ᱢᱟᱪᱮᱛ ᱢᱟᱸᱦᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Teachers

ᱢᱟᱪᱮᱛ ᱢᱟᱸᱦᱟ

    ᱡᱮᱜᱮᱛ ᱨᱮᱭᱟᱜ ᱛᱤᱱᱟ.ᱝ ᱜᱟᱱ ᱫᱤᱥᱚᱢ ᱨᱮ ᱢᱟᱪᱮᱛ ᱠᱚ ᱵᱟ.ᱲᱛᱤ ᱞᱮᱠᱟᱛᱮ ᱢᱟ.ᱱ ᱪᱟᱞ ᱟᱠᱚ ᱞᱟ.ᱜᱤᱫ ᱢᱟᱪᱮᱛ ᱱᱟᱦᱟᱸ ᱢᱟᱱᱟᱣ ᱞᱟ.ᱜᱤᱫ ᱥᱟᱯᱲᱟᱣ ᱦᱩᱭᱩᱜ ᱠᱟᱱᱟ ᱾ ᱛᱤᱱᱟ.ᱝ ᱜᱟᱱ ᱫᱤᱥᱚᱢ ᱨᱮᱫᱚ ᱢᱟᱪᱮᱛ ᱢᱟᱦᱟᱸ ᱦᱤᱞᱚᱜ ᱰᱤᱜᱟ. ᱛᱟᱦᱮᱸᱱ ᱠᱟᱱᱟ ᱟᱨ ᱛᱤᱱᱟ.ᱝ ᱜᱟᱱ ᱫᱤᱥᱚᱢ ᱨᱮᱫᱚ ᱟᱥᱲᱟ ᱠᱟ.ᱱᱤ ᱛᱟᱦᱮᱸᱱ ᱛᱩᱞᱩᱡ ᱜᱮ ᱱᱟᱪᱮᱛ ᱢᱟᱸᱦᱟ ᱢᱟᱱᱟᱣ ᱦᱩᱭᱩᱜ ᱠᱟᱱᱟ ᱾ 
   ᱵᱷᱟᱨᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱵᱨ. ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ ᱟᱜ ᱡᱟᱱᱟᱢ ᱢᱟᱦᱟᱸ ᱕ ᱥᱮᱯᱴᱮᱢᱵᱚᱨ ᱦᱤᱞᱚᱜ ᱵᱷᱟᱨᱚᱛ ᱨᱮ ᱢᱟᱪᱮᱛ ᱢᱟᱦᱟᱸ ᱞᱮᱠᱟᱛᱮ ᱢᱟᱱᱟᱣ ᱦᱩᱭᱩᱜ ᱠᱟᱱᱟ ᱾ 
   ᱟᱥᱲᱟᱨᱮ ᱡᱟᱦᱟᱸ ᱛᱤᱱᱟ.ᱝ ᱢᱟᱦᱟ ᱜᱮ ᱠᱩᱥᱤ ᱨᱟ.ᱥᱠᱟ. ᱛᱮ ᱠᱷᱮᱢᱟᱣ ᱦᱩᱭᱩᱜ-ᱟ, ᱚᱱᱟ ᱠᱚ ᱵᱷᱤᱛᱨᱤ ᱨᱮ ᱢᱟᱪᱮᱛ ᱢᱟᱸᱦᱟ ᱢᱤᱫᱴᱟ.ᱝ ᱾ ᱢᱟᱪᱮᱛ ᱢᱟᱸᱦᱟ ᱯᱩᱨᱟ. ᱵᱷᱟᱨᱚᱛ ᱫᱤᱥᱚᱢ ᱨᱮ ᱢᱮᱱᱟᱜ ᱥᱮᱪᱮᱫ ᱛᱟᱞᱢᱟ ᱠᱚᱨᱮ ᱢᱟᱱᱟᱣ ᱵᱟᱛᱟᱣ ᱦᱩᱭᱩᱜ ᱠᱟᱱᱟ ᱾

ᱨᱟᱫᱷᱟᱠᱨᱩᱥᱱᱚᱱ ᱟᱜ ᱠᱷᱟᱴᱚ ᱡᱤᱭᱚᱱ ᱪᱩᱨᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱫᱷᱟᱠᱨᱩᱥᱱᱚᱱ
