ᱡᱮᱨᱤᱯᱷᱟ ᱣᱟᱦᱤᱫᱽ
| ᱡᱮᱨᱤᱯᱷᱟ ᱣᱟᱦᱤᱫᱽ | |
|---|---|
 ᱑᱑ ᱱᱚᱵᱷᱮᱢᱵᱚᱨ ᱒᱐᱑᱑ ᱨᱮ ᱡᱚᱦᱱᱩ ᱵᱚᱨᱩᱣᱟ ᱟᱜ ᱟᱥᱟᱢᱤᱥ ᱯᱷᱤᱞᱢ ᱵᱟᱱᱫᱷᱚᱱ ᱨᱮᱱᱟᱜ ᱢᱩᱦᱩᱨᱟᱛ ᱚᱠᱛᱚ ᱨᱮ ᱡᱮᱨᱤᱯᱷᱟ ᱣᱟᱦᱤᱫᱽ | |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | ᱑᱙᱙᱐ ᱠᱷᱚᱱ ᱱᱤᱛ ᱫᱷᱟᱹᱨᱤᱡ |
ᱡᱮᱨᱤᱯᱷᱟ ᱣᱟᱦᱤᱫᱽ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱚᱥᱚᱢᱤᱭᱟ ᱯᱷᱤᱞᱢ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾[᱑] ᱩᱱᱤᱭᱟᱜ ᱧᱩᱛᱩᱢᱟᱱ ᱯᱷᱤᱞᱢ ᱨᱮ ᱵᱟᱱᱫᱷᱳᱱ ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱟᱦᱱᱩ ᱵᱚᱨᱩᱣᱟ ᱦᱚᱛᱮᱛᱮ ᱰᱟᱭᱨᱮᱠᱥᱚᱱ ᱟᱠᱟᱱ ᱚᱥᱚᱢᱤᱭᱟ ᱨᱮ ᱥᱚᱨᱮᱥ ᱯᱷᱤᱞᱢ ᱞᱟᱹᱜᱤᱫ ᱖᱐ ᱟᱱᱟᱜ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱟᱠᱟᱫᱼᱟ ᱾[᱒] ᱟᱨ ᱒᱐᱑᱒ ᱥᱮᱨᱢᱟ ᱨᱮ ᱵᱮᱝᱜᱟᱞᱩᱨᱩ ᱡᱮᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱯᱟᱨᱟᱵᱽ ᱨᱮ ᱦᱩᱭ ᱞᱮᱱ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱥᱤᱨᱯᱷᱟᱹ ᱨᱮ ᱥᱚᱨᱮᱥ ᱯᱷᱤᱞᱢ ᱾[᱓]
ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱮᱨᱤᱯᱷᱟ ᱣᱟᱦᱤᱫᱽ ᱫᱚ ᱑᱙᱙᱐ ᱨᱮ ᱟᱥᱟᱢᱤᱭᱟ ᱯᱷᱤᱪᱚᱨ ᱯᱷᱤᱞᱢ ᱚᱵᱷᱤᱢᱟᱱ ᱠᱷᱚᱱ ᱟᱡᱟᱜ ᱮᱛᱚᱦᱚᱵ ᱠᱟᱛᱮ ᱢᱤᱫ ᱜᱤᱫᱽᱨᱟᱹ ᱞᱮᱠᱟᱛᱮ ᱯᱟᱴ ᱨᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮᱛᱚᱦᱚᱵ ᱞᱮᱫᱼᱟ ᱾ ᱟᱡᱟᱜ ᱥᱮᱪᱮᱫ ᱠᱟᱹᱢᱤ ᱥᱟᱶᱛᱮ, ᱩᱱᱤ ᱫᱚ ᱯᱟᱴ ᱨᱮ ᱟᱡᱟᱜ ᱦᱩᱱᱟᱹᱨ ᱫᱚᱦᱚᱭ ᱨᱮ ᱥᱮᱞᱮᱫ ᱞᱮᱱᱟᱭ ᱟᱨ ᱟᱭᱢᱟ ᱟᱥᱟᱢᱤ ᱯᱷᱤᱪᱚᱨ ᱯᱷᱤᱞᱢ, ᱴᱮᱞᱤᱵᱤᱡᱚᱱ ᱥᱤᱨᱤᱭᱮᱞ, ᱵᱷᱤᱰᱤᱭᱳ ᱯᱷᱤᱞᱢ, ᱢᱤᱣᱡᱤᱠ ᱮᱞᱵᱚᱢ ᱟᱨ ᱴᱤᱵᱷᱤ ᱵᱮᱵᱚᱥᱛᱟ ᱠᱚᱨᱮ ᱢᱤᱫ ᱧᱩᱛᱩᱢᱟᱱ ᱱᱤᱨᱟᱹᱭ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟᱭ ᱾ ᱢᱤᱫ ᱟᱹᱰᱤ ᱦᱩᱰᱤᱧ, ᱟᱥᱲᱟ ᱪᱟᱞᱟᱜ ᱠᱟᱱ ᱡᱮᱨᱤᱯᱷᱟ ᱫᱚ ᱚᱜᱽᱱᱤᱜᱚᱲ, ᱟᱴᱤᱠᱨᱚᱢ, ᱫᱷᱩᱣᱟ ᱮᱢᱟᱱ ᱯᱷᱤᱞᱢ ᱨᱮ ᱢᱩᱬᱩᱛ ᱠᱷᱮᱞᱚᱸᱰᱤᱭᱟᱹ ᱩᱱᱤ ᱫᱚ ᱡᱩᱵᱤᱱ ᱜᱚᱨᱜᱽ ᱟᱜ ᱛᱩᱢᱤ ᱢᱳᱨ ᱢᱟᱛᱷᱩ ᱢᱳᱨ ᱨᱮ ᱢᱩᱬᱩᱛ ᱠᱷᱮᱞᱚᱸᱰᱤᱭᱟᱹ ᱞᱮᱠᱟᱛᱮ ᱯᱟᱴ ᱟᱠᱟᱫᱟ ᱾ ᱟᱨ ᱱᱟᱦᱟᱜ ᱟᱨ ᱯᱨᱚᱜᱨᱮᱥᱤᱵᱷ ᱰᱚᱠᱴᱚᱵᱷᱤᱡᱚᱱ ᱨᱮ ᱯᱟᱴ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱᱟᱭ ᱾ ᱩᱱᱤᱭᱟᱜ ᱠᱤᱪᱷᱩ ᱯᱷᱤᱞᱢ ᱠᱚᱫᱚ ᱦᱩᱭᱩᱜ ᱠᱟᱱᱟ ᱥᱮᱣᱡᱤ ᱫᱷᱟᱨᱱᱤ ᱫᱷᱩᱱᱤᱭᱟ, ᱮᱱᱭᱟ ᱮᱠ ᱡᱟᱛᱨᱟ, ᱜᱟᱱ ᱜᱟᱱ ᱜᱟᱱᱮ ᱜᱟᱱᱮ, ᱚᱜᱽᱱᱤᱥᱟᱠᱷᱤ (ᱡᱟᱦᱟᱸ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱟᱥᱟᱢ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱚᱨᱮᱥ ᱮᱠᱴᱨᱮᱥ ᱟᱜ ᱥᱤᱨᱯᱷᱟᱹ ᱧᱟᱢ ᱞᱮᱫ ᱛᱟᱦᱮᱸᱫ), ᱱᱟᱭᱚᱠ, ᱠᱟᱫᱟᱢᱵᱚᱨᱤ, ᱯᱨᱮᱢ ᱜᱤᱛ, ᱫᱮᱣᱛᱟ ᱫᱤᱭᱟ ᱵᱤᱫᱟᱭ ᱟᱨ ᱚᱦᱤᱨ ᱵᱷᱟᱭᱨᱚᱵᱽ ᱮᱢᱟᱱ ᱾ ᱚᱱᱛᱚᱦᱤᱱ ᱡᱟᱛᱨᱟ ᱨᱮ ᱡᱮᱨᱤᱯᱷᱟ ᱫᱚ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱚᱦᱤᱨ ᱵᱷᱟᱭᱨᱚᱵᱽ, ᱡᱟᱦᱟᱸ ᱨᱮ ᱡᱮᱨᱤᱯᱷᱟ ᱢᱤᱫ ᱥᱤᱡᱳᱯᱷᱨᱮᱱᱤᱠ ᱟᱜ ᱯᱟᱴ ᱞᱮᱫ ᱛᱟᱦᱮᱸᱫ, ᱯᱩᱭᱞᱩ ᱟᱥᱟᱢᱤᱭᱟ ᱯᱷᱤᱪᱚᱨ ᱯᱷᱤᱞᱢ ᱠᱟᱱᱟ ᱡᱟᱦᱟᱸ ᱫᱚ ᱞᱚᱱᱰᱚᱱ ᱨᱮ ᱥᱩᱴᱤᱝ ᱟᱠᱟᱱᱟ ᱾
