ᱢᱚᱝᱜᱚᱞᱭᱟᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱢᱚᱝᱜᱚᱞᱭᱟᱱ

ᱢᱚᱝᱜᱚᱞᱭᱟᱱ (Mars Orbiter Mission: MOM) ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱡᱚᱥ ᱵᱚᱸᱜᱟ ᱮᱸᱜᱮᱞ ᱪᱮᱛᱟᱱ ᱨᱮ ᱾ ᱒᱐᱑᱓ ᱥᱟᱞᱮ ᱱᱚᱵᱷᱮᱢᱵᱚᱨ ᱕ ᱢᱟᱹᱦᱤᱛ ᱨᱮ ᱛᱟᱨᱟᱥᱤᱧ ᱵᱮᱲᱟ ᱒:᱓᱘ ᱴᱟᱲᱟᱝ ᱨᱮ ᱥᱨᱤᱦᱚᱨᱤᱠᱚᱴᱟ ᱨᱮᱱᱟᱜ ᱥᱚᱛᱤᱥ ᱫᱷᱟᱣᱟᱱ ᱥᱟᱺᱜᱤᱧ ᱥᱮᱨᱢᱟ ᱥᱟᱬᱮᱥ ᱟᱠᱷᱲᱟ ᱠᱷᱚᱱ ᱯᱤ.ᱮᱥ.ᱮᱞ.ᱵᱷᱤ ᱥᱤ-᱒᱕ ᱫᱟᱨᱟᱭ ᱛᱮ ᱱᱚᱣᱟ ᱜᱟᱹᱰᱤ ᱫᱚ ᱠᱚ ᱛᱩᱧ ᱞᱮᱜᱼᱟ ᱾ ᱫᱷᱟᱹᱨᱛᱤ ᱨᱮᱱᱟᱜ ᱛᱟᱹᱨᱤ ᱨᱮ ᱢᱤᱫ ᱪᱟᱸᱫᱚ ᱫᱤᱱ ᱠᱷᱮᱢᱟᱣ ᱛᱟᱭᱚᱢ ᱓᱐ ᱱᱚᱵᱷᱮᱢᱵᱚᱨ ᱒᱐᱑᱓ ᱥᱟᱞᱮ ᱨᱮ ᱵᱚᱸᱜᱟ ᱮᱸᱜᱮᱞ ᱛᱟᱹᱨᱤ ᱛᱮᱭ ᱵᱚᱞᱚᱭᱮᱱᱟ ᱾ ᱒᱙᱘ ᱫᱤᱱ ᱛᱟᱭᱚᱢ ᱵᱚᱸᱜᱟ ᱮᱸᱜᱮᱞ ᱨᱮᱱᱟᱜ ᱟᱹᱪᱩᱨᱚᱜ ᱰᱟᱦᱟᱨ ᱨᱮᱭ ᱵᱚᱞᱚᱭᱮᱱᱟ ᱾

ᱡᱟᱹᱡᱟᱹᱛᱨᱤᱭᱟᱹ ᱢᱟᱹᱱ ᱚᱠᱛᱮ ᱞᱮᱠᱟ ᱛᱮ ᱢᱚᱝᱜᱚᱞᱭᱟᱱ ᱫᱚ ᱒᱐᱑᱓ ᱥᱮᱨᱢᱟ ᱨᱮᱭᱟᱜ ᱕ ᱱᱚᱵᱷᱮᱢᱵᱚᱨ ᱴᱷᱤᱠ ᱛᱟᱨᱟ ᱥᱤᱧ ᱒:᱓᱘ ᱚᱠᱛᱮ ᱨᱮ ᱚᱱᱫᱷᱨᱚ ᱯᱨᱚᱫᱮᱥ ᱨᱮᱭᱟᱜ ᱥᱨᱤᱦᱚᱨᱤᱠᱚᱴᱟ ᱨᱮ ᱢᱮᱱᱟᱜ ᱥᱚᱛᱤᱥ ᱫᱷᱟᱣᱟᱱ ᱞᱟᱯᱷᱟᱝ ᱥᱮᱨᱢᱟ ᱛᱟᱞᱢᱟ ᱠᱷᱚᱱ PSLV C25 ᱨᱚᱠᱮᱴ ᱨᱮᱭᱟᱜ ᱜᱚᱲᱚ ᱛᱮ ᱛᱩᱧ ᱦᱩᱭ ᱞᱮᱱᱟ ᱾ ᱱᱚᱣᱟ ᱨᱚᱠᱮᱴ ᱛᱩᱧ ᱨᱮᱭᱟᱜ ᱚᱠᱛᱮ ᱫᱚ ᱟᱢᱫᱟᱡᱽ ᱒᱐ ᱢᱟᱦᱟ ᱛᱟᱸᱦᱮᱸ ᱠᱟᱱᱟ ᱟᱨ ᱒᱐᱑᱓ ᱥᱮᱨᱢᱟ ᱨᱮᱭᱟᱜ ᱒᱘ ᱚᱠᱴᱚᱵᱚᱨ ᱮᱛᱚᱦᱚᱵ ᱞᱮᱱᱟ ᱾ ᱱᱤᱭᱟᱹ ᱜᱮ ᱥᱤᱧᱚᱛ ᱨᱮᱭᱟᱜ ᱯᱟᱹᱦᱤᱞ ᱵᱟᱦᱨᱮ ᱜᱚᱨᱦᱚ ᱡᱟᱨᱯᱟ ᱛᱟᱸᱦᱮᱸ ᱠᱟᱱᱟ ᱟᱨ ᱱᱤᱭᱟᱹ ᱱᱟᱭ ᱱᱟᱯᱟᱭ ᱛᱮ ᱯᱩᱨᱟᱹᱣᱮᱱ ᱛᱟᱭᱚᱢ ᱥᱚᱵᱷᱤᱭᱮᱴ ᱨᱟᱥᱤᱭᱟ, ᱱᱟᱥᱟ ᱟᱨ ᱤᱭᱩᱨᱚᱯᱤᱭᱟᱱ ᱜᱟᱶᱛᱟ ᱛᱟᱭᱚᱢ ᱥᱤᱧᱚᱛ ᱨᱮᱭᱟᱜ ᱧᱩᱛᱩᱢ ᱚᱱᱟ ᱛᱟᱹᱞᱠᱟᱹ ᱨᱮ ᱥᱮᱞᱮᱫ ᱮᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱚᱸᱜᱟ ᱮᱸᱜᱮᱞ ᱛᱮ ᱥᱤᱧᱚᱛ ᱨᱮᱱᱟᱜ ᱢᱟᱦᱟᱠᱟᱥ ᱚᱵᱷᱤᱡᱟᱱ ᱠᱟᱛᱷᱟ ᱫᱚ ᱒᱓ ᱱᱚᱵᱷᱮᱢᱵᱚᱨ ᱒᱐᱐᱘ ᱥᱟᱞᱮ ᱨᱮ ᱩᱱ ᱚᱠᱛᱚ ᱨᱮ ᱛᱟᱦᱮᱸᱠᱟᱱ ᱪᱟᱪᱞᱟᱣᱤᱡ ᱡᱤ ᱢᱟᱫᱷᱚᱵᱚᱱ ᱱᱟᱭᱟᱨ ᱱᱚᱣᱟ ᱵᱟᱵᱚᱫᱽ ᱛᱮᱭ ᱩᱪᱷᱟᱹᱱ ᱥᱚᱫᱚᱨ ᱞᱮᱫ ᱛᱟᱦᱮᱸᱫ ᱾ ᱒᱐᱐᱘ ᱥᱟᱞᱮ ᱨᱮ ᱪᱚᱱᱫᱽᱨᱚᱭᱟᱱ-᱑ ᱨᱮᱱᱟᱜ ᱛᱩᱧ ᱜᱮᱞᱮ ᱵᱤᱞᱤᱭᱮᱱ ᱛᱟᱭᱚᱢ ᱤᱥᱨᱚ ᱯᱟᱦᱴᱟ ᱠᱷᱚᱱ ᱢᱚᱝᱜᱚᱞᱭᱟᱱ ᱤᱫᱤ ᱠᱟᱛᱮ ᱠᱚ ᱧᱮᱞ ᱵᱟᱲᱟ ᱠᱮᱜᱼᱟ ᱾ ᱚᱱᱟ ᱛᱟᱭᱚᱢ ᱓ ᱚᱜᱚᱥᱴ ᱒᱐᱑᱒ ᱥᱟᱞᱮ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱵᱤᱞ ᱟᱲᱟᱜ ᱮᱱᱟ ᱾ ᱕ ᱚᱜᱚᱥᱴ ᱒᱐᱑᱓ ᱥᱟᱞᱮ ᱨᱮ ᱥᱤ-᱒᱕ ᱧᱩᱛᱩᱢᱟᱱ ᱯᱤ.ᱮᱥ.ᱮᱞ.