    ᱨᱟᱫᱷᱟᱠᱨᱩᱥᱱᱚᱱ ᱫᱚ ᱑᱘᱘᱘ ᱥᱟᱞᱮ ᱥᱮᱯᱴᱮᱢᱵᱚᱨ ᱕ ᱢᱟᱺᱦᱤᱛ ᱦᱤᱞᱚᱜ ᱢᱟᱰᱨᱟᱥ ᱨᱮᱭᱟᱜ ᱛᱤᱨᱩᱛᱛᱟᱬᱤ  ᱟ.ᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡᱤᱡ ᱡᱟᱱᱟᱢ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱵᱤᱨᱥᱣᱟᱢᱤ ᱯᱩᱨᱳᱦᱤᱛ ᱞᱮᱠᱟ ᱠᱟ.ᱢᱤ ᱠᱟᱛᱮ ᱡᱤᱭᱚᱱ ᱮ ᱪᱟᱞᱟᱣ ᱮᱫ ᱛᱟᱦᱮᱸᱱ ᱾ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱵᱷᱮᱞᱞᱚᱨ ᱨᱮᱭᱟᱜ ᱵᱩᱨᱦᱤᱡᱽ ᱵᱤᱨᱫᱟ.ᱜᱟᱲ ᱠᱷᱚᱱ ᱮᱱᱴᱨᱟᱱᱥ ᱟᱨ ᱮᱯ. ᱮ., ᱢᱟᱰᱨᱟᱥ ᱨᱮᱭᱟᱜ ᱠᱮᱨᱮᱥᱛᱟᱱ ᱵᱤᱨᱫᱟ.ᱜᱟᱲ ᱠᱷᱚᱱ ᱥᱟᱱᱟᱥ ᱨᱮ ᱚᱱᱚᱨᱥ ᱥᱟᱶᱛᱮ ᱯᱩᱭᱞᱩ ᱴᱷᱟᱶ ᱟᱢᱮᱴ ᱠᱟᱛᱮ ᱥᱚᱱᱮᱨ, ᱟᱨ ᱢᱟᱰᱨᱟᱥ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱠᱷᱚᱱ ᱥᱟᱱᱟᱥ ᱪᱮᱛᱟᱱ ᱨᱮ ᱯᱩᱭᱞᱩ ᱴᱷᱟᱶ ᱟᱢᱮᱴ ᱠᱟᱛᱮ ᱮᱢ. ᱮ. ᱦᱚᱸᱭ ᱥᱟ.ᱛ ᱞᱮᱜ-ᱟ ᱾ ᱯᱟᱲᱦᱟᱣ ᱛᱟᱭᱚᱢ ᱑᱙᱐᱙ ᱥᱟᱞᱮᱨᱮ ᱢᱟᱰᱨᱟᱥ ᱨᱮ ᱯᱨᱮᱥᱤᱰᱮᱱᱥᱤ ᱵᱤᱨᱫᱟ.ᱜᱟᱲ ᱨᱮ ᱢᱟᱪᱮᱛ ᱞᱮᱠᱟᱛᱮ ᱪᱟ.ᱠᱨᱤ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱜ-ᱟ ᱾ ᱤᱱᱟ. ᱛᱟᱭᱚᱢ ᱥᱮᱨᱱᱟ ᱥᱚᱭᱫᱟᱯᱮᱴ ᱨᱮ ᱢᱮᱱᱟᱜ ᱴᱤᱪᱚᱨᱥ ᱵᱤᱨᱫᱟ.ᱜᱟᱲ ᱠᱷᱚᱱ ᱮᱞ. ᱴᱤ. ᱦᱚᱸᱭ ᱯᱩᱨᱟ.ᱣ ᱥᱟ.ᱛ ᱞᱮᱜ-ᱟ ᱾
