ᱢᱟᱦᱟ ᱥᱟᱢᱩᱱᱫᱽ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱢᱟᱦᱟ ᱥᱟᱢᱩᱱᱫᱽ ᱥᱚᱦᱚᱨ
ᱱᱚᱜᱚᱨ
ᱢᱟᱦᱟ ᱥᱟᱢᱩᱱᱫᱽ ᱥᱚᱦᱚᱨ is located in India
ᱢᱟᱦᱟ ᱥᱟᱢᱩᱱᱫᱽ ᱥᱚᱦᱚᱨ
ᱢᱟᱦᱟ ᱥᱟᱢᱩᱱᱫᱽ ᱥᱚᱦᱚᱨ
ᱪᱷᱚᱛᱤᱥᱜᱚᱲ ᱨᱮᱱᱟᱜ ᱴᱷᱟᱶ ᱥᱤᱧᱚᱛ ᱨᱮ
Coordinates: 21°07′N 82°06′E / 21.11°N 82.10°E / 21.11; 82.10Coordinates: 21°07′N 82°06′E / 21.11°N 82.10°E / 21.11; 82.10
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱪᱷᱚᱛᱤᱥᱜᱚᱰ
ᱦᱚᱱᱚᱛ ᱢᱟᱦᱟ ᱥᱟᱢᱩᱱᱫᱽ
ᱩᱥᱩᱞ 318 ᱢᱤᱴᱚᱨ (1043 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • ᱞᱮᱠᱷᱟᱜᱩᱴ ᱘᱕,᱖᱕᱐
ᱯᱟᱹᱨᱥᱤ
 • ᱥᱚᱨᱠᱟᱨᱤ ᱯᱟᱹᱨᱥᱤ ᱦᱤᱱᱫᱤ, ᱪᱷᱚᱛᱤᱥᱜᱚᱲᱤ
IST (UTC+5:30)
ᱯᱤᱱ ᱠᱳᱰ 493445
ᱜᱟᱹᱰᱤ ᱨᱤᱡᱤᱥᱴᱨᱤ C.G.06

ᱢᱟᱦᱟ ᱥᱟᱢᱩᱱᱫᱽ ᱥᱚᱦᱚᱨ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱪᱷᱚᱛᱤᱥᱜᱚᱰ ᱨᱮ ᱢᱟᱦᱟ ᱥᱟᱢᱩᱱᱫᱽ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱯᱚᱱᱚᱛ ᱞᱟᱹᱠᱛᱤᱭᱟᱱ ᱟᱨ ᱑᱒ ᱟᱱᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱷᱚᱱ ᱢᱩᱫᱽ ᱨᱮ ᱢᱤᱫᱴᱟᱝ ᱜᱮᱭᱟ ᱾ ᱥᱚᱦᱚᱨ ᱫᱚ ᱓᱐ ᱣᱟᱨᱰ ᱟᱨ ᱯᱩᱱᱭᱟ ᱴᱚᱴᱷᱟ ᱨᱮ ᱦᱟᱴᱤᱧ ᱟᱠᱟᱱᱟ ᱟᱨ ᱱᱚᱣᱟ ᱴᱨᱟᱝᱥᱼᱢᱟᱦᱟᱱᱟᱫᱤ ᱴᱚᱴᱷᱟ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱢᱟᱦᱟ ᱥᱟᱢᱩᱱᱫᱽ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱟᱨ ᱮᱦᱚᱵ ᱟᱠᱟᱱᱟ ᱱᱟᱣᱟ ᱢᱟᱦᱟ ᱥᱟᱢᱩᱱᱫᱽ ᱱᱚᱜᱚᱨ ᱱᱤᱜᱟᱢ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾ ᱢᱮᱱᱟᱭ ᱦᱟᱱᱛᱟᱨᱤᱭᱟ ᱢᱮᱭᱟᱨ ᱯᱨᱚᱠᱟᱥ ᱪᱟᱸᱫᱽᱨᱟᱠᱚᱨ ᱢᱮᱱᱟᱭᱟ ᱾

ᱪᱷᱟᱹᱴᱭᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱱᱟᱣ ᱟᱠᱚ ᱡᱮ ᱢᱟᱦᱟ ᱥᱟᱢᱩᱱᱫᱽ ᱟᱜ ᱧᱩᱛᱩᱢ ᱜᱩᱯᱛ ᱵᱚᱝᱥᱚ ᱤᱡ ᱢᱟᱦᱟᱱ ᱥᱟᱥᱚᱱ ᱥᱚᱢᱩᱫᱽᱨᱚᱜᱩᱯᱛ ᱟᱜ ᱧᱩᱛᱩᱢ ᱨᱮ ᱫᱚᱦᱚ ᱞᱮᱱᱟ ᱛᱟᱦᱮᱸᱫ ᱾ ᱮᱛᱚᱢ ᱠᱚᱥᱟᱞ ᱥᱚᱢᱩᱫᱽᱨᱚᱜᱩᱯᱛ ᱨᱮ ᱟᱡᱟᱜ ᱢᱤᱥᱚᱱ ᱚᱠᱛᱚ ᱟᱡᱤᱜ ᱥᱤᱯᱟᱹᱦᱤ ᱥᱟᱶ ᱢᱟᱦᱟᱱᱟᱫᱤ ᱜᱟᱰᱟ ᱫᱷᱟᱨᱮ ᱨᱮ ᱛᱟᱬᱟᱜ ᱞᱮᱱᱟ ᱠᱤᱱ ᱾ ᱱᱚᱣᱟ ᱞᱮᱠᱟ ᱜᱮ ᱢᱟᱦᱟ ᱥᱟᱢᱩᱱᱫᱽ ᱧᱩᱛᱩᱢ ᱟᱜ ᱛᱤᱸᱜᱩ ᱮᱱᱟ ᱾

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱦᱟ ᱥᱟᱢᱩᱱᱫᱽ 21°06′N 82°06′E / 21.1°N 82.1°E / 21.1; 82.1 ᱨᱮ ᱢᱮᱱᱟᱜᱼᱟ ᱾[᱑] ᱱᱚᱣᱟ ᱨᱮᱱᱟᱜ ᱩᱥᱩᱞ ᱓᱑᱘ ᱢᱤᱴᱚᱨ (᱑᱐᱔᱓ ᱯᱷᱤᱴ) ᱢᱮᱱᱟᱜᱼᱟ ᱾ ᱢᱟᱦᱟ ᱥᱟᱢᱩᱱᱫᱽ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖ ᱨᱮᱱᱟᱜ ᱡᱚᱸᱠᱥᱚᱱ ᱨᱮ ᱨᱟᱭᱯᱩᱨ ᱠᱷᱚᱱ ᱕᱖ ᱠᱤᱞᱚᱢᱤᱴᱚᱨ ᱮᱛᱚᱢ᱐ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱒᱑᱗ ᱢᱟᱦᱟᱱᱟᱫᱤ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱢᱟᱦᱟ ᱥᱟᱢᱩᱱᱫᱽ ᱥᱚᱦᱚᱨ ᱨᱟᱭᱯᱩᱨᱼᱵᱤᱡᱟᱜᱽ ᱨᱮᱞ ᱰᱟᱦᱟᱨ ᱨᱮ ᱢᱤᱫ ᱞᱟᱹᱠᱛᱤᱭᱟᱱ ᱥᱴᱮᱥᱚᱱ ᱢᱮᱱᱟᱜᱼᱟ ᱾ ᱢᱟᱦᱟ ᱥᱟᱢᱩᱱᱫᱽ ᱟᱨ ᱨᱟᱭᱯᱩᱨ ᱢᱤᱫᱴᱟᱝ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱥᱚᱦᱚᱨ ᱠᱟᱱᱟ ᱱᱚᱣᱟ ᱱᱚᱶᱟ ᱪᱷᱚᱛᱤᱥᱜᱚᱲ ᱨᱮᱱᱟᱜ ᱨᱟᱡᱽᱜᱟᱲ, ᱱᱟᱶᱟ ᱨᱟᱭᱯᱩᱨ ᱥᱩᱨ ᱨᱮ ᱢᱮᱱᱟᱜᱼᱟ ᱾

