ᱢᱟᱦᱟᱸᱱ ᱟᱞᱮᱠᱡᱟᱱᱰᱟᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱟᱞᱮᱠᱡᱟᱱᱰᱟᱨ

ᱛᱮᱥᱟᱨ ᱟᱞᱮᱠᱡᱟᱱᱰᱟᱨ ᱟᱨᱵᱟᱝ ᱟᱞᱮᱠᱡᱟᱱᱰᱟᱨ ᱫᱚ ᱜᱨᱮᱴ ᱫᱚ ᱥᱮᱫᱟᱭ ᱜᱨᱤᱠ ᱨᱮᱱᱟᱜ ᱢᱟᱥᱤᱰᱚᱱᱤᱭᱟ ᱨᱤᱱᱤᱡ ᱨᱟᱡᱟᱭ ᱛᱟᱦᱮᱸ ᱠᱟᱱᱟ ᱾ ᱓᱐ ᱥᱮᱨᱢᱟ ᱵᱚᱭᱚᱥ ᱨᱮᱜᱮ ᱟᱹᱰᱤ ᱢᱟᱨᱟᱝ ᱯᱚᱱᱚᱛ ᱮ ᱟᱹᱭᱫᱟᱹᱨ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱑᱖ ᱥᱮᱨᱢᱟ ᱵᱚᱭᱚᱥ ᱦᱩᱭ ᱞᱮᱱ ᱚᱠᱛᱚ ᱨᱮ ᱛᱷᱨᱟᱥᱤᱭᱟ ᱨᱮ ᱵᱤᱫᱽᱨᱚᱦᱚ ᱦᱣᱭ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱫᱟᱨᱟᱢ ᱞᱟᱹᱜᱤᱫ ᱟᱡ ᱵᱷᱟᱹᱨᱭᱟᱹ ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱨᱮ ᱫᱚ ᱯᱷᱤᱞᱤᱯ ᱵᱟᱨᱦᱮ ᱨᱮ ᱛᱟᱦᱮᱸ ᱠᱟᱱᱟ ᱾ ᱟᱞᱮᱠᱡᱟᱱᱰᱟᱨ ᱫᱚ ᱵᱤᱫᱽᱨᱚᱦᱚ ᱫᱟᱨᱟᱢ ᱥᱟᱶᱛᱮ ᱵᱤᱫᱽᱨᱚᱦᱤ ᱠᱚᱣᱟᱜ ᱧᱩᱢᱟᱱ ᱴᱷᱟᱶ ᱠᱚ ᱟᱹᱭᱫᱟᱹᱨ ᱠᱟᱛᱮ ᱟᱞᱮᱠᱡᱟᱱᱰᱨᱟ ᱯᱚᱞᱤᱥ ᱧᱩᱛᱩᱢ ᱛᱮᱭ ᱧᱩᱛᱩᱢ ᱞᱮᱫ ᱛᱟᱦᱮᱸᱫ ᱾ [1]

ᱜᱷᱟᱨᱚᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Alexander the Great, Thessaloniki, Greece

ᱠᱷᱨᱤᱥᱴᱚᱯᱩᱨᱵᱚ ᱓᱕᱖ ᱡᱩᱞᱟᱭ ᱒᱐ ᱨᱮ ᱯᱮᱞᱟ ᱧᱩᱛᱩᱢᱟᱱ ᱴᱷᱟᱶ ᱨᱮᱭ ᱡᱟᱣᱟᱢ ᱞᱮᱱ ᱛᱟᱦᱮᱸᱫ ᱾ ᱮᱸᱜᱟᱛ ᱚᱞᱤᱢᱯᱤᱭᱟᱥ ᱟᱨ ᱟᱯᱟᱛ ᱫᱚ ᱥᱚᱢᱨᱟᱴ ᱯᱷᱤᱞᱤᱯ ᱫᱚᱥᱟᱨ ᱾ ᱑᱓ ᱥᱮᱨᱢᱟ ᱵᱚᱭᱚᱥ ᱨᱮ ᱩᱱᱤ ᱫᱚ ᱢᱟᱨᱟᱝ ᱥᱟᱱᱟᱥᱤᱭᱟᱹ ᱟᱨᱤᱥᱴᱚᱴᱚᱞ ᱴᱷᱮᱱ ᱠᱷᱚᱱ ᱥᱟᱬᱮᱥ, ᱥᱟᱱᱟᱥᱤ ᱟᱨ ᱨᱟᱱ ᱢᱩᱨᱜᱟᱹᱱ ᱮ ᱥᱮᱪᱮᱫ ᱞᱮᱱ ᱛᱟᱦᱮᱸᱫ ᱾ [2]


