ᱡᱤᱛᱠᱟᱹᱨ ᱢᱟᱦᱟᱸ (ᱵᱟᱝᱞᱟᱫᱮᱥ)

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Victory Day
বিজয় দিবস
ᱡᱤᱛᱠᱟᱹᱨ ᱢᱟᱦᱟᱸ
Victory Day Parade.jpg
ᱡᱤᱛᱠᱟᱹᱨ ᱢᱟᱦᱟᱸ ᱯᱮᱨᱟᱰᱮ, ᱒᱐᱑᱒᱾ ᱡᱟᱛᱤᱭᱳ ᱯᱮᱨᱟᱰᱮ ᱢᱟᱴᱷ, ᱰᱷᱟᱠᱟ, ᱵᱟᱝᱞᱟᱫᱮᱥ᱾
ᱚᱯᱷᱤᱥᱤᱭᱟᱞ ᱧᱩᱛᱩᱢ Bengali: বিজয় দিবস (Bijôy Dibôs)
ᱢᱟᱱᱟᱣᱠᱩ   Bangladesh
ᱢᱟᱱᱟᱣ ᱠᱟᱹᱢᱤᱠᱩ ᱪᱤᱨ ᱨᱟᱠᱟᱵ, ᱯᱮᱨᱮᱰ, ᱫᱤᱥᱟᱹᱢ ᱫᱩᱞᱟᱹᱲ ᱥᱤᱨᱤᱧ ᱟᱨ ᱡᱟᱛᱤᱭᱳ ᱥᱤᱨᱤᱧ, ᱨᱟᱥᱴᱨᱚᱯᱳᱛᱤ ᱟᱨ ᱯᱨᱚᱫᱷᱟᱱᱢᱳᱱᱛᱨᱤᱭᱟ ᱵᱷᱟᱥᱚᱱ, ᱮᱱᱮᱪ ᱟᱨ ᱥᱤᱨᱤᱧ᱾
ᱢᱟᱹᱦᱤᱛ ᱑᱖ ᱰᱤᱥᱮᱢᱵᱚᱨ
ᱛᱤᱱᱟᱹ ᱢᱟᱦᱟᱸ ᱛᱟᱭᱚᱢ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ
ᱥᱟᱹᱜᱟᱹᱭ  ᱢᱮᱱᱟᱜᱼᱟ

ᱵᱟᱝᱞᱟᱫᱮᱥ ᱨᱮᱱᱟᱜ ᱡᱤᱛᱠᱟᱹᱨ ᱢᱟᱦᱟᱸ ᱫᱚ ᱥᱚᱨᱠᱟᱨᱤ ᱵᱷᱟᱵᱮ ᱜᱮ ᱠᱚ ᱢᱟᱱᱟᱣᱟ᱾ ᱯᱨᱚᱛᱤ ᱥᱮᱨᱢᱟ ᱨᱮᱱᱟᱜ ᱤᱝᱨᱮᱡᱤ ᱑᱖ ᱰᱤᱥᱮᱢᱵᱚᱨ ᱨᱮ ᱵᱟᱝᱞᱟᱫᱮᱥ ᱨᱮᱱᱟᱜ ᱡᱤᱛᱠᱟᱹᱨ ᱢᱟᱦᱟᱸ ᱫᱚ ᱢᱟᱱᱟᱣ ᱦᱩᱭᱩᱜᱼᱟ᱾ ᱒᱒ ᱡᱟᱱᱩᱣᱟᱨᱤ ᱑᱙᱗᱒ ᱥᱮᱨᱢᱟ ᱨᱮ ᱥᱚᱨᱠᱟᱨᱤ ᱢᱤᱫᱴᱮᱱ ᱱᱳᱴᱤᱥ ᱨᱮ ᱱᱚᱣᱟ ᱢᱟᱦᱟᱸ ᱡᱟᱛᱤᱭᱳ ᱵᱷᱟᱵᱮ ᱢᱟᱱᱟᱣ ᱞᱟᱹᱜᱤᱛ ᱟᱨ ᱱᱚᱣᱟ ᱢᱟᱦᱟᱸ ᱨᱮ ᱥᱚᱨᱠᱟᱨᱤ ᱪᱷᱩᱴᱤ ᱠᱩ ᱜᱷᱳᱥᱳᱱᱟᱣ ᱠᱟᱫᱟ᱾[᱑] ᱑᱙᱗᱑ ᱥᱮᱨᱢᱟ ᱨᱮ ᱙ ᱪᱟᱸᱫᱚ ᱞᱟᱹᱲᱦᱟᱹᱭ ᱢᱩᱪᱟᱹᱫ ᱑᱖ ᱰᱤᱥᱮᱢᱵᱚᱨ ᱰᱷᱟᱠᱟ ᱨᱮᱱᱟᱜ ᱥᱳᱨᱣᱟᱨᱫᱤ ᱢᱟᱴᱷ ᱨᱮ ᱯᱟᱠᱤᱥᱛᱟᱱ ᱦᱟᱱᱟᱫᱟᱨ ᱵᱟᱹᱦᱤᱱᱤ ᱨᱮᱱ ᱙᱑,᱖᱓᱔ ᱜᱚᱴᱟᱝ ᱦᱚᱲ ᱵᱟᱝᱞᱟᱫᱮᱥ ᱟᱨ ᱥᱤᱧᱚᱛ ᱨᱮᱱ ᱢᱮᱥᱟ ᱠᱟᱛᱮ ᱠᱚ ᱛᱮᱭᱟᱨ ᱟᱠᱟᱫ ᱡᱳᱣᱛᱷᱳ ᱵᱟᱹᱦᱤᱱᱤ ᱴᱷᱮᱱ ᱟᱱᱩᱥᱴᱷᱟᱱᱤᱠ ᱵᱷᱟᱵᱮ ᱠᱳ ᱟᱛᱛᱚᱥᱚᱢᱚᱨᱯᱚᱱ ᱞᱮᱫᱟ᱾[᱒] ᱚᱱᱟ ᱠᱷᱟᱹᱛᱤᱨ ᱫᱷᱟᱹᱨᱛᱤ ᱨᱮ ᱵᱟᱝᱞᱟᱫᱮᱥ ᱧᱩᱛᱩᱢ ᱢᱤᱫᱴᱮᱱ ᱱᱟᱣᱟ ᱫᱤᱥᱟᱹᱢ ᱵᱮᱱᱟᱣᱞᱮᱱᱟ᱾ ᱑᱖ ᱰᱤᱥᱮᱢᱵᱚᱨ ᱥᱤᱢᱨᱟᱜ ᱨᱮ ᱓᱑ ᱫᱷᱟᱣ ᱠᱟᱢᱟᱱ ᱠᱩ ᱴᱷᱩ ᱠᱟᱛᱮ ᱚᱱᱟ ᱢᱟᱦᱟᱸ ᱨᱮᱱᱟᱜ ᱠᱟᱹᱢᱤᱠᱩ ᱮᱛᱦᱚᱵᱚᱜ-ᱟ᱾ ᱯᱮᱨᱮᱰ ᱨᱮ ᱵᱟᱝᱞᱟᱫᱮᱥ ᱨᱮᱱ ᱥᱮᱱᱟᱵᱟᱹᱦᱤᱱᱤ, ᱵᱤᱢᱟᱱ ᱵᱟᱹᱦᱤᱱᱤ, ᱱᱳᱣ ᱵᱟᱹᱦᱤᱱᱤ ᱢᱤᱫ ᱥᱟᱶᱛᱮ ᱠᱳ ᱥᱮᱞᱮᱫᱚᱜᱼᱟ᱾ ᱚᱱᱟ ᱠᱩᱪᱠᱟᱣᱟᱡᱽ ᱨᱮᱱᱟᱜ ᱥᱟᱞᱟᱢ ᱫᱚ ᱨᱟᱥᱴᱨᱚᱯᱳᱛᱤ ᱵᱟᱝᱠᱷᱟᱡ ᱯᱨᱚᱫᱷᱟᱱᱢᱳᱱᱛᱨᱤᱭ ᱟᱛᱟᱝ-ᱟ᱾ ᱱᱚᱣᱟ ᱞᱟᱹᱜᱤᱛ ᱟᱭᱢᱟ ᱢᱟᱹᱱᱢᱤ ᱤᱱ ᱦᱤᱞᱟᱹᱜᱠᱩ ᱡᱟᱨᱳᱣᱟᱜᱼᱟ᱾ ᱵᱟᱝᱞᱟᱫᱮᱥ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱡᱟᱸᱦᱟᱸᱭ ᱠᱚ ᱡᱤᱣᱤ ᱠᱩ ᱟᱞᱟᱭ ᱟᱠᱟᱫ ᱩᱝᱠᱩ ᱫᱤᱥᱟᱹ ᱠᱟᱛᱮ ᱰᱷᱟᱠᱟ ᱨᱮᱱᱟᱜ ᱥᱟᱵᱷᱟᱨ ᱨᱮ ᱢᱮᱱᱟᱜ ᱡᱟᱛᱤᱭᱳ ᱥᱨᱤᱛᱤ ᱥᱳᱣᱫᱷᱳ ᱨᱮ ᱡᱚᱛᱚ ᱢᱟᱹᱱᱢᱤ ᱵᱟᱦᱟ ᱮᱢ ᱠᱟᱛᱮ ᱥᱚᱢᱢᱟᱱ ᱠᱩ ᱩᱫᱩᱜ ᱟᱹᱠᱩᱣᱟ᱾

