ᱢᱟᱱᱚᱵᱮᱱᱫᱨᱚ ᱱᱟᱨᱟᱭᱚᱱ ᱞᱟᱨᱢᱟ
| ᱢᱟᱱᱚᱵᱮᱱᱫᱨᱚ ᱱᱟᱨᱟᱭᱚᱱ ᱞᱟᱨᱢᱟ Manabendra Narayan Larma | |
|---|---|
| মানবেন্দ্র নারায়ণ লারমা | |
| Former Member of Parliament | |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱕ ᱥᱮᱯᱴᱮᱢᱵᱚᱨ ᱑᱙᱓᱙ ᱱᱟᱱᱤᱭᱟᱨᱪᱚᱨ ᱩᱯᱳᱡᱮᱞᱟ, ᱵᱨᱤᱴᱤᱥ ᱤᱱᱰᱤᱭᱟ |
| ᱜᱩᱨ | ᱑᱐ ᱱᱚᱵᱷᱮᱢᱵᱚᱨ ᱑᱙᱘᱓ (᱔᱔ ᱵᱚᱭᱚᱥ) ᱠᱷᱟᱜᱲᱨᱟᱪᱷᱚᱲᱤ, ᱵᱟᱝᱞᱟᱫᱮᱥ |
| ᱡᱟᱹᱛᱤᱭᱟᱹᱨᱤ |  ᱵᱟᱝᱞᱟᱫᱮᱥ |
| ᱨᱟᱡᱽᱟᱹᱨᱤ ᱫᱚᱞ | ᱯᱟᱨᱵᱚᱛᱛᱚ ᱪᱚᱴᱴᱚᱜᱨᱟᱢ ᱡᱚᱱᱚᱥᱚᱝᱦᱚᱛᱤ ᱥᱚᱢᱤᱛᱤ |
| ᱜᱳ/ᱵᱟᱵᱟ |
|
| ᱥᱮᱪᱮᱫ ᱟᱠᱷᱲᱟ | ᱪᱤᱴᱟᱜᱟᱝ ᱠᱚᱞᱮᱡᱽ |
| ᱠᱟᱹᱢᱤ | ᱢᱟᱪᱮᱫ, ᱮᱰᱵᱷᱚᱠᱮᱴ, ᱨᱟᱡᱟᱨᱤ |
ᱢᱟᱱᱚᱵᱮᱱᱫᱨᱚ ᱱᱟᱨᱟᱭᱚᱱ ᱞᱟᱨᱢᱟ (ᱡᱟᱱᱟᱢ:᱑᱕ ᱥᱮᱯᱴᱮᱢᱵᱚᱨ ᱑᱙᱓᱙-ᱵᱚᱸᱜᱟ ᱛᱟᱞᱟ:᱑᱐ ᱱᱚᱵᱷᱮᱢᱵᱚᱨ ᱑᱙᱘᱓) ᱫᱚ ᱵᱟᱝᱞᱟᱫᱮᱥ ᱨᱮᱱ ᱟᱹᱫᱤᱵᱟᱹᱥᱤ ᱱᱮᱛᱟ ᱟᱨ ᱨᱟᱡᱟᱨᱤ ᱛᱟᱸᱦᱮᱸᱠᱟᱱᱟ᱾