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,[᱒] ᱢᱟᱦᱟ ᱥᱟᱢᱩᱱᱫᱽ ᱨᱤᱱ ᱦᱚᱲ ᱮᱞ ᱘᱕,᱖᱕᱐ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱠᱚᱲᱟ ᱟᱜ ᱦᱚᱲ ᱮᱞ ᱕᱑% ᱟᱨ ᱛᱤᱨᱞᱟᱹ ᱟᱜ ᱔᱙% ᱢᱮᱱᱟᱜᱼᱟ ᱾ ᱢᱟᱦᱟ ᱥᱟᱢᱩᱱᱫᱽ ᱨᱮᱱᱟᱜ ᱥᱮᱪᱮᱫ ᱫᱚᱨ ᱗᱐^ ᱢᱮᱱᱟᱜᱼᱟ, ᱱᱤᱭᱟᱹ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱕᱙.᱕% ᱠᱷᱚᱱ ᱰᱮᱦᱮᱨ ᱜᱮᱭᱟ: ᱠᱚᱲᱟ ᱟᱜ ᱥᱮᱪᱮᱫ ᱗᱙% ᱢᱮᱱᱟᱜᱼᱟ, ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱖᱑% ᱢᱮᱱᱟᱜᱼᱟ ᱾ ᱑᱔% ᱦᱚᱲ ᱮᱞ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾ ᱒᱐᱑᱔ ᱨᱮ ᱦᱚᱲ ᱮᱞ ᱢᱤᱫ ᱞᱟᱠᱷ ᱠᱷᱚᱱ ᱪᱮᱛᱟᱱ ᱜᱮ ᱢᱮᱱᱟᱜ ᱠᱚᱣᱟ ᱾

ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱦᱟ ᱥᱟᱢᱩᱱᱫᱽ ᱨᱟᱭᱯᱩᱨ ᱠᱷᱚᱱ ᱕᱕ ᱠᱤᱞᱚᱢᱤᱴᱚᱨ, ᱫᱷᱚᱢᱛᱟᱨᱤ ᱠᱷᱚᱱ ᱑᱐᱕ ᱠᱤᱞᱚᱢᱤᱴᱚᱨ, ᱨᱟᱡᱤᱢ ᱠᱷᱚᱱ ᱓᱐ ᱠᱤᱞᱚᱢᱤᱴᱚᱨ, ᱵᱤᱞᱟᱥ ᱯᱩᱨ ᱠᱷᱚᱱ ᱑᱖᱐ ᱠᱤᱞᱚᱢᱤᱴᱚᱨ, ᱫᱩᱨᱜᱽ ᱠᱷᱚᱱ ᱙᱕ ᱠᱤᱞᱚᱢᱤᱴᱚᱨ, ᱵᱷᱤᱞᱟᱭ ᱠᱷᱚᱱ ᱘᱕ ᱠᱤᱞᱚᱢᱤᱴᱚᱨ, ᱥᱚᱨᱟᱭᱯᱟᱞᱤ ᱠᱷᱚᱱ ᱑᱑᱕ ᱠᱤᱞᱚᱢᱤᱴᱚᱨ, ᱵᱟᱨᱜᱚᱲ ᱠᱷᱚᱱ ᱑᱘᱐ ᱠᱤᱞᱚᱢᱤᱴᱚᱨ ᱟᱨ ᱥᱚᱢᱵᱚᱞᱯᱩᱨ ᱠᱷᱚᱱ ᱒᱕᱐ ᱠᱤᱞᱚᱢᱤᱴᱚᱨ ᱥᱟᱸᱜᱤᱧᱟ ᱾

ᱵᱟᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱦᱟ ᱥᱟᱢᱩᱱᱫᱽ ᱨᱮ ᱜᱩᱨᱩ ᱜᱷᱟᱥᱤᱫᱟᱥ ᱵᱟᱥ ᱴᱟᱨᱢᱤᱱᱟᱞ ᱟᱡ ᱥᱩᱨ ᱨᱮᱱᱟᱜ ᱥᱚᱦᱚᱨ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱨᱟᱭᱯᱩᱨ, ᱵᱤᱞᱟᱥ ᱯᱩᱨ, ᱫᱩᱨᱜᱽ ᱥᱚᱨᱟᱭᱯᱟᱞᱤ, ᱵᱟᱞᱚᱫᱟ ᱵᱟᱡᱟᱨ, ᱵᱮᱢᱮᱛᱚᱨᱟ, ᱥᱤᱢᱜᱟ, ᱨᱟᱡᱤᱢ, ᱱᱚᱨᱥᱤᱝᱱᱟᱛᱷ, ᱥᱟᱨᱚᱝᱜᱟᱲ, ᱜᱚᱨᱤᱭᱟᱵᱚᱸᱫᱽ, ᱠᱷᱟᱨᱤᱨ ᱰᱟᱦᱟᱨ, ᱱᱤᱣᱟᱨᱯᱟᱲᱟ, ᱵᱮᱨᱦᱟᱢᱯᱩᱨ, ᱚᱥᱤᱠᱟ ᱟᱨ ᱵᱷᱚᱣᱟᱱᱤᱯᱟᱴᱱᱟ ᱞᱟᱹᱜᱤᱫ ᱛᱮ ᱵᱟᱥ ᱥᱮᱵᱟ ᱢᱮᱱᱟᱜᱼᱟ ᱾

ᱨᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱦᱟ ᱥᱟᱢᱩᱱᱫᱽ ᱨᱮ ᱵᱟᱨᱭᱟ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ: ᱢᱟᱦᱟ ᱥᱟᱢᱩᱱᱫᱽ ᱨᱮᱞᱣᱮ ᱥᱴᱮᱥᱚᱱ ᱟᱨ ᱵᱮᱞᱥᱚᱸᱰᱟ ᱥᱴᱮᱥᱚᱱ ᱾ ᱢᱟᱦᱟ ᱥᱟᱢᱩᱱᱫᱽ ᱨᱮᱞᱣᱮ ᱥᱴᱮᱥᱚᱱ ᱤᱥᱴ ᱠᱚᱨᱴ ᱨᱮᱞᱣᱮ ᱡᱚᱱ ᱨᱮᱱᱟᱜ ᱢᱤᱫ ᱞᱟᱹᱠᱛᱤᱭᱟᱱ ᱥᱴᱮᱥᱚᱱ ᱠᱟᱱᱟ ᱾ ᱨᱟᱭᱯᱩᱨ ᱢᱟᱦᱟ ᱥᱟᱢᱩᱱᱫᱽ ᱠᱷᱚᱱ ᱴᱤᱴᱤᱞᱟᱜᱚᱲ ᱫᱷᱟᱹᱵᱤᱠ ᱨᱮᱞᱣᱮ ᱴᱨᱮᱠ ᱨᱮᱱᱟᱜ ᱠᱟᱹᱢᱤ ᱯᱩᱨᱟᱹᱣ ᱮᱱᱟ ᱟᱨ ᱥᱟᱞ ᱒᱐᱑᱙ ᱨᱮ ᱤᱞᱮᱠᱴᱨᱤᱠ ᱤᱝᱡᱤᱱ ᱪᱟᱞᱟᱣ ᱮᱦᱮᱵ ᱮᱱᱟ ᱾ ᱨᱮᱞ ᱢᱚᱱᱛᱨᱤ ᱫᱚ ᱢᱟᱦᱟ ᱥᱟᱢᱩᱱᱫᱽ ᱨᱮ ᱢᱤᱫᱴᱟᱹᱝ ᱱᱟᱣᱟ ᱨᱮᱞ ᱵᱮᱵᱚᱥᱛᱟ ᱠᱷᱚᱸᱰ ᱦᱮᱰᱠᱩᱣᱟᱴᱚᱨ ᱢᱟᱱᱟᱣ ᱠᱮᱫᱼᱟ ᱾