ᱯᱟᱠ ᱵᱟᱹᱦᱤᱱᱤᱭᱟᱜ ᱟᱛᱛᱚᱥᱚᱢᱚᱨᱯᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱗᱑ ᱥᱮᱨᱢᱟ ᱨᱮ ᱙ ᱪᱟᱸᱫᱚ ᱞᱟᱹᱲᱦᱟᱹᱭ ᱠᱟᱛᱮ ᱯᱟᱠ ᱵᱟᱹᱦᱤᱱᱤ ᱑᱖ ᱰᱤᱥᱮᱢᱵᱚᱨ ᱨᱮ ᱟᱛᱛᱚᱥᱚᱢᱚᱨᱯᱚᱱ ᱛᱮᱠᱚ ᱵᱟᱫᱫᱷᱚ ᱞᱮᱱᱟ᱾ ᱰᱷᱟᱠᱟᱨᱮ ᱨᱮᱥᱠᱳᱨᱥ ᱢᱟᱴᱷ ᱨᱮ ᱚᱱᱟ ᱦᱤᱞᱟᱹᱜ ᱯᱟᱠᱤᱥᱛᱟᱱ ᱛᱚᱨᱚᱯᱷ ᱠᱷᱚᱱ ᱟᱛᱛᱚᱥᱚᱢᱚᱨᱯᱚᱱ ᱫᱳᱞᱤᱞ ᱨᱮ ᱡᱮᱱᱟᱨᱮᱞ ᱟᱢᱤᱨ ᱟᱵᱽᱫᱩᱞᱞᱟᱦ ᱠᱷᱟᱱ ᱱᱤᱭᱟᱡᱤ ᱟᱭᱟᱜ ᱥᱩᱦᱤᱭ ᱮᱢ ᱞᱮᱫᱟ᱾ ᱩᱱᱤ ᱫᱚ ᱡᱳᱣᱛᱷᱳ ᱵᱟᱹᱦᱤᱱᱤ ᱨᱮᱱ ᱢᱩᱬᱩᱛ ᱡᱮᱱᱟᱨᱮᱞ ᱡᱚᱜᱽᱡᱤᱛ ᱥᱤᱝ ᱟᱨᱳᱨᱟ ᱴᱷᱮᱱ ᱟᱛᱛᱚᱥᱚᱢᱚᱨᱯᱚᱱ ᱞᱮᱫᱟᱭ᱾ ᱱᱚᱣᱟ ᱟᱛᱛᱚᱥᱚᱢᱚᱨᱯᱚᱱ ᱚᱱᱩᱥᱴᱷᱟᱱ ᱨᱮ ᱵᱟᱝᱞᱟᱫᱮᱥ ᱢᱤᱠᱛᱤ ᱵᱟᱹᱦᱤᱱᱤ ᱨᱮᱱ ᱩᱯᱳ ᱥᱚᱨᱵᱟᱫᱷᱤᱱᱟᱭᱚᱠ ᱟᱵᱽᱫᱩᱞ ᱠᱳᱨᱤᱢ ᱠᱷᱳᱱᱫᱳᱠᱟᱨ ᱥᱮᱴᱮᱨᱮ ᱛᱟᱸᱦᱮ ᱠᱟᱱᱟ᱾ ᱩᱱ ᱦᱤᱞᱟᱹᱜ ᱢᱩᱠᱛᱤ ᱵᱟᱹᱦᱤᱱᱤ ᱨᱮᱱ ᱢᱩᱬᱩᱛ ᱡᱮᱱᱟᱨᱮᱞ ᱳᱥᱢᱟᱱᱤ ᱫᱟ ᱵᱟᱭ ᱛᱟᱸᱦᱮ ᱠᱟᱱᱟ᱾

ᱵᱟᱝᱞᱟᱫᱮᱥ ᱨᱮᱱᱟᱜ ᱥᱤᱠᱨᱤᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱠᱤᱥᱛᱟᱱ ᱥᱮᱱᱟᱵᱟᱹᱦᱤᱱᱤᱭᱟᱜ ᱟᱛᱛᱚᱥᱚᱢᱚᱨᱯᱚᱱ ᱫᱟᱨᱟᱭᱛᱮ ᱙ ᱪᱟᱸᱫᱚ ᱫᱷᱟᱹᱵᱤᱡ ᱪᱟᱞᱟᱣᱠᱟᱱ ᱞᱟᱹᱲᱦᱟᱹᱭ ᱨᱮᱱᱟᱜ ᱢᱩᱪᱟᱹᱫ ᱦᱩᱭ ᱞᱮᱱᱟ᱾ ᱟᱨ ᱱᱚᱝᱠᱟᱛᱮ ᱵᱟᱝᱞᱟ ᱫᱮᱥ (ᱛᱟᱭᱚᱢ ᱫᱟᱨᱟᱢ ᱵᱟᱱᱟᱨ ᱟᱹᱲᱟᱹ ᱢᱤᱫ ᱠᱟᱛᱮ ᱵᱟᱝᱞᱟᱫᱮᱥ ᱦᱩᱭ ᱟᱠᱟᱱᱟ) ᱧᱩᱛᱩᱢ ᱛᱮ ᱱᱟᱣᱟ ᱫᱤᱥᱟᱹᱢ ᱛᱮᱭᱟᱨᱮᱱᱟ᱾

ᱡᱟᱛᱤᱥᱚᱝᱜᱷᱚ ᱨᱮᱱ ᱥᱚᱫᱚᱥᱥᱚ ᱯᱨᱟᱭ ᱡᱚᱛᱚ ᱫᱤᱥᱟᱹᱢ ᱜᱮ ᱵᱟᱝᱞᱟᱫᱮᱥ ᱥᱤᱠᱨᱤᱛᱤ ᱠᱳ ᱮᱢᱟᱣ ᱠᱟᱫᱮᱭᱟ᱾

ᱡᱤᱛᱠᱟᱹᱨ ᱢᱟᱦᱟᱸ ᱢᱟᱱᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱛᱤᱭᱳ ᱥᱨᱤᱛᱤ ᱥᱳᱣᱫᱷᱳ, ᱥᱟᱵᱦᱟᱨ, ᱰᱷᱟᱠᱟ, ᱵᱟᱝᱞᱟᱫᱮᱥ

᱑᱙᱗᱒ ᱥᱮᱨᱢᱟ ᱠᱷᱚᱱ ᱡᱤᱛᱠᱟᱹᱨ ᱢᱟᱦᱟᱸ ᱫᱚ ᱥᱚᱨᱠᱟᱨᱤ ᱵᱷᱟᱵᱮ ᱜᱮ ᱢᱟᱱᱟᱣ ᱦᱩᱭᱩᱜ ᱠᱟᱱᱟ᱾ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱫᱚ ᱢᱤᱫᱴᱮᱱ ᱡᱟᱹᱛᱤ ᱞᱟᱹᱜᱤᱛ ᱟᱹᱰᱤ ᱜᱩᱨᱩᱛᱛᱚ ᱜᱮᱭᱟ, ᱚᱱᱟ ᱠᱟᱨᱚᱱ ᱛᱮ ᱩᱱ ᱦᱤᱞᱟᱹᱜ ᱴᱤᱵᱷᱤ ᱠᱚᱨᱮ, ᱨᱮᱰᱤᱣᱳ ᱠᱚᱨᱮ ᱢᱩᱠᱛᱤ ᱡᱩᱫᱫᱷᱚ ᱨᱮᱱᱟᱜ ᱥᱤᱱᱮᱢᱟ, ᱱᱟᱴᱚᱠ, ᱮᱱᱮᱪ, ᱥᱤᱨᱤᱧ ᱠᱩ ᱦᱩᱭᱩᱜᱼᱟ᱾ ᱱᱚᱣᱟ ᱢᱟᱦᱟᱸ ᱨᱮ ᱵᱟᱝᱞᱟᱫᱮᱥ ᱨᱮᱱ ᱥᱟᱢᱟᱨᱤᱠ ᱵᱟᱹᱦᱤᱱᱤ ᱡᱟᱛᱤᱭᱳ ᱯᱮᱨᱮᱰ ᱢᱟᱴᱷ ᱨᱮ ᱠᱩᱪᱠᱟᱣᱟᱪ ᱠᱳ ᱟᱭᱳᱡᱚᱱᱟ᱾ ᱫᱤᱥᱟᱹᱢ ᱨᱮᱱᱟᱜ ᱡᱚᱛᱚ ᱡᱟᱜᱟ ᱨᱮᱜᱮ ᱡᱤᱛᱠᱟᱹᱨ ᱢᱟᱦᱟᱸ ᱫᱤᱥᱟᱹᱛᱮ ᱜᱟᱞᱢᱟᱨᱟᱣ, ᱮᱱᱮᱪ, ᱮᱤᱨᱤᱧ ᱠᱩ ᱠᱩ ᱦᱩᱭ ᱚᱪᱚᱭᱟ᱾ ᱱᱟᱣᱟ ᱢᱟᱦᱟᱸ ᱨᱮ ᱰᱷᱟᱠᱟ ᱨᱮᱱᱟᱜ ᱥᱟᱵᱦᱟᱨ ᱨᱮ ᱡᱟᱛᱤᱭᱳ ᱥᱨᱤᱛᱤ ᱥᱳᱣᱫᱷᱳ ᱨᱮ ᱫᱤᱥᱟᱹᱢ ᱨᱮᱱ ᱡᱚᱛᱟ ᱢᱟᱹᱱᱢᱤ ᱜᱮ ᱵᱤᱥᱮᱥ ᱥᱟᱢᱢᱟᱱ ᱠᱩ ᱩᱫᱩᱜᱟ᱾

ᱡᱤᱛᱠᱟᱹᱨ ᱢᱟᱦᱟᱸ ᱨᱮᱱᱟᱜ ᱵᱤᱥᱮᱥ ᱠᱤᱪᱷᱩ ᱜᱷᱚᱴᱚᱱᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱑᱙᱗᱑: ᱮᱥᱴᱮᱴ ᱵᱮᱝᱠ ᱚᱵ ᱯᱟᱠᱤᱥᱛᱟᱱ ᱨᱮᱱᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱵᱟᱝᱞᱟᱫᱮᱥ ᱵᱮᱝᱠ ᱫᱚᱦᱚ ᱦᱩᱭ ᱞᱮᱱᱟ᱾[᱓]
  • ᱑᱙᱗᱒: ᱜᱚᱱᱚ ᱯᱨᱚᱡᱟᱛᱳᱱᱛᱨᱤ ᱵᱟᱝᱞᱟᱫᱮᱥ ᱨᱮᱱᱟᱜ ᱯᱟᱹᱦᱤᱞ ᱥᱚᱢᱵᱤᱫᱷᱟᱱ ᱩᱪᱷᱟᱹᱱ ᱦᱩᱭ ᱞᱮᱱᱟ᱾
  • ᱑᱙᱗᱓: ᱑᱕ ᱰᱤᱥᱮᱢᱵᱚᱨ ᱵᱟᱝᱞᱟᱫᱮᱥ ᱜᱮᱡᱮᱴ ᱫᱟᱨᱟᱭᱛᱮ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱵᱤᱥᱮᱥ ᱮᱱᱮᱢ ᱠᱩ ᱞᱟᱹᱜᱤᱛ ᱫᱤᱥᱟᱹᱢ ᱥᱤᱨᱯᱟᱹ ᱜᱷᱳᱥᱳᱱᱟ ᱦᱩᱭ ᱞᱮᱱᱟ᱾
  • ᱑᱙᱙᱖: ᱒᱕ ᱥᱮᱨᱢᱟ ᱯᱩᱨᱟᱹᱣ ᱢᱟᱱᱟᱣ ᱦᱩᱭ ᱞᱮᱱᱟ᱾
  • ᱒᱐᱑᱓: ᱡᱟᱛᱤᱭᱳ ᱯᱮᱨᱮᱫ ᱢᱟᱴᱷ ᱨᱮ ᱒᱗᱑᱑᱗ ᱜᱚᱴᱟᱝ ᱢᱟᱹᱱᱢᱤ ᱵᱟᱝᱞᱟᱫᱮᱥ ᱪᱤᱨ ᱨᱮᱱᱟᱜ ᱦᱟᱹᱨᱤᱭᱟᱹᱲ ᱟᱨ ᱟᱨᱟᱜ ᱵᱞᱚᱠ ᱱᱤᱭᱟᱹᱛᱮ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚᱠᱷᱚᱡ ᱞᱟᱹᱴᱩ ᱪᱤᱨ ᱛᱮᱭᱟᱨ ᱨᱮᱱᱟᱜ ᱱᱟᱣᱟ ᱫᱷᱟᱹᱨᱛᱤ ᱨᱮᱠᱚᱨᱰ ᱠᱚ ᱛᱮᱭᱟᱨ ᱞᱮᱫᱟ᱾[᱔]

