ᱢᱟᱢᱚ

ᱢᱟᱢᱚ ᱫᱚ ᱢᱟᱹᱱᱢᱤ ᱥᱟᱶᱛᱟ ᱨᱮᱱᱟᱜ ᱟᱹᱰᱤ ᱢᱟᱹᱱ ᱟᱨ ᱦᱟᱢᱟᱞ ᱥᱟᱹᱜᱟᱭ ᱠᱟᱱᱟ ᱾ ᱟᱭᱳ ᱨᱤᱱ ᱠᱚᱲᱟ ᱵᱚᱭᱦᱟ ᱠᱚᱫᱚ ᱢᱟᱢᱚ ᱠᱟᱱᱟ ᱠᱚ ᱟᱨ ᱠᱩᱲᱤ ᱵᱚᱭᱦᱟ ᱠᱚᱫᱚ ᱠᱟᱹᱠᱤ ᱠᱟᱱᱟ ᱠᱚ ᱾ ᱧᱤᱫᱟᱹ ᱪᱟᱸᱫᱚ ᱦᱚᱸ ᱢᱟᱢᱚ ᱢᱮᱱᱛᱮ ᱠᱚ ᱢᱮᱛᱟᱭ ᱜᱮᱭᱟ ᱾ ᱢᱟᱢᱚ ᱚᱲᱟᱜ ᱨᱮ ᱫᱚ ᱡᱤᱞ ᱫᱟᱠᱟ ᱥᱟᱞᱟᱜ ᱛᱮ ᱟᱱᱮᱡ ᱫᱷᱟᱱᱮᱡ ᱫᱩᱞᱟᱹᱲ ᱧᱟᱢᱚᱜ-ᱟ ᱾ ᱵᱚᱦᱚᱜ ᱨᱮ ᱩᱨᱩ ᱜᱷᱟᱣ ᱞᱮᱱᱠᱷᱟᱱ ᱢᱟᱢᱚᱣᱟᱜ ᱜᱟᱢᱪᱷᱟ ᱫᱟᱜ ᱵᱚᱰᱚᱡ ᱛᱮᱜᱮ ᱵᱮᱵᱮᱥᱟ ᱾ ᱞᱟᱡ ᱦᱟᱹᱥᱩ ᱠᱷᱟᱱ ᱢᱟᱢᱚ ᱟᱛᱟᱨ ᱛᱮᱜᱮ ᱵᱮᱥᱚᱜ-ᱟ ᱾ ᱥᱟᱫᱚᱢ ᱰᱟᱴᱟ ᱜᱤᱫᱽᱨᱟᱹ ᱵᱟᱯᱞᱟ ᱨᱮ ᱢᱟᱢᱚ ᱦᱟᱛᱚᱢ ᱠᱤᱱ ᱞᱟᱜᱟᱣᱜ-ᱟ ᱾