ᱢᱟᱪᱮᱫ ᱢᱟᱦᱟᱸ
ᱡᱮᱜᱮᱫ ᱨᱮᱭᱟᱜ ᱛᱤᱱᱟᱹᱝ ᱜᱟᱱ ᱫᱤᱥᱚᱢ ᱨᱮ ᱢᱟᱪᱮᱫ ᱠᱚ ᱵᱟᱹᱲᱛᱤ ᱞᱮᱠᱟᱛᱮ ᱢᱟᱹᱱ ᱪᱟᱞ ᱟᱠᱚ ᱞᱟᱹᱜᱤᱫ ᱢᱟᱪᱮᱫ ᱢᱟᱦᱟᱸ ᱢᱟᱱᱟᱣ ᱞᱟᱹᱜᱤᱫ ᱥᱟᱯᱲᱟᱣ ᱦᱩᱭᱩᱜ ᱠᱟᱱᱟ ᱾ ᱛᱤᱱᱟᱹᱝ ᱜᱟᱱ ᱫᱤᱥᱚᱢ ᱨᱮᱫᱚ ᱢᱟᱪᱮᱫ ᱢᱟᱦᱟᱸ ᱦᱤᱞᱚᱜ ᱰᱤᱜᱟᱹ ᱛᱟᱦᱮᱸᱱ ᱠᱟᱱᱟ ᱟᱨ ᱛᱤᱱᱟᱹᱝ ᱜᱟᱱ ᱫᱤᱥᱚᱢ ᱨᱮᱫᱚ ᱟᱥᱲᱟ ᱠᱟᱹᱢᱤ ᱛᱟᱦᱮᱸᱱ ᱛᱩᱞᱩᱡ ᱜᱮ ᱢᱟᱪᱮᱫ ᱢᱟᱦᱟᱸ ᱢᱟᱱᱟᱣ ᱦᱩᱭᱩᱜ ᱠᱟᱱᱟ ᱾
ᱵᱷᱟᱨᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱰᱨ. ᱥᱚᱨᱵᱚᱯᱚᱞᱞᱤ ᱨᱟᱫᱷᱟᱠᱨᱩᱥᱱᱚᱱ ᱟᱜ ᱡᱟᱱᱟᱢ ᱢᱟᱦᱟᱸ ᱕ ᱥᱮᱯᱴᱮᱢᱵᱚᱨ ᱦᱤᱞᱚᱜ ᱵᱷᱟᱨᱚᱛ ᱨᱮ ᱢᱟᱪᱮᱫ ᱢᱟᱦᱟᱸ ᱞᱮᱠᱟᱛᱮ ᱢᱟᱱᱟᱣ ᱦᱩᱭᱩᱜ ᱠᱟᱱᱟ ᱾
ᱟᱥᱲᱟᱨᱮ ᱡᱟᱦᱟᱸ ᱛᱤᱱᱟᱹᱝ ᱢᱟᱦᱟᱸ ᱜᱮ ᱠᱩᱥᱤ ᱨᱟᱹᱥᱠᱟᱹ ᱛᱮ ᱠᱷᱮᱢᱟᱣ ᱦᱩᱭᱩᱜ-ᱟ, ᱚᱱᱟ ᱠᱚ ᱵᱷᱤᱛᱨᱤ ᱨᱮ ᱢᱟᱪᱮᱫ ᱢᱟᱦᱟᱸ ᱢᱤᱫᱴᱟᱹᱝ ᱾ ᱢᱟᱪᱮᱫ ᱢᱟᱦᱟᱸ ᱯᱩᱨᱟᱹ ᱵᱷᱟᱨᱚᱛ ᱫᱤᱥᱚᱢ ᱨᱮ ᱢᱮᱱᱟᱜ ᱥᱮᱪᱮᱫ ᱛᱟᱞᱢᱟ ᱠᱚᱨᱮ ᱢᱟᱱᱟᱣ ᱵᱟᱛᱟᱣ ᱦᱩᱭᱩᱜ ᱠᱟᱱᱟ ᱾
ᱨᱟᱫᱷᱟᱠᱨᱤᱥᱱᱚᱱ ᱟᱜ ᱠᱷᱟᱴᱚ ᱡᱤᱭᱚᱱ ᱪᱩᱨᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱨᱟᱫᱷᱟᱠᱨᱩᱥᱱᱚᱱ ᱫᱚ ᱑᱘᱘᱘ ᱥᱟᱞᱮ ᱥᱮᱯᱴᱮᱢᱵᱚᱨ ᱕ ᱢᱟᱹᱦᱤᱛ ᱦᱤᱞᱚᱜ ᱢᱟᱫᱽᱨᱟᱥ ᱨᱮᱭᱟᱜ ᱛᱤᱨᱩᱛᱛᱟᱬᱤ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡᱤᱡ ᱡᱟᱱᱟᱢ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱵᱤᱨᱥᱣᱟᱢᱤ ᱯᱩᱨᱳᱦᱤᱛ ᱞᱮᱠᱟ ᱠᱟᱹᱢᱤ ᱠᱟᱛᱮ ᱡᱤᱭᱚᱱ ᱮ ᱪᱟᱞᱟᱣ ᱮᱫ ᱛᱟᱦᱮᱸᱱ ᱾ ᱨᱟᱫᱷᱟᱠᱨᱤᱥᱱᱚᱱ ᱫᱚ ᱵᱷᱮᱞᱞᱚᱨ ᱨᱮᱭᱟᱜ ᱵᱩᱨᱦᱤᱡᱽ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱱᱴᱨᱟᱱᱥ ᱟᱨ ᱮᱯ. ᱮ., ᱢᱟᱫᱽᱨᱟᱥ ᱨᱮᱭᱟᱜ ᱠᱮᱨᱮᱥᱛᱟᱱ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱟᱱᱟᱥ ᱨᱮ ᱚᱱᱚᱨᱥ ᱥᱟᱶᱛᱮ ᱯᱩᱭᱞᱩ ᱴᱷᱟᱶ ᱟᱢᱮᱴ ᱠᱟᱛᱮ ᱥᱚᱱᱮᱨ, ᱟᱨ ᱢᱟᱫᱽᱨᱟᱥ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱟᱱᱟᱥ ᱪᱮᱛᱟᱱ ᱨᱮ ᱯᱩᱭᱞᱩ ᱴᱷᱟᱶ ᱟᱢᱮᱴ ᱠᱟᱛᱮ ᱮᱢ. ᱮ. ᱦᱚᱸᱭ ᱥᱟᱹᱛ ᱞᱮᱫ-ᱟ ᱾ ᱯᱟᱲᱦᱟᱣ ᱛᱟᱭᱚᱢ ᱑᱙᱐᱙ ᱥᱟᱞᱮᱨᱮ ᱢᱟᱫᱽᱨᱟᱥ ᱨᱮ ᱯᱨᱮᱥᱤᱰᱮᱱᱥᱤ ᱵᱤᱨᱫᱟᱹᱜᱟᱲ ᱨᱮ ᱢᱟᱪᱮᱛ ᱞᱮᱠᱟᱛᱮ ᱪᱟᱹᱠᱨᱤ ᱡᱤᱭᱚᱱ ᱮ ᱮᱛᱚᱦᱚᱵ ᱞᱮᱫ-ᱟ ᱾ ᱤᱱᱟᱹ ᱛᱟᱭᱚᱢ ᱥᱮᱨᱱᱟ ᱥᱚᱭᱫᱟᱯᱮᱴ ᱨᱮ ᱢᱮᱱᱟᱜ ᱴᱤᱪᱟᱨᱥ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱞ. ᱴᱤ. ᱦᱚᱸᱭ ᱯᱩᱨᱟᱹᱣ ᱥᱟᱹᱛ ᱞᱮᱫ-ᱟ ᱾
ᱯᱨᱮᱥᱤᱰᱮᱱᱥᱤ ᱵᱤᱨᱫᱟᱹᱜᱟᱲ ᱨᱮ ᱛᱤᱱᱟᱹᱝ ᱥᱮᱨᱢᱟᱭ ᱠᱟᱹᱢᱤ ᱠᱮᱫ ᱛᱟᱭᱚᱢ ᱢᱚᱦᱤᱥᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱥᱟᱱᱟᱥ ᱯᱟᱦᱴᱟ ᱨᱮ ᱢᱩᱬᱩᱛ ᱢᱟᱪᱮᱛ ᱴᱷᱟᱶ ᱠᱷᱟᱹᱞᱤ ᱜᱮ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱢᱟᱞᱟᱭ ᱟᱜ ᱱᱮᱦᱚᱨ ᱫᱟᱨᱟᱭ ᱛᱮ ᱩᱱᱤ ᱚᱸᱰᱮᱭ ᱥᱮᱞᱮᱫ ᱞᱮᱱᱟ ᱾ ᱑᱙᱒᱑ ᱥᱟᱞᱮᱨᱮ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮ ᱥᱟᱱᱟᱥ ᱢᱟᱪᱮᱫ ᱞᱮᱠᱟᱛᱮ ᱥᱮᱞᱮᱫ ᱮ ᱦᱟᱛᱟᱣ ᱠᱮᱫ-ᱟ ᱾ ᱵᱟᱹᱭ-ᱵᱟᱹᱭ ᱛᱮ ᱟᱡᱟᱜ ᱢᱟᱹᱱ ᱵᱷᱟᱨᱚᱛ ᱨᱮ ᱵᱟᱹᱲᱛᱤ ᱤᱫᱤ ᱮᱱᱟ ᱾ ᱠᱚᱞᱠᱟᱛᱟ ᱨᱤᱱ ᱦᱚᱲ ᱩᱱᱤ ᱟᱹᱰᱤ ᱵᱟᱹᱲᱛᱤ ᱠᱚ ᱠᱩᱥᱤ ᱟᱫᱮᱭᱟ ᱾
᱑᱙᱒᱖ ᱥᱟᱞᱮᱨᱮ ᱦᱟᱵᱷᱟᱨᱰ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮ ᱥᱟᱯᱲᱟᱣ ᱞᱮᱱ ᱡᱮᱜᱮᱛᱤᱭᱟᱹ ᱥᱟᱱᱟᱥ ᱠᱚᱸᱜᱨᱮᱥ ᱯᱟᱦᱴᱟ ᱠᱷᱚᱱ ᱵᱷᱟᱨᱚᱛ ᱨᱮᱭᱟᱜ ᱥᱟᱱᱟᱥ ᱮ ᱪᱟᱨᱪᱟ ᱞᱮᱜ-ᱟ ᱾ ᱑᱙᱓᱑ ᱥᱟᱞᱮᱨᱮ ᱟᱸᱫᱷᱨᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱠᱩᱞᱯᱚᱛᱤ (Vice Chancellor) ᱟᱜ ᱴᱷᱟᱶ ᱯᱷᱟᱸᱠᱟ ᱜᱮ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱚᱱᱟ ᱴᱷᱟᱶ ᱞᱟᱹᱜᱤᱫ ᱥᱚᱵᱷᱟᱜ ᱞᱮᱠᱟ ᱠᱚ ᱩᱭᱦᱟᱹᱨ ᱠᱮᱫ ᱠᱷᱟ.