ᱡᱤᱛᱠᱟᱹᱨ ᱢᱟᱦᱟᱸ ᱨᱮ ᱵᱤᱢᱟᱱ ᱵᱟᱹᱦᱤᱱᱤᱭᱟᱜ ᱢᱚᱦᱚᱲᱟ ᱨᱮᱱᱟᱜ ᱪᱤᱛᱟᱹᱨᱠᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚᱸ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱵᱟᱝᱞᱟᱫᱮᱥ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ
  • ᱮᱴᱟᱜ ᱫᱤᱥᱟᱹᱢ ᱠᱚᱨᱮ ᱡᱤᱛᱠᱟᱹᱨ ᱢᱟᱦᱟᱸ
  • ᱯᱷᱩᱨᱜᱟᱹᱞ ᱢᱟᱦᱟᱸ

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "ᱛᱤᱦᱤᱧ ᱢᱚᱦᱟᱱ ᱡᱤᱛᱠᱟᱹᱨ ᱢᱟᱦᱟᱸ"᱾ ᱠᱟᱞᱮᱨ ᱠᱚᱱᱴᱷᱚ᱾ ᱑᱖ ᱰᱤᱥᱮᱢᱵᱚᱨ ᱒᱐᱑᱗ ᱛᱟᱹᱨᱤᱠ ᱠᱷᱚᱱ᱾
  2. http://liberationwarmuseum.org/about-us
  3. মজিদ, মোহাম্মদ আবদুল (২০১২)। "বাংলাদেশ ব্যাংক"। ইসলাম, সিরাজুল; জামাল, আহমেদ। বাংলাপিডিয়া (দ্বিতীয় সংস্করণ)। বাংলাদেশ এশিয়াটিক সোসাইটি।
  4. "মানব পতাকা গড়ে গিনেস বুকে বাংলাদেশ"। দৈনিক প্রথম আলো। ৪ জানুয়ারি ২০১৪। সংগ্রহের তারিখ ১২ ডিসেম্বর ২০১৭।