱠᱩᱞ

ᱡᱟᱴᱟᱠᱩᱞ ᱫᱚ ᱯᱮᱱᱛᱷᱮᱨᱟ ᱵᱚᱝᱥᱚ ᱨᱤᱱᱤᱡ ᱯᱩᱱᱭᱟ. ᱞᱟ.ᱴᱩ ᱯᱩᱥᱤ ᱠᱷᱚᱱ ᱢᱤᱫᱴᱟ.ᱝ ᱠᱟᱱᱟᱭ ᱟᱨ ᱯᱷᱮᱞᱤᱰᱮ ᱜᱷᱟᱨᱚᱸᱡᱽ ᱨᱤᱱᱤᱡ ᱜᱷᱟᱨᱚᱸᱡᱤᱭᱟ. ᱠᱟᱱᱟᱭ ᱾ ᱱᱩᱭ ᱫᱚ ᱛᱟ.ᱨᱩᱵ ᱛᱟᱭᱚᱢ ᱫᱩᱥᱨᱟ. ᱢᱟᱨᱟᱝ ᱯᱩᱥᱤ ᱡᱟ.ᱛᱤ ᱡᱟᱱᱣᱟ ᱠᱟᱱᱟᱭ ᱾ ᱛᱤᱱᱟ.ᱝ ᱜᱟᱱ ᱡᱟᱴᱟᱠᱩᱞ ᱟᱜ ᱩᱡᱩᱱ ᱫᱚ ᱒᱕᱐ ᱠᱤᱞᱚ ᱠᱷᱚᱱ ᱦᱚᱸ ᱵᱟ.ᱲᱛᱤ ᱜᱮᱭᱟ ᱾ ᱵᱤᱨ ᱡᱟᱴᱟᱠᱩᱞ ᱫᱚ ᱱᱤᱛᱚᱜ ᱦᱩᱰᱤᱧ ᱥᱟᱦᱟᱨᱟ ᱟᱯᱨᱤᱠᱟ ᱟᱨ ᱮᱥᱤᱭᱟ ᱨᱮᱠᱚ ᱧᱟᱢᱚᱜ-ᱟ ᱾ ᱟ.ᱰᱤ ᱨᱤᱦᱤᱴ ᱛᱮᱠᱚ ᱢᱟᱞᱚᱴᱚᱜ ᱠᱟᱱ ᱡᱟᱴᱟᱠᱩᱞ ᱥᱟᱨᱮᱡ ᱢᱟᱨᱮᱡ ᱠᱩᱜ ᱫᱚ ᱮᱛᱚᱢ-ᱯᱟᱪᱷᱮ ᱵᱷᱟᱨᱚᱛ ᱨᱮᱠᱚ ᱧᱟᱢᱚᱜ-ᱟ ᱾

ᱠᱩᱞ ᱫᱚ ᱵᱤᱨ ᱨᱮ ᱑᱐-᱑᱔ ᱵᱚᱨᱥᱚ ᱫᱷᱟ.ᱵᱤᱡ ᱜᱟᱱ ᱜᱮᱠᱚ ᱛᱟᱦᱮᱸ ᱫᱟᱲᱮᱭᱟᱜ-ᱟ ᱾ ᱵᱤᱨ ᱨᱮ ᱠᱩᱲᱤ ᱡᱟ.ᱛ ᱠᱩᱞ ᱫᱚ ᱟ.ᱰᱤ ᱢᱩᱥᱠᱤᱞ ᱛᱮᱜᱮ ᱑᱐ ᱥᱮᱨᱢᱟ ᱦᱚᱸᱠᱚ ᱡᱤᱣᱤᱫ ᱫᱟᱲᱮᱭᱟᱜ-ᱟ ᱾ ᱪᱮᱫᱟᱜ ᱥᱮ ᱵᱟ.ᱭᱨᱤ ᱥᱟᱶ ᱛᱟᱯᱟᱢ ᱨᱮᱠᱚ ᱛᱟᱦᱮᱸᱱ ᱠᱷᱟ.ᱛᱤᱨ ᱩᱱᱠᱩ ᱞᱮᱛᱟᱲ ᱜᱮ ᱜᱷᱟ.ᱞ ᱨᱮᱠᱚ ᱛᱟᱦᱮᱸᱱᱟ ᱾ ᱵᱟ.ᱲᱛᱤ ᱫᱚ ᱩᱱᱠᱩ ᱡᱚᱢ ᱜᱟᱱᱚᱜ ᱜᱷᱟᱥ ᱴᱷᱮᱱ ᱜᱮᱠᱚ ᱛᱟᱦᱮᱸᱱᱟ ᱾ ᱚᱱᱟ ᱥᱟᱶᱛᱮ ᱞᱟᱴᱟ ᱟᱨᱵᱟᱝ ᱵᱤᱨ ᱨᱮᱦᱚᱸ ᱠᱚ ᱛᱟᱦᱮᱸ ᱫᱟᱲᱮᱭᱟᱜ ᱜᱮᱭᱟ ᱾ ᱮᱴᱟᱜ ᱡᱟᱱᱣᱟ ᱞᱮᱠᱷᱟ ᱡᱚᱠᱷᱟ ᱠᱷᱚᱱ ᱠᱩᱞ ᱫᱚ ᱥᱟᱶᱛᱟᱨᱤ ᱫᱚᱠᱚ ᱵᱟᱝ ᱠᱟᱱᱟ ᱾

ᱮᱸᱜᱟᱠᱩᱞ

ᱠᱩᱞ ᱟᱜ ᱢᱤᱫ ᱜᱟᱫᱮᱞ ᱡᱟᱦᱟᱸ ᱫᱚ ᱤᱸᱜᱽᱞᱤᱥ ᱛᱮ ᱯᱨᱟᱭᱤᱰ ᱠᱚ ᱢᱮᱛᱟᱜ-ᱟ ᱾ ᱚᱱᱟ ᱜᱟᱫᱮᱞ ᱨᱮ ᱛᱤᱱᱟ.ᱝ ᱜᱟᱱ ᱮᱸᱜᱟᱠᱩᱞ, ᱦᱚᱯᱚᱱ ᱟᱨ ᱠᱟ.ᱡ ᱫᱷᱟᱨᱟ ᱟᱺᱰᱭᱟ. ᱦᱚᱸᱠᱚ ᱛᱟᱦᱮᱸᱱᱟ ᱾ ᱮᱸᱜᱟ ᱠᱩᱞ ᱫᱚ ᱢᱤᱫ ᱨᱮ ᱛᱟᱦᱮᱸ ᱠᱟᱛᱮ ᱜᱮ ᱡᱚᱢᱟᱜ ᱠᱚ ᱛᱚᱞᱟᱥᱟ ᱾ ᱠᱩᱞ ᱫᱚ ᱛᱟᱠ ᱧᱟᱢ ᱠᱟᱛᱮ ᱜᱚᱡ ᱡᱟᱱᱣᱟ ᱞᱮᱠᱟ ᱛᱟᱦᱮᱸ ᱠᱟᱛᱮ ᱦᱚᱸ ᱡᱚᱢᱟᱜ ᱠᱚ ᱥᱮᱸᱫᱽᱨᱟ ᱫᱟᱲᱮᱭᱟᱜ-ᱟ ᱾ ᱠᱩᱞ ᱫᱚ ᱛᱤᱥ ᱦᱚᱸ ᱠᱩᱥᱤ ᱛᱮᱫᱚ ᱢᱟ.ᱱᱢᱤ ᱫᱚ ᱵᱟᱭ ᱥᱤᱠᱟᱨ ᱠᱚᱣᱟ ᱾ ᱮᱱ ᱦᱚᱸ ᱛᱤᱱᱟ.ᱝ ᱜᱟᱱ ᱠᱩᱞ ᱫᱚ ᱢᱟ.ᱱᱢᱤ ᱞᱟ.ᱜᱤᱫ ᱚᱜ ᱠᱚ ᱧᱮᱞ ᱟᱠᱟᱱᱟ ᱾ ᱡᱟᱦᱟᱸᱭ ᱫᱚ ᱢᱟ.ᱱᱢᱤ ᱜᱮ ᱡᱚᱢ ᱨᱮᱭᱟᱜ ᱨᱤᱠᱟ. ᱠᱚ ᱫᱚᱦᱚᱭᱟ ᱾

ᱠᱩᱞ ᱦᱚᱸ ᱵᱟ.ᱭ-ᱵᱟ.ᱭ ᱛᱮᱠᱚ ᱢᱟᱞᱚᱴ ᱤᱫᱤᱜ ᱠᱟᱱᱟ ᱾ ᱤᱠᱷᱟ.ᱱ ᱪᱮᱫ ᱠᱷᱟ.ᱛᱤᱨ ᱠᱚ ᱢᱩᱪᱟ.ᱫ ᱤᱫᱤᱜ ᱠᱟᱱᱟ, ᱱᱚᱶᱟ ᱨᱮᱭᱟᱜ ᱴᱷᱟ.ᱣᱠᱟ. ᱮᱛᱮᱫ ᱫᱚ ᱵᱟᱝ ᱵᱟᱰᱟᱭ ᱟᱠᱟᱱᱟ ᱾ ᱵᱤᱨ ᱵᱩᱨᱩ ᱨᱮᱭᱟᱜ ᱠᱷᱤᱛᱤ ᱟᱨ ᱢᱟ.ᱱᱢᱤ ᱥᱟᱶ ᱛᱟᱯᱟᱢ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱛᱮᱫ ᱫᱚ ᱾ ᱟᱺᱰᱭᱟ. ᱠᱩᱞ ᱫᱚ ᱟᱡᱟᱜ ᱦᱚᱴᱚᱜ ᱨᱮᱭᱟᱜ ᱡᱟᱴᱮᱭᱟ ᱩᱵ ᱛᱮ ᱟ.ᱵᱤ ᱞᱚᱜᱚᱱ ᱮ ᱪᱤᱱᱦᱟ.ᱣᱜ-ᱟ ᱾ ᱢᱮᱞᱟᱱ ᱵᱤᱨ ᱨᱮᱠᱚ ᱫᱟᱬᱟ ᱡᱚᱝ ᱠᱷᱟᱱ ᱥᱮᱸᱫᱽᱨᱟ ᱠᱟᱱ ᱦᱚᱲ ᱠᱚᱴᱷᱮᱱ ᱟᱠᱚ ᱞᱟ.ᱜᱤᱫ ᱵᱚᱛᱚᱨ ᱥᱤᱨᱡᱟ.ᱣ ᱛᱟᱦᱮᱸᱱᱟ ᱾ ᱚᱱᱟᱛᱮ ᱱᱩᱠᱩᱣᱟᱜ ᱫᱩᱜ ᱫᱚᱦᱚ ᱵᱟᱵᱚᱫᱽ ᱪᱤᱰᱤᱭᱟ ᱠᱷᱟᱱᱟ ᱮᱢᱟᱱ ᱵᱮᱱᱟᱣ ᱠᱟᱛᱮ ᱚᱱᱟ ᱨᱮᱠᱚ ᱫᱚᱦᱚ ᱮᱫ ᱠᱚᱣᱟ ᱾ ᱟᱨ ᱫᱩᱜ ᱵᱟᱧᱪᱟᱣ ᱨᱮ ᱛᱟᱦᱮᱸ ᱠᱟᱛᱮ ᱟ.ᱰᱤ ᱥᱮᱨᱢᱟ ᱱᱟᱯᱟᱭ ᱛᱮ ᱡᱤᱭᱚᱱ ᱠᱚ ᱠᱷᱮᱢᱟᱣ ᱮᱫ-ᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]