   ᱯᱨᱮᱥᱤᱰᱮᱱᱥᱤ ᱵᱤᱨᱫᱟ.ᱜᱟᱲ ᱨᱮ ᱛᱤᱱᱟ.ᱝ ᱥᱮᱨᱢᱟᱭ ᱠᱟ.ᱢᱤ ᱠᱮᱫ ᱛᱟᱭᱚᱢ ᱢᱚᱦᱤᱥᱩᱨ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮᱭᱟᱜ ᱥᱟᱱᱟᱥ ᱯᱟᱦᱴᱟ ᱨᱮ ᱢᱩᱬᱩᱛ ᱢᱟᱪᱮᱛ ᱴᱷᱟᱶ ᱠᱷᱟ.ᱞᱤ ᱜᱮ ᱛᱟᱦᱮᱸ ᱠᱟᱱ ᱠᱷᱟ.ᱛᱤᱨ ᱢᱟᱞᱟᱭ ᱟᱜ ᱱᱮᱦᱚᱨ ᱫᱟᱨᱟᱭ ᱛᱮ ᱩᱱᱤ ᱚᱸᱰᱮᱭ ᱥᱮᱞᱮᱫ ᱞᱮᱱᱟ ᱾ ᱑᱙᱒᱑ ᱥᱟᱞᱮᱨᱮ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱥᱟᱱᱟᱥ ᱢᱟᱪᱮᱛ ᱞᱮᱠᱟᱛᱮ ᱥᱮᱞᱮᱫ ᱮ ᱦᱟᱛᱟᱣ ᱠᱮᱜ-ᱟ ᱾ ᱵᱟ.ᱭ-ᱵᱟ.ᱭ ᱛᱮ ᱟᱡᱟᱜ ᱢᱟ.ᱱ ᱵᱷᱟᱨᱚᱛ ᱨᱮ ᱵᱟ.ᱲᱛᱤ ᱤᱫᱤ ᱮᱱᱟ ᱾ ᱠᱚᱞᱠᱟᱛᱟ ᱨᱤᱱ ᱦᱚᱲ ᱩᱱᱤ ᱟ.ᱰᱤ ᱵᱟ.ᱲᱛᱤ ᱠᱚ ᱠᱩᱥᱤ ᱟᱫᱮᱭᱟ ᱾ 
  ᱑᱙᱒᱖ ᱥᱟᱞᱮᱨᱮ ᱦᱟᱵᱷᱟᱨᱰ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱥᱟᱯᱲᱟᱣ ᱞᱮᱱ ᱡᱮᱜᱮᱛᱤᱭᱟ. ᱥᱟᱱᱟᱥ ᱠᱚᱸᱜᱨᱮᱥ ᱯᱟᱦᱴᱟ ᱠᱷᱚᱱ ᱵᱷᱟᱨᱚᱛ ᱨᱮᱭᱟᱜ ᱥᱟᱱᱟᱥ ᱮ ᱪᱟᱨᱪᱟ ᱞᱮᱜ-ᱟ ᱾ ᱑᱙᱓᱑ ᱥᱟᱞᱮᱨᱮ ᱟᱸᱫᱷᱨᱚ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱠᱩᱞᱯᱚᱛᱤ (Vice Chancellor) ᱟᱜ ᱴᱷᱟᱶ ᱯᱷᱟᱸᱠᱟ ᱜᱮ ᱛᱟᱦᱮᱸ ᱠᱟᱱ ᱠᱷᱟ.ᱛᱤᱨ ᱚᱱᱟ ᱴᱷᱟᱶ ᱞᱟ.ᱜᱤᱫ ᱥᱚᱵᱷᱟᱜ ᱞᱮᱠᱟ ᱠᱚ ᱩᱭᱦᱟ.ᱨ ᱠᱮᱫ ᱠᱷᱟ.ᱛᱤᱨ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮᱭᱟᱜ ᱯᱨᱚᱯᱷᱮᱥᱚᱨ ᱯᱚᱫᱽ ᱵᱟ.ᱜᱤ ᱠᱟᱛᱮ ᱟᱸᱫᱷᱨᱚ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮᱭᱟᱜ ᱠᱩᱞᱯᱚᱛᱤ ᱴᱷᱟᱶ ᱨᱮ ᱴᱷᱟᱶ ᱮ ᱟᱢᱮᱴ ᱠᱮᱫ-ᱟ ᱾ ᱑᱙᱓᱙ ᱥᱟᱞᱮᱨᱮ ᱵᱟᱨᱟᱬᱚᱥᱤ ᱨᱮᱭᱟᱜ ᱦᱤᱱᱫᱩ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮᱭᱟᱨ ᱠᱩᱞᱯᱚᱛᱤ ᱴᱷᱟᱶ ᱠᱷᱟ.ᱞᱤ ᱜᱮ ᱛᱟᱦᱮᱸ ᱠᱟᱱ ᱠᱷᱟ.ᱛᱤᱨ ᱢᱚᱦᱟᱛᱢᱟ ᱜᱟᱺᱫᱷᱤ ᱭᱟᱜ ᱫᱤᱥ ᱦᱩᱫᱤᱥ ᱞᱮᱠᱟᱛᱮ ᱢᱚᱫᱚᱱ ᱢᱚᱦᱚᱱ ᱢᱟᱞᱚᱵᱭᱚ ᱟᱜ ᱱᱮᱦᱚᱸᱨ ᱞᱮᱠᱟᱛᱮ ᱩᱱᱤ ᱱᱚᱶᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮᱦᱚᱸ ᱠᱩᱞᱯᱚᱛᱤ ᱞᱮᱠᱟᱛᱮ ᱥᱮᱞᱮᱫ ᱮ ᱦᱟᱛᱟᱣ ᱞᱮᱜ-ᱟ ᱾ 
  ᱑᱙᱔᱙ ᱥᱟᱞᱮᱨᱮ ᱵᱷᱟᱨᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱡᱚᱵᱟᱦᱚᱨᱞᱟᱞ ᱟᱜ ᱱᱮᱦᱚᱸᱨ ᱞᱮᱠᱟᱛᱮ ᱩᱱᱤ ᱨᱩᱥᱤᱭᱟ ᱨᱤᱱᱤᱡ ᱨᱟᱥᱴᱨᱚᱫᱩᱛ ᱞᱮᱠᱟᱛᱮ ᱦᱚᱸᱭ ᱵᱟᱪᱷᱚᱱ ᱮᱱᱟ ᱾ ᱟᱨ ᱚᱠᱥᱯᱷᱚᱨᱰ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱥᱟᱱᱟᱥ ᱢᱟᱪᱮᱛ ᱞᱮᱠᱟᱛᱮ ᱠᱟ.