ᱡᱩᱣᱟᱹᱱ ᱚᱱᱚᱞᱤᱭᱟᱹ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱵᱷᱟᱨᱚᱛ ᱨᱮᱱ ᱢᱮᱱ ᱢᱟ ᱡᱮᱜᱮᱛ ᱨᱮᱱ ᱦᱚᱸ ᱡᱚᱛᱚ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱢᱤᱫᱴᱟᱝ ᱪᱟᱛᱚᱢ ᱞᱟᱛᱟᱨ ᱛᱮ ᱟᱹᱜᱩ ᱠᱚ ᱩᱱᱠᱩ ᱠᱚ ᱩᱫᱽᱜᱟᱹᱣ ᱮᱢᱟ ᱠᱚ ᱫᱤᱥᱟᱹ ᱫᱚᱦᱚ ᱠᱟᱛᱮ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱜᱟᱶᱛᱟ ᱫᱚ ᱵᱮᱨᱮᱫ ᱟᱠᱟᱱᱟ᱾ ᱱᱤᱛ ᱱᱚᱶᱟ ᱜᱟᱶᱛᱟ ᱠᱮ ᱓᱐ ᱠᱷᱚᱱᱟᱜ ᱵᱟᱹᱲᱛᱤ ᱥᱚᱦᱮᱫ ᱢᱮᱱᱟᱜ ᱠᱚᱣᱟ ᱾ ᱒᱐᱑᱘ ᱥᱟᱞ ᱨᱮ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱫᱚ ᱯᱩᱭᱞᱩ ᱡᱮᱜᱮᱛ ᱡᱟᱠᱟᱛ ᱦᱮᱞᱢᱮᱞ ᱮ ᱫᱚᱦᱚ ᱞᱮᱜ-ᱟ ᱾ ᱱᱮᱯᱟᱞ ᱫᱤᱥᱚᱢ ᱠᱷᱚᱱᱟᱜ ᱫᱚ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱥᱤᱵᱩ ᱢᱩᱨᱢᱩᱭ ᱥᱮᱞᱮᱫ ᱞᱮᱱ ᱥᱟᱶᱛᱮ ᱵᱷᱟᱨᱚᱛ ᱫᱤᱥᱚᱢ ᱠᱷᱚᱱ ᱦᱚᱸ ᱥᱭᱟᱢ ᱪᱚᱨᱚᱱ ᱴᱩᱰᱩ, ᱪᱚᱸᱫᱽᱨᱚ ᱢᱚᱦᱚᱱ ᱠᱤᱥᱠᱩ, ᱦᱟᱡᱟᱢ ᱵᱟᱥᱠᱮ, ᱯᱚᱨᱤᱢᱚᱞ ᱦᱟᱸᱥᱫᱟᱜ ᱮᱢᱟᱱ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱠᱚ ᱥᱮᱞᱮᱫ ᱞᱮᱱᱟ᱾ ᱱᱚᱶᱟ ᱥᱮᱱᱮᱞᱮᱫ ᱨᱮ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱨᱮᱭᱟᱜ ᱩᱱᱩᱭᱦᱟᱹᱨ (Souvenir) ᱦᱚᱸ ᱩᱪᱷᱟᱹᱱ ᱞᱮᱱᱟ ᱾ ᱱᱚᱶᱟ ᱜᱟᱶᱛᱟ ᱨᱮᱱᱤᱡ ᱯᱟᱨᱥᱮᱛ ᱫᱚ ᱪᱚᱱᱫᱽᱨᱚᱢᱚᱦᱚᱱ ᱠᱤᱥᱠᱩ ᱟᱨ ᱥᱩᱛᱨᱮᱛ ᱫᱚ ᱥᱭᱟᱢ ᱪᱚᱨᱚᱱ ᱴᱩᱰᱩ ᱠᱟᱱᱟᱭ᱾

