ᱡᱩᱯᱤᱴᱳᱨᱟ ᱵᱷᱩᱭᱟᱱ

ᱡᱩᱯᱤᱴᱳᱨᱟ ᱵᱷᱩᱭᱟᱱ
ᱡᱩᱯᱤᱴᱳᱨᱟ ᱵᱷᱩᱭᱟᱱ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	ᱜᱩᱣᱟᱦᱟᱴᱤ, ᱟᱥᱟᱢ, ᱥᱤᱧᱚᱛ
ᱠᱟᱹᱢᱤ	ᱮᱠᱴᱚᱨ, ᱟᱱᱪᱚᱨ
ᱠᱟᱹᱢᱤ ᱚᱠᱛᱚ	᱑᱙᱙᱗ ᱠᱷᱚᱱ ᱱᱤᱛ ᱫᱷᱟᱹᱨᱤᱡ

ᱡᱩᱯᱤᱴᱳᱨᱟ ᱵᱷᱩᱭᱟᱱ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱟᱥᱟᱢᱤᱥ ᱯᱷᱤᱞᱢ ᱨᱮ ᱠᱟᱹᱢᱤ ᱠᱟᱱᱟᱭ ᱾ ᱩᱱᱤ ᱫᱚ ᱵᱷᱤᱥᱤᱰᱤ ᱯᱷᱤᱞᱢ ᱟᱨ ᱴᱮᱞᱤᱯᱷᱤᱞᱢ ᱥᱟᱶᱛᱮ ᱟᱥᱟᱢᱤᱥ ᱯᱷᱤᱞᱢ ᱠᱚᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤ ᱫᱚ ᱠᱚᱦᱤᱱᱩᱨ ᱛᱷᱤᱭᱮᱴᱚᱨ ᱨᱮ ᱢᱩᱬᱩᱛ ᱛᱤᱨᱞᱟᱹ ᱯᱟᱴ ᱠᱟᱛᱮ ᱟᱥᱟᱢᱤ ᱢᱚᱵᱟᱭᱤᱞ ᱛᱷᱤᱭᱮᱴᱚᱨ ᱤᱱᱰᱚᱥᱴᱨᱤ ᱨᱮ ᱮᱛᱚᱦᱚᱵ ᱨᱚ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱟᱹᱰᱤ ᱢᱟᱨᱟᱝ ᱩᱯᱨᱩᱢ ᱥᱟᱶᱛᱮ ᱟᱹᱰᱤ ᱱᱟᱯᱟᱭ ᱪᱚᱞᱚᱱ ᱪᱤᱛᱟᱹᱨ ᱠᱚ ᱠᱷᱮᱞᱚᱸᱰ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾

ᱮᱛᱚᱦᱚᱵ ᱡᱤᱭᱚᱱ

ᱡᱩᱯᱤᱴᱳᱨᱟ ᱫᱚ^[᱑] ᱟᱥᱟᱢ ᱨᱮᱱᱟᱜ ᱨᱟᱡᱽᱜᱟᱲ ᱜᱩᱣᱟᱦᱟᱴᱤ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱟᱡᱟᱜ ᱟᱥᱲᱟ ᱥᱮᱪᱮᱫ ᱫᱚ ᱜᱩᱣᱟᱦᱟᱴᱤ ᱨᱮᱭᱟᱜ ᱛᱟᱨᱤᱱᱤ ᱪᱟᱨᱚᱱ ᱜᱟᱨᱞᱥ ᱟᱥᱲᱟ ᱨᱮᱭ ᱯᱟᱲᱦᱟᱣ ᱞᱮᱱᱟ ᱟᱨ ᱛᱟᱭᱚᱢ ᱛᱮ ᱟᱨᱴᱥ ᱯᱟᱲᱦᱟᱣ ᱞᱟᱹᱜᱤᱫ ᱦᱟᱱᱰᱤᱠ ᱜᱟᱨᱞᱥ ᱠᱚᱞᱮᱡᱽ ᱨᱮ ᱥᱮᱞᱮᱫ ᱮᱱᱟ ᱾

