ᱡᱩᱛᱷᱤᱠᱟ ᱨᱟᱭ
| ᱡᱩᱛᱷᱤᱠᱟ ᱨᱟᱭ | |
|---|---|
| ᱨᱮᱫ:Juthika Roy.jpg ᱡᱩᱛᱷᱤᱠᱟ ᱨᱟᱭ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒᱐ ᱮᱯᱨᱤᱞ ᱑᱙᱒᱐ ᱟᱢᱛᱟ, ᱦᱟᱵᱽᱲᱟ, ᱵᱟᱝᱞᱟ, ᱵᱽᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱕ ᱯᱷᱮᱵᱽᱨᱩᱣᱟᱨᱤ ᱒᱐᱑᱔ (᱙᱓ ᱵᱚᱭᱚᱥ) ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱥᱮᱨᱮᱧᱤᱭᱟᱹ |
| ᱠᱟᱹᱢᱤ ᱚᱠᱛᱚ | ᱑᱙᱓᱒-᱑᱙᱗᱐ |
| ᱧᱩᱢᱱᱟᱢ | ᱵᱷᱚᱡᱚᱱ, ᱵᱟᱝᱞᱟ ᱥᱮᱨᱮᱧ |
| ᱥᱤᱨᱯᱷᱟᱹ | ᱯᱚᱫᱽᱢᱚᱥᱷᱨᱤ |
ᱡᱩᱛᱷᱤᱠᱟ ᱨᱟᱭ (ᱤᱝᱞᱤᱥ: Juthika Roy) (᱒᱐ ᱮᱯᱨᱤᱞ ᱑᱙᱒᱐[᱑] - ᱕ ᱯᱷᱮᱵᱨᱩᱭᱟᱨᱤ ᱒᱐᱑᱔) ᱥᱤᱧᱚᱛ ᱨᱮᱱ ᱢᱤᱫ ᱧᱩᱛᱩᱢᱟᱱ ᱵᱷᱚᱡᱚᱱ ᱥᱮᱨᱮᱧᱤᱡ ᱮ ᱛᱟᱦᱮ ᱠᱟᱱᱟ ᱾ ᱩᱱᱤ ᱒᱐᱐ ᱠᱷᱚᱱ ᱦᱚᱸ ᱡᱟᱹᱥᱛᱤ ᱦᱤᱱᱫᱤ ᱟᱨ ᱑᱐᱐ ᱠᱷᱚᱱ ᱡᱟᱹᱥᱛᱤ ᱵᱟᱝᱞᱟ ᱥᱤᱱᱮᱢᱟ ᱟᱨ ᱱᱮᱵᱮᱛᱟᱨ ᱥᱮᱨᱮᱧ ᱮ ᱥᱮᱨᱮᱧ ᱟᱠᱟᱫᱟ ᱾ ᱩᱱᱤᱭᱟᱜ ᱯᱩᱱ ᱜᱮᱥᱮᱨᱢᱟ ᱨᱮᱱᱟᱜ ᱥᱮᱨᱮᱧ ᱡᱤᱭᱚᱱ ᱨᱮ ᱟᱭᱢᱟ ᱧᱩᱛᱩᱢᱟᱱ ᱥᱮᱨᱮᱧ ᱠᱚ ᱮ ᱥᱮᱨᱮᱧ ᱟᱠᱟᱫᱟ ᱚᱱᱟ ᱠᱚ ᱢᱩᱫᱽ ᱨᱮ "ᱥᱟᱡᱷᱮᱨ ᱛᱟᱨᱚᱠᱟ ᱟᱢᱤ", "ᱮᱢᱚᱱᱤ ᱵᱚᱨᱚᱥᱟ ᱪᱷᱤᱞᱳ ᱥᱮᱫᱤᱱ", "ᱡᱟᱱᱤ ᱡᱟᱱᱤ ᱯᱨᱤᱭᱳ", "ᱫᱳᱞ ᱫᱤᱭᱮ ᱠᱮ ᱡᱟᱭ ᱟᱢᱟᱨᱮ", "ᱮᱭ ᱡᱳᱢᱩᱱᱟᱨᱤ ᱛᱤᱨᱮ" ᱟᱨ "ᱛᱩᱢᱤ ᱡᱳᱫᱤ ᱨᱟᱫᱷᱮ ᱦᱳᱛᱮ ᱥᱮᱢ" ᱮᱢᱟᱱ ᱾ ᱩᱱᱤ ᱦᱤᱱᱫᱤ ᱥᱤᱱᱮᱢᱟ ᱞᱟᱹᱜᱤᱫ ᱵᱷᱚᱠᱛᱤ ᱥᱮᱨᱮᱧ ᱦᱚᱭ ᱨᱮᱠᱳᱨᱰ ᱟᱠᱟᱫᱟ ᱾ ᱑᱙᱗᱒ ᱥᱮᱨᱢᱟ ᱨᱮ, ᱥᱤᱧᱚᱛ ᱨᱮᱱᱟᱜ ᱯᱩᱱᱟᱜ ᱢᱟᱨᱟᱝ ᱚᱥᱟᱢᱚᱨᱤᱠ (civilian) ᱢᱟᱹᱱ ᱯᱚᱫᱽᱢᱚᱥᱷᱨᱤ ᱛᱮᱠᱚ ᱢᱟᱹᱱ ᱵᱮᱵᱷᱟᱨ ᱞᱮᱫᱮᱭᱟ[᱒] ᱾
ᱡᱟᱱᱟᱢ ᱟᱨ ᱯᱩᱭᱞᱩ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱩᱛᱷᱤᱠᱟ ᱨᱟᱭ ᱟᱜ ᱡᱟᱱᱟᱢ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱦᱟᱵᱽᱲᱟ ᱦᱚᱱᱚᱛ ᱨᱮᱱᱟᱜ ᱟᱢᱛᱟ ᱨᱮ ᱦᱩᱭ ᱞᱮᱱ ᱛᱟᱭᱟ ᱾ ᱛᱚᱵᱮ ᱩᱱᱠᱩᱣᱟᱜ ᱢᱟᱨᱮ ᱚᱲᱟᱜ ᱫᱚ ᱛᱟᱦᱮ ᱠᱟᱱᱟ ᱵᱟᱝᱞᱟᱫᱮᱥ ᱨᱮᱱᱟᱜ ᱠᱷᱩᱞᱱᱟ ᱨᱮᱱᱟᱜ ᱥᱮᱱᱟᱴᱤ ᱨᱮ ᱾ ᱟᱡ ᱵᱟᱵᱟ ᱫᱚ ᱵᱤᱨᱫᱟᱹᱜᱟᱲ ᱨᱮᱱ ᱤᱱᱥᱯᱮᱠᱴᱚᱨ ᱮ ᱛᱟᱦᱮ ᱠᱟᱱᱟ ᱾ ᱑᱙᱓᱐ ᱥᱮᱨᱢᱟ ᱨᱮ ᱟᱡ ᱜᱚᱜᱚ ᱠᱚᱞᱠᱟᱛᱟ ᱨᱮᱱᱟᱜ ᱪᱤᱪᱯᱩᱨ ᱨᱮ ᱢᱤᱫ ᱚᱲᱟᱜ ᱮ ᱦᱟᱛᱟᱣ ᱠᱮᱫᱟ ᱾ ᱡᱩᱛᱷᱤᱠᱟ ᱟᱡ ᱫᱟᱹᱭ ᱵᱮᱛᱷᱩᱱ ᱠᱚᱞᱮᱡᱽ ᱨᱮᱭ ᱵᱷᱩᱨᱛᱤ ᱞᱮᱱᱟ ᱾ ᱟᱨ ᱡᱩᱛᱷᱤᱠᱟ ᱫᱚ ᱠᱟᱹᱴᱤᱡ ᱠᱷᱚᱱ ᱜᱮ ᱥᱮᱨᱮᱧ ᱨᱮ ᱢᱚᱱ ᱛᱟᱦᱮᱱ ᱠᱟᱱ ᱛᱟᱭ ᱛᱮ ᱵᱚᱨᱟᱱᱚᱜᱚᱨ ᱨᱮ ᱜᱮᱱᱨᱚᱧᱡᱚᱱ ᱥᱮᱱ ᱴᱷᱮᱱ ᱠᱷᱚᱱ ᱛᱟᱹᱞᱤᱢ ᱦᱟᱛᱟᱣ ᱮ ᱮᱦᱚᱵ ᱞᱮᱫᱟ ᱾
ᱥᱮᱨᱮᱧ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱩᱛᱷᱤᱠᱟ ᱟᱡᱟᱜ ᱯᱩᱭᱞᱩ ᱮᱞᱵᱟᱢ ᱑᱙᱓᱒ ᱥᱮᱨᱢᱟ, ᱑᱒ ᱩᱢᱮᱨ ᱨᱮᱭ ᱨᱮᱠᱳᱨᱰ ᱞᱮᱫᱟ ᱾ ᱩᱱᱤ ᱥᱮᱨᱮᱧ ᱪᱟᱪᱞᱟᱣᱤᱡ ᱟᱨ ᱩᱱᱤ ᱨᱮᱱ ᱦᱚᱨ ᱩᱫᱩᱜᱩᱡ ᱠᱟᱡᱤ ᱱᱚᱡᱽᱨᱩᱞ ᱤᱥᱞᱟᱢ ᱟᱨ ᱵᱟᱝᱞᱟ ᱥᱮᱨᱮᱧ ᱪᱟᱪᱞᱟᱣᱤᱡ ᱠᱟᱢᱟᱞ ᱫᱟᱥᱜᱩᱯᱛᱚ ᱟᱜ ᱩᱢᱩᱞ ᱨᱮ ᱟᱭᱢᱟ ᱥᱮᱨᱮᱧ ᱮ ᱥᱮᱨᱮᱧ ᱟᱠᱟᱫᱟ ᱾
ᱢᱟᱹᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱗᱒ ᱥᱮᱨᱢᱟ ᱨᱮ ᱥᱤᱧᱚᱛ ᱥᱚᱨᱠᱟᱨ ᱡᱩᱛᱷᱤᱠᱟ ᱨᱟᱭ ᱫᱚ ᱯᱚᱫᱽᱢᱚᱥᱷᱨᱤ ᱢᱟᱹᱱ ᱛᱮᱠᱚ ᱢᱟᱹᱱ ᱵᱮᱵᱷᱟᱨ ᱞᱮᱫᱮᱭᱟ ᱾
ᱵᱚᱸᱜᱟ ᱛᱟᱞᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱟᱭᱢᱟ ᱫᱤᱱ ᱨᱩᱣᱟᱹ ᱦᱟᱹᱥᱩ ᱛᱟᱭᱚᱢ ᱙᱓ ᱥᱮᱨᱢᱟ ᱩᱢᱮᱨ ᱨᱮ ᱕ ᱯᱷᱮᱵᱨᱩᱭᱟᱨᱤ ᱒᱐᱑᱕ ᱥᱮᱨᱢᱟ ᱨᱮ ᱠᱚᱞᱠᱟᱛᱟ ᱨᱮᱱᱟᱜ ᱢᱤᱫ ᱦᱟᱥᱯᱟᱛᱟᱞ ᱨᱮᱭ ᱵᱚᱸᱜᱟ ᱛᱟᱞᱟᱭᱮᱱᱟ[᱑] ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ "Legendary bhajan singer Juthika Roy dead", firstpost.com; retrieved 7 February 2014.
- ↑ Juthika Roy dies Archived ᱒᱐᱑᱔-᱐᱒-᱐᱗ at the Wayback Machine., hindustantimes.com; accessed 31 March 2014.