ᱢᱟᱦᱟ ᱥᱟᱢᱩᱱᱫᱽ ᱨᱮᱞᱣᱮ ᱥᱴᱮᱥᱚᱱ ᱨᱟᱭᱯᱩᱨ ᱵᱤᱥᱟᱠᱷᱟᱯᱟᱴᱱᱟᱢ ᱨᱮᱞᱣᱮ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱾ ᱵᱷᱩᱵᱽᱱᱮᱥᱚᱨ, ᱯᱩᱨᱤ, ᱵᱤᱥᱟᱠᱷᱟᱯᱟᱴᱱᱟᱢ, ᱫᱩᱨᱜᱽ, ᱨᱟᱭᱯᱩᱨ, ᱵᱤᱞᱟᱥ ᱯᱩᱨ, ᱠᱚᱨᱵᱟ, ᱱᱟᱜᱽᱯᱩᱨ, ᱢᱩᱢᱵᱟᱭ, ᱫᱤᱞᱞᱤ, ᱵᱷᱚᱯᱟᱲ, ᱴᱤᱨᱤᱞᱟᱜᱚᱲ, ᱥᱚᱢᱵᱚᱞᱯᱩᱨ, ᱵᱷᱚᱣᱟᱱᱤᱯᱟᱴᱱᱟ, ᱚᱦᱢᱚᱫᱟᱵᱟᱫᱽ, ᱜᱟᱱᱫᱷᱤᱫᱷᱟᱢ, ᱱᱟᱶᱟ ᱫᱤᱞᱞᱤ, ᱛᱤᱨᱩᱯᱟᱛᱤ, ᱥᱤᱨᱰᱤ, ᱵᱤᱡᱚᱭᱣᱟᱰᱟ, ᱟᱜᱽᱨᱟ, ᱤᱴᱟᱨᱥᱤ ᱞᱟᱹᱜᱤᱫ ᱴᱨᱮᱱ ᱢᱮᱱᱟᱜᱼᱟ ᱾ ᱵᱷᱩᱥᱟᱣᱚᱞ, ᱱᱟᱱᱫᱮᱲ, ᱡᱚᱫᱷᱯᱩᱨ, ᱠᱟᱴᱱᱤ, ᱥᱟᱜᱚᱨ, ᱥᱚᱦᱰᱚᱞ, ᱚᱱᱩᱯᱯᱩᱨ

ᱩᱰᱟᱹᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱣᱟᱢᱤ ᱵᱤᱵᱮᱠᱟᱱᱟᱱᱫᱽ ᱩᱰᱟᱹᱱ ᱰᱟᱹᱦᱤ ᱨᱟᱭᱯᱩᱨ ᱢᱟᱦᱟ ᱥᱟᱢᱩᱱᱫᱽ ᱠᱷᱚᱱ ᱔᱐ ᱠᱤᱞᱚᱢᱤᱴᱚᱨ ᱮᱛᱚᱢᱼᱥᱟᱱᱟᱝ ᱨᱮ ᱢᱮᱱᱟᱜᱼᱟ ᱾

ᱥᱚᱲᱚᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱦᱟ ᱥᱟᱢᱩᱱᱫᱽ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖ ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱒᱑᱗ ᱛᱟᱞᱟ ᱠᱷᱚᱱ ᱢᱩᱬ ᱥᱤᱧᱚᱛᱤᱭᱟᱹ ᱥᱚᱦᱚᱨ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱢᱟᱦᱟ ᱥᱟᱢᱩᱱᱫᱽ ᱠᱷᱚᱱ ᱳᱰᱤᱥᱟ ᱫᱷᱟᱹᱵᱤᱡ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖ ᱫᱚ ᱯᱩᱱ ᱞᱮᱱ ᱟᱜ ᱥᱚᱲᱚᱠ ᱱᱟᱯᱟᱭ ᱞᱟᱹᱜᱤᱫ ᱛᱮ ᱠᱟᱹᱢᱤ ᱪᱟᱹᱞᱩ ᱨᱮ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:ᱢᱟᱦᱟ ᱥᱟᱢᱩᱱᱫᱽ ᱦᱚᱱᱚᱛ