ᱛᱤᱨ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱯᱨᱚᱯᱷᱮᱥᱚᱨ ᱯᱚᱫᱽ ᱵᱟᱹᱜᱤ ᱠᱟᱛᱮ ᱟᱸᱫᱷᱨᱚ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱠᱩᱞᱯᱚᱛᱤ ᱴᱷᱟᱶ ᱨᱮ ᱴᱷᱟᱶ ᱮ ᱟᱢᱮᱴ ᱠᱮᱫ-ᱟ ᱾ ᱑᱙᱓᱙ ᱥᱟᱞᱮᱨᱮ ᱵᱟᱨᱟᱬᱚᱥᱤ ᱨᱮᱭᱟᱜ ᱦᱤᱱᱫᱩ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱭᱟᱨ ᱠᱩᱞᱯᱚᱛᱤ ᱴᱷᱟᱶ ᱠᱷᱟᱹᱞᱤ ᱜᱮ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱢᱚᱦᱟᱛᱢᱟ ᱜᱟᱺᱫᱷᱤ ᱭᱟᱜ ᱫᱤᱥ ᱦᱩᱫᱤᱥ ᱞᱮᱠᱟᱛᱮ ᱢᱚᱫᱚᱱ ᱢᱚᱦᱚᱱ ᱢᱟᱞᱚᱵᱭᱚ ᱟᱜ ᱱᱮᱦᱚᱸᱨ ᱞᱮᱠᱟᱛᱮ ᱩᱱᱤ ᱱᱚᱶᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱦᱚᱸ ᱠᱩᱞᱯᱚᱛᱤ ᱞᱮᱠᱟᱛᱮ ᱥᱮᱞᱮᱫ ᱮ ᱦᱟᱛᱟᱣ ᱞᱮᱫ-ᱟ ᱾
᱑᱙᱔᱙ ᱥᱟᱞᱮᱨᱮ ᱵᱷᱟᱨᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱡᱚᱵᱟᱦᱚᱨᱞᱟᱞ ᱟᱜ ᱱᱮᱦᱚᱨ ᱞᱮᱠᱟᱛᱮ ᱩᱱᱤ ᱨᱩᱥᱤᱭᱟ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱦᱚᱸᱭ ᱵᱟᱪᱷᱚᱱ ᱮᱱᱟ ᱾ ᱟᱨ ᱚᱠᱥᱯᱷᱚᱨᱰ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮ ᱥᱟᱱᱟᱥ ᱢᱟᱪᱮᱫ ᱞᱮᱠᱟᱛᱮ ᱠᱟᱹᱢᱤ ᱨᱮᱭᱟᱜ ᱫᱟᱣ ᱮ ᱟᱢᱮᱴ ᱠᱮᱫ-ᱟ ᱾ ᱨᱩᱥ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱥᱴᱟᱞᱤᱱ ᱥᱟᱶ ᱦᱚᱸ ᱟᱡᱟᱜ ᱟᱹᱰᱤ ᱜᱟᱺᱦᱤᱨ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱᱟ ᱾ ᱑᱙᱕᱒ ᱥᱟᱞᱮᱨᱮ ᱵᱷᱟᱨᱚᱛ ᱨᱤᱱᱤᱡ ᱢᱟᱲᱛᱮ ᱫᱤᱥᱚᱢ ᱜᱚᱢᱠᱮ ᱟᱜ ᱴᱷᱟᱶ ᱟᱢᱮᱴ ᱞᱟᱹᱜᱤᱫ ᱨᱩᱥ ᱮ ᱵᱟᱹᱜᱤᱭᱟᱫ-ᱟ ᱾ ᱨᱩᱥ ᱵᱟᱹᱜᱤᱭᱟᱜ ᱚᱠᱛᱚ ᱨᱮ ᱥᱴᱟᱞᱤᱱ ᱮ ᱢᱮᱱ ᱞᱮᱫ-ᱟ, ᱨᱟᱫᱷᱟᱠᱨᱤᱥᱱᱚᱱ ᱫᱚ ᱢᱤᱫ ᱤᱱᱠᱟᱹᱱ ᱫᱤᱥᱚᱢ ᱫᱩᱞᱟᱹᱲᱤᱭᱟᱹ ᱫᱚᱭ ᱵᱟᱝ ᱠᱟᱱᱟ ᱾ ᱟᱡᱟᱜ ᱨᱤᱫᱟᱹᱭ ᱫᱚ ᱦᱟᱨᱠᱮᱛ ᱮᱴᱠᱮᱴᱚᱬᱮ ᱨᱮ ᱢᱮᱱᱟᱜ ᱠᱚ ᱫᱤᱥᱚᱢ ᱦᱚᱲ ᱞᱟᱹᱜᱤᱫ ᱟᱴᱮᱫ ᱜᱮᱭᱟ ᱾
᱑᱙᱕᱒ ᱠᱷᱚᱱ ᱑᱙᱖᱒ ᱫᱷᱟᱹᱵᱤᱡ ᱢᱟᱲᱛᱮ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱠᱮᱭ ᱠᱟᱹᱢᱤ ᱠᱮᱫ ᱛᱟᱭᱚᱢ ᱑᱙᱖᱒ ᱥᱟᱞ ᱢᱮ ᱑᱒ ᱢᱟᱹᱦᱤᱛ ᱦᱤᱞᱚᱜ ᱵᱷᱟᱨᱚᱛ ᱨᱤᱱᱤᱡ ᱫᱚᱥᱟᱨ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱨᱟᱡᱮᱱᱫᱽᱨᱚ ᱯᱨᱚᱥᱟᱫᱽ ᱤᱡ ᱩᱛᱚᱨᱫᱟᱭᱟᱫᱽ ᱞᱮᱠᱟᱛᱮ ᱨᱟᱫᱷᱟᱠᱤᱥᱱᱚᱱ ᱫᱚᱭ ᱥᱮᱞᱮᱫ ᱮᱱᱟ ᱾ ᱑᱙᱖᱓ ᱨᱮ ᱤᱸᱜᱽᱞᱮᱸᱰ ᱨᱮᱭᱟᱜ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱤᱨᱯᱷᱟᱹ Order of merit ᱢᱟᱹᱱ ᱛᱮᱠᱚ ᱧᱩᱢ ᱦᱟᱞᱟᱝ ᱠᱮᱫᱮᱭᱟ ᱾