ᱡᱮᱨᱤᱯᱷᱟ ᱣᱟᱦᱤᱫᱽ ᱫᱚ ᱥᱟᱶᱛᱟ ᱠᱟᱹᱢᱤ, ᱯᱷᱤᱞᱢ ᱟᱨ ᱛᱷᱤᱭᱮᱴᱚᱨ ᱯᱨᱚᱰᱭᱩᱥᱚᱱ ᱨᱮ ᱟᱭᱢᱟ ᱡᱟᱭᱜᱟ ᱨᱮ ᱟᱡᱟᱜ ᱡᱤᱭᱚᱱ ᱪᱟᱞᱟᱣ ᱟᱠᱟᱫᱟᱭ ᱾ ᱡᱮᱨᱤᱯᱷᱟ ᱫᱚ ᱟᱥᱟᱢ ᱚᱴᱤᱥᱢ ᱯᱷᱚᱣᱩᱱᱰᱮᱥᱚᱱ ᱟᱨ ᱥᱯᱮᱥᱤᱭᱟᱞ ᱚᱞᱤᱢᱯᱤᱠᱥ ᱥᱤᱧᱚᱛ (ᱟᱥᱟᱢ ᱪᱮᱯᱴᱟᱨ) ᱨᱤᱱᱤᱡ ᱨᱟᱡᱽᱫᱩᱛ ᱠᱟᱱᱟᱭ ᱾ ᱩᱱᱤ ᱫᱚ ᱟᱭᱤ.ᱴᱤ. ᱵᱨᱟᱸᱰ ᱰᱟᱴᱟᱢᱮᱥᱚᱱ ᱦᱚᱸᱭ ᱯᱟᱥᱱᱟᱣᱟ ᱾
ᱡᱟᱦᱱᱩ ᱵᱚᱨᱩᱣᱟ ᱟᱜ ᱵᱟᱱᱫᱷᱚᱱ ᱫᱚ ᱥᱤᱧᱚᱛ ᱨᱮᱱᱟᱜ ᱡᱮᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱯᱟᱨᱟᱵᱽ, ᱜᱳᱣᱟ ᱒᱐᱑᱒ ᱨᱮ ᱥᱤᱧᱚᱛᱤᱭᱟᱹ ᱯᱟᱱᱳᱨᱢᱟ ᱥᱮᱠᱥᱚᱱ ᱨᱮ ᱯᱩᱭᱞᱩ ᱯᱷᱤᱞᱢ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱡᱚᱛᱚ ᱠᱷᱚᱱ ᱱᱟᱯᱟᱭ ᱴᱚᱴᱷᱟᱠᱤᱭᱟᱹ ᱯᱷᱤᱞᱢ ᱞᱮᱠᱟᱛᱮ ᱡᱟᱹᱛᱤᱭᱟᱹᱨᱤ ᱥᱤᱨᱯᱷᱟᱹ (ᱨᱟᱡᱚᱛ ᱠᱚᱢᱚᱞ) ᱦᱚᱸᱭ ᱡᱤᱛᱠᱟᱹᱨ ᱞᱮᱱᱟ, ᱟᱨ ᱒᱐᱑᱓ ᱨᱮ ᱨᱤᱞᱤᱡᱽ ᱞᱮᱱ ᱵᱤᱫᱽᱭᱩᱛ ᱪᱚᱠᱨᱚᱵᱚᱨᱛᱤ ᱟᱜ ᱫᱩᱣᱟᱨ ᱫᱚ ᱟᱹᱰᱤ ᱢᱟᱨᱟᱝ ᱥᱟᱨᱦᱟᱣ ᱮ ᱧᱟᱢ ᱞᱮᱫᱼᱟ ᱾[᱔]
ᱟᱫᱤᱞ ᱦᱩᱥᱮᱱ, ᱠᱚᱯᱤᱞ ᱵᱳᱨᱟ ᱟᱨ ᱠᱮᱱᱤ ᱵᱚᱥᱩᱢᱟᱛᱟᱨᱤ ᱥᱟᱶ ᱟᱡᱟᱜ ᱯᱷᱤᱞᱢ ᱨᱚᱜᱽ: ᱫᱟ ᱨᱤᱫᱚᱢ ᱚᱯᱷ ᱞᱟᱵᱽ ᱫᱚ ᱗ ᱯᱷᱮᱵᱽᱨᱩᱣᱟᱨᱤ ᱒᱐᱑᱔ ᱨᱮ ᱟᱥᱟᱢ ᱨᱮ ᱨᱤᱞᱤᱡᱽ ᱞᱮᱱᱟ, ᱡᱟᱦᱟᱸ ᱫᱚ ᱗ ᱢᱟᱨᱪ ᱒᱐᱑᱔ ᱨᱮ ᱯᱤ.ᱵᱷᱤ.ᱟᱨ. ᱥᱤᱱᱮᱢᱟ ᱦᱚᱛᱮᱛᱮ ᱫᱤᱥᱚᱢ ᱡᱟᱠᱟᱛ ᱨᱮ ᱨᱤᱞᱤᱡᱽ ᱞᱮᱱᱟ ᱾[᱕]
ᱡᱮᱨᱤᱯᱷᱟ ᱣᱟᱦᱤᱫᱽ ᱟᱜ ᱒᱐᱑᱖ ᱨᱮ ᱨᱤᱞᱤᱡᱽ ᱟᱠᱟᱱ ᱠᱳᱛᱷᱟᱱᱳᱰᱤ: ᱫᱟ ᱨᱤᱵᱚᱨ ᱚᱯᱷ ᱯᱷᱮᱵᱽᱞᱥ ᱧᱩᱛᱩᱢᱟᱱ ᱯᱷᱤᱞᱢ ᱫᱚ ᱵᱷᱟᱥᱠᱟᱨ ᱦᱟᱡᱟᱨᱤᱠᱟ ᱟᱜ ᱰᱟᱭᱨᱮᱠᱥᱚᱱ ᱟᱨ ᱟᱫᱤᱞ ᱦᱩᱥᱮᱱ, ᱥᱤᱢᱟ ᱵᱤᱥᱣᱟᱥ, ᱠᱚᱯᱤᱞ ᱵᱳᱨᱟ ᱮᱢᱟᱱ ᱠᱚᱣᱟᱜ ᱯᱟᱴ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱯᱷᱤᱞᱢ ᱫᱚ ᱯᱳᱥᱴ ᱯᱨᱚᱰᱚᱠᱥᱚᱱ ᱥᱤᱨᱯᱷᱟᱹ ᱨᱮ ᱡᱤᱛᱠᱟᱹᱨ ᱞᱮᱱᱟ ᱟᱨ ᱚᱠᱴᱚᱵᱚᱨ ᱒᱐᱑᱕ ᱨᱮ ᱵᱩᱥᱟᱱ ᱡᱮᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱩᱫᱩᱜ ᱥᱚᱫᱚᱨ ᱞᱮᱱᱟ ᱾ ᱱᱚᱣᱟ ᱯᱷᱤᱞᱢ ᱫᱚ ᱵᱤ.ᱮᱯᱷ.ᱟᱭᱤ. ᱞᱚᱱᱰᱚᱱ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ, MAMI ᱢᱩᱢᱵᱟᱭ ᱡᱮᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ, ᱜᱚᱛᱷᱮᱱᱵᱚᱨᱜᱽ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱟᱨ ᱮᱴᱟᱜ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱠᱚᱨᱮ ᱦᱚᱸ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾
ᱯᱷᱤᱪᱚᱨ ᱯᱷᱤᱞᱢ ᱠᱳᱛᱷᱟᱱᱳᱰᱤ: ᱫᱟ ᱨᱤᱵᱟᱨ ᱚᱯᱷ ᱯᱷᱮᱵᱽᱞᱥ ᱫᱚ ᱖᱓ ᱟᱱᱟᱜ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱥᱤᱨᱯᱷᱟᱹ ᱒᱐᱑᱖ ᱨᱮ ᱟᱥᱟᱢᱤᱭᱟ ᱯᱟᱹᱨᱥᱤ ᱛᱮ ᱥᱚᱨᱮᱥ ᱯᱷᱤᱞᱢ ᱨᱟᱡᱚᱛ ᱠᱚᱢᱚᱞ ᱮ ᱡᱤᱛᱠᱟᱹᱨ ᱟᱠᱟᱫᱟ ᱾
ᱡᱮᱨᱤᱯᱷᱟ ᱣᱟᱦᱤᱫᱽ ᱯᱨᱚᱰᱚᱠᱥᱚᱱᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱮᱨᱤᱯᱷᱟ ᱣᱟᱦᱤᱫᱽ ᱫᱚ ᱟᱥᱟᱢᱤᱭᱟ ᱥᱤᱱᱮᱢᱟ ᱨᱤᱱᱤᱡ ᱯᱩᱭᱞᱩ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱟᱡᱟᱜ ᱱᱤᱡᱮᱨᱟᱜ ᱯᱨᱚᱰᱚᱠᱥᱚᱱ ᱦᱟᱣᱩᱥ "ᱡᱮᱨᱤᱯᱷᱟ ᱣᱟᱦᱤᱫᱽ ᱯᱨᱚᱰᱚᱠᱥᱚᱱᱥ" ᱮᱦᱚᱵ ᱟᱠᱟᱫᱟ ᱾[᱖]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Zerifa moves to theatre – Backstage girl". The Telegraph. 13 September 2007. Archived from the original on 12 September 2012. Retrieved 12 May 2010.
- ↑ "60th National Film Awards Announced" (PDF) (Press release). Press Information Bureau (PIB), India. Retrieved 18 March 2013.
- ↑ "Baandhon wins Best Film Award at Bengaluru International Film Festival". Dear Cinema. 27 December 2012. Retrieved 28 December 2012.
- ↑ "5 Assamese Films That Screened at International Film Festival of India [IFFI 2015]". Magical Assam. 16 September 2016. Retrieved 16 September 2016.
- ↑ Sarmah, Rashmi (17 February 2014). "I've been terribly affected by witch hunt killings for years: Rajani Basumatary". The Times of India. Retrieved 9 March 2014.
I've been terribly affected by witch hunt killings for years
- ↑ Singha, Nilotpal (7 October 2014), Zerifa Wahid – 8 Lesser-Known Facts About The Actress, archived from the original on 4 June 2015, retrieved 4 June 2015
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
 |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱡᱮᱨᱤᱯᱷᱟ ᱣᱟᱦᱤᱫᱽ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱡᱮᱨᱤᱯᱷᱟ ᱣᱟᱦᱤᱫᱽ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)