ᱵᱷᱤ ᱜᱟᱹᱰᱤ ᱥᱟᱯᱲᱟᱣ ᱮᱦᱚᱵ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱵᱟᱝᱜᱟᱞᱚᱨ ᱨᱮ ᱢᱮᱱᱟᱜ ᱵᱷᱟᱨᱚᱛᱤᱭᱚ ᱢᱟᱦᱟᱠᱟᱥ ᱠᱷᱚᱸᱫᱽᱨᱚᱸᱫᱽ ᱜᱟᱣᱛᱟ ᱨᱮᱱᱟᱜ ᱥᱟᱶ-ᱮᱸᱜᱮᱞ ᱛᱟᱞᱢᱟ ᱨᱮ ᱕ ᱜᱚᱴᱟᱝ ᱥᱟᱬᱮᱥᱤᱭᱟᱹ ᱥᱟᱢᱟᱱ ᱞᱟᱜᱟᱣ ᱠᱟᱛᱮ ᱒ ᱚᱠᱴᱚᱵᱚᱨ ᱒᱐᱑᱓ ᱨᱮ ᱥᱨᱤᱦᱚᱨᱤᱠᱚᱴᱟ ᱠᱚ ᱠᱩᱞ ᱠᱮᱫᱟ ᱾ ᱯᱨᱚᱥᱟᱱᱛ ᱢᱟᱦᱟᱫᱚᱨᱭᱟ ᱨᱮᱱᱟᱜ ᱦᱚᱭᱫᱟᱜ ᱡᱚᱛᱷᱟᱛ ᱵᱟᱝ ᱛᱟᱦᱮᱸᱠᱟᱱ ᱠᱷᱟᱹᱛᱤᱨ ᱒᱘ ᱚᱠᱴᱚᱵᱚᱨ ᱒᱐᱑᱓ ᱵᱚᱫᱚᱞ ᱛᱮ ᱕ ᱱᱚᱵᱷᱮᱢᱵᱚᱨ ᱒᱐᱑᱓ ᱨᱮ ᱢᱚᱝᱜᱚᱞᱭᱟᱱ ᱠᱚ ᱛᱩᱧ ᱞᱮᱫ ᱛᱟᱦᱮᱸᱫ ᱾

ᱠᱟᱹᱣᱰᱤ ᱠᱷᱚᱨᱚᱪ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱝᱜᱚᱞᱭᱟᱱ ᱜᱟᱹᱰᱤ ᱛᱮᱭᱟᱨ ᱨᱮ ᱞᱮᱠᱷᱟ ᱜᱩᱴ ᱔᱕᱐ ᱠᱳᱴᱤ ᱴᱟᱠᱟ ᱜᱟᱱ ᱠᱷᱚᱨᱚᱪ 'ᱜᱣᱭ' ᱠᱚᱜᱼᱟ ᱾ ᱡᱮᱜᱮᱛ ᱨᱮ ᱦᱩᱭ ᱟᱠᱟᱱ ᱥᱟᱱᱟᱢ ᱵᱚᱸᱜᱟ ᱮᱸᱜᱮᱞ ᱡᱚᱥ ᱠᱚ ᱢᱩᱸᱫᱽ ᱨᱮ ᱱᱚᱣᱟ ᱫᱚ ᱡᱚᱛᱚ ᱠᱷᱚᱱ ᱠᱚᱢ ᱠᱷᱚᱨᱚᱪ ᱠᱟᱱ ᱛᱟᱦᱮᱸᱫ ᱾

ᱡᱚᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱥᱟᱺᱜᱤᱧ ᱥᱮᱨᱢᱟ ᱥᱮᱱᱚᱜ ᱨᱮᱱᱟᱜ ᱯᱚᱨᱛᱚᱱ ᱟᱨ ᱪᱟᱪᱞᱟᱣ ᱟᱹᱯᱱᱟᱹᱛ ᱫᱤᱥᱚᱢ ᱨᱮ ᱱᱚᱣᱟ ᱜᱮᱭᱟᱱ ᱞᱟᱦᱟᱭ ᱞᱟᱹᱜᱤᱫ ᱾
  • ᱢᱤᱛᱷᱮᱱ ᱟᱨ ᱦᱟᱭᱰᱨᱚᱡᱮᱱ ᱥᱟᱶᱛᱮ ᱵᱚᱸᱜᱟ ᱮᱸᱜᱮᱞ ᱨᱮᱱᱟᱜ ᱦᱚᱭᱦᱤᱥᱤᱫ ᱥᱚ ᱱᱚᱡᱚᱨ ᱫᱚᱦᱚ, ᱮᱢᱟᱱ ᱠᱚ ᱱᱚᱣᱟ ᱜᱟᱹᱰᱤ ᱛᱩᱧ ᱨᱮᱱᱟᱜ ᱚᱥᱚᱞ ᱡᱚᱥ ᱫᱚ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]