ᱵᱚᱸᱜᱟ ᱫᱤᱥᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱖᱗ ᱥᱟᱞᱮᱨᱮ ᱫᱤᱥᱚᱢ ᱜᱚᱢᱠᱮ ᱴᱷᱟᱶ ᱠᱷᱚᱱ ᱫᱚ ᱵᱤᱫᱟᱹᱭ ᱮ ᱦᱟᱛᱟᱣ ᱠᱮᱫ-ᱟ ᱾ ᱑᱙᱗᱕ ᱥᱟᱞᱮᱨᱮ ᱑᱖ ᱢᱟᱹᱦᱤᱛ ᱦᱤᱞᱚᱜ ᱘᱖ ᱥᱮᱨᱢᱟ ᱵᱚᱭᱚᱥ ᱨᱮ ᱥᱟᱱᱟᱢ ᱵᱷᱟᱨᱚᱛᱤᱭᱟᱹ ᱠᱚ ᱫᱩᱠ ᱫᱟᱨᱦᱟ ᱨᱮ ᱵᱚᱦᱮᱞ ᱚᱴᱚ ᱠᱟᱛᱮ ᱡᱟᱭᱡᱩᱜᱽ ᱞᱟᱹᱜᱤᱫ ᱮ ᱡᱤᱨᱟᱹᱣ ᱥᱟᱹᱨᱤ ᱮᱱᱟ ᱾
ᱨᱟᱫᱷᱟᱠᱨᱤᱥᱱᱚᱱ ᱫᱚ ᱢᱤᱫ ᱜᱮᱭᱟᱱ ᱛᱮ ᱯᱮᱨᱮᱡ ᱥᱟᱨᱮᱲ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱵᱷᱟᱨᱚᱛ ᱠᱷᱚᱱ ᱟᱨᱵᱟᱝ ᱫᱷᱟᱹᱨᱛᱤ ᱨᱮᱭᱟᱜ ᱟᱹᱵᱤ ᱞᱮᱠᱟᱱ ᱫᱤᱥᱚᱢ ᱠᱷᱚᱱ ᱩᱱᱤ ᱟᱹᱰᱤ ᱟᱭᱱᱟ ᱢᱟᱹᱱ ᱢᱟᱱᱚᱛ ᱥᱤᱨᱯᱷᱟᱹ ᱛᱮᱭ ᱧᱩᱢ ᱦᱟᱞᱟᱝ ᱟᱠᱟᱱᱟ ᱾ ᱥᱟᱱᱟᱥ ᱥᱟᱶ ᱡᱩᱲᱟᱹᱭ ᱟᱹᱰᱤ ᱟᱭᱢᱟ ᱞᱮᱠᱟᱱ ᱯᱩᱛᱷᱤ ᱠᱚᱭ ᱯᱟᱲᱦᱟᱣ ᱟᱠᱟᱜ-ᱟ ᱾ ᱩᱱᱤ ᱵᱷᱟᱨᱚᱛ ᱨᱮᱭᱟᱜ ᱨᱩᱯ ᱨᱚᱝ ᱮ ᱢᱟᱨᱥᱟᱞ ᱚᱴᱚ ᱟᱠᱟᱫ-ᱟ ᱾
ᱡᱮᱜᱮᱫ ᱨᱮᱭᱟᱜ ᱟᱹᱰᱤ ᱴᱷᱟᱶᱨᱮ ᱵᱷᱟᱨᱚᱛ ᱨᱮᱭᱟᱜ ᱞᱟᱯᱷᱟᱝ ᱴᱷᱟᱶ ᱮ ᱛᱟᱨᱪᱟ ᱚᱴᱚ ᱟᱠᱟᱫ-ᱟ ᱟᱨ ᱵᱷᱟᱨᱚᱛ ᱪᱮᱛᱟᱱ ᱨᱮ ᱡᱮᱜᱮᱛᱵᱟᱹᱥᱤ ᱠᱚᱣᱟᱜ ᱩᱭᱦᱟᱹᱨ ᱟᱹᱨᱩᱯᱷᱮᱨᱟᱣ ᱨᱮ ᱜᱚᱲᱚ ᱥᱚᱦᱚᱫ ᱮ ᱮᱢ ᱟᱠᱟᱜ-ᱟ ᱾ ᱢᱤᱫ ᱢᱟᱪᱮᱫ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮᱛᱚᱦᱚᱵ ᱠᱟᱛᱮ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱴᱷᱟᱶ ᱮ ᱥᱟᱡᱟᱣ ᱥᱚᱵᱷᱟ ᱟᱠᱟᱫ ᱠᱷᱟᱹᱛᱤᱨ ᱢᱟᱪᱮᱫ ᱠᱚ ᱢᱟᱹᱱ ᱢᱟᱱᱚᱛ ᱟᱠᱚ ᱞᱟᱹᱜᱤᱫ ᱟᱡᱟᱜ ᱡᱟᱱᱟᱢ ᱢᱟᱦᱟᱸ ᱫᱚ ᱢᱟᱪᱮᱫ ᱢᱟᱦᱟᱸ ᱞᱮᱠᱟᱛᱮ ᱢᱟᱱᱟᱣ ᱞᱟᱹᱜᱤᱫ ᱩᱱᱤ ᱫᱟᱣ ᱮ ᱮᱢ ᱞᱮᱜᱫ-ᱟ ᱾ ᱵᱷᱟᱨᱚᱛ ᱥᱚᱨᱠᱟᱨ ᱚᱱᱟ ᱟᱯᱱᱟᱨ ᱠᱟᱛᱮ ᱩᱱᱤ ᱠᱷᱟᱞᱤ ᱢᱟᱹᱱ ᱮ ᱪᱟᱞ ᱠᱟᱣᱟ ᱫᱮᱭᱟ ᱚᱱᱟ ᱥᱩᱢᱩᱝ ᱫᱚ ᱵᱟᱝ-ᱟ, ᱵᱷᱟᱨᱚᱛ ᱨᱮᱭᱟᱜ ᱢᱟᱪᱮᱫ ᱨᱤᱛ ᱮ ᱢᱟᱹᱱ ᱢᱟᱱᱚᱛ ᱟᱠᱟᱫ-ᱟ ᱾
ᱢᱟᱪᱮᱫ ᱟᱜ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱷᱟᱨᱚᱛ ᱫᱤᱥᱚᱢ ᱨᱮ ᱢᱟᱪᱮᱫ ᱠᱚᱣᱟᱜ ᱴᱷᱟᱶ ᱫᱚ ᱟᱹᱰᱤ ᱜᱮ ᱪᱮᱛᱟᱱ ᱨᱮ ᱾ ᱜᱩᱨᱩ ᱵᱟᱹᱠᱷᱩᱞ ᱨᱮ ᱯᱟᱹᱴᱷᱩᱣᱟᱹ ᱠᱤᱠᱚ ᱚᱞ ᱨᱟᱲᱦᱟᱣᱜ ᱠᱟᱱ ᱛᱟᱦᱮᱸᱱ ᱾ ᱜᱩᱨᱩ ᱴᱷᱮᱱ ᱠᱷᱚᱱ ᱜᱮᱭᱟᱱ ᱟᱢᱮᱴ ᱠᱟᱛᱮ ᱩᱱᱠᱩ ᱟᱠᱚᱣᱟᱜ ᱵᱟᱹᱜᱮᱭᱟᱱ ᱧᱩᱛᱟᱹᱛ ᱠᱚ ᱥᱟᱦᱟ ᱜᱤᱰᱤ ᱠᱟᱜ ᱠᱟᱱ ᱛᱟᱦᱮᱸᱱ ᱾
ᱯᱟᱹᱴᱷᱩᱣᱟᱹ ᱠᱚᱣᱟᱜ ᱵᱟᱹᱜᱮᱭᱟᱱ ᱨᱩᱯ ᱧᱩᱛᱟᱹᱛ ᱥᱟᱦᱟ ᱜᱤᱰᱤ ᱠᱟᱛᱮ ᱜᱮᱭᱟᱱ ᱨᱩᱯ ᱢᱟᱨᱥᱟᱞ ᱪᱟᱞ ᱟᱠᱚ ᱨᱮ ᱢᱟᱪᱮᱫ ᱠᱚ ᱡᱤᱛᱠᱟᱹᱨ ᱠᱚ ᱟᱢᱮᱴ ᱟᱠᱟᱫ-ᱟ ᱾