ᱚᱞ ᱯᱟᱲᱦᱟᱣ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱨᱟᱝᱜᱟᱢᱟᱴᱤ ᱨᱮᱱᱟᱜ ᱢᱚᱦᱟᱯᱩᱨᱚᱢ ᱯᱨᱟᱭᱢᱟᱨᱤ ᱤᱥᱠᱩᱞ ᱨᱮ ᱯᱨᱟᱭᱢᱟᱨᱤ ᱫᱚᱭ ᱯᱟᱲᱦᱟᱣ ᱠᱟᱱᱟ᱾ ᱑᱙᱕᱘ ᱥᱮᱨᱢᱟ ᱨᱮ ᱨᱟᱝᱜᱟᱢᱟᱴᱤ ᱥᱚᱨᱠᱟᱨᱤ ᱦᱟᱭ ᱤᱥᱠᱩᱞ ᱠᱷᱚᱱ ᱢᱮᱴᱨᱤᱠᱮ ᱯᱟᱥ ᱞᱮᱫᱟ᱾ ᱪᱚᱴᱴᱚᱜᱨᱟᱢ ᱥᱚᱨᱠᱟᱨᱤ ᱠᱚᱞᱮᱡᱽ ᱠᱷᱚᱱ ᱑᱙᱖᱕ ᱟᱨ ᱑᱙᱖᱘ ᱥᱮᱨᱢᱟ ᱨᱮ ᱵᱤ ᱮ ᱟᱨ ᱵᱤ ᱮᱰ ᱮ ᱯᱟᱥ ᱞᱮᱫᱟ᱾ ᱑᱙᱖᱙ ᱥᱮᱨᱢᱟ ᱨᱮ ᱮᱞ ᱮᱞ ᱵᱤ ᱦᱚᱸᱭ ᱯᱟᱥ ᱞᱮᱫᱟ᱾
ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱖᱖ ᱥᱮᱨᱢᱟ ᱨᱮ ᱫᱤᱜᱷᱤᱱᱟᱞᱟ ᱦᱟᱭ ᱤᱥᱠᱩᱞ ᱨᱮ ᱢᱟᱪᱮᱫ ᱦᱤᱥᱟᱹᱵᱛᱮ ᱠᱟᱹᱢᱤᱭ ᱮᱛᱦᱚᱵ ᱞᱮᱫᱟ᱾ ᱑᱙᱖᱘ ᱥᱮᱨᱢᱟ ᱨᱮ ᱪᱚᱴᱴᱚᱜᱨᱟᱢ ᱨᱮᱞᱳᱭᱮ ᱠᱚᱞᱚᱱᱤ ᱦᱟᱭ ᱤᱥᱠᱩᱞ ᱨᱮ ᱢᱩᱬᱩᱛ ᱢᱟᱪᱮᱫ ᱦᱤᱥᱟᱹᱵᱛᱮ ᱠᱟᱹᱢᱤ ᱨᱮᱭ ᱵᱚᱞᱚ ᱞᱮᱱᱟ᱾ ᱑᱙᱖᱙ ᱥᱮᱨᱢᱟ ᱨᱮ ᱪᱚᱴᱴᱚᱜᱨᱟᱢ ᱵᱟᱨ ᱠᱟᱣᱱᱥᱤᱞ ᱨᱮ ᱮᱰᱵᱷᱚᱠᱮᱴ ᱦᱤᱥᱟᱹᱵᱛᱮ ᱦᱚᱸ ᱠᱟᱹᱢᱤ ᱨᱮᱭ ᱵᱚᱞᱚ ᱞᱮᱱᱟ᱾
ᱨᱟᱡᱟᱨᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱪᱷᱟᱛᱨᱚ ᱡᱤᱭᱚᱱ ᱠᱷᱚᱱ ᱜᱮ ᱨᱟᱡᱟᱨᱤ ᱥᱟᱶᱛᱮᱭ ᱡᱚᱲᱟᱣ ᱞᱮᱱᱟ᱾ ᱑᱙᱕᱖ ᱥᱮᱨᱢᱟ ᱨᱮ ᱯᱟᱦᱟᱲᱤ ᱪᱷᱟᱛᱨᱚ ᱯᱚᱨᱤᱥᱚᱫ ᱨᱮᱭ ᱵᱚᱞᱚ ᱞᱮᱱᱟ᱾ ᱑᱙᱖᱐ ᱥᱮᱨᱢᱟ ᱠᱚᱛᱮ ᱜᱮ ᱩᱱᱤ ᱱᱮᱛᱟ ᱦᱤᱥᱟᱹᱵᱛᱮᱭ ᱞᱮᱠᱷᱟᱭᱱᱟ᱾ ᱑᱙᱕᱘ ᱥᱮᱨᱢᱟ ᱨᱮ ᱪᱷᱟᱛᱨᱚ ᱤᱣᱱᱤᱭᱚᱱ ᱨᱮᱭ ᱵᱚᱞᱚ ᱞᱮᱱᱟ᱾ ᱑᱙᱖᱑ ᱥᱮᱨᱢᱟ ᱨᱮ ᱠᱟᱯᱛᱟᱭ ᱵᱟᱸᱫᱷ ᱵᱮᱱᱟᱣ ᱵᱤᱨᱩᱫᱷ ᱨᱮᱱᱟᱜ ᱟᱱᱰᱚᱞᱚᱱ ᱨᱮᱭ ᱡᱚᱲᱟᱣ ᱞᱮᱱᱟ᱾ ᱑᱙᱖᱓ ᱥᱮᱨᱢᱟ ᱨᱮᱱᱟᱜ ᱑᱐ ᱯᱷᱮᱵᱨᱩᱣᱟᱨᱤ ᱯᱟᱠᱤᱥᱛᱟᱱ ᱥᱚᱨᱠᱟᱨ ᱠᱩ ᱥᱟᱵ ᱠᱮᱫᱮᱭᱟ ᱟᱨ ᱡᱮᱦᱮᱞ ᱨᱮᱠᱚ ᱵᱚᱞᱚ ᱠᱮᱫᱮᱭᱟ᱾ ᱑᱙᱖᱕ ᱥᱮᱨᱢᱟ ᱨᱮ ᱠᱩ ᱟᱲᱟᱜ ᱠᱮᱫᱮᱭᱟ᱾ ᱑᱙᱗᱐ ᱥᱮᱨᱢᱟ ᱨᱮ ᱯᱨᱟᱫᱮᱥᱤᱠ ᱱᱤᱨᱵᱟᱪᱚᱱ ᱨᱮᱭ ᱡᱤᱛᱟᱹᱣ ᱞᱮᱱᱟ᱾ ᱑᱙᱗᱒ ᱥᱮᱨᱢᱟ ᱨᱮᱱᱟᱜ ᱑᱕ ᱯᱷᱮᱵᱨᱩᱣᱟᱨᱤ ᱑᱑ ᱜᱚᱴᱟᱝ ᱟᱹᱫᱤᱵᱟᱹᱥᱤ ᱠᱩ ᱥᱟᱶᱛᱮ ᱡᱚᱱᱚᱥᱚᱝᱦᱚᱛᱤ ᱥᱚᱢᱤᱛᱤ ᱧᱩᱛᱩᱢᱟᱱ ᱢᱤᱫᱴᱮᱱ ᱜᱟᱶᱛᱟᱭ ᱵᱮᱱᱟᱣ ᱠᱮᱫᱟ᱾ ᱟᱨ ᱵᱚᱝᱜᱚᱵᱚᱱᱫᱷᱩ ᱴᱷᱮᱱ ᱔ ᱫᱚᱯᱷᱟ ᱫᱟᱹᱵᱤᱭ ᱫᱚᱦᱚ ᱠᱮᱫᱟ᱾ ᱥᱚᱝᱵᱤᱫᱷᱟᱱ ᱨᱮ ᱯᱟᱦᱟᱲᱤ ᱵᱟᱫᱽ ᱠᱟᱛᱮ ᱵᱟᱝᱜᱟᱞᱤ ᱞᱟᱹᱭ ᱠᱷᱟᱹᱛᱤᱨ ᱩᱱᱤ ᱥᱚᱝᱥᱚᱫ ᱠᱷᱚᱱᱮ ᱩᱰᱩᱝ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱑᱙᱗᱓ ᱥᱮᱨᱢᱟ ᱨᱮᱱᱟᱜ ᱱᱤᱨᱵᱟᱪᱚᱱ ᱨᱮᱦᱚᱸᱭ ᱡᱤᱛᱟᱹᱣ ᱞᱮᱱᱟ᱾ ᱑᱙᱗᱔ ᱥᱮᱨᱢᱟ ᱨᱮ ᱵᱟᱝᱞᱟᱫᱮᱥ ᱥᱚᱨᱠᱟᱨ ᱨᱮᱱ ᱯᱨᱚᱛᱤᱱᱤᱫᱷᱤ ᱦᱤᱥᱟᱹᱵᱛᱮ ᱤᱝᱞᱮᱱᱰ ᱨᱮ ᱠᱚᱢᱚᱱᱳᱭᱮᱞᱛᱷ ᱥᱮᱱᱮᱞᱮᱫ ᱨᱮᱭ ᱥᱮᱞᱮᱫ ᱞᱮᱱᱟ᱾ ᱑᱙᱗᱕ ᱥᱮᱨᱢᱟ ᱨᱮ ᱩᱱᱤ ᱵᱟᱠᱥᱟᱞ ᱨᱮ ᱦᱚᱸᱭ ᱥᱮᱞᱮᱫ ᱞᱮᱱᱟ᱾
ᱟᱱᱫᱚᱞᱚᱱ ᱥᱚᱝᱜᱨᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱚᱝᱜᱚᱵᱚᱱᱫᱷᱩ ᱠᱩ ᱜᱚᱪ ᱛᱟᱭᱚᱢ ᱦᱤᱞᱟᱹᱠ ᱜᱮ ᱩᱱᱤ ᱫᱚᱭ ᱩᱠᱩᱭᱱᱟ ᱟᱨ ᱡᱚᱱᱚᱥᱚᱝᱦᱚᱛᱤ ᱥᱚᱢᱤᱛᱤ ᱨᱮᱭᱟᱜ ᱥᱟᱢᱚᱨᱤᱠ ᱥᱟᱠᱷᱟᱭ ᱵᱮᱱᱟᱣ ᱠᱮᱫᱟ᱾ ᱚᱱᱟ ᱥᱟᱶ ᱥᱟᱶ ᱢᱚᱦᱤᱞᱟ ᱥᱚᱢᱤᱛᱤ, ᱡᱟᱵᱳ ᱥᱚᱢᱤᱛᱤ, ᱜᱤᱨᱤᱥᱩᱨ ᱮᱱᱮᱡ ᱥᱮᱨᱮᱧ ᱫᱚᱞᱮ ᱵᱮᱱᱟᱣ ᱞᱮᱫᱟ᱾ ᱡᱤᱭᱟ ᱟᱢᱚᱞ ᱨᱮ ᱥᱮᱴᱮᱞᱟᱨ ᱠᱩ ᱯᱟᱦᱟᱲᱤ ᱡᱟᱜᱟ ᱨᱮ ᱡᱳᱨ ᱠᱟᱛᱮ ᱵᱟᱥᱟᱜ ᱠᱷᱟᱹᱛᱤᱨ ᱞᱟᱨᱢᱟ ᱟᱜ ᱞᱟᱹᱲᱦᱟᱹᱭ ᱟᱨᱦᱚᱸ ᱡᱳᱨᱫᱟᱨ ᱞᱮᱱᱟ᱾ ᱛᱚᱵᱮ ᱟᱹᱠᱩᱟᱜ ᱫᱚᱞ ᱵᱷᱤᱛᱨᱤ ᱨᱮ ᱦᱤᱝᱥᱟ ᱮᱛᱦᱚᱵ ᱠᱷᱟᱹᱛᱤᱨ ᱵᱟᱨ ᱫᱚᱞ ᱛᱮᱠᱩ ᱵᱷᱟᱜᱽ ᱞᱮᱱᱟ᱾ ᱑᱙᱘᱓ ᱥᱮᱨᱢᱟ ᱨᱮᱱᱟᱜ ᱑᱐ ᱱᱚᱵᱷᱮᱢᱵᱚᱨ ᱵᱤᱨᱳᱫᱷᱤ ᱫᱚᱞ ᱟᱜ ᱦᱟᱢᱞᱟ ᱛᱮ ᱠᱷᱟᱜᱽᱲᱟᱪᱷᱚᱲᱤ ᱨᱮ ᱟᱡ ᱥᱟᱶ ᱟᱨᱦᱚᱸ ᱘ ᱜᱚᱴᱟᱝ ᱢᱟᱹᱱᱢᱤ ᱠᱚ ᱜᱚᱪ ᱚᱪᱚᱞᱮᱱᱟ᱾