ᱢᱚᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
Phrenology1
Descartes mind and body

ᱢᱚᱱ ᱨᱮᱫᱚ ᱪᱮᱛᱱᱟ, ᱩᱭᱦᱟᱹᱨ, ᱵᱤᱪᱟᱹᱨ, ᱯᱟᱹᱨᱥᱤ ᱟᱨ ᱩᱭᱦᱟᱹᱨ ᱫᱚᱦᱚᱭ ᱴᱷᱟᱶ ᱛᱟᱦᱮᱸᱱᱟ ᱾ ᱢᱚᱱ ᱫᱚ ᱟᱹᱰᱤ ᱜᱟᱱ ᱩᱭᱦᱟᱹᱨ ᱨᱮᱭᱟᱜ, ᱪᱮᱛᱱᱟ ᱨᱮᱭᱟᱜ, ᱪᱤᱱᱦᱟᱹᱶ ᱨᱮᱭᱟᱜ, ᱫᱟᱭᱛᱚ ᱨᱮᱭᱟᱜ, ᱨᱟᱜ ᱞᱟᱱᱫᱟ ᱨᱮᱭᱟᱜ, ᱠᱟᱢᱤ ᱮᱢᱟᱱ ᱨᱮᱭᱟᱜ ᱥᱮᱞᱮᱫ ᱠᱟᱱᱟ ᱾

ᱢᱚᱱ ᱨᱮᱭᱟᱜ ᱫᱚ ᱦᱚᱲᱢᱚ ᱥᱟᱶ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱦᱚᱲᱢᱚ ᱠᱷᱟᱨᱟᱯ ᱞᱮᱱᱠᱷᱟᱱ ᱢᱚᱱ ᱠᱷᱟᱨᱟᱯᱚᱜᱼᱟ, ᱢᱚᱱ ᱠᱷᱟᱨᱟᱯ ᱞᱮᱠᱷᱟᱱ ᱦᱚᱸ ᱦᱚᱲᱢᱚ ᱵᱟᱹᱲᱤᱡᱚᱜᱼᱟ ᱾ ᱠᱟᱞᱪᱟᱨ ᱟᱨ ᱫᱷᱚᱨᱚᱢ ᱨᱮᱭᱟᱜ ᱢᱮᱫ ᱛᱮ ᱢᱚᱱ ᱨᱮᱭᱟᱜ ᱚᱵᱚᱥᱛᱟ ᱯᱟᱲᱦᱟᱶ ᱜᱟᱱᱚᱜᱼᱟ ᱾ ᱟᱫᱚᱢ ᱵᱩᱫᱽ ᱜᱮᱭᱟᱱ ᱦᱚᱲ ᱫᱚ ᱱᱚᱶᱟ ᱟᱛᱢᱟ ᱥᱟᱶ ᱢᱤᱫ ᱟ ᱢᱮᱱᱛᱮ ᱠᱚ ᱢᱮᱱ ᱟᱠᱟᱜᱼᱟ ᱾

ᱥᱟᱺᱜᱽᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱱ ᱨᱮᱭᱟᱜ ᱜᱩᱱ ᱵᱟᱵᱚᱫ ᱛᱮ ᱟᱹᱰᱤ ᱦᱚᱲ ᱟᱹᱰᱤ ᱞᱮᱠᱟᱱ ᱠᱟᱛᱦᱟ ᱠᱚ ᱢᱮᱱ ᱟᱠᱟᱜᱼᱟ ᱾ ᱫᱩᱞᱟᱹᱲ, ᱦᱤᱨᱠᱟᱹ, ᱵᱚᱛᱚᱨ, ᱨᱟᱹᱥᱠᱟᱹ ᱮᱢᱟᱱ ᱫᱚ ᱢᱚᱱ ᱨᱮᱭᱟᱜ ᱢᱤᱢᱤᱫᱴᱟᱝ ᱚᱵᱚᱥᱛᱟ ᱠᱟᱱᱟ ᱾ ᱟᱫᱚᱢ ᱢᱚᱱ ᱥᱟᱬᱮᱥᱤᱭᱟᱹ ᱠᱚ ᱢᱮᱱᱟ ᱱᱚᱶᱟ ᱠᱚᱫᱚ ᱡᱚᱛᱚ ᱢᱚᱱ ᱨᱮᱭᱟᱜ ᱠᱟᱱᱟ, ᱱᱚᱶᱟ ᱠᱚᱫᱚ ᱵᱟᱝ ᱵᱷᱮᱜᱟᱨ ᱞᱟᱹᱠᱛᱤ ᱾ ᱢᱚᱱ ᱫᱚ ᱩᱭᱦᱟᱹᱨ ᱵᱷᱟᱵᱽᱱᱟ ᱨᱮᱭᱟᱜ ᱜᱮ ᱨᱩᱯ ᱠᱟᱱᱟ ᱢᱮᱱᱛᱮ ᱟᱫᱚᱢ ᱢᱚᱱ ᱥᱟᱬᱮᱥᱤᱭᱟᱹ ᱠᱚ ᱞᱟᱹᱭᱟ ᱾ ᱢᱚᱱ ᱨᱮᱭᱟᱜ ᱢᱤᱫᱴᱟᱝ ᱢᱟᱨᱟᱝ ᱜᱩᱱ ᱦᱩᱭᱩᱜ ᱠᱟᱱᱟ ᱡᱮ ᱱᱚᱶᱟ ᱫᱚ ᱩᱠᱩ ᱨᱮᱭᱟᱜ ᱵᱟᱝᱢᱟ ᱩᱠᱩ ᱡᱤᱱᱤᱥ ᱠᱟᱱᱟ ᱾ ᱟᱢᱟᱜ ᱢᱚᱱ ᱨᱮᱭᱟᱜ ᱠᱟᱛᱷᱟ ᱫᱚ ᱮᱴᱟᱜ ᱦᱚᱲ ᱵᱟᱠᱚ ᱵᱟᱰᱟᱭ ᱫᱟᱲᱮᱭᱟᱜᱼᱟ ᱾