ᱠᱟᱹᱢᱤ ᱡᱤᱭᱚᱱ

ᱢᱤᱫ ᱤᱱᱴᱟᱨᱵᱷᱭᱩ ᱨᱮ ᱩᱱᱤ ᱫᱚᱭ ᱢᱮᱱ ᱞᱮᱫᱟ ᱩᱱᱤ ᱫᱚ ᱒᱐᱐᱓ ᱥᱮᱨᱢᱟ ᱨᱮ ᱫᱩᱨᱫᱚᱨᱥᱚᱱ ᱜᱩᱣᱟᱦᱟᱴᱤ ᱨᱮ ᱢᱤᱫ ᱠᱚᱢᱤᱱᱥᱚᱱ ᱯᱨᱚᱜᱨᱟᱢ ᱨᱮ ᱟᱡᱟᱜ ᱯᱟᱴ ᱡᱤᱭᱚᱱ ᱮᱛᱚᱦᱚᱵ ᱞᱮᱫᱟ ᱾

ᱵᱷᱩᱭᱟᱱ ᱫᱚ ᱒᱐᱐᱕ ᱥᱟᱞ ᱨᱮ ᱥᱤᱵᱚᱱᱚᱱ ᱵᱟᱨᱩᱣᱟ ᱟᱜ ᱯᱷᱤᱞᱢ ᱦᱤᱭᱚᱨ ᱫᱟᱯᱩᱱᱟᱴ ᱛᱚᱢᱟᱨᱮ ᱥᱳᱵᱤ ᱥᱟᱶ ᱨᱚᱵᱤ ᱥᱚᱨᱢᱟ ᱟᱨ ᱵᱚᱨᱥᱚ ᱨᱟᱱᱤ ᱵᱤᱥᱟᱭᱟ ᱥᱟᱶ ᱟᱥᱟᱢᱤᱭᱟ ᱯᱷᱤᱞᱢ ᱤᱱᱰᱚᱥᱴᱨᱤ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱩᱱᱤ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱵᱷᱤᱥᱤᱰᱤ ᱯᱷᱤᱞᱢ ᱠᱚᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ, ᱡᱮᱞᱮᱠᱟ ᱚᱱᱢᱳᱱᱟ ᱢᱚᱱ, ᱡᱚᱱ ᱴᱳᱨᱟ ᱮᱢᱟᱱ ᱾

