ᱡᱳᱛᱤᱨᱤᱱᱫᱨᱚ ᱵᱳᱫᱷᱤᱯᱨᱤᱭᱳ ᱞᱟᱨᱢᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱥᱳᱱᱛᱩ ᱞᱟᱨᱢᱟ
Shantu Larma
সন্তু লারমা
Santu Larma, President, JSS.jpg
Leader of Parbatya Chattagram Jana Samhati Samiti
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ Manabendra Narayan Larma
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ ᱑᱕ ᱯᱷᱮᱵᱽᱨᱩᱣᱟᱨᱤ ᱑᱙᱔᱔ (1944-02-15) (᱗᱘ ᱥᱮᱨᱢᱟ)
Rangamati, British India
ᱡᱟᱹᱛᱤᱭᱟᱹᱨᱤ  Bangladesh
ᱨᱟᱡᱽᱟᱹᱨᱤ ᱫᱚᱞ Parbatya Chattagram Jana Samhati Samiti
ᱜᱳ/ᱵᱟᱵᱟ
  • Chitakishor Chakma (father)
  • Subhasini Dewan (mother)
ᱚᱲᱟᱜ Chittagong Hill Tracts
ᱥᱮᱪᱮᱫ ᱟᱠᱷᱲᱟ
ᱠᱟᱹᱢᱤ Businessman, politician

ᱡᱳᱛᱤᱨᱤᱱᱫᱨᱚ ᱵᱳᱫᱷᱤᱯᱨᱤᱭᱳ ᱞᱟᱨᱢᱟ ᱥᱮ ᱥᱳᱱᱛᱩ ᱞᱟᱨᱢᱟ (ᱡᱟᱱᱟᱢ: ᱑᱔ ᱯᱷᱮᱵᱨᱩᱣᱟᱨᱤ ᱑᱙᱔᱔) ᱫᱚ ᱵᱩᱨᱩ ᱪᱚᱴᱴᱚᱜᱨᱟᱢ ᱨᱮᱱ ᱢᱤᱫᱴᱮᱱ ᱱᱮᱛᱟ ᱠᱟᱱᱟᱭ᱾ ᱥᱳᱱᱛᱩ ᱞᱟᱨᱢᱟ ᱫᱚ ᱪᱟᱠᱢᱟ ᱡᱟᱹᱛᱤ ᱠᱟᱱᱟᱭ᱾

ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱔᱔ ᱥᱮᱨᱢᱟ ᱨᱮᱱᱟᱜ ᱑᱔ ᱯᱷᱮᱵᱨᱩᱣᱟᱨᱤ ᱨᱟᱝᱜᱟᱢᱟᱴᱤ ᱦᱚᱱᱚᱛ ᱨᱮᱱᱟᱜ ᱢᱚᱦᱟᱯᱩᱨᱚᱢ ᱴᱚᱴᱷᱟ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱪᱤᱛᱛᱚᱠᱤᱥᱳᱨ ᱪᱟᱠᱢᱟ ᱟᱨ ᱟᱡ ᱜᱚᱜᱚ ᱟᱜ ᱧᱩᱛᱩᱢ ᱫᱚ ᱥᱩᱵᱷᱟᱥᱤᱱᱤ ᱫᱮᱣᱟᱱ᱾

ᱚᱞ ᱯᱟᱲᱦᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱞᱟᱥ ᱘ ᱫᱷᱟᱹᱵᱤᱡ ᱫᱚ ᱩᱱᱤ ᱢᱚᱦᱟᱯᱩᱨᱚᱢ ᱡᱩᱱᱤᱭᱚᱨ ᱦᱟᱭ ᱤᱥᱠᱩᱞ ᱨᱮᱭ ᱯᱟᱲᱦᱟᱣ ᱟᱠᱟᱱᱟ᱾ ᱑᱙᱕᱙ ᱥᱮᱨᱢᱟ ᱨᱮ ᱨᱟᱝᱜᱟᱢᱟᱴᱤ ᱥᱚᱨᱠᱟᱨᱤ ᱦᱟᱭ ᱤᱥᱠᱩᱞ ᱠᱷᱚᱱ ᱢᱮᱴᱴᱨᱤᱠ ᱮ ᱯᱟᱥ ᱠᱟᱛᱮ᱾ ᱤᱱᱟᱹ ᱛᱟᱭᱚᱢ ᱪᱚᱴᱴᱚᱜᱨᱟᱢ ᱥᱮᱨ ᱟᱥᱩᱛᱳᱥ ᱠᱚᱞᱮᱡᱽ ᱠᱷᱚᱱ ᱟᱭ ᱮ ᱟᱨ ᱤᱱᱟᱹ ᱛᱟᱭᱚᱢ ᱠᱩᱢᱤᱞᱞᱟ ᱵᱷᱤᱠᱴᱳᱨᱤᱭᱟ ᱠᱚᱞᱮᱡᱽ ᱠᱷᱚᱱ ᱵᱤ ᱮ ᱯᱟᱥ ᱠᱮᱫᱟ᱾ ᱑᱙᱖᱕ ᱥᱮᱨᱢᱟ ᱨᱮ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱟᱝᱞᱟ ᱥᱟᱛᱟᱢ ᱛᱮ ᱮᱢ ᱮ ᱯᱟᱥ ᱟᱠᱟᱫᱟ᱾

ᱨᱟᱡᱟᱨᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱖᱐ ᱥᱮᱨᱢᱟ ᱨᱮ ᱠᱟᱯᱛᱟᱭ ᱵᱟᱸᱫᱷ ᱠᱟᱨᱚᱱ ᱛᱮ ᱟᱭᱟᱜ ᱡᱟᱱᱟᱢ ᱡᱟᱜᱟ ᱢᱚᱦᱟᱯᱩᱨᱚᱢ ᱴᱚᱴᱷᱟ ᱫᱟᱜ ᱞᱟᱛᱟᱨ ᱩᱱᱩᱢᱮᱱ ᱠᱷᱟᱱ ᱠᱷᱟᱜᱽᱲᱟᱪᱷᱚᱲᱤ ᱨᱮᱱᱟᱜ ᱯᱟᱱᱪᱷᱚᱲᱤ ᱨᱮ ᱛᱟᱸᱦᱮᱸᱱ ᱠᱩ ᱫᱷᱩᱨᱟᱹᱣᱱᱟ᱾ ᱱᱚᱛᱮ ᱚᱱᱟ ᱵᱟᱸᱫᱷ ᱵᱮᱱᱟᱣ ᱞᱟᱹᱜᱤᱛ ᱡᱟᱸᱦᱟᱸ ᱡᱟᱸᱦᱟᱸ ᱠᱟᱴᱷᱟ ᱠᱩ ᱮᱢ ᱞᱮᱫᱟ ᱥᱚᱨᱠᱟᱨ ᱚᱱᱟ ᱠᱩ ᱵᱟᱹᱠᱩ ᱢᱟᱱᱟᱣ ᱵᱟᱛᱚᱣ ᱞᱮᱛ ᱛᱮ ᱚᱸᱰᱮᱱᱠᱩ ᱢᱟᱹᱱᱢᱤ ᱠᱩ ᱵᱷᱤᱛᱨᱤᱨᱮ ᱨᱟᱸᱜᱟᱣ ᱛᱮᱭᱟᱨ ᱫᱷᱩᱨᱟᱹᱣᱱᱟ᱾ ᱑᱙᱖᱓ ᱥᱮᱨᱢᱟ ᱨᱮ ᱵᱩᱨᱩ ᱴᱚᱴᱷᱟ ᱨᱮ ᱡᱟᱸᱦᱟᱸ ᱟᱹᱫᱤᱵᱟᱹᱥᱤ ᱴᱚᱴᱷᱟ ᱢᱮᱱᱛᱮ ᱠᱚ ᱞᱟᱹᱭ ᱞᱮᱫᱟ ᱚᱱᱟ ᱠᱚ ᱵᱟᱹᱛᱤᱞ ᱠᱮᱫ ᱠᱷᱟᱱ ᱨᱟᱸᱜᱟᱣ ᱟᱨᱦᱚᱸ ᱰᱷᱤᱨ ᱪᱟᱞᱟᱣᱱᱟ᱾ ᱩᱱ ᱡᱚᱠᱷᱚᱡ ᱟᱹᱠᱩᱣᱟᱜ ᱟᱹᱭᱫᱟᱹᱨᱤ ᱟᱹᱫᱟᱹᱭ ᱞᱟᱹᱜᱤᱛ ᱠᱟᱹᱢᱤᱭ ᱮᱛᱦᱚᱵ ᱠᱮᱫᱟ᱾ ᱚᱱᱟ ᱞᱟᱦᱟᱨᱮ ᱵᱮᱱᱟᱣ ᱟᱠᱟᱱ ᱯᱟᱦᱟᱲᱤ ᱪᱷᱟᱛᱨᱚ ᱥᱚᱢᱤᱛᱤ ᱨᱮᱱᱟᱜ ᱠᱟᱹᱢᱤ ᱠᱩ ᱟᱨᱦᱚᱸ ᱥᱟᱹᱨᱫᱤ ᱤᱫᱤᱭᱮᱱᱟ᱾ ᱱᱚᱛᱮ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱟᱲᱦᱟᱣ ᱡᱚᱠᱷᱚᱡ ᱜᱮ ᱥᱳᱱᱛᱩ ᱞᱟᱨᱢᱟ ᱵᱟᱢ ᱪᱷᱟᱛᱨᱚ ᱫᱚᱞ ᱪᱷᱟᱛᱨᱚ ᱤᱣᱱᱤᱭᱚᱱ ᱨᱮᱱᱟᱜ ᱨᱟᱡᱟᱨᱤ ᱨᱮᱭ ᱡᱚᱲᱟᱣ ᱞᱮᱱᱟ᱾ ᱯᱟᱲᱦᱟᱣ ᱢᱩᱪᱟᱹᱫ ᱠᱟᱛᱮ ᱠᱷᱟᱜᱽᱲᱟᱪᱷᱚᱲᱤ ᱨᱮᱱᱟᱜ ᱢᱚᱦᱟᱞᱪᱷᱚᱲᱤ ᱨᱮ ᱢᱤᱫᱴᱮᱱ ᱤᱥᱠᱩᱞ ᱨᱮ ᱜᱤᱫᱨᱟᱹ ᱯᱟᱲᱦᱟᱣᱮ ᱫᱷᱩᱨᱟᱹᱣ ᱮᱱᱟ᱾

ᱜᱮᱹᱨᱤᱞᱟ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱗᱒ ᱥᱮᱨᱢᱟ ᱨᱮ ᱯᱟᱨᱵᱚᱛᱛᱚ ᱪᱚᱴᱴᱚᱜᱨᱟᱢ ᱡᱚᱱᱚᱥᱚᱝᱦᱚᱛᱤ ᱥᱚᱢᱤᱛᱤ ᱵᱮᱱᱟᱣ ᱡᱚᱠᱷᱚᱡ ᱟᱡ ᱫᱚ ᱵᱩᱱᱤᱭᱟᱹᱫᱤ ᱥᱚᱦᱮᱫᱮ ᱛᱟᱸᱦᱮᱸᱠᱟᱱᱟ᱾ ᱟᱡ ᱫᱟᱫᱟ ᱢᱟᱱᱚᱵᱮᱱᱫᱨᱚ ᱱᱟᱨᱟᱭᱚᱱ ᱞᱟᱨᱢᱟ ᱫᱚ ᱥᱚᱢᱤᱛᱤ ᱨᱮᱱ ᱯᱟᱨᱥᱮᱛ ᱮ ᱛᱟᱸᱦᱮᱸᱠᱟᱱᱟ᱾ ᱟᱱᱫᱚᱞᱚᱱ ᱫᱟᱨᱟᱭ ᱛᱮ ᱟᱹᱠᱩᱣᱟᱜ ᱫᱟᱹᱵᱤ ᱵᱟᱝ ᱦᱩᱭᱩᱜ ᱠᱷᱟᱹᱛᱤᱨ ᱥᱚᱢᱤᱛᱤ ᱨᱮᱱᱟᱜ ᱢᱤᱫᱴᱮᱱ ᱥᱟᱢᱚᱨᱤᱠ ᱥᱟᱠᱷᱟ ᱥᱟᱱᱛᱤ ᱵᱟᱦᱤᱱᱤ ᱑᱙᱗᱓ ᱥᱮᱨᱢᱟ ᱨᱮᱠᱩ ᱵᱮᱱᱟᱣ ᱞᱮᱫᱟ᱾ ᱑᱙᱗᱕ ᱥᱮᱨᱢᱟ ᱨᱮ ᱥᱳᱱᱛᱩ ᱞᱟᱨᱢᱟ ᱫᱚᱭ ᱩᱠᱩᱭᱮᱱᱟ᱾ ᱤᱱᱟᱹ ᱥᱮᱨᱢᱟ ᱜᱮ ᱒᱖ ᱚᱠᱴᱳᱵᱚᱨ ᱨᱮᱠᱩ ᱥᱟᱵ ᱠᱮᱫᱮᱭᱟ᱾ ᱑᱙᱘᱐ ᱥᱮᱨᱢᱟ ᱨᱮ ᱡᱮᱹᱞ ᱠᱷᱚᱱ ᱩᱰᱩᱝ ᱠᱟᱛᱮ ᱟᱨᱦᱚᱸ ᱠᱟᱹᱢᱤᱭ ᱡᱳᱨᱫᱟᱨ ᱠᱮᱫᱟ᱾ ᱑᱙᱘᱑ ᱨᱮ ᱟᱨᱦᱚᱸ ᱫᱚᱲᱦᱟ ᱛᱮᱠᱩ ᱥᱟᱵ ᱠᱮᱫᱮᱭᱟ᱾ ᱩᱱ ᱡᱚᱠᱷᱚᱡ ᱥᱚᱢᱤᱛᱤ ᱵᱷᱤᱛᱨᱤ ᱨᱮ ᱵᱟᱨ ᱫᱚᱞ ᱠᱩ ᱛᱮᱭᱟᱨ ᱱᱟ᱾ ᱑᱙᱘᱒ ᱥᱮᱨᱢᱟ ᱨᱮ ᱩᱱᱠᱩ ᱵᱤᱨᱳᱫᱷᱤ ᱠᱳᱣᱟᱜ ᱜᱩᱞᱤ ᱛᱮ ᱟᱡ ᱫᱟᱫᱟ ᱢᱟᱱᱚᱵᱮᱱᱫᱨᱚ ᱱᱟᱨᱟᱭᱚᱱ ᱞᱟᱨᱢᱟᱭ ᱜᱚᱪ ᱚᱪᱚᱭᱮᱱᱟ᱾ ᱥᱳᱱᱛᱩ ᱞᱟᱨᱢᱟ ᱱᱟᱣᱟᱛᱮ ᱫᱚᱞ ᱵᱮᱱᱟᱣᱮ ᱫᱷᱩᱨᱟᱹᱣ ᱱᱟ᱾ ᱩᱱ ᱡᱚᱠᱷᱚᱡ ᱩᱱᱤ ᱵᱷᱟᱨᱯᱨᱟᱯᱛᱚ ᱯᱟᱨᱥᱮᱛ ᱨᱮᱱᱟᱜ ᱠᱟᱹᱢᱤ ᱠᱩ ᱡᱤᱢᱟᱹᱣ ᱫᱤᱭᱟ᱾ ᱑᱙᱘᱕ ᱥᱮᱨᱢᱟ ᱨᱮ ᱵᱤᱨᱳᱫᱷᱤ ᱫᱚᱞ ᱥᱚᱨᱠᱟᱨ ᱴᱷᱮᱱ ᱠᱩ ᱟᱛᱛᱚᱥᱚᱢᱚᱨᱯᱚᱱ ᱠᱮᱫᱟ᱾ ᱚᱱᱟ ᱥᱮᱨᱢᱟ ᱜᱮ ᱥᱚᱢᱤᱛᱤ ᱟᱜ ᱥᱮᱱᱮᱞᱮᱫ ᱨᱮ ᱥᱳᱱᱛᱩ ᱞᱟᱨᱢᱟ ᱥᱩᱛᱨᱮᱛ ᱠᱩ ᱵᱮᱱᱟᱣ ᱠᱮᱫᱮᱭᱟ᱾ ᱚᱱᱟ ᱥᱮᱱᱮᱞᱮᱫ ᱨᱮ ᱥᱤᱫᱫᱷᱟᱱᱛᱚ ᱠᱩ ᱦᱟᱴᱟᱣ ᱠᱮᱫᱟ ᱡᱮ ᱞᱟᱹᱲᱦᱟᱹᱭ ᱥᱟᱶᱛᱮ ᱟᱹᱠᱩᱣᱟᱜ ᱫᱟᱹᱵᱤ ᱠᱩ ᱱᱤᱭᱟᱹ ᱥᱚᱨᱠᱟᱨ ᱥᱟᱶᱛᱮ ᱫᱮᱱ ᱫᱚᱨᱵᱟᱨ ᱪᱟᱹᱞᱩ ᱛᱟᱸᱦᱮᱸᱱᱟ᱾

ᱥᱟᱱᱛᱤ ᱪᱩᱠᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱨᱠᱟᱨ ᱥᱟᱶᱛᱮ ᱒᱖ ᱜᱚᱴᱟᱝ ᱫᱩᱲᱩᱵ ᱦᱩᱭ ᱛᱟᱭᱚᱢ ᱢᱳᱴᱟᱢᱩᱴᱤ ᱪᱩᱠᱛᱤ ᱞᱟᱹᱜᱤᱛ ᱥᱚᱢᱤᱛᱤ ᱠᱩ ᱨᱟᱹᱡᱤᱭᱱᱟ᱾ ᱑᱙᱗᱒ ᱥᱮᱨᱢᱟ ᱨᱮᱱᱟᱜ ᱒ ᱰᱤᱥᱮᱢᱵᱚᱨ ᱨᱮ ᱥᱚᱨᱠᱟᱨ ᱥᱟᱶᱛᱮ ᱪᱩᱠᱛᱤ ᱦᱩᱭᱱᱟ᱾ ᱚᱱᱟ ᱪᱩᱠᱛᱤ ᱜᱮ ᱥᱟᱱᱛᱤ ᱪᱩᱠᱛᱤ ᱠᱩ ᱢᱮᱛᱟᱜᱼᱟ᱾ ᱛᱚᱵᱮ ᱵᱤᱨᱳᱫᱷᱤ ᱠᱤᱪᱷᱩ ᱫᱚᱞ ᱱᱚᱣᱟ ᱪᱩᱠᱛᱤ ᱯᱩᱨᱟᱹᱛᱮ ᱵᱟᱹᱠᱩ ᱢᱟᱱᱟᱣ ᱠᱷᱟᱹᱛᱤᱨ ᱱᱤᱛ ᱦᱚᱸ ᱟᱹᱠᱩ ᱟᱹᱠᱩ ᱵᱷᱤᱛᱨᱤ ᱞᱟᱹᱲᱦᱟᱹᱭ ᱪᱟᱹᱞᱩ ᱢᱮᱱᱟᱜᱼᱟ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]