ᱦᱟᱛᱟᱝ ᱥᱟᱶ ᱥᱟᱹᱜᱟᱹᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱛᱚ ᱡᱟᱱᱶᱟᱨ ᱟᱜ ᱜᱮ ᱦᱟᱛᱟᱝ ᱫᱚ ᱥᱤᱨ ᱨᱮᱭᱟᱜ ᱢᱩᱬᱩᱛ ᱠᱟᱱᱟ ᱾ ᱱᱚᱰᱮ ᱠᱷᱚᱱ ᱜᱮ ᱟᱵᱚᱵᱚ ᱩᱭᱦᱟᱹᱨᱟ ᱾ ᱟᱹᱰᱤ ᱜᱟᱱ ᱡᱟᱱᱶᱟᱨ ᱟᱜ ᱜᱮ ᱦᱟᱛᱟᱝ ᱫᱚ ᱵᱚᱦᱚᱜ ᱨᱮ ᱠᱷᱟᱹᱯᱨᱤ ᱵᱷᱤᱛᱨᱤ ᱨᱮ ᱛᱟᱦᱮᱸᱱᱟ ᱾ ᱦᱟᱛᱟᱝ ᱠᱷᱚᱱ ᱜᱮ ᱟᱵᱚ ᱵᱚ ᱧᱮᱞᱟ, ᱟᱧᱡᱚᱢᱟ ᱟᱨ ᱥᱤᱵᱤᱞ ᱵᱚ ᱵᱟᱰᱟᱭ ᱫᱟᱲᱮᱭᱟᱜᱼᱟ ᱾ ᱤᱥᱯᱚᱧᱡᱽ (sponges) ᱞᱮᱠᱟᱱ ᱡᱟᱱᱶᱟᱨᱟᱜ ᱫᱚ ᱦᱟᱛᱟᱝ ᱵᱟᱝ ᱛᱟᱦᱮᱸᱱᱟ ᱾ ᱢᱟᱹᱱᱢᱤᱭᱟᱜ ᱦᱟᱛᱟᱝ ᱨᱮ ᱫᱚ ᱘᱖ ᱵᱤᱞᱤᱭᱚᱱ ᱱᱤᱭᱩᱨᱚᱱ (neurons) ᱢᱮᱱᱟᱜᱼᱟ ᱾

ᱦᱟᱛᱟᱝ ᱟᱨ ᱢᱚᱱ ᱨᱮᱭᱟᱜ ᱥᱟᱹᱜᱟᱹᱭ ᱫᱚ ᱚᱠᱟ ᱞᱮᱠᱟᱱᱟ? ᱢᱚᱱ ᱟᱨ ᱦᱚᱲᱢᱚ ᱨᱮᱭᱟᱜ ᱥᱟᱹᱜᱟᱹᱭ ᱫᱚ ᱚᱠᱟ ᱞᱮᱠᱟᱱᱟ? ᱟᱹᱰᱤ ᱥᱮᱫᱟᱭ ᱠᱷᱚᱱᱟᱜ ᱱᱚᱶᱟ ᱠᱟᱛᱷᱟ ᱫᱟᱨᱥᱚᱱᱤᱠ ᱟᱨ ᱥᱟᱬᱮᱥᱤᱭᱟᱹ ᱠᱚ ᱱᱚᱶᱟ ᱵᱟᱵᱚᱫ ᱛᱮᱠᱚ ᱪᱟᱨᱪᱟ ᱟᱹᱜᱩᱭᱮᱜᱼᱟ ᱾

ᱢᱚᱱᱮ ᱥᱟᱶᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱷᱚᱨᱚᱢ ᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.wikipedia.org/wiki/Mind