ᱵᱚᱸᱜᱟ ᱮᱸᱜᱮᱞ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
OSIRIS Mars true color

ᱵᱚᱸᱜᱟ ᱮᱸᱜᱮᱞ ᱫᱚ ᱥᱤᱧ ᱪᱟᱸᱫᱚ ᱰᱮᱨᱟ (solar system) ᱨᱮᱱ ᱯᱚᱱᱤᱡ ᱮᱸᱜᱮᱞ ᱠᱟᱱᱟᱭ ᱾ ᱫᱷᱟᱹᱨᱛᱤ ᱠᱷᱚᱱ ᱟᱨᱟᱜ ᱜᱮᱭ ᱧᱮᱞᱚᱜ ᱛᱮ ᱟᱨᱟᱜ ᱮᱸᱜᱮᱞ ᱦᱚᱸ ᱠᱚ ᱢᱮᱛᱟᱭᱟ᱾ ᱱᱩᱭ ᱵᱚᱸᱜᱟ ᱮᱸᱜᱮᱞ ᱫᱚ ᱥᱤᱧ ᱪᱟᱸᱥᱚ ᱰᱮᱨᱟ ᱨᱮᱱ ᱢᱤᱫ ᱴᱮᱱ ᱮᱸᱜᱮᱞ ᱠᱟᱱᱟᱭ ᱚᱭ ᱫᱚ ᱟᱵᱚᱣᱟᱜ ᱫᱷᱟᱹᱨᱛᱤ ᱞᱮᱠᱟᱭ ᱧᱮᱞᱚᱜᱼᱟ ᱾ ᱚᱸᱰᱮᱱᱟᱜ ᱦᱟᱥᱟ ᱠᱚ ᱦᱚᱸ ᱟᱵᱚᱣᱟᱜ ᱫᱷᱟᱹᱨᱛᱤ ᱞᱮᱠᱟ ᱜᱮ ᱾ ᱟᱹᱰᱤ ᱛᱷᱚᱲᱟ ᱜᱟᱱ ᱦᱚᱭ ᱢᱮᱱᱟᱜᱼᱟ ᱾ ᱟᱵᱚ ᱨᱮᱱ ᱧᱤᱫᱟᱹ ᱪᱟᱸᱫᱚ ᱞᱮᱠᱟ ᱟᱭᱢᱟ ᱠᱷᱟᱸᱭᱟᱜ ᱠᱷᱟᱺᱭᱩᱜ ᱚᱛ ᱠᱟᱱᱟ, ᱟᱨ ᱫᱷᱟᱹᱨᱛᱤ ᱞᱮᱠᱟ ᱥᱮᱸᱜᱮᱞ ᱵᱩᱨᱩ (volcano), ᱜᱤᱛᱤᱞ ᱫᱷᱟᱹᱨᱛᱤ (desert) ᱟᱨ ᱵᱚᱨᱚᱯ ᱢᱮᱱᱟᱜᱼᱟ ᱾ ᱥᱤᱧ ᱪᱟᱸᱫᱚ ᱰᱮᱨᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱩᱨᱩ ᱢᱮᱱᱟᱜᱼᱟ ᱱᱤᱭᱟᱹ ᱮᱸᱜᱮᱞ ᱨᱮ ᱾ ᱚᱱᱟ ᱨᱮᱱᱟᱜ ᱧᱤᱛᱩᱢ ᱫᱚ ᱚᱞᱤᱢᱯᱟᱥ ᱢᱚᱱᱥ ᱾ ᱡᱚᱛᱚ ᱠᱷᱚᱱ ᱜᱟᱹᱦᱤᱨ ᱵᱩᱨᱩ ᱱᱚᱱᱰᱦᱚᱨ ᱦᱚᱸ ᱱᱤᱭᱟ ᱮᱸᱜᱮᱞ ᱨᱮ ᱢᱮᱱᱟᱜᱼᱟ ᱾ ᱚᱱᱟ ᱨᱮᱱᱟᱜ ᱧᱤᱛᱩᱢ ᱫᱚ ᱵᱷᱮᱞᱤᱥ ᱢᱮᱨᱤᱱᱟᱨᱤᱥ ᱾ ᱱᱩᱭ ᱵᱚᱸᱜᱟ ᱮᱸᱜᱮᱞᱟᱜ ᱜᱷᱩᱨᱞᱟᱹᱜ ᱚᱠᱛᱚ ᱟᱨ ᱨᱤᱛᱩ ᱵᱚᱫᱚᱞ ᱦᱚᱸ ᱟᱹᱰᱤ ᱜᱟᱱ ᱜᱮ ᱫᱷᱟᱹᱨᱛᱤ ᱞᱮᱠᱟ ᱾