ᱢᱤ ᱨᱮᱭᱟᱜ ᱫᱟᱣ ᱮ ᱟᱢᱮᱴ ᱠᱮᱜ-ᱟ ᱾ ᱨᱩᱥ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱥᱴᱟᱞᱤᱱ ᱥᱟᱶ ᱦᱚᱸ ᱟᱡᱟᱜ ᱟ.ᱰᱤ ᱜᱟᱺᱦᱤᱨ ᱥᱟ.ᱜᱟ.ᱭ ᱛᱟᱦᱮᱸ ᱠᱟᱱᱟ ᱾ ᱑᱙᱕᱒ ᱥᱟᱞᱮᱨᱮ ᱵᱷᱟᱨᱚᱛ ᱨᱤᱱᱤᱡ ᱢᱟᱲᱛᱮ ᱫᱤᱥᱚᱢ ᱜᱚᱢᱠᱮ ᱟᱜ ᱴᱷᱟᱶ ᱟᱢᱮᱴ ᱞᱟ.ᱜᱤᱫ ᱨᱩᱥ ᱮ ᱵᱟ.ᱜᱤᱭᱟᱫ-ᱟ ᱾ ᱨᱩᱥ ᱵᱟ.ᱜᱤᱭᱟᱜ ᱚᱠᱛᱚ ᱨᱮ ᱥᱴᱟᱞᱤᱱ ᱮ ᱢᱮᱱ ᱞᱮᱜ-ᱟ , ᱨᱟᱫᱷᱟᱠᱨᱩᱥᱱᱚᱱ ᱫᱚ ᱢᱤᱫ ᱤᱱᱠᱟ.ᱱ ᱫᱤᱥᱚᱢ ᱫᱩᱞᱟ.ᱲᱤᱭᱟ. ᱫᱚᱭ ᱵᱟᱝ ᱠᱟᱱᱟ ᱾ ᱟᱡᱟᱜ ᱚᱱᱛᱚᱨ ᱫᱚ ᱦᱟᱨᱠᱮᱛ ᱮᱴᱠᱮᱴᱚᱬᱮ ᱨᱮ ᱢᱮᱱᱟᱜ ᱠᱚ ᱫᱤᱥᱚᱢ ᱦᱚᱲ ᱞᱟ.ᱜᱤᱫ ᱟᱴᱮᱫ ᱜᱮᱭᱟ ᱾ 
    ᱑᱙᱕᱒ ᱠᱷᱚᱱ ᱑᱙᱖᱒ ᱫᱷᱟ.ᱵᱤᱡ ᱢᱟᱲᱛᱮ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱠᱮᱭ ᱠᱟ.ᱢᱤ ᱠᱮᱫ ᱛᱟᱭᱚᱢ ᱑᱙᱖᱒ ᱥᱟᱞ ᱢᱮ ᱑᱒ ᱢᱟᱺᱦᱤᱛ ᱦᱤᱞᱚᱜ ᱵᱷᱟᱨᱚᱛ ᱨᱤᱱᱤᱡ ᱫᱚᱥᱟᱨ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱨᱟᱡᱮᱸᱫᱽᱨᱚ ᱯᱨᱚᱥᱟᱫᱽ ᱤᱡ ᱩᱛᱚᱨᱫᱟᱭᱟᱫᱽ ᱞᱮᱠᱟᱛᱮ ᱨᱟᱫᱷᱟᱠᱩᱥᱱᱚᱱ ᱫᱚᱭ ᱥᱮᱞᱮᱫ ᱮᱱᱟ ᱾ ᱑᱙᱖᱓ ᱨᱮ ᱤᱸᱜᱽᱞᱚᱸᱰ ᱨᱮᱭᱟᱜ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱤᱨᱯᱷᱟ. Order of merit ᱢᱟ.ᱱ ᱛᱮᱠᱚ ᱧᱩᱢ ᱦᱟᱞᱟᱝ ᱠᱮᱫᱮᱭᱟ ᱾  

ᱵᱚᱸᱜᱟ ᱫᱤᱥᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