ᱛᱩᱢᱤ ᱡᱳᱰᱤ ᱠᱩᱣᱟ

(Assamese: তুমি যদি কোৱা, romanized: ᱛᱩᱢᱤ ᱡᱳᱰᱤ ᱠᱩᱣᱟ) ᱫᱚ ᱢᱤᱫ ᱟᱥᱟᱢᱤᱥ ᱢᱤᱣᱡᱤᱠ, ᱨᱳᱢᱟᱱᱴᱤᱠ ᱜᱟᱭᱟᱱ ᱯᱷᱤᱞᱢ ᱠᱟᱱᱟ, ᱡᱟᱦᱟᱸ ᱫᱚ ᱰᱟᱭᱨᱮᱠᱴᱚᱨ, ᱰᱟᱭᱞᱚᱜᱽ ᱟᱨ ᱥᱠᱨᱤᱱᱤᱴᱤ ᱥᱤᱢᱯᱚᱞ ᱜᱚᱜᱚᱭ ᱮ ᱚᱞ ᱟᱠᱟᱫᱟ ᱟᱨ ᱮᱞ. ᱮᱱ. ᱴᱮᱨᱳᱱ ᱡᱤᱴᱩᱢᱳᱱᱤ ᱵᱮᱱᱟᱣ ᱟᱠᱟᱫᱟ ᱾ ᱯᱷᱤᱞᱢ ᱠᱚ^[᱒] ᱱᱚᱣᱟ ᱯᱷᱤᱞᱢ ᱨᱮ ᱯᱨᱚᱥᱮᱱᱡᱤᱛ ᱵᱳᱨᱟ, ᱵᱷᱩᱭᱟᱱ, ᱢᱩᱱᱚᱢᱤ ᱠᱟᱞᱤᱛᱟ, ᱨᱩᱯᱚᱢ ᱥᱚᱨᱢᱟ, ᱯᱨᱤᱱᱥ, ᱵᱷᱟᱥᱠᱟᱨ ᱨᱚᱧᱡᱚᱱ, ᱨᱚᱧᱡᱚᱱ ᱫᱟᱛᱟ, ᱠᱨᱤᱥᱱᱟ ᱮᱢᱟᱱ ᱠᱚ ᱢᱮᱱᱟᱜ ᱠᱚᱣᱟ ᱾ ᱚᱠᱟᱥ ᱜᱳᱜᱳᱭ, ᱥᱩᱵᱷᱟᱥ ᱟᱨ ᱵᱤᱡᱚᱭᱮᱛᱟ ᱠᱚ ᱢᱮᱠ-ᱟᱯ ᱟᱠᱟᱫᱟ ᱾ ᱯᱷᱤᱞᱢ ᱨᱮᱱᱟᱜ ᱠᱟᱛᱷᱟ ᱫᱚ ᱜᱚᱣᱛᱚᱢ ᱨᱟᱵᱷᱟᱭ ᱮᱢ ᱟᱠᱟᱫᱟ ᱾ ᱱᱚᱣᱟ ᱯᱷᱤᱞᱢ ᱫᱚ ᱑᱔ ᱡᱩᱱ ᱒᱐᱑᱓ ᱨᱮ ᱨᱤᱞᱤᱡᱽ ᱞᱮᱱᱟ ᱾^[᱓]

ᱚᱡᱮᱭᱳ

(ᱟᱥᱟᱢᱤᱥ: অজেয়, ᱤᱝᱞᱤᱥ: Invincible) ᱫᱚ ᱒᱐᱑᱔ ᱨᱮᱱᱟᱜ ᱟᱥᱟᱢᱤᱥ ᱯᱟᱹᱨᱥᱤ ᱨᱮᱱᱟᱜ ᱜᱟᱭᱟᱱ ᱯᱷᱤᱞᱢ ᱠᱟᱱᱟ, ᱡᱟᱦᱟᱸ ᱫᱚ ᱡᱚᱦᱟᱱᱩ ᱵᱟᱨᱩᱣᱟᱭ ᱰᱟᱭᱨᱮᱠᱴᱚᱨ ᱟᱠᱟᱫᱟ ᱾ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ ᱑᱙᱙᱗ ᱨᱮᱱᱟᱜ ᱟᱥᱟᱢᱤᱥ ᱚᱱᱚᱬᱦᱮ ᱟᱥᱤᱨᱵᱟᱫᱳᱨ ᱨᱳᱝ ᱨᱮ ᱚᱞ ᱟᱠᱟᱱ, ᱚᱠᱟ ᱫᱚ ᱚᱨᱩᱬ ᱥᱚᱨᱢᱟ ᱦᱚᱛᱮᱛᱮ ᱚᱞ ᱟᱠᱟᱱᱟ ᱟᱨ ᱰᱟᱭᱨᱮᱠᱴᱚᱨ ᱟᱜ ᱱᱤᱡᱮᱨᱟᱜ ᱥᱠᱨᱤᱱᱤᱯᱷᱤᱴ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱥᱚᱝᱠᱚᱨ ᱞᱟᱞ ᱜᱳᱭᱟᱱᱠᱟ ᱦᱚᱛᱮᱛᱮ ᱵᱮᱱᱟᱣ ᱞᱮᱱᱟ ᱟᱨ ᱱᱚᱣᱟ ᱨᱮ ᱨᱩᱯᱚᱢ ᱪᱮᱴᱤᱭᱟ ᱟᱨ ᱡᱩᱯᱤᱴᱳᱨᱟ ᱵᱷᱩᱭᱟᱱ ᱫᱚ ᱢᱩᱬᱩᱛ ᱯᱟᱴ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱱᱚᱣᱟ ᱯᱷᱤᱞᱢ ᱫᱚ ᱓ ᱡᱟᱱᱩᱣᱟᱨᱤ ᱒᱐᱑᱔ ᱨᱮ ᱨᱤᱞᱤᱡᱽ ᱞᱮᱱᱟ ᱾^[᱔]