᱑᱙᱖᱕ ᱥᱮᱨᱢᱟ ᱨᱮ ᱢᱮᱨᱤᱱᱟᱨ ᱔ ᱥᱮᱨᱢᱟ ᱜᱟᱹᱰᱤ (Spacecraft) ᱯᱩᱭᱞᱩ ᱱᱤᱭᱟᱹ ᱮᱸᱜᱮᱞ ᱨᱮ ᱥᱮᱱ ᱞᱮᱱᱟ ᱾ ᱚᱱᱟ ᱥᱮᱱ ᱠᱷᱚᱱ ᱜᱮ ᱟᱭᱢᱟ ᱦᱚᱲ ᱠᱚ ᱢᱚᱱᱮ ᱭᱮᱫᱟ ᱡᱮ ᱵᱚᱸᱜᱟ ᱮᱸᱜᱮᱞ ᱨᱮ ᱫᱚ ᱫᱟᱜ ᱢᱮᱱᱟᱜᱼᱟ ᱾ ᱵᱚᱸᱜᱟ ᱮᱸᱜᱮᱞ ᱠᱷᱚᱱ ᱧᱟᱢ ᱢᱟᱨᱥᱟᱞ ᱟᱨ ᱧᱩᱛ ᱨᱮᱱᱟᱜ ᱦᱤᱞᱠᱟᱹᱣ (waves) ᱨᱮ ᱛᱩᱸᱜᱤ ᱜᱷᱩᱨᱞᱟᱹᱣ (Periodicity) ᱧᱮᱞ ᱠᱟᱛᱮᱜ ᱱᱤᱭᱟᱹ ᱫᱚ ᱢᱮᱱᱚᱜ ᱠᱟᱱᱟ ᱾ ᱟᱥᱚ ᱠᱟᱭᱛᱮ Polar region ᱥᱮᱡ ᱨᱮ ᱱᱤᱭᱟᱹ ᱵᱚᱫᱚᱞ ᱫᱚ ᱧᱮᱞ ᱧᱟᱢᱚᱜ ᱠᱟᱱᱟ ᱾ ᱚᱠᱟ ᱫᱚ ᱫᱚᱨᱭᱟ ᱥᱮ ᱫᱟᱜ ᱨᱮᱱᱟᱜ ᱦᱩᱫᱤᱥᱮ ᱞᱟᱹᱭᱮᱫᱟ ᱾

ᱦᱚᱲᱢᱚ (Physical properties)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Victoria Crater, Cape Verde-Mars

ᱵᱚᱸᱜᱟ ᱮᱸᱜᱮᱞ ᱨᱮᱱᱟᱜ ᱵᱮᱲᱷᱟᱭ (Diameter) ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱟᱫᱷᱟ ᱟᱨ ᱦᱟᱢᱟᱞ ᱛᱮ ᱫᱷᱟᱹᱨᱛᱤ ᱨᱮᱱᱟᱜ ᱦᱟᱢᱟᱞ ᱨᱮᱱᱟᱜ ᱜᱮᱞ ᱦᱟᱹᱴᱤᱧ ᱠᱷᱚᱱ ᱢᱤᱫ ᱦᱟᱹᱴᱤᱧᱮ ᱦᱟᱢᱟᱞᱟ ᱾ ᱫᱷᱟᱹᱨᱛᱤ ᱠᱷᱚᱱ ᱦᱚᱸ ᱜᱟᱲᱫᱷᱟ ᱛᱮ ᱫᱚᱭ ᱛᱷᱚᱲᱟ ᱜᱮᱭᱟ ᱾ ᱱᱤᱭᱟᱹ ᱨᱮᱱᱟᱜ ᱪᱮᱛᱟᱱ Field ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱠᱷᱚᱱ ᱛᱷᱚᱲᱟ ᱠᱚᱢ ᱾ ᱵᱚᱸᱜᱟ ᱮᱸᱜᱮᱞ ᱫᱚ ᱵᱩᱫ ᱮᱸᱜᱮᱞ ᱠᱷᱚᱱᱮ ᱞᱟᱹᱴᱩ ᱨᱮ ᱦᱚᱸ ᱜᱟᱲᱫᱷᱟ ᱛᱮ ᱫᱚᱭ ᱛᱷᱚᱲᱟ ᱜᱮᱭᱟ᱾ ᱵᱩᱫᱷ ᱮᱸᱜᱮᱞ ᱨᱮᱱᱟᱜ Gravitational ᱫᱟᱲᱮ ᱫᱚ ᱰᱷᱤᱨ ᱜᱮᱭᱟ ᱾ ᱵᱚᱸᱜᱟ ᱮᱸᱜᱮᱞ ᱫᱚ ᱧᱮᱞ ᱛᱮ ᱟᱨᱟᱜ ᱠᱚᱢᱞᱟ ᱞᱮᱠᱟ ᱾ ᱵᱚᱸᱜᱟ ᱮᱸᱜᱮᱞᱟᱜ ᱫᱮᱭᱟ ᱨᱮ ᱫᱚ ᱟᱹᱰᱤ ᱜᱟᱱ ᱟᱭᱨᱚᱱ ᱟᱨ ᱚᱠᱥᱟᱭᱤᱰ ᱢᱮᱱᱟᱜᱼᱟ ᱾ ᱱᱤᱭ ᱫᱚ ᱨᱟᱥᱴ ᱠᱚ ᱢᱮᱛᱟᱜ ᱠᱟᱱᱟ ᱾

ᱦᱚᱯᱚᱱ ᱮᱸᱜᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱚᱸᱜᱟ ᱮᱸᱜᱮᱞ ᱨᱮᱱ ᱫᱚ ᱯᱷᱳᱵᱳᱥ ᱟᱨ ᱰᱤᱢᱳᱥ ᱣᱤᱛᱩᱢᱟᱱ ᱵᱟᱨᱭᱟ ᱦᱚᱯᱚᱱ ᱮᱸᱜᱮᱞ ᱢᱮᱱᱜ ᱠᱤᱱᱟᱹ ᱾

ᱯᱷᱮᱰᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]