ᱡᱚᱛᱚ ᱥᱮᱨᱢᱟ ᱜᱮ ᱨᱟᱫᱷᱟᱛᱨᱤᱥᱱᱚᱱ ᱟᱜ ᱥᱚᱱᱚᱛ ᱡᱟᱱᱟᱢ ᱢᱟᱦᱟ ᱫᱚ ᱢᱟᱪᱮᱫ ᱢᱟᱦᱟ ᱞᱮᱠᱟᱛᱮ ᱢᱟᱱᱟᱣ ᱫᱟᱨᱟᱭ ᱛᱮ ᱨᱟᱫᱷᱟᱠᱨᱩᱥᱱᱚᱱ ᱫᱚ ᱟᱹᱰᱤ ᱢᱟᱹᱱ ᱢᱟᱱᱚᱛ ᱜᱮᱭ ᱪᱟᱞᱚᱜ ᱠᱟᱱᱟ ᱾ ᱩᱱᱤ ᱫᱚ ᱥᱟᱹᱨᱤ ᱛᱮᱦᱚᱸ ᱢᱤᱫ ᱢᱟᱪᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱢᱟᱦᱟᱢᱟᱱᱣᱟ ᱟᱜ ᱟᱲᱟᱝ ᱞᱮᱠᱟᱛᱮ "He who by reanimating the old can gain knowledge of the new is fit to be a teacher." ᱩᱱᱤ ᱢᱟᱦᱟ ᱢᱟᱱᱣᱟ ᱟᱜ ᱡᱤᱭᱟᱹᱫ ᱟᱲᱟᱝ ᱨᱟᱫᱷᱟᱠᱨᱤᱥᱱᱚᱱ ᱴᱷᱮᱱ ᱡᱚ-ᱵᱟᱦᱟ ᱟᱠᱟᱱᱟ ᱾
ᱟᱡᱟᱜ ᱵᱟᱹᱢᱩᱪᱟᱹᱫ ᱜᱩᱱ ᱛᱟᱦᱮᱸ ᱠᱟᱣᱟ ᱾ ᱟᱡᱟᱜ ᱜᱮᱭᱟᱱ ᱢᱟᱹᱱ ᱫᱮᱠᱷᱟᱣ ᱟᱹᱪᱩᱨ ᱫᱚ ᱢᱚᱴᱷᱮ ᱜᱮ ᱵᱟᱭ ᱠᱩᱥᱤᱭᱟᱜ ᱛᱟᱦᱮᱸᱫ ᱾ ᱟᱡᱟᱜ ᱠᱷᱟᱴᱚ ᱥᱚᱫᱚᱨ ᱫᱚ ᱩᱱᱤ ᱢᱚᱴᱷᱮ ᱵᱟᱭ ᱦᱤᱫᱤᱡᱚᱜ ᱛᱟᱦᱮᱸᱫ ᱾ ᱩᱱᱤ ᱱᱚᱶᱟ ᱫᱚ ᱟᱹᱰᱤ ᱵᱷᱟᱹᱜᱤ ᱞᱮᱠᱟᱭ ᱵᱟᱰᱟᱭ ᱛᱟᱦᱮᱸᱱ ᱫᱟᱲᱮ ᱟᱨ ᱚᱫᱷᱩᱠᱟᱨ ᱨᱮᱭᱟᱜ ᱫᱚ ᱛᱷᱚᱭ ᱜᱮ ᱵᱟᱹᱱᱩᱜ ᱟᱱᱟ ᱾ ᱜᱚᱨᱚᱵᱽ ᱨᱮᱭᱟᱜ ᱫᱟᱱᱟᱯᱟᱞ ᱞᱟᱛᱟᱨ ᱨᱮ ᱥᱟᱹᱨᱤ ᱛᱮᱫ ᱩᱠᱩ ᱠᱟᱛᱮ ᱛᱟᱦᱮᱸᱱ ᱫᱚ ᱩᱱᱤᱭ ᱦᱤᱨᱠᱟᱹ ᱟᱜ ᱠᱟᱱ ᱛᱟᱦᱮᱸᱱ ᱾
ᱢᱟᱪᱮᱫ ᱫᱚ ᱫᱷᱚᱨᱢᱚ ᱣᱟᱜ ᱨᱩᱯ ᱠᱟᱱᱟ ᱾ ᱟᱡᱟᱜ ᱛᱷᱩᱢ ᱛᱮ ᱯᱟᱹᱴᱷᱩᱣᱟᱹ ᱢᱟᱱᱣᱟᱨᱤ ᱜᱩᱱ ᱮ ᱟᱢᱮᱴ ᱫᱟᱲᱮ ᱡᱟᱝ-ᱟ ᱾ ᱢᱟᱪᱮᱫ ᱫᱟᱭᱟ ᱜᱮ ᱯᱟᱹᱴᱷᱩᱣᱟᱹ ᱫᱚ ᱥᱟᱶᱛᱟ ᱨᱮ ᱞᱟᱯᱷᱟᱝ ᱴᱷᱟᱶ ᱨᱮᱭ ᱫᱩᱲᱩᱵ ᱚᱪᱚ ᱮᱭᱟ ᱾ ᱢᱟᱪᱮᱫ ᱢᱟᱹᱱ ᱫᱚ ᱯᱟᱹᱴᱷᱩᱣᱟᱹ ᱟᱜ ᱯᱟᱞᱟᱴ ᱠᱟᱱᱟ ᱾