ᱢᱚᱵᱟᱭᱤᱞ ᱛᱷᱤᱭᱮᱴᱚᱨ

᱒᱐᱐᱘ ᱥᱟᱞᱮ ᱨᱮ ᱵᱷᱩᱭᱟᱱ ᱫᱚ ᱡᱟᱛᱤᱱ ᱵᱳᱨᱟ ᱥᱟᱶ ᱠᱳᱦᱤᱱᱩᱨ ᱛᱷᱤᱭᱮᱴᱚᱨ ᱨᱮ ᱢᱩᱬᱩᱛ ᱛᱤᱨᱞᱟᱹ ᱯᱟᱴ ᱞᱮᱱ ᱛᱟᱦᱮᱸᱫ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱨᱟᱡᱽᱥᱨᱤ ᱛᱷᱤᱭᱮᱴᱚᱨ, ᱪᱤᱨᱚᱱᱡᱤᱵᱽ ᱛᱷᱤᱭᱮᱴᱚᱨ, ᱨᱟᱡᱽᱛᱤᱞᱚᱠ ᱛᱷᱤᱭᱮᱴᱚᱨ ᱮᱢᱟᱱ ᱞᱮᱠᱟᱱ ᱢᱚᱵᱟᱭᱤᱞ ᱛᱷᱤᱭᱮᱴᱚᱨ ᱜᱩᱴ ᱠᱚᱨᱮᱭ ᱥᱮᱞᱮᱫ ᱞᱮᱱᱟ ᱾

ᱥᱟᱹᱠᱷᱭᱟᱹᱛ

↑ "Assamese Actress Jupitora Bhuyan". magicalassam.com. Archived from the original on 11 January 2014. Retrieved 13 June 2013.
↑ "Aiyushman Dutta - Simple Gogoi's debut film to hit big screens next month". on Sentinel Assam Newspaper. Archived from the original on 12 January 2014. Retrieved 15 December 2012.
↑ "Assamese film 'Tumi Jodi Kuwa'". on Sentinel Assam Newspaper. Archived from the original on 12 January 2014. Retrieved 20 April 2013.
↑ Deka, Prantik (30 December 2013). "Jahnu Barua's Ajeyo releases on January 3". The Sentinel. Archived from the original on 2 November 2014. Retrieved 15 March 2014.

ᱵᱟᱦᱨᱮ ᱡᱚᱱᱚᱲ

ᱡᱩᱯᱤᱴᱳᱨᱟ ᱵᱷᱩᱭᱟᱱ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
ᱡᱩᱯᱤᱴᱳᱨᱟ ᱵᱷᱩᱭᱟᱱ ᱯᱷᱮᱥᱵᱩᱠ ᱨᱮ

[1] "Assamese Actress Jupitora Bhuyan". magicalassam.com. Archived from the original on 11 January 2014. Retrieved 13 June 2013.

[2] "Aiyushman Dutta - Simple Gogoi's debut film to hit big screens next month". on Sentinel Assam Newspaper. Archived from the original on 12 January 2014. Retrieved 15 December 2012.

[3] "Assamese film 'Tumi Jodi Kuwa'". on Sentinel Assam Newspaper. Archived from the original on 12 January 2014. Retrieved 20 April 2013.

[4] Deka, Prantik (30 December 2013). "Jahnu Barua's Ajeyo releases on January 3". The Sentinel. Archived from the original on 2 November 2014. Retrieved 15 March 2014.

[᱑]

[᱒]

[᱓]

[᱔]