ᱯᱩᱭᱞᱩ ᱥᱮᱱᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱩᱣᱟᱹᱱ ᱚᱱᱚᱞᱤᱭᱟᱹ ᱨᱮᱭᱟᱜ ᱯᱩᱭᱞᱩ ᱥᱮᱱᱮᱞᱮᱫ ᱫᱚ ᱵᱤᱠᱟᱥ ᱵᱷᱟᱨᱚᱛᱤ, ᱯᱚᱴᱮᱞ ᱵᱟᱜᱟᱱ, ᱥᱩᱱᱫᱚᱨ ᱱᱚᱜᱚᱨ, ᱡᱟᱢᱥᱮᱫᱽᱯᱩᱨ ᱨᱮ ᱒᱘ ᱡᱟᱱᱩᱣᱟᱨᱤ ᱒᱐᱑᱘ ᱥᱤᱸᱜᱮ ᱢᱟᱦᱟᱸ ᱦᱤᱞᱚᱜ ᱦᱩᱭ ᱞᱮᱱᱟ ᱾ ᱱᱚᱣᱟ ᱥᱮᱱᱮᱞᱮᱫ ᱨᱮ ᱢᱩᱬᱩᱛ ᱯᱮᱲᱟ ᱞᱮᱠᱟᱛᱮ ᱫᱚ ᱥᱟᱱᱛᱤ ᱱᱤᱠᱮᱛᱚᱱ ᱨᱮᱱᱤᱡ ᱰᱨ ᱫᱷᱚᱱᱮᱥᱚᱨ ᱢᱟᱹᱡᱷᱤ ᱥᱮᱴᱮᱨ ᱮ ᱛᱟᱦᱮᱸ ᱠᱟᱱᱟ ᱾ ᱱᱮᱯᱟᱞ ᱠᱷᱚᱱ ᱢᱟᱺᱱ ᱥᱤᱵᱩ ᱢᱩᱨᱢᱩ, ᱵᱟᱝᱞᱟᱫᱮᱥ ᱠᱷᱚᱱ ᱢᱟᱺᱱ ᱫᱮᱵᱚᱛᱟ ᱦᱮᱢᱵᱽᱨᱚᱢ ᱥᱮᱴᱮᱨ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱵᱷᱟᱨᱚᱛ ᱫᱤᱥᱚᱢ ᱠᱷᱚᱱ ᱠᱚ ᱥᱮᱴᱮᱨ ᱞᱮᱱ ᱯᱮᱲᱟ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ- ᱨᱟᱱᱤᱵᱚᱱᱫ ᱠᱷᱚᱱ ᱯᱚᱨᱤᱢᱚᱞ ᱴᱩᱰᱩ, ᱜᱷᱟᱴᱥᱤᱞᱟ ᱠᱷᱚᱱ ᱥᱩᱨᱟᱹᱭ ᱦᱮᱢᱵᱨᱚᱢ, ᱡᱷᱟᱲᱜᱨᱟᱢ ᱠᱷᱚᱱ ᱥᱩᱪᱤᱛᱨᱟ ᱦᱟᱸᱥᱫᱟᱜ, ᱯᱤᱨᱩᱞᱤᱭᱟᱹ ᱠᱷᱚᱱ ᱯᱨᱚᱯᱷᱮᱥᱚᱨ ᱚᱧᱡᱚᱱ ᱠᱚᱨᱢᱚᱠᱟᱨ, ᱟᱥᱟᱢ ᱠᱷᱚᱱ ᱚᱨᱡᱩᱱ ᱴᱩᱰᱩ, ᱴᱟᱴᱟ ᱠᱷᱚᱱ ᱡᱤᱛᱨᱟᱹᱭ ᱦᱟᱸᱥᱫᱟᱜ, ᱰᱩᱢᱤᱱᱤ ᱢᱚᱬᱤ ᱢᱩᱨᱢᱩ ᱟᱨ ᱪᱷᱚᱠᱮᱱᱫᱽᱨᱚ ᱦᱮᱢᱵᱨᱚᱢ, ᱠᱚᱞᱠᱟᱛᱟ ᱠᱷᱚᱱ ᱥᱩᱛᱞᱟᱞ ᱥᱟᱨᱮᱱ, ᱯᱩᱨᱩᱞᱤᱭᱟᱹ ᱠᱷᱚᱱ ᱯᱨᱚᱯᱷᱮᱥᱚᱨ ᱞᱚᱠᱷᱢᱤ ᱴᱩᱰᱩ ᱮᱢᱟᱱ ᱾ ᱚᱱᱟ ᱥᱟᱶᱛᱮ ᱜᱚᱴᱟ ᱵᱷᱟᱨᱚᱛ ᱠᱷᱚᱱ ᱟᱭᱢᱟ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ᱾