ᱨᱟᱡᱽᱜᱟᱹᱫᱤ ᱟᱢᱮᱴ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱡᱟᱜ ᱒᱐ ᱥᱮᱨᱢᱟ ᱵᱚᱭᱚᱥ ᱦᱩᱭ ᱟᱠᱟᱱ ᱚᱠᱛᱚ ᱨᱮ ᱜᱮ ᱟᱡᱤᱡ ᱟᱯᱟᱛ ᱯᱷᱤᱞᱤᱯ ᱫᱚ ᱠᱚ ᱜᱚᱡ ᱞᱮᱫᱮ ᱛᱟᱦᱮᱸᱫ ᱾ ᱚᱱᱟᱛᱮ ᱟᱡ ᱫᱚ ᱨᱟᱡᱽ ᱜᱟᱹᱫᱤ ᱨᱮ ᱫᱩᱲᱩᱵ ᱦᱩᱭ ᱟᱫᱮᱭᱟ | ᱢᱤᱫ ᱟᱹᱰᱤ ᱫᱟᱲᱮᱭᱟᱱ ᱯᱷᱟᱹᱫᱽ ᱜᱚᱴ ᱵᱮᱱᱟᱣ ᱠᱟᱛᱮ ᱫᱤᱥᱚᱢ ᱡᱩᱛᱠᱟᱹᱨ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱯᱷᱟᱹᱫᱽ ᱜᱚᱴ ᱨᱮ ᱓᱐ ᱥᱟᱥᱟᱭ ᱡᱟᱸᱜᱟᱱ ᱯᱷᱟᱹᱫᱽ ᱟᱨ ᱢᱚᱬᱮ ᱥᱟᱥᱟᱭ ᱥᱟᱫᱚᱢ ᱫᱮᱡ ᱯᱷᱟᱹᱫᱽ ᱠᱚ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱩᱱᱠᱩ ᱢᱩᱸᱫᱽ ᱠᱷᱚᱱ ᱤᱧᱡᱤᱱᱤᱭᱟᱹᱨ, ᱥᱟᱬᱮᱥᱤᱭᱟᱹ ᱥᱚᱨᱵᱷᱮᱭᱚᱨ ᱟᱨ ᱱᱟᱜᱟᱢᱩᱭᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱮᱛᱚᱦᱚᱵ ᱵᱟᱨ ᱥᱮᱨᱢᱟ ᱵᱷᱤᱛᱤᱨ ᱨᱮᱜᱮ ᱯᱚᱨᱥᱩᱭᱟᱱ ᱠᱚ ᱦᱮᱨᱟᱣ ᱠᱟᱛᱮ ᱮᱥᱤᱭᱟ ᱢᱟᱭᱱᱚᱨ ᱨᱮᱱᱟᱜ ᱯᱟᱪᱷᱮ ᱥᱮᱦᱮᱫ ᱟᱨ ᱮᱛᱚᱢ ᱥᱮᱦᱮᱫ ᱠᱚ ᱟᱠᱚᱴ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚ ᱠᱚᱧᱮ ᱥᱮᱦᱮᱫ ᱚᱛᱟᱞᱟ ᱫᱚᱨᱭᱟ ᱥᱩᱯᱩᱨ ᱥᱟᱶᱛᱮ ᱜᱟᱡᱟ ᱟᱨ ᱤᱡᱤᱯᱴ ᱠᱚ ᱫᱚᱠᱷᱚᱞ ᱞᱮᱫ ᱛᱟᱦᱮᱸᱫ ᱾ ᱚᱸᱰᱮ ᱥᱟᱢᱟᱝ ᱥᱮᱦᱮᱫ ᱴᱟᱭᱜᱨᱤᱥ ᱜᱟᱰᱟ ᱦᱟᱹᱵᱤᱡ ᱮ ᱥᱮᱴᱮᱨ ᱞᱮᱱ ᱛᱟᱦᱮᱸᱫᱽ ᱾ ᱚᱱᱟ ᱛᱟᱭᱚᱢ ᱠᱷᱨᱤᱥᱴᱚᱯᱩᱨᱵᱚ ᱓᱓᱑ ᱥᱟᱞᱮ ᱨᱮ ᱟᱨ ᱫᱚᱦᱲᱟ ᱯᱚᱨᱥᱤᱭᱟᱱ ᱠᱚ ᱪᱮᱛᱟᱱ ᱨᱮ ᱦᱟᱢᱞᱟ ᱠᱟᱛᱮ ᱨᱟᱡᱽᱜᱟᱲ ᱵᱟᱵᱤᱞᱚᱱ ᱦᱚᱸᱭ ᱫᱚᱠᱷᱚᱞ ᱞᱮᱫ ᱛᱟᱦᱮᱸᱫ ᱾ ᱥᱤᱱᱫᱷᱩ ᱜᱟᱰᱟ ᱯᱟᱨᱚᱢ ᱠᱟᱛᱮ ᱛᱚᱠᱷᱭᱚᱥᱤᱲᱟ ᱫᱚᱠᱷᱚᱞ ᱞᱟᱹᱜᱤᱫ ᱮ ᱨᱤᱠᱟᱹ ᱞᱮᱫ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱥᱤᱧᱚᱛᱤᱭᱟᱹ ᱨᱟᱡᱟ ᱯᱩᱨᱩ ᱥᱟᱶ ᱟᱡᱟᱜ ᱛᱩᱯᱩᱫ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱛᱟᱭᱚᱢ ᱯᱩᱨᱩ ᱫᱚ ᱟᱡ ᱛᱮᱜᱮᱭ ᱛᱤᱨᱩᱵ ᱞᱮᱱ ᱛᱟᱦᱮᱸᱫ ᱾ ᱤᱨᱟᱹᱞ ᱥᱮᱨᱢᱟ ᱨᱮᱱᱟᱜ ᱦᱩᱞᱥᱟᱹᱭ ᱛᱟᱭᱚᱢ ᱟᱡ ᱫᱚ ᱟᱹᱰᱤ ᱢᱟᱨᱟᱝ ᱯᱚᱱᱚᱛ ᱨᱤᱱᱤᱡ ᱟᱹᱭᱫᱟᱹᱨᱤᱭᱟᱹᱭ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱷᱟᱹᱫᱽ ᱫᱩᱞᱟᱹᱲᱤᱭᱟᱹ ᱨᱟᱡᱟᱭ ᱛᱟᱦᱮᱸ ᱠᱟᱱᱟ ᱾ ᱛᱩᱯᱩᱫ ᱨᱮ ᱜᱷᱟᱹᱞ ᱟᱠᱟᱱ ᱯᱷᱟᱹᱫᱽ ᱠᱚᱣᱟᱜ ᱨᱩᱣᱟᱹ ᱦᱟᱹᱥᱩ ᱠᱟᱛᱷᱟᱭ ᱵᱩᱡᱷᱟᱹᱣᱮᱫ ᱛᱟᱦᱮᱸᱫ ᱱᱤᱡᱮ ᱛᱮᱜᱮ ᱥᱮᱱ ᱠᱟᱛᱮ ᱾ ᱪᱷᱚᱠᱢᱚᱠ ᱟᱨ ᱨᱟᱹᱥᱠᱟᱹ ᱯᱮᱨᱮᱡ ᱡᱤᱭᱚᱱ ᱮ ᱠᱷᱟᱸᱰᱟᱣᱮ ᱥᱟᱶᱛᱮ ᱟᱞᱮᱠᱡᱟᱱᱰᱟᱨ ᱫᱚ ᱟᱹᱰᱤ ᱡᱩᱨ ᱯᱟᱹᱣᱨᱟᱹᱭ ᱧᱩᱭᱮᱫ ᱛᱟᱦᱮᱸᱫ ᱾ ᱱᱚᱶᱟ ᱨᱟᱹᱜᱤ ᱛᱮ ᱟᱡᱤᱡ ᱥᱩᱯᱩᱨ ᱥᱟᱶᱛᱮᱱᱤᱡ ᱠᱞᱟᱭᱤᱴᱥ ᱫᱚᱭ ᱜᱚᱡ ᱞᱮᱫᱮ ᱛᱟᱦᱮᱸᱫ ᱾ ᱠᱷᱨᱤᱥᱚᱴᱚᱯᱩᱨᱵᱚ ᱓᱓᱒ ᱥᱟᱞᱮ ᱨᱮ ᱢᱮᱞᱮᱨᱤᱭᱟᱹ ᱨᱩᱣᱟᱹ ᱧᱟᱢ ᱞᱮᱫᱮᱭᱟ ᱾ ᱠᱷᱨᱤᱥᱴᱚᱯᱩᱨᱵᱚ ᱓᱒᱓ ᱥᱟᱞᱮ ᱡᱩᱱ ᱑᱓ ᱢᱟᱹᱦᱤᱛ ᱨᱮᱭ ᱜᱩᱨ ᱞᱮᱱ ᱛᱟᱦᱮᱸᱫ ᱾ [3] [4][5]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. http://ancienthistory.about.com/od/alexander/p/alexanderthegre.htm
  2. http://ancienthistory.about.com/od/alexander/p/alexanderthegre.htm
  3. http://www.jewishvirtuallibrary.org/jsource/biography/Alexander.html
  4. http://www.bbc.co.uk/history/historic_figures/alexander_the_great.shtml
  5. http://ancienthistory.about.com/od/alexander/gr/100410-Review-Alexander-The-Great-And-His-Empire-By-Pierre-Briant.htm