     ᱑᱙᱖᱗ ᱥᱟᱞᱮᱨᱮ ᱫᱤᱥᱚᱢ ᱜᱚᱢᱠᱮ ᱴᱷᱟᱶ ᱠᱷᱚᱱ ᱫᱚ ᱵᱤᱫᱟ.ᱭ ᱮ ᱦᱟᱛᱟᱣ ᱠᱮᱜ-ᱟ ᱾ ᱑᱙᱗᱕ ᱥᱟᱞᱮᱨᱮ ᱑᱖ ᱢᱟᱺᱦᱤᱛ ᱦᱤᱞᱚᱜ ᱘᱖ ᱥᱮᱨᱢᱟ ᱩᱢᱮᱨ ᱨᱮ ᱥᱟᱱᱟᱢ ᱵᱷᱟᱨᱚᱛᱤᱭᱟ. ᱠᱚ ᱫᱩᱠ ᱫᱟᱨᱦᱟ ᱨᱮ ᱵᱚᱦᱮᱞ ᱚᱴᱚ ᱠᱟᱛᱮ ᱡᱟᱭᱡᱩᱜᱽ ᱞᱟ.ᱜᱤᱫ ᱮ ᱡᱤᱨᱟ.ᱣ ᱥᱟ.ᱨᱤ ᱮᱱᱟ ᱾ 
     ᱨᱟᱫᱷᱟᱠᱨᱩᱥᱱᱚᱱ ᱫᱚ ᱢᱤᱫ ᱜᱮᱭᱟᱱ ᱛᱮ ᱯᱮᱨᱮᱡ ᱥᱟᱨᱮᱲ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱵᱷᱟᱨᱚᱛ ᱠᱷᱚᱱ ᱟᱨᱵᱟᱝ ᱫᱷᱟ.ᱨᱛᱤ ᱨᱮᱭᱟᱜ ᱟ.ᱵᱤ ᱞᱮᱠᱟᱱ ᱫᱤᱥᱚᱢ ᱠᱷᱚᱱ ᱩᱱᱤ ᱟ.ᱰᱤ ᱟᱭᱱᱟ ᱢᱟ.ᱱ ᱢᱟᱱᱚᱛ ᱥᱤᱨᱯᱷᱟ. ᱛᱮᱭ ᱧᱩᱢ ᱦᱟᱞᱟᱝ ᱟᱠᱟᱱᱟ ᱾ ᱥᱟᱱᱟᱥ ᱥᱟᱶ ᱡᱩᱲᱟ.ᱭ ᱟ.ᱰᱤ ᱟᱭᱢᱟ ᱞᱮᱠᱟᱱ ᱯᱩᱛᱷᱤ ᱠᱚᱭ ᱯᱟᱲᱦᱟᱣ ᱟᱠᱟᱜ-ᱟ ᱾ ᱩᱱᱤ ᱵᱷᱟᱨᱚᱛ ᱨᱮᱭᱟᱜ ᱨᱩᱯ ᱨᱚᱝ ᱮ ᱢᱟᱨᱥᱟᱞ ᱚᱴᱚ ᱟᱠᱟᱜ-ᱟ ᱾ 

ᱡᱮᱜᱮᱛ ᱨᱮᱭᱟᱜ ᱟ.ᱰᱤ ᱴᱷᱟᱶᱨᱮ ᱵᱷᱟᱨᱚᱛ ᱨᱮᱭᱟᱜ ᱞᱟᱯᱷᱟᱝ ᱴᱷᱟᱶ ᱮ ᱛᱟᱨᱪᱟ ᱚᱴᱚ ᱟᱠᱟᱜ-ᱟ ᱟᱨ ᱵᱷᱟᱨᱚᱛ ᱪᱮᱛᱟᱱ ᱨᱮ ᱡᱮᱜᱮᱛᱵᱟ.ᱥᱤ ᱠᱚᱣᱟᱜ ᱩᱭᱦᱟ.ᱨ ᱟ.ᱨᱩᱯᱷᱮᱨᱟᱣ ᱨᱮ ᱜᱚᱲᱚ ᱥᱚᱦᱚᱫ ᱮ ᱮᱢ ᱟᱠᱟᱜ-ᱟ ᱾ ᱢᱤᱫ ᱢᱟᱪᱮᱛ ᱞᱮᱠᱟᱛᱮ ᱟᱡᱟᱜ ᱠᱟ.ᱢᱤ ᱡᱤᱭᱚᱱ ᱮᱛᱚᱦᱚᱵ ᱠᱟᱛᱮ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱴᱷᱟᱶ ᱮ ᱥᱟᱡᱟᱣ ᱥᱚᱵᱷᱟ ᱟᱠᱟᱫ ᱠᱷᱟ.ᱛᱤᱨ ᱢᱟᱪᱮᱛ ᱠᱚ ᱢᱟ.ᱱ ᱢᱟᱱᱚᱛ ᱟᱠᱚ ᱞᱟᱜᱤᱫ ᱟᱡᱟᱜ ᱡᱟᱱᱟᱢ ᱢᱦᱟ ᱫᱚ ᱢᱟᱪᱮᱛ ᱢᱟᱦᱟ ᱞᱮᱠᱟᱛᱮ ᱢᱟᱱᱟᱣ ᱞᱟ.ᱜᱤᱫ ᱩᱱᱤ ᱫᱟᱣ ᱮ ᱮᱢ ᱞᱮᱜ-ᱟ ᱾ ᱵᱷᱟᱨᱚᱛ ᱥᱚᱨᱠᱟᱨ ᱚᱱᱟ ᱟᱯᱱᱟᱨ ᱠᱟᱛᱮ ᱩᱱᱤ ᱠᱷᱟᱞᱤ ᱢᱟ.ᱱ ᱮ ᱪᱟᱞ ᱠᱟᱣᱟ ᱫᱮᱭᱟ ᱚᱱᱟ ᱥᱩᱢᱩᱝ ᱫᱚ ᱵᱟᱝ-ᱟ, ᱵᱷᱟᱨᱚᱛ ᱨᱮᱭᱟᱜ ᱢᱟᱪᱮᱛ ᱨᱤᱛ ᱮ ᱢᱟ.ᱱ ᱢᱟᱱᱚᱛ ᱟᱠᱟᱜ-ᱟ ᱾

ᱢᱟᱪᱮᱛ ᱟᱜ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

      ᱵᱷᱟᱨᱚᱛ ᱫᱤᱥᱚᱢ ᱨᱮ ᱢᱟᱪᱮᱛ ᱠᱚᱣᱟᱜ ᱴᱷᱟᱶ ᱫᱚ ᱟ.ᱰᱤ ᱜᱮ ᱪᱮᱛᱟᱱ ᱨᱮ ᱾ ᱜᱩᱨᱩ ᱵᱟ.ᱠᱷᱩᱞ ᱨᱮ ᱯᱟ.ᱴᱷᱩᱣᱟ. ᱠᱤᱠᱚ ᱚᱞ ᱨᱟᱲᱦᱟᱣᱜ ᱠᱟᱱ ᱛᱟᱦᱮᱸᱱ ᱾ ᱜᱩᱨᱩ ᱴᱷᱮᱱ ᱠᱷᱚᱱ ᱜᱮᱭᱟᱱ ᱟᱢᱮᱴ ᱠᱟᱛᱮ ᱩᱱᱠᱩ ᱟᱠᱚᱣᱟᱜ ᱵᱟ.ᱜᱮᱭᱟᱱ ᱧᱩᱛᱟ.ᱛ ᱠᱚ ᱥᱟᱦᱟ ᱜᱤᱰᱤ ᱠᱟᱜ ᱠᱟᱱ ᱛᱟᱦᱮᱸᱱ ᱾
    ᱯᱟ.ᱴᱷᱩᱣᱟ. ᱠᱚᱣᱟᱜ ᱵᱟ.ᱜᱮᱭᱟᱱ ᱨᱩᱯ ᱧᱩᱛᱟ.ᱛ ᱥᱟᱦᱟ ᱜᱤᱰᱤ ᱠᱟᱛᱮ ᱜᱮᱭᱟᱱ ᱨᱩᱯ ᱢᱟᱨᱥᱟᱞ ᱪᱟᱞ ᱟᱠᱚ ᱨᱮ ᱱᱟᱪᱮᱛ ᱠᱚ ᱡᱤᱛᱠᱟ.ᱨ ᱠᱚ ᱟᱢᱮᱴ ᱟᱠᱟᱜ-ᱟ ᱾ 
    ᱡᱚᱛᱚ ᱥᱮᱨᱢᱟ ᱜᱮ ᱨᱟᱫᱷᱟᱛᱨᱩᱥᱱᱚᱱ ᱟᱜ ᱥᱚᱱᱚᱛ ᱡᱟᱱᱟᱢ ᱢᱟᱦᱟ ᱫᱚ ᱢᱟᱪᱮᱛ ᱢᱟᱦᱟ ᱞᱮᱠᱟᱛᱮ ᱢᱟᱱᱟᱣ ᱫᱟᱨᱟᱭ ᱛᱮ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱟ.ᱰᱤ ᱢᱟ.ᱱ ᱢᱟᱱᱚᱛ ᱜᱮᱭ ᱪᱟᱞᱚᱜ ᱠᱟᱱᱟ ᱾ ᱩᱱᱤ ᱫᱚ ᱥᱟ.ᱨᱤ ᱛᱮᱦᱚᱸ ᱢᱤᱫ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱢᱟᱦᱟᱢᱟᱱᱣᱟ ᱟᱜ ᱟᱲᱟᱝ ᱞᱮᱠᱟᱛᱮ "He who by reanimating the old can gain knowledge of the new is fit to be a teacher ." ᱩᱱᱤ ᱢᱟᱦᱟ ᱢᱟᱱᱣᱟ ᱟᱜ ᱡᱤᱭᱟ.ᱛ ᱟᱲᱟᱝ ᱨᱟᱫᱷᱟᱠᱨᱩᱥᱱᱚ ᱴᱷᱮᱱ ᱡᱚ-ᱵᱟᱦᱟ ᱟᱠᱟᱱᱟ ᱾ 
   ᱟᱡᱟᱜ ᱵᱟ.ᱢᱩᱪᱟ.ᱫ ᱜᱩᱱ ᱛᱟᱦᱮᱸ ᱠᱟᱣᱟ ᱾ ᱟᱡᱟᱜ ᱜᱮᱭᱟᱱ ᱢᱟ.ᱱ ᱫᱮᱠᱷᱟᱣ ᱟ.ᱪᱩᱨ ᱫᱚ ᱢᱚᱴᱷᱮ ᱜᱮ ᱵᱟᱭ ᱠᱩᱥᱤᱭᱟᱜ ᱛᱟᱦᱮᱸᱫ ᱾ ᱟᱡᱟᱜ ᱠᱷᱟᱴᱚ ᱥᱚᱫᱚᱨ ᱫᱚ ᱩᱱᱤ ᱢᱚᱴᱷᱮ ᱵᱟᱭ ᱦᱤᱫᱤᱡᱚᱜ ᱛᱟᱦᱮᱸᱫ ᱾ ᱩᱱᱤ ᱱᱚᱶᱟ ᱫᱚ ᱟ.ᱰᱤ ᱵᱷᱟ.ᱜᱤ ᱞᱮᱠᱟᱭ ᱵᱟᱰᱟᱭ ᱛᱟᱦᱮᱸᱱ ᱫᱟᱲᱮ ᱟᱨ ᱚᱫᱷᱩᱠᱟᱨ ᱨᱮᱭᱟᱜ ᱫᱚ ᱛᱷᱚᱭ ᱜᱮ ᱵᱟ.ᱱᱩᱜ ᱟᱱᱟ ᱾ ᱜᱚᱨᱚᱵᱽ ᱨᱮᱭᱟᱜ ᱫᱟᱱᱟᱯᱟᱞ ᱞᱟᱛᱟᱨ ᱨᱮ ᱥᱟ.ᱨᱤ ᱛᱮᱫ ᱩᱠᱩ ᱠᱟᱛᱮ ᱛᱟᱦᱮᱸᱱ ᱫᱚ ᱩᱱᱤᱭ ᱦᱤᱨᱠᱟ. ᱟᱜ ᱠᱟᱱ ᱛᱟᱦᱮᱸᱱ ᱾ 
  ᱢᱟᱪᱮᱛ ᱫᱚ ᱫᱷᱚᱨᱱᱚ ᱣᱟᱜ ᱨᱩᱯ ᱠᱟᱱᱟ ᱾ ᱟᱡᱟᱜ ᱛᱷᱩᱢ ᱛᱮ ᱯᱟ.ᱴᱷᱩᱣᱟ. ᱢᱟᱱᱣᱟᱨᱤ ᱜᱩᱱ ᱮ ᱟᱢᱮᱴ ᱫᱟᱲᱮ ᱡᱟᱝ-ᱟ ᱾ ᱢᱟᱪᱮᱛ ᱫᱟᱭᱟ ᱜᱮ ᱯᱟ.ᱴᱷᱩᱣᱟ. ᱫᱚ ᱥᱟᱶᱛᱟ ᱨᱮ ᱞᱟᱯᱷᱟᱝ ᱴᱷᱟᱶ ᱨᱮᱭ ᱫᱩᱲᱩᱵ ᱚᱪᱚ ᱮᱭᱟ ᱾ ᱢᱟᱪᱮᱛ ᱢᱟ.ᱱ ᱫᱚ ᱯᱟ.ᱴᱷᱩᱣᱟ. ᱟᱜ ᱯᱟᱞᱟᱴ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]