ᱫᱚᱥᱟᱨ ᱥᱮᱱᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱩᱣᱟᱹᱱ ᱚᱱᱚᱞᱤᱭᱟᱹ ᱨᱮᱭᱟᱜ ᱫᱚᱥᱟᱨ ᱡᱮᱜᱮᱛᱟᱹᱨᱤ ᱥᱮᱱᱮᱞᱮᱫ ᱫᱚ ᱑᱗ ᱯᱷᱮᱵᱨᱩᱣᱟᱨᱤ ᱒᱐᱑᱙ ᱥᱟᱞ ᱥᱤᱸᱜᱮ ᱢᱟᱦᱟᱸ ᱦᱤᱞᱚᱜ ᱦᱩᱭ ᱥᱟᱹᱛ ᱟᱠᱟᱱᱟ ᱾ [᱑] ᱱᱚᱶᱟ ᱥᱮᱱᱮᱞᱮᱫ ᱨᱮ ᱱᱮᱯᱟᱞ ᱠᱷᱚᱱ ᱢᱟᱺᱱ ᱫᱤᱞᱤᱯ ᱠᱩᱢᱟᱨ ᱵᱟᱥᱠᱮ ᱟᱨ ᱵᱟᱝᱞᱟᱫᱮᱥ ᱠᱷᱚᱱ ᱫᱚ ᱢᱟᱺᱱ ᱠᱚᱨᱱᱮᱞ ᱦᱟᱸᱥᱫᱟᱜ ᱱᱮᱣᱛᱟ ᱯᱮᱲᱟ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱵᱷᱟᱨᱚᱛ ᱫᱤᱥᱚᱢ ᱠᱷᱚᱱ ᱠᱚ ᱛᱟᱦᱮᱸ ᱠᱟᱱ ᱱᱮᱶᱛᱟ ᱯᱮᱲᱟ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ ᱳᱰᱤᱥᱟ ᱠᱷᱚᱱ ᱥᱤᱝᱫᱽᱨᱟᱹᱭ ᱵᱟᱰᱚᱦᱤ ᱥᱩᱱᱟᱹᱨᱟᱢ ᱵᱮᱥᱨᱟ, ᱟᱥᱟᱢ ᱠᱷᱚᱱ ᱥᱩᱢᱤᱛᱟ ᱴᱩᱰᱩ, ᱜᱚᱰᱰᱟ ᱡᱷᱟᱨᱠᱚᱱᱰ ᱠᱷᱚᱱ ᱦᱚᱞᱤᱠᱟ ᱢᱟᱨᱟᱱᱰᱤ, ᱵᱷᱟᱨᱚᱛ ᱨᱮᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱢᱟᱱᱚᱛᱟᱱ ᱱᱚᱨᱮᱱᱫᱽᱨᱚ ᱢᱚᱫᱤᱭᱟᱜ ᱢᱚᱱ ᱠᱤ ᱵᱟᱛ ᱥᱟᱱᱛᱟᱞᱤ ᱴᱨᱟᱱᱥᱞᱮᱴᱚᱨ ᱢᱟᱺᱱ ᱥᱩᱛᱞᱟᱞ ᱥᱟᱨᱮᱱ, ᱵᱟᱰᱚᱦᱤ ᱥᱟᱦᱮᱵᱽ ᱨᱟᱢ ᱴᱩᱰᱩ, ᱵᱟᱝᱠᱩᱲᱟ ᱯᱩᱪᱷᱤᱢ ᱵᱟᱝᱞᱟ ᱠᱷᱚᱱ ᱢᱟᱺᱱ ᱫᱩᱨᱜᱟᱹ ᱪᱚᱨᱚᱱ ᱢᱩᱨᱢᱩ ᱟᱨ ᱨᱟᱡᱤᱵᱽ ᱜᱟᱱᱫᱷᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱱᱤᱡ ᱯᱨᱚᱯᱷᱮᱥᱚᱨ ᱰᱨ ᱡᱚᱢᱩᱱᱟ ᱵᱤᱱᱤ ᱛᱟᱫᱟᱨ ᱮᱢᱟᱱ᱾ ᱥᱟᱶᱛᱮ ᱵᱷᱟᱨᱚᱛ ᱫᱤᱥᱚᱢ ᱨᱮᱱ ᱟᱭᱢᱟ ᱡᱩᱣᱟᱹᱱ ᱚᱱᱚᱞᱤᱭᱟᱹ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱥᱮᱱᱮᱞᱮᱫ ᱨᱮ ᱢᱟᱺᱱ ᱥᱚᱧᱡᱚᱭ ᱠᱩᱢᱟᱨ ᱦᱮᱢᱵᱨᱚᱢ ᱫᱚ ᱥᱟᱱᱛᱟᱲᱤ ᱣᱤᱠᱤᱯᱮᱰᱤᱟ ᱵᱟᱵᱚᱛ ᱟᱡᱟᱜ ᱯᱮᱯᱟᱨ ᱮ ᱯᱟᱲᱦᱟᱣ ᱞᱮᱜ